Контакт

Македонија

(Видео) Заев на пуштање пречистителна станица во Кочани: Со приклучувањето на Виница, во Брегалница до Штип ќе тече чиста вода

Објавено пред

Претседателот на Владата Зоран Заев присуствуваше на пригодната свеченост по повод пуштањето во употреба на пречистителната станица за отпадни води во Кочани.

На настанот присуствуваа и амбасадорката на Швајцарија во нашата земја, Сибил Сутер Тејада, заменик министерот за животна средина и просторно планирање, Јани Макрадули, градоначалникот на Кочани, Николчо Илијев, и други претставници на општината. Заев истакна дека пречистителната станица за отпадни води во Кочани е една од најголемите инвестиции во Кочани во последните 50 години, и воедно најголемата донација на Одделот за економска соработка и развој на Швајцарскиот државен секретаријат за економски работи SECO во Северна Македонија вредна 21 милион швајцарски франци.

„Во име на овој факт ја изразувам нашата голема благодарност до Владата на Конфедерацијата Швајцарија, која континуирано и дарежливо учествува во развојот на многу области во нашата земја“, нагласи премиерот Заев и додаде дека пречистителната станица е една од најголемите во регионот, со капацитет од 65.000 еквивалент жители, со можност за приклучување и на соседната општина Виница.

Тој рече дека за таа цел од буџетот предвиден за Пречистителната станица беа издвоени 180.000 франци за изработка на физибилити студија, со која се потврдува можноста за техничка изводливост за приклучувањето на Виница во овој проект и со претходно издвоените 300.000 франци од буџетот на Кочани и со учеството на 1,8 милиони швајцарски франци на Министерството за животна средина и просторно планирање, е формирано учеството на граѓаните на нашата земја во изградбата на овој објект од извонредно значење за двете општини и за регионот.

„Со приклучувањето на Виница, во Брегалница до Штип ќе тече чиста вода. Грижата за еколошки одржлив објект доби и своја додадена вредност и со изградената фотоволтаична централа, со што ќе се покријат минимум 54 % од потрошувачката на електрична енергија на Пречистителната станица“, рече премиерот Заев, и дополни дека сме горди ваквите проекти да ги ставаме во функција на граѓаните, кои поддржани од Швајцарскиот државен секретаријат за економски работи SECO, го помагаат постигнувањето на европските стандарди за побрзо да ја изградиме Северна Македонија во држава според европските вредности.

Заменик министерот за животна средина и просторно планирање Јани Макрадули во своето обраќање истакна дека овој значаен објект потврдува дека заштитата на животната средина е на врвот на приоритетните активности на Владата на Република Северна Македонија.

„Свесни сме дека одржувајќи ја чиста природата, ја чуваме нашата иднина. Оваа пречистителна станица е пример како треба и идните објекти да се градат. Претставува позитивен пример, пример за штедење на енергија, пример за користење на обновливи извори, пример за користење на отпадот, со еден збор: пример за цирклуарна економија, најдобриот концепт или алатка со која се справуваме со предизвиците од климатските промени“, потенцираше Макрадули и информираше дека наскоро започнува градењето на пречистителните станици во Битола и Тетово, по што ќе следува реализацијата на вакви објекти за Штип и Велес кои ќе се реализираат со ИПА-3 програмите на ЕУ.

Следната година Владата и Министерството за ЖС ќе започнат и со градење на најголемата пречистителна станица во нашата држава во Скопје и знам дека за време на преговорите со ЕУ, ќе имаме поголем процент на опфат на население со пречистителни станици од многу сегашни ЕУ членки за време на нивното пристапување, истакна Макрадули.

Амбасадорката на Швајцарија Сибил Сутер Тејада го изрази задоволството што присуствува на пуштањето на пречистителната станица во Кочани како објект во кој е вложен најголем грант од долгорочната стратегија за соработка помеѓу двете земји, дека тоа задоволство е уште поголемо и заради ефикасноста со која е изградена станицата, дека со овој проект граѓаните на Кочани и на регионот го остваруваат сонот за чиста Брегалница како река од чии води се наводнуваа плодните полиња до Штип.

Градоначалникот на Општина Кочани Николчо Илијев ја потенцираше можноста за приклучување на соседната општина Виница и на околните места кон Пречистителната станица, со што ќе се придонесе за намалување на цената по единица жител и ќе се зголеми искористеноста на станицата.

„Значењето на овој проект е големо, затоа што заштитата на природните ресурси ќе придонесе за одржлив развој на Брегалничкиот Регион. Со подобрувањето на општинскиот систем за отпадни води, ќе обезбедиме поздрава животна средина, безбедно земјоделско производство и забрзување на локалниот економски развој“, рече градоначалникот на Кочани Илијев.

Македонија

(Видео) Мицкоски од Гевгелија: Време е за обединување против овие камиказа политичари

Објавено пред

Веќе неколку недели нашата теренска активност на ВМРО-ДПМНЕ и Коалицијата за подобра Македонија е на плоштадите, улиците во Македонија, разговараме со граѓаните и учиме од граѓаните, имаме чувство како  долго време некој да не ги слуша проблемите, оние обичните проблеми на нашите сограѓани, тоа беше нашиот мотив и тоа беше нашата водилка зошто одлучивме токму од сега, неколку месеци пред време, преку овие наши теренски активности да започнеме една голема широка дебата со граѓаните на Македонија и да можеме одблиску, очи во очи, гради во гради да ги слушнеме реалните проблеми, а потоа да понудиме и соодветни решенија за тие реални проблеми, не оние измислените и замислените коишто се носат во оние дебели кожени фотелји газејќи ги, ќе повторам, оние дебели персиски килими во Владата и во Брисел, туку овие директно очи во очи со нашите сограѓани, гради во гради, каде што ќе слушнеме некоја критика и за нас и за нашето однесување, ќе слушнеме некоја критика и за минатите влади на ВМРО-ДПМНЕ, им порача лидерот на ВМРО-ДПМНЕ, Христијан Мицкоски, на гевгеличани.

„Тоа што можеби било направено погрешно, а ќе треба да го коригираме во периодот што следи, но истовремено ќе ги слушнеме и вистинските проблеми коишто се резултат на погрешните политики на оваа сегашнава влада што ја предводи Зоран Заев и СДСМ, за да можеме да понудиме соодветни решенија, а тие решенија потоа да ги напишеме и во нашата предизборна програма, а потоа тоа што ќе се обврземе тоа што ќе го ветиме пред граѓаните и да го исполниме.

И не го зборувам ова како гола реторика, не го зборувам ова како филозофија туку навистина преку една ваква интерактивна комуникација од каде што ќе научиме многу од нашите сограѓани сакаме да покажеме дека Македонија може поинаку и дека ние како политичари можеме да се однесуваме поинаку и дека тоа што ќе го ветиме, тоа и ќе го исполниме.

Ќе се обидеме преку еден вид ново однесување да покажеме дека не се сите политичари во Македонија исти, дека онаа моментална перцепција што владее кај нашите сограѓани дека сите политичари се исти и дека ние сме практично лажливци и крадци, дека не е така, дека ние можеме поинаку, дека можеме да бидеме честити, дека можеме чесно да работиме и да работиме и да им служиме на граѓаните, бидејќи тие се тие коишто ни го даваат нас легитимитетот и тие нè бираат затоа што иднината што ќе ја оставиме на сите генерации на сите нам ни е потребна. Е тоа е она што ние преку оваа наша теренска активност, којашто ја именуваме разговори за обнова на Македонија сакаме да го покажеме. Да покажеме дека имаме поинакво лице, да покажеме дека не сме политичари коишто ќе ветуваат кога ќе дојдат избори, она што сакаат нашите сограѓани да го слушнат, не сме политичари што ќе ветуваат загарантиран откуп на пример за земјоделските производи, не сме политичари коишто ќе ветуваат поголеми субвенции, поголема поддршка за земјоделецот во Република Македонија, а потоа кога ќе дојдеме до фотелјите кога ќе нè  избере народот да бегаме како никогаш тоа да не сме го споменале, а само да уживаме во привилегиите коишто тие институции ни ги даваат и ништо да не работиме, да заборавиме дека тоа што сме го ветиле всушност не сме го ветувале. Па ќе дојдат следните избори неколку години потоа и повторно ќе ги рециклираме истите тие лаги, истите тие ветувања и тогаш повторно со раката на нашето срце, со главата благо налево наклонета и повторно истите тие лаги ќе ги рециклираме.

Не сме и нема да бидеме политичари коишто само ќе бидат овде на плоштадите пред кампања и ќе ветуваат дека младите имаат иднина, имаат перспектива, ќе ветуваме банкарски гаранции, ќе ветуваме младински гаранции, ќе ветуваме за студентите обновени студентски домови, ќе ветуваме поквалитетно образование, а потоа кога ќе заседнеме во истите тие институции, само привилегиите ќе ни бидат важни, ќе заборавиме и на младите, ќе заборавиме и на студентските домови, ќе заборавиме и на поквалитетното образование, ќе заборавиме и на младинската гаранција, ќе заборавиме практично на сè што сме ветувале, за повторно како расипана плоча на следните избори истото тоа да го рециклираме и повторно истото тоа ќе го ветуваме.

Ќе гледаме како тие млади луѓе веднаш после дипломирањето ги полнат аеродромите, охридскиот и скопскиот, ги полнат пероните на железничките пруги, со автобусите заминуваат трајно од нашата држава затоа што тука нема перспектива за нив, затоа што повторно од некои политичари коишто ги посетиле биле излажани, само за да го добијат нивниот глас. Ние не сме такви и нема да бидеме такви, тоа ви го ветуваме.

Нема да бидеме политичари коишто пред избори ќе се колнат во жицата, ќе се колнат во најмилото, ќе се колнат како талкале по семето изгубени низ времето и дека немале да го продаваат идентитетот, и дека немале да ги нарушуваат сите преговарачки позиции коишто нашата држава ги создавала во изминатиов период, а потоа кога ќе дојдат на власт, кога ќе почнат да врват тендерите, кога ќе почнат да врват провизиите во еден ресторан недалеку од овој преубав град Гевгелија, тогаш ќе заборават и на жицата, ќе заборават и на најмилото, ќе заборават и на времето и на семето, сè ќе заборават и како неразбрани трговци сè ќе истргуваат, само да можат повеќе провизија да лапнат и што подолго да трае нивниот политички живот.

Ќе заборават и на идентитетот, ќе заборават и на Македонецот, ќе заборават и на македонштината, но она што е најважно а што никогаш нема да им го простиме е што заборавија на Македонија. Јас ви ветувам дека првиот ден, новата влада на ВМРО-ДПМНЕ прво што ќе направи е одговорност за овие неразбрани трговци коишто распродадоа сè што значеше а што нè одржуваше обединети и силни, а тоа е македонштината и Македонецот во нас, јас ви ветувам деа ќе сносат одговорност.

Свесни бевме и за критиката, свесни бевме и за последиците коишто како политичка партија ги трпевме. Свесен бев и јас како претседател дека ќе ме искритикуваат граѓаните коишто денеска се незадоволни од ова арамиско секојдневие коешто го предводи оваа камиказа влада на чело со Зоран Заев. Свесен бев, но истовремено свесен бев и дека интересот на македонскиот народ од векови, не само сега, интересот на македонскиот народ и нашите сограѓани коишто се дел од нашата држава Република Македонија е секогаш обединета Европа, Македонија дел од тоа европско семејство.

И велевме и покрај сета жртва, сето понижување, сето омаловажување, сето она што ѝ го нанесе како срам Зоран Заев и СДСМ веќе трета година по ред, мислевме дека нашите партиски интереси и ценевме дека нашите партиски интереси требаше да ги ставиме во втор план. Треба да му дадеме шанса на процесот, работевме, работевме и во носењето на законите, ако некој ни велеше излезете од Парламентот и бојкотирајте го. Работевме и во единиците на локалната самоуправа во советите иако некој ни велеше бојкотирајте ги. Учествувавме на претседателските избори затоа што го имавме најдобриот кандидат којшто некогаш се појавил на македонската политичка сцена и бил кандидат за претседател на Република Македонија и верувавме дека можевме да победиме со професорката Гордана Сиљаноска-Давкова. Но бевме повторно жртва на тие исти измамници коишто направија инженеринг помеѓу двата изборни круга.

Ова е нашата битка, ова е битката на нашата генерација без разлика дали имаме 5 50 55 или 80 години. Сите сме ние денес иста генерација и делиме иста судбина. Од денеска почнува последната пресметка, од денеска ја најавувам големата победа на ВМРО-ДПМНЕ и Коалицијата за подобра Македонија. Од денеска ве повикувам секој оној кој мисли дека политиките на Зоран Заев и на СДСМ се погрешни го повикувам да ни се придружи без разлика дали е Македонец, Албанец, Турчин ,Ром Влав, Бошњак, Србин без разлика, нека ми простат останатите коишто не ги споменав, без разлика дали е некој од редовите на ВМРО-ДПМНЕ и Коалицијата за Македонија или е некој од редовите на СДСМ и нивната коалиција ако сте незадоволни, ако мислите дека вашата иднина е загрозена, повелете, придружете ни се, нашите врати за вас се отворени.

Ајде заеднички да ја победиме оваа битка, ова е битката за третиот Илинден и за нова поинаква модерна Македонија. Македонија каде што секој ќе има подеднаква шанса, Македонија силна држава каде што ќе има силни индивидуи“, порача Мицкоски.

Прикажи повеќе...

Македонија

Францускиот сенат го ратификуваше Протоколот за членство во НАТО

Објавено пред

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен без измени на 9 октомври од страна на Комитетот за надворешни работи, одбрана и вооружени сили, по извештајот на сенаторката Жоел Гаријо Мајлам.

Останува договорот да биде ратификуван и од Националното собрание при второто читање, по што тој дефинитивно ќе биде ратификуван од Франција.

Досега 24 земји членки целосно го завршија процесот на ратификација. Вчера тоа го сторија Италија и Велика Британија.

Очекувањата се дека Протоколот ќе биде ратификуван и со тоа членството во НАТО ќе се официјализира пред Самитот на алијансата, закажан за 3 и 4 декември во Лондон.

Прикажи повеќе...

Македонија

Демократски сојуз со писмо до Макрон: Со добивање датум сите реформски процеси ќе се одвиваат со многу поголем оптимизам

Објавено пред

Демократскиот сојуз во отворено писмо до францускиот претседател Емануел Макрон порача дека македонскиот народ и сите граѓани во изминатите 30 години направија многу компромиси и отстапки на патот кон ЕУ.

„Се откажавме од многу вредности и идентитетски прашања, ги менуваме уставот, знамето и, на крајот, името на државата, со надеж дека тие се пречки на нашиот пат кон ЕУ. Европерспективите се движечката сила на реформите и имплементацијата на преку 400 закони усогласени со евростандардите.

Постои граѓански и политички консензус за прифаќање на европските демократски вредности.

Свесни сме дека имаме уште многу работа на планот на реформите за достигнување на европските стандарди. Искрено се надеваме дека со добивање датум за почеток на преговорите, сите реформски процеси ќе се одвиваат со многу поголем оптимизам и позитивна енергија. Ќе се влијае на внатрешната и пошироката стабилност, за младите ќе се отворат нови перспективи во нашата држава и ќе се подобри економската ситуација.

Поради овие, како и поради илјада други причини, дајте ѝ шанса на Македонија да се движи напред. Се работи за преговарачки процес кој долго трае и во кој сме подготвени да ја оствариме крајната цел.

Вашиот позитивен став ќе има огромно влијание во Македонија и ќе остане врежан во колективната свест на граѓаните на Македонија.

Искрена благодарност!“ стои во писмото до Макрон.

Прикажи повеќе...

Најново

Свет2 часа

Турција ги прекинува воените операции во Сирија

Американскиот потпретседател Мајк Пенс изјави дека постигнал договор со турскиот претседател Реџеп Таип Ердоган за прекин на огнот во северна...

Регион4 часа

Рама: Направивме сè што побараа од нас

Го направивме тоа што го бараа, изјави албанскиот премиер Еди Рама., по состанокот со комесарот на ЕУ за соседска политика...

Македонија5 часа

Францускиот сенат го ратификуваше Протоколот за членство во НАТО

Францускиот Сенат го усвои предлог-законот за ратификација на Протоколот за членство на Република Северна Македонија во НАТО. Предлог-законот беше усвоен...

Свет5 часа

Лајен: Длабоко жалам, но најверојатно и денеска нема одлука за проширување

Нема сигнал дека на состанокот на лидерите на ЕУ во Брисел ќе биде постигната одлука за процесот на проширување на...

Регион6 часа

(Видео) Борисов: Македонија е колку Софија, каков ризик може да биде?

Бугарскиот премиер Бојко Борисов пред почетокот на самитот на лидерите на ЕУ рече дека Македонија и Албанија треба да добијат...

Македонија6 часа

(Видео) Пакети со хигиенски влошки ќе се донираат на сиромашни жени и девојчиња

Пакети со хигиенски влошки, кои граѓаните ги донираа денеска на собирен пункт во „Веро Центар“, ќе бидат поделени на жени...

Македонија8 часа

(Видео) Манчевски: Регистарот на населението ќе помогне за прочистување на Избирачкиот список

Регистарот на населението ќе биде алатка што ќе го помогне спроведувањето на пописот, а податоците од Регистарот ќе бидат искористени...

Македонија8 часа

Сивиот дом замина во историјата, децата од „Ранка Милановиќ“ сместени во групни домови

Во двата мали групни дома отворени денеска се згрижени децата што досега престојуваа во поранешната установа „Ранка Милановиќ“. Од денеска...

Топ10 часа

Скопјанец со пиштол на дијаболи сакал да ограби златарници во Охрид

Дваесет и тригодишен скопјанец со пиштол на дијаболи влегол во златарници во Охрид сакајќи да ги ограби. Според информациите на...

Македонија10 часа

(Видео) „Екогерила“: Масовна сеча на шума на Шара за да се градат хидроцентрали

Се опустошува шумата на Шар Планина, масовно се сечат дрвјата за да се градат хидроцентрали, апармираат невладините организации од Тетовскиот...

Топ10 часа

Расчистено убиството во Кочани – синот го избол татка си до смрт

Полицијата го расчисти убиството што се случи на крајот на септември во Кочани. Истрагата покажала дека синот со нож го...

Македонија10 часа

Заев-Тимерманс: ЕУ да донесе одлука за почеток на преговорите

Европската Унија сега треба да го направи одлучниот чекор и да донесе одлука за почеток на преговорите за пристапување во...

Европа11 час

Постигнат договор за брегзитот

Договорот за брегзитот, конечно, е постигнат денес во Брисел, јавуваат странските медиуми. Велика Британија и ЕУ се согласија за новиот...

Македонија12 часа

Меркел: Се исплаќа на Северна Македонија и на Албанија да им се даде европска перспектива

„Мислам дека се исплаќа на Северна Македонија и на Албанија да им се даде европска перспектива“, порача германската канцеларка Ангела...

Европа13 часа

Лаура Ковеси стана главен обвинител на ЕУ – ќе се бори против измами

Поранешната шефица на романската Дирекција за борбата против корупцијата, Лаура Кодрута Ковеси, ќе биде главен обвинител на Европската унија за...

Регион14 часа

Во Сараево малолетничка го убила новороденчето со помош на мајка си

Припадници на сараевската полиција уапсија малолетничка под сомнение дека го убила своето новороденче, а ја уапсиле и мајка ѝ под...

Свет14 часа

Турција нема да прогласи прекин на огнот на северот на Сирија

Турција нема да прогласи прекин на огнот во северна Сирија и нема да преговара со курдските борци, рече портпаролот на...

Европа14 часа

(Видео) Немири во Барселона, протестите не стивнуваат

Нови немири се случија синоќа во Барселона, кога се судрија демонстрантите и полицијата на третиот ден од протестите против пресудите...

Македонија1 ден

Заев и Туск очекуваат да се изнајде решение за почеток на преговорите

Во пријателска атмосфера и во искрен разговор вечерва во Брисел се одвиваше средбата меѓу премиерот, Зоран Заев и претседателот на...

Македонија1 ден

(Видео) Макрон: Ни треба малку повеќе време за позитивни сигнали кон Скопје и Тирана

По завршувањето на француско-германскиот совет на министри одржан во Тулуз, францускиот претседател Емануел Макрон и германската канцеларка Ангела Меркел одржаа...

Досие