Контакт

Македонија

(Видео) Заев на состанокот со Атлантскиот совет: Сегашниот став на Бугарија е спротивен на меѓународното право

Објавено пред

Претседателот на Владата, Зоран Заев, учествуваше на панелот што го организира американскиот тинк-тенк Атлантски совет на тема „Северна Македонија на прагот на Европа“ како дел од истоимената студија што за нашата земја го подготвија експерти на Атлантскиот совет.

На дебатата, на која зедоа учество повеќе познавачи на современа Северна Македонија и на Западен Балкан, меѓу кои и поранешниот генерален секретар на НАТО, лорд Робертсон, амбасадорите Роберт Гелбарт, Мајкл Карпентер, како Џејмс Обрајан од транзицискиот тим на претседателот Џо Бајден и Дамјан Марфи од Комитетот за надворешна политика на Сенатот на САД, премиерот Зоран Заев одговараше на прашања од неколку клучни теми, кои беа поставени како прашања од страна на присутните и публиката.

Во врска со моментната ситуација со македонско-бугарските односи, премиерот Заев истакна дека непринципиелната позиција на Бугарија спречи овозможување на првата меѓувладина конференција со ЕУ, со што требаше да биде означен почетокот на преговорите.

„Нашиот став е дека пријателите не треба меѓу себе да се блокираат. Напротив, тие треба си помагаат. Бугарија мора да разбере дека имаме суверено право да се определиме и чувствуваме како Македонци, кои зборуваат македонски јазик, а со тоа да се почитуваат и сите европски идентитети што ги имаме во нашата земја. Сметам дека нивниот сегашен став е анахрон и е спротивен на меѓународното право. Ние како држава ќе продолжиме да ги правиме сите напори да постигнеме надминување на проблемите, притоа почитувајќи се себе си и другите. Нашата држава е Европа во мало“, нагласи премиерот Заев.

Во однос на внатрешните државни приоритети, премиерот Заев потенцира дека први на листата на Северна Македонија се унапредувањето на здравствениот и образовниот систем, борбата со корупцијата, како и постигнувањето на сите демократски стандарди во согласност со вредностите на ЕУ за да го оправда епитетот светилник на демократијата на Западен Балкан.

На прашањата за економијата премиерот Заев се осврна на фактот дека 10 нови компании, најмногу од земји што се наши сојузници во НАТО, инвестираат во нашата земја и во време на планетарна криза предизвикана од Ковид-19.

„Инсистираме на трансформација на нашата економија во зелена економија, односно ги заменуваме енергенсите што го трујат нашето општество, како што е јагленот, и ги конвертираме постојните енергетски капацитети да работат на сончева енергија. Преку овој процес, кој го нарекуваме праведна транзиција, овозможуваме и подобри плати и здравје за вработените во овој тип на индустрија. Со овој процес обезбедуваме дополнителна стабилност на Северна Македонија и здравје за нашите граѓани“, рече премиерот Заев.

Премиерот Заев одговараше и на повеќе прашања поврзани со актуелната ковид-ситуација и нагласи дека оваа глобална криза е, пред сѐ, здравствена, со што на прво место ја става грижата за здравјето на граѓаните.

„Кога станува збор за вакцините, ние работиме со сите наши партнери да овозможиме што е можно побрзо вакцинирање за нашите граѓани. Сакам да истакнам дека ние бевме во директна комуникација со нашите сојузници и дел од Ковакс-системот за набавка на вакцини за најдоброто за нашите граѓани. Во меѓувреме, склучивме и билатерални договори со одделни производители. Но, бидејќи станува збор првенствено за грижата за здравјето на нашите граѓани, а целата планета се соочува со проблем со квантитетот на вакцините што се на располагање, стапивме во договор и со другите производители од кои набргу очекуваме да ги добиеме договорените количини“, информира премиерот Заев на дебатата во организација на американскиот тинк-тенк Атлантски совет на тема „Северна Македонија на прагот на Европа“.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Државниот завод за статистика: Да бидеме одговорни за успешен попис

Објавено пред

Од Државниот завод за статистика информираат дека динамиката на попишување се одвива успешно.

Според нивните податоци, досега се попишани над 22 илјади лица од дијаспората.

Од оваа институција реагираат на, како што велат, низата шпекулации и дезинформации поврзани со најважната статистичка операција.

„Уште еднаш алармираме да не се пласираат лажни информации дека во апликацијата можеле да се внесат 13 нули во полето за матичен број. Ова не е возможно ниту, пак, видовме каков било доказ или print screen за вакво нешто. Сакаме јавноста да знае дека апликацијата не прави никакви приспособувања или обработка на податоците внесени од страна на попишувачите. Внесувањето на податоците и матичниот број е одговорност на секој поединец, кој пред законот е обврзан да внесува точни и проверени податоци“, стои во писмената реакција од Државниот завод за статистика.

Од таму додаваат дека внесените податоци од друга ИП-адреса преку VPN-врска на апликацијата за самопопишување не претставува дополнителен ризик за апликацијата, туку одговорнoст за самиот попишувач.

Истовремено, ја потсетуваат јавноста дека компанијата што ја изработи апликацијата за самопопишување, во согласност со Законот за пописот, е направена по светски стандарди и не може да биде одговорна за погрешно пополнети податоци од самопопишувањето.

„Ова, потенцираме уште еднаш, е одговорност на самите граѓани што ги внесуваат своите податоци, а тоа и е утврдено со законот. Да бидеме одговорни и заеднички да придонесеме за успешен попис“, апелираат од Државниот завод за статистика.

Прикажи повеќе...

Македонија

Заев: Нема да дозволам блокада на Собранието

Објавено пред

Одговарајќи на новинарско прашање за случувањата во врска со довербата на Владата, премиерот Зоран Заев рече дека вчерашната потврда за довербата во Владата носи одговорност да се деблокира работата на Собранието, каде што се закочени клучни закони, кои се во функција на развој на државата.

„Најважен е законот за енергетска ефикасност. Енергетската ефикасност и заштедата е важна исто колку и инвестициите. Имаме 25 милиони евра за државните институции и 10 милиони евра за општинските институции, тоа значи обновување детски градинки, обновување училишта, болници, спортски сали и слично. Вториот е 50 милиони евра од Светската банка за земјоделството, за откупни пунктови во Струмица, Скопје и во Ресен, ама најголемата суштина и придобивка на проектот е зголемување на продуктивноста во земјоделството – како од еден хектар со помалку трошоци да имаме поголемо производство, како да го осовремениме нашето земјоделство“, рече Заев.

Го објасни и третиот проект, трамвајот на тркала за Скопје, што, според него, ќе чини 70 милиони евра и за кој, како што рече, не треба да има потреба од натегање меѓу опозицијата и власта.

„Сите да застанеме, бргу да го реализираме тоа. Да не зборувам за законите од областа на културата, з-равството, од петтиот пакет мерки за помош директно кај граѓаните. Тоа е недозволиво. Нема да дозволам како претседател на Владата блокада во Собранието“, порача Заев.

Премиерот најави дека во наредните денови следуваат и нови политики со една конечна цел, како што рече, поголем напредок, зголемена ефикасност во државата, соработка, инклузија, кооперативнот на ниво на консензус.

Собранието вчера попладне ѝ изгласа доверба на Владата откако претходно тоа од пратениците усно го побара премиерот Зоран Заев.

Прикажи повеќе...

Македонија

Девет починати и 721 новозаболен од Ковид-19 во Македонија

Објавено пред

Во последните 24 часа се направени 3.323 тестирања, а регистрирани се 721 нов случај на Ковид-19, и тоа во: Скопје – 357, Прилеп – 72, Кавадарци и Гевгелија – по 42, Неготино – 30, Охрид – 26, Велес – 20, Гостивар – 18, Куманово – 17, Битола – 16, Кочани – 12, Крушево – 10, Струга – 8, Штип и Богданци – по 7, Крива Паланка – 5, Кичево, Ресен и Валандово – по 4, Тетово и Виница – по 3, Струмица, Делчево, Демир Капија и Пехчево – по 2, Свети Николе, Радовиш, Пробиштип, Кратово, Македонска Каменица и Дојран – по 1.

Регистрирани се 1.753 оздравени пациенти, и тоа од: Скопје – 750, Делчево – 120, Охрид – 97, Кавадарци – 85, Тетово – 80, Велес – 74, Струмица – 64, Гостивар – 57, Прилеп – 51, Битола – 42, Куманово и Кичево – по 38, Струга – 35, Штип – 25, Гевгелија, Ресен и Дебар – по 22, Крушево – 19, Неготино, Кочани и Демир Капија – по 15, Радовиш – 14, Крива Паланка – 12, Виница и Свети Николе – по 8, Богданци – 6, Македонски Брод – 4, Кратово – 3, Валандово, Пехчево, Пробиштип, Македонска Каменица и Берово – по 2, Дојран и Демир Хисар – по 1.

Пријавени се вкупно 9 починати лица – 3 пациенти од Скопје (85, 80, 69), 2 пациенти од Куманово (81, 74) и по 1 пациент од Прилеп (75), Велес (73), Крива Паланка (73) и Валандово (71). Осум пациенти се починати во болнички услови, а еден пациент е починат во домашни услови.

Направени се 3.323 теста преку: ИЈЗ – 679, ЦЈЗ Скопје – 131, „Авицена“ – 305, „Биотек“ – 317, „Жан Митрев“ („Филип Втори“) – 180, „Систина“ – 272, лабораторија „Лаор“ – 176, МАНУ – 0, Судска медицина – 14, ЦЈЗ Битола – 78, Клиника за инфективни болести и фебрилни состојби – 3, ГАК – 0, „Синлаб“ – 113, „Ремедика“ – 22, лабораторија во болницата во Козле – 0, ЈЗУ и ПЗУ (рапид-тест) – вкупно 1.029, УК Пулмологија со алергологија – 4, ГОБ „8 Септември“ – 0, лаборатории од странство – 0.

Досега во земјата се направени вкупно 533.505 тестирања на Ковид-19. Вкупната бројка на ковид-дијагностицирани лица во нашата земја од почетокот на епидемијата изнесува 105.269, бројката на оздравени пациенти е 93.942, на починати е 3.165, а бројот на активни случаи изнесува 8.162.

Според досега завршените епидемиолошки анализи, во моментот дистрибуцијата по градови е следна:

Дистрибуција по градови Заболени (нови) Активни случаи (вкупно)
Скопје 357, активни 3.750
Куманово 17, активни 314
Прилеп 72, активни 663
Тетово 3, активни 246
Гостивар 18, активни 145
Штип 7, активни 102
Велес 20, активни 223
Кавадарци 42, активни 561
Битола 16, активни 183
Охрид 26, активни 404
Струмица 2, активни 158
Струга 8, активни 163
Кочани 12, активни 88
Кичево 4, активни 40
Неготино 30, активни 279
Гевгелија 42, активни 243
Свети Николе 1, активни 19
Крива Паланка 5, активни 106
Ресен 4, активни 47
Дебар, активни 21
Делчево 2, активни 66
Радовиш 1, активни 10
Берово, активни 30
Пробиштип 1, активни 31
Виница 3, активни 23
Валандово 4, активни 33
Крушево 10, активни 76
Богданци 7, активни 52
Кратово 1, активни 26
Демир Хисар, активни 22
Македонски Брод, активни 4
Демир Капија 2, активни 27
Македонска Каменица 1, активни 2
Пехчево 2, активни 4
Дојран 1, активен 1

Прикажи повеќе...

Најново

Македонија2 часа

Девет починати и 721 новозаболен од Ковид-19 во Македонија

Во последните 24 часа се направени 3.323 тестирања, а регистрирани се 721 нов случај на Ковид-19, и тоа во: Скопје...

Македонија2 часа

„Фајзер-Бионтек“ ќе ни достави вкупно 800.280 вакцини, овој месец ќе пристигнат првите 21.000

Компанијата „Фајзер-Бионтек“ во 2021 година на Северна Македонија ќе ѝ испорача 800.280 дози вакцини, а испораката ќе се одвива во...

Македонија4 часа

МВР: Внимателно на социјалните мрежи, на „Тик-ток“ се шират повици опасни за малолетниците

Министерството за внатрешни работи ја информира јавноста дека од страна на Интерпол е добиена информација дека на профили на социјалната...

Регион5 часа

(Видео) Грција ја проценува штетата по земјотресот, десетици жители ја поминаа ноќта надвор

Експертите денес ја проценуваат штетата по земјотресот со јачина од 6,3 степени, што го погоди централниот дел на Грција, кога...

Македонија6 часа

Иницијативата за конгрес: Мицкоски лажеше дека има мнозинство, партијата доби ладен туш

Сè уште актуелниот претседател Христијан Мицкоски треба да ги стави интересите на државата и на партијата пред сопствените и да...

Македонија7 часа

Мнозинството е стабилно, велат од СДСМ по гласањето доверба на Владата

Мнозинството во Собранието е стабилно, Владата има силна поддршка, велат утрово од СДСМ, откако вчера 62 пратеници гласаа за доверба...

Европа7 часа

Секој граѓанин на Германија ќе добива по еден бесплатен тест неделно

Од следната недела секој германски граѓанин ќе има неделно по еден бесплатен тест на коронавирус, најави германската канцеларка Ангела Меркел....

Македонија7 часа

56 проценти зголемен бројот на заразени од коронавирус, Пановски советува брисевите да се земаат на отворено

Вчерашните 807 новозаразени и неделниот извештај на Институтот за јавно здравје, кој покажува зголемување на новозабоените од 56 отсто во...

Свет18 часа

Во Јужна Африка запленета голема количина на лажни вакцини против Ковид-19

Околу 2.400 дози на фалсификувани вакцини се запленети во Јужна Африка, а во Кина е разбиена мрежа на шверцери на...

Македонија23 часа

Владата доби доверба во Собранието, пратениците од ВМРО-ДПМНЕ не гласаа

За доверба на Владата гласаа 62 пратеници, без против и воздржани пратеници. Одлуката беше поздравена со аплауз од владејачкото мнозинство...

Македонија24 часа

Во земјава засега нема јужноафрикански вид, кај еден од повратниците од Занзибар детектиран британскиот вид на вирусот

Според анализите што денеска се направени во Македонската академија на науките и уметностите (МАНУ), на брисот од пациентот кој пред...

Македонија1 ден

Нови 807 заболени од Ковид-19, починале петмина

Во последните 24 часа се направени 3.312 тестирања, а регистрирани се 807 нови случаи на Ковид-19, и тоа во: Скопје...

Македонија1 ден

(Видео) Почна попишувањето на бездомните лица

Министерката за труд и социјална политика, Јагода Шахпаска, заедно со директорот на Државниот завод за статистика, Апостол Симовски, денеска го...

Македонија1 ден

Министерството за здравство: Задолжителен карантин за лицата што доаѓаат од сите јужноафрикански земји

Министерството за здравство соопшти дека Комисијата за заразни бoлести ќе предложи задолжителен домашен карантин од 14 дена за лицата што...

Регион1 ден

Русија ќе ѝ достави на Хрватска еден милион дози од вакцината „спутник В“

Русија може да достави милион дози од вакцината „спутник В“ во Хрватска во рок од една недела, пишува „Вечерњи лист“....

Регион1 ден

Србија е на четврто место во Европа според бројот на новозаболени од коронавирус

Србија е на четврто место во Европа според бројот на новозаболени со коронавирус на сто илјади граѓани, изјави за „Политика“...

Свет1 ден

Најопасните мутации на коронавирусот и нивните симптоми

Мутациите се нормална низа во животниот циклус на вирусот и сите негови нови соеви не мора да бидат нужно опасни...

Регион1 ден

Во Загреб 25 отсто од позитивните случаи се од британскиот сој, владата ќе купува руски вакцини

Британскиот сој е пронајден кај една четвртина од позитивните случаи на коронавирус во Загреб, а на ниво на цела Хрватска...

Свет1 ден

УНИЦЕФ: Училиштата се затворени речиси една година за 168 милиони ученици

За време на карантинот поради пандемијата на коронавирусот, училиштата беа затворени за речиси 168 милиони ученици во светот на една...

Европа1 ден

Експлозија во центарот за тестирање на Ковид-19 во Холандија, нема повредени

Пред отворањето на центарот за испитување на Ковид-19 во Бовенкарспел, град северно од Амстердам, одекна експлозија. Во несреќата нема повредени,...

Досие