Контакт

Македонија

(Видео) Зафировски: Владата на СДСМ, предводена од Зоран Заев и Венко Филипче, е во нов поход по провизии

Објавено пред

Владата на СДСМ, предводена од Зоран Заев и Венко Филипче, е во нов поход по провизии, вели Оливер Зафировски, член на Комисијата за здравство при ВМРО-ДПМНЕ.

dobivaj vesti na viber

Според него, за новиот клинички центар што го планираат немаат проект, освен физибилити студија од 30 страници, дали ова е покритие за кражба на народни пари.

За сето ова велат ќе потрошат нешто повеќе од половина милијарда евра, реагира Зафировски.

Тој потсети на случајот во Србија за каде, како што рече, есенва ќе има исто нов клинички центар, на површина од 86.000 метри квадратни, со 1.000 болнички кревети, со 20 операциони сали.

„Ама Србија за овој клинички центар ќе потроши не повеќе од 125 милиони евра. Огромна разлика за ист проект. Разлика од 400 милиони евра. Во Србија се планира и комплетна реконструкција на сите капацитети во Лесковац, во Врање, во Пирот, во Кикинда за да се намали притисокот врз клиничкиот центар во Белград и во Нови Сад. Значи она што го предлага ВМРО-ДПМНЕ, а тоа е дисперзиран здравствен систем, веќе се прави во другите земји“, потенцира Зафировски.

Според него, Филипче и Заев, како што додаде, се грижат само за 400-те милиони евра кои треба да ги споделат со нивните бизнис-партнери, а го обвинуваат ВМРО-ДПМНЕ дека е против закон за нов клинички центар.

„Не се работи за закон за нов клинички, туку само за предлог-закон за реализација на проект. Значи повторно само површни проекти, физибилити студии, а дотраениот и колабираниот клинички центар ‘Мајка Тереза’ е комплетно руниран и не ќе може да издржи уште една ваква или слична здравствена криза. Од сето ова јасно е дека се работи само за студии и измислени проекти кои никој пат нема да бидат реализирани. Затоа ВМРО-ДПМНЕ нема да го дозволи овој грабеж“, истакна Зафировски.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Средба Џафери – Гир

Објавено пред

Претседателот на Собранието, Талат Џафери, потпретседателите Горан Мисовски и Хусни Исмаили и координаторите на пратеничките групи застапени во Собранието, Јован Митрески, Никола Мицевски, Арбер Адеми и Сурија Рашиди одржаа работна средба со амбасадорот на Европската Унија во Република Северна Македонија, Дејвид Гир.

dobivaj vesti na viber

На средбата беа разменети мислења за актуелните случувања во Собранието, парламентарниот дијалог, работата на ЕУ-агендата и динамиката на усвојувањето на законите, вклучувањето на Собранието во скрининг-процесот и напредокот на дијалогот „Жан Моне“, а соговорниците се осврнаа и на уставните измени.

Заеднички беше оценето дека градењето доверба и добрата соработка меѓу партиите во Собранието не е важна само за успешна реализација на реформите врзани со евроинтеграцијата, туку дека и оваа соработка е важна бидејќи ја обликува политичката култура во земјата.

Беше договорено вакви средби да се одржуваат на редовна основа со цел да се разгледа одблиску напредокот на државата на патот кон Европската Унија.

Прикажи повеќе...

Македонија

Муцунски на работна средба со претставници на Стејт департментот: Потврдени одличните билатерални односи помеѓу Македонија и САД

Објавено пред

Потпретседателот на ВМРО-ДПМНЕ, Тимчо Муцунски, од вчера престојува во работна посета на Соединетите Американски Држави. Во рамките на посетата тој оствари работна средба со високи претставници на Стејт департментот.

dobivaj vesti na viber

„Во рамките на средбата со Стивен Џи, директор во Директоратот за јужноцентрална Европа, и Бенсон Сивек, офицер, кој е одговорен за Македонија, ги потврдивме одличните билатерални односи помеѓу нашата држава и САД, кои неопходно е во иднина да продолжат да се надградуваат во духот на стратешкото партнерство помеѓу двете земји“, напиша Муцунски во својата фејсбук-објава.

Муцунски во својата објава потенцира дека на средбата ја нагласил заложбата на ВМРО-ДПМНЕ за итни и темелни реформи во правосудниот систем, но и забрзан економски развој како одговор на тешката економска состојба во државата и високото ниво на криминал и корупција.

Во следните неколку дена тој ќе оствари средби со членови на Конгресот, високи претставници на меѓународните организации и ќе присуствува на националниот молитвен појадок, кој ќе се одржи утре во Вашингтон.

Прикажи повеќе...

Македонија

Мицкоски: Повикувам на мирно и достоинствено чествување на Гоце Делчев

Објавено пред

При денешната посета на општина Карбинци, претседателот на ВМРО-ДПМНЕ, Христијан Мицкоски, одговарајќи на новинарско прашање во однос на 4 февруари и дека тој ќе биде настан од висок ризик и дали се повикувани членови на информативни разговори во полициска станица, истакна дека има такви информации за такви информативни разговори и ги повика граѓаните во Македонија да не подлегнуваат на провокации и мирно, чесно и достоинствено да го чествуваат великанот Гоце Делчев.

dobivaj vesti na viber

„Имам информации за такви информативни разговори и јас ја користам оваа пригода да ги повикам граѓаните во Македонија да не подлегнуваат на провокациите што секојдневно се присутни и кои имаат само една цел и тие одат во полза само на една структура, а тоа е на Владата на ДУИ, поддржана од СДСМ, и на нашиот источен сосед. Ниту една провокација на која ќе потпадне кој било граѓанин не оди во полза на македонскиот народ и на Македонија како држава, затоа ги повикувам – ние сме мирен, честит, достоинствен народ, библиски народ, ќе потсетам, народ што знае да тагува, народ што знае да празнува, но и народ што знае да даде почест на луѓето, кој ги почитува, еден таков е великанот Делчев, и јас ги повикувам сите на тој ден достоинствено да се поклониме во црквата ‘Св. Спас’ во Скопје за да можеме да покажеме дека на овој народ местото му е онаму каде што одамна треба да му биде, а тоа е во Европа. А не да се враќаме назад и да не дозволиме оние корумпирани полициски структури, кои имаат обид да го разединат македонскиот народ, да успеат, ние треба да ги поразиме со едно достоинствено чествување на денот и затоа ги повикувам сите оние што тој ден ќе се одлучат достоинствено да го чествуваат“, нагласи Мицкоски.

На прашањето дали, сепак, се повикани членови на партијата на информативни разговори, Мицкоски нагласи дека има таква информација, но не сака да создава паника бидејќи навикнати се пет години да живеат под политички терор на Владата на СДСМ и ДУИ.

„Па, имам такви информации, но сега за сега не би сакал и не треба да создаваме паника, ние сме навикнати, пет години живееме под политички терор на Владата на СДСМ и ДУИ, навикнати сме, едноставно отпорни сме на сето тоа, повикувани се и ќе бидат повикувани сè до моментот додека оваа Влада не замине, потоа оние што ја злоупотребуваат таа позиција, ќе треба да дадат одговори на многу прашања и тогаш треба да бидат силни како што се сега силни, знаете кога ќе сте во институциите, имате чувство дека, ако малку помалку имате животно искуство, дека сте семоќни, но доаѓа денот кога ќе треба да дадете одговори на многу прашања и потоа нема бегање, нема плачење, нема лелекање, нема кукање, ќе треба да се дадат одговори, а тој ден доаѓа. Месеци се во прашање кога ќе дојде денот кога многумина во оваа држава за она што го правеа во овие 5 години ќе треба да дадат одговор“, истакна Мицкоски.

Во однос на прашањето дали на 4 февруари очекува каква било случка која би ја нарушила безбедносната состојба во државата, Мицкоски истакна дека каква било случка што би ја нарушила безбедноста би била само грев на Владата и на МВР бидејќи ако МВР ги слуша сите овие апели што ги упатува, добро се организира и не сака да дојде до таква случка, нема да дојде.

„Каква било случка која би ја нарушила, ќе биде само грев на Владата и на МВР бидејќи ако МВР ги слуша сите овие апели што ние ги упатуваме и добро се организира и не сака да дојде до таква случка, верувајте, нема да дојде. Но, доколку Спасовски и луѓето околу него сакаат да дојде до таква случка, ќе дојде. Така што, единствен виновник ќе бидат тие“, нагласи Мицкоски.

Прикажи повеќе...

Најново

Европа35 минути

Оланд: Путин не е луд, туку е радикално рационален

Поранешниот француски претседател, Франсоа Оланд, смета дека рускиот претседател Владимир Путин не е луд, туку радикално рационален лидер, кој е...

Економија2 часа

Се намалуваат цените на горивата

Регулаторната комисија за енергетика и водни услуги донесе одлука со која се врши намалување на малопродажните цени на нафтените деривати...

Македонија2 часа

(Видео) Мицкоски: Наместо поддршка на Ахмети и Груби, Тупанчески да воспостави европски вредности

„Ако министерот за правда и мој колега од Универзитетот ‘Свети Кирил и Методиј’, редовен професор, е мотивирачки да сме во...

Македонија3 часа

Тупанчески не негира дека ќе го сменат: Беше лиферувано дека Министерството ќе биде ставено на берза

Министерот за правда, Никола Тупанчески, не е загрижен доколку го сменат од функцијата, ниту негира дека тоа ќе се случи...

Европа4 часа

Кремљ: Помошта од САД за Киев директен пат кон зголемена тензија и ескалација

Портпаролот на Кремљ, Дмитриј Песков, изјави дека нема планови за разговори меѓу рускиот претседател, Владимир Путин, и американскиот претседател, Џозеф...

Македонија5 часа

ВМРО-НП бара власта да докаже дали Ванчо Михајлов е соработник на фашизмот

„Во поглед на сè почестите нагласувања на тоа дека треба да се забрани и затвори македонскиот клуб ‘Ванчо Михајлов’ поради...

Регион6 часа

Авион принудно слета во Белград, патник починал за време на летот

Едно лице починало кога му се слошило во авион, кој синоќа принудно слетал на белградскиот аеродром, соопшти утрово итната помош....

Македонија7 часа

Грковска – Шахин: Поддршката на САД за интеграција на Македонија во ЕУ клучен сегмент за стабилноста во Балканскиот Регион

Заменичката на претседателот на Владата задолжена за политики за добро владеење, Славица Грковска, во рамките на работната посета на Вашингтон,...

Македонија7 часа

СДСМ: Парламентарното мнозинство на СДСМ се зголемува, чекор напред за поддршка на членството во ЕУ

Парламентарното мнозинство предводено од СДСМ се зголемува како чекор напред за проширување на сојузот за поддршка на членството во ЕУ....

Свет7 часа

Заврши паниката во Австралија: пронајдена радиоактивната капсула од 8 милиметри по која се трагаше со денови

Во Австралија е пронајдена исчезнатата мала радиоактивна капсула, што исчезна минатата недела, а бидејќи е многу мала, се вели дека...

Свет8 часа

Непозната жена се обидела со автомобил да влезе во седиштето на ОН

Жена се обидела денеска со автомобил да влезе во седиштето на Обединетите нации во Њујорк, кое е затворено поради празникот....

Свет8 часа

Бајден испраќа во Украина моќни ракети, но не се тие што ги бараше Зеленски

САД подготвуваат пакет воена помош од 2 милијарди долари за Украина, вклучително и ракети со долг дострел, објави „Ројтерс“, повикувајќи...

Македонија17 часа

ИО на СДСМ донесе одлука да продолжат разговорите за зголемување на мнозинството со Алијанса

Портпаролката на СДСМ Богданка Кузеска вечерва одржа прес-конференција на која кажа дека Извршниот одбор на партијата на денешната седница покрај...

Свет20 часа

Русија призна дека нелегално мобилизирала над 9.000 луѓе

Русија призна дека од есента неоправдано регрутирала неколку илјади луѓе за војната против Украина. „ Повеќе од 9.000 граѓани кои...

Свет21 час

Лукашенко: Ако на нашите руски браќа им затреба помош, ние сме подготвени

Претседателот на Белорусија Александар Лукашенко изјави дека неговата земја е „веќе подготвена“ да и понуди поголема помош на Русија во...

Економија22 часа

(Видео) Ковачевски: Со зголеменото производство на електрична енергија до намалување на цената на струјата

Зголеменото производство на електрична енергија е основа наредниот период да имаме можно намалување на електричната енергија, истакна претседателот на Владата,...

Регион23 часа

„Еуроњуз“: САД го блокираа влезот на Косово во Советот на Европа

Министерствата за надворешни работи на одредени европски земји, кои се членки на Советот на Европа, добија нота од амбасадите на...

Македонија1 ден

ИНТЕГРА алармира – се инфилтрира моќна странска служба која работи на спречување на евро-атлантската траекторија на Македонија

„Случајот со претепаниот Христијан Пендиков е само вовед во провокациите што ќе следуваат како што се доближуваат 4 февруари и...

Македонија1 ден

(Видео) Стоилковски: Затворите се решето во кое останува само оној што нема конекции со СДС

„Затворите се решето во кое останува само оној што нема конекции со СДС. Одговорни за тоа се затворските управи и...

Економија1 ден

Ковачевски: Иако сите очекуваа зголемување на цената на струјата, сметките за малите потрошувачи се намалија

Зголеменото производство на електрична енергија е основа наредниот период да имаме можно намалување на електричната енергија, истакна премиерот Димитар Ковачевски...