Контакт

Македонија

(Видео) Кочоска: Во аферата „Еуростандард“ тешка 200 милиони евра делени им се над 20 милиони евра кредити без покритие на струмички компании

Објавено пред

Пропаѓањето на Еуростандард банка, вториот ТАТ, е афера тешка речиси 200 милиони евра, колку што и вредеше активата на банката заклучно со 31.12.2018 година, за жал, последниот јавно расположлив ревизорски извештај на банката, изјави Гордана Димитриеска-Кочоска, претседател на Комисијата за материјално финансиско работење на ВМРО-ДПМНЕ.

„Епилогот е 100 илјади блокирани сметки, четириесетина илјади пензионери без своите пензии, измамени штедачи и над 20 милиони евра депозити, кои ќе останат непокриени. Но, воедно, овде се отвора и сомнеж за криминално и коруптивно работење.

Според неа, вистинското прашање во аферата е на кој начин се одобрувани кредитите, кои набргу, како што вели, станувале лоши пласмани и зошто тоа било премолчувано од најмалку три финансиски институции задолжени за контрола на банките.

„Дали е точно дека во аферата за Еуростандард банка тешка 200 милиони евра над 55 милиони евра кредити без покритие им се делени на разни компании, меѓу кои и струмички компании блиски до власта? Јавноста ја интересира кои се тие компании што зеле пари без покритие или со хипотеки со преценета вредност. Сомнежот е дека се делени кредити за недвижности со нереална и натпроценета вредност, со цел да се добијат повеќе пари. Да потсетиме дека Зоран Заев изјави оти знаел за работењето на банката една година, а министерката за финансии заштедата од 250 илјади евра навреме си ја извадила од банката. Ова е коруптивен случај чии пипала одат до највисоките структури на власта“, истакна Кочоска.

На новинарско прашање кој е коментарот на ВМРО-ДПМНЕ по објаснувањето на антикорупциската комисија дека поранешната министерка за финансии, Нина Ангеловска, имала етичка одговорност, но немала кривична одговорност со тоа што си ги повлекла парите, Кочоска вели дека е шокирана.

„Ако Зоран Заев изјави дека пред една година точно знаел дека банката има проблеми и ако точно пред една година, па можеби и повеќе од тоа, бидејќи гувернерката досега не се произнесе во однос на тоа кога и во кој момент адекватноста на капиталот на банката паднал под 8, во согласност со законскиот минимум, тоа значи дека банката требало да биде затворена една година претходно. Во меѓувреме, Нина Ангеловска станува министер за финансии, поминува една година во која банката е под тој законски минимум и министерката полека полека си го намалува својот депозит. И уште, нели, најшокантно, на еден и пол месец пред изборите таа си ги повлекува и последните средства, а притоа да не заборавиме таа е дел од Комитетот за финасиска стабилност. Како може Нина Ангеловска да нема информации и да не знае дека банката последната година имала проблеми. Оттука се поставува прашањето дали таа намерно и полека го вадела својот депозит за да не биде забележливо одеднаш и притоа токму поради такви случаи како Нина Ангеловска, кои требало во последната година да ги повлечат своите депозити, се одолжуваше стечајот на банката и не баш пред изборите, не знам зошто, повторно гувернерката ќе треба да одговори на прашањето, туку по изборите, ние имаме отворање стечај на банката. Антикорупциската, според мене, и не само според мене, туку тоа е и ставот на ВМРО-ДПМНЕ, е само продолжена рака на Зоран Заев. Со оваа одлука што ја донесе, тоа е и ништо повеќе не може да се заклучи за антикорупциската“, порача Кочоска.

Македонија

Во Скопје казнети 20 мотоциклисти и 102 возачи за пречекорена брзина

Објавено пред

Во текот на вчерашниот ден (26. септември), на територијата на Скопје полицијата изрекла вкупно 266 казни за прекршоци во областа на сообраќајот.

Како што информираат од МВР, за возење без возачка дозвола казнети биле 13 лица, за пречекорување на дозволената брзина биле изречени 102 казни, затекнати биле 9 нерегистрирани возила, санкционирани 20 мотоциклисти, а казни добиле и 87 возачи за непрописно паркирање.

Со „пајак“ биле отстранети 63 возила, а изречени се и 18 санкции за неносење на заштитна маска.

Од МВР потсетуваат дека засилените сообраќајни контроли ќе продолжат и во наредните денови.

Прикажи повеќе...

Македонија

Османи во Брисел со високи претставници на ЕУ ќе разговара за европското досие на Северна Македонија

Објавено пред

Mинистерот за надворешни работи, Бујар Османи, од утре е во дводневна работна посета на Берисел, каде ќе се сретне со високи претставници на Европските институции.

Како што информираат од ресорното министерство, во рамките на посетата Османи ќе оствари средба со високиот претставник за надворешна и безбедносна политика на ЕУ и потпретседател на Европската комисија, Жозеп Борељ, како и со потпретседателката на Европската комисија задолжена за демократија и демографија, Дубравка Шуица.

Во рамките на посетата, Османи ќе оствари средба и со еврокомесарот за соседска политика и проширување, Оливер Вархеи, а предвидени се средби и со високи официјални претставници на Европскиот парламент и европарламентарци, меѓу кои потпретседателката на Европскиот парламент, Клара Добрев, копретседавачот со Заедничкиот парламентарен комитет помеѓу ЕУ и МК, Андреас Шидер, известителот за Северна Македонија Илхан Кјучук, како и други влијателни европратеници.

Агендата на министерот Османи предвидува и средба со Мирослав Лајчак, посебен претставник на ЕУ за Западниот Балкан и дијалогот Белград – Приштина.

Како што информираат од ресорното министерство, клучна точка на разговорите ќе биде европското досие на Северна Македонија.

Прикажи повеќе...

Македонија

Променливо облачно време и температури до 25 степени

Објавено пред

Времето денеска ќе биде променливо облачно со сончеви периоди и со услови за слаб локален дожд, информираат од Управата за хидрометеоролошки работи.

Ќе дува умерен, повремено засилен јужен ветер. Минималната температура ќе биде во интервал од 4 до 11, а максималната ќе достигне од 19 до 25 Целзиусови степени.

Во Скопје, променливо облачно со сончеви периоди и со слаб до умерен јужен ветер. Минималната температура ќе се спушти до 10, а максималната ќе достигне до 22 степена.

Помалку услови за појава на дожд ќе има во западните делови, а потоа до вторник ќе преовладува променливо облачно и посвежо време со повремени врнежи од дожд и засилен ветер претежно од јужен правец.

Прикажи повеќе...

Најново

Свет5 минути

Во Нагорно-Карабах прогласена воена состојба

Властите во регионот Нагорно-Карабах воведоа воено законодавство поради ескалацијата на конфликтот со Азербејџан, пренесува агенцијата „Тасс“ Ерменските медиуми објавија дека...

Европа47 минути

Швајцарците гласаат дали сакаат раскинување на договорт за слободно движење со ЕУ

Швајцарските гласачи денеска одлучуваат дали сакаат да го поништат Договорот со ЕУ за слободно движење на луѓето, што е важен...

Свет2 часа

Во светот активни се речиси 8 милиони случаи на коронавирус

Во светски рамки, од почетокот на пандемијата се потврдени 33.058.423 случаи на коронавирус, а моментно се активни 7.649.933 случаи, покажуваат...

Свет2 часа

Ерменија и Азербејџан започнаа нов судир за Нагорно-Карабах, урнати дронови и хеликоптери

Како што јавува Би-би-си, Ерменија и Азербејџан започнале судири околу регионот Нагорно-Карабах. Ерменскиот премиер Никол Пашинјан изјави дека Азербејџан извршил...

Економија14 часа

Најбогатиот Британец и заговорник за брегзит се пресели во Монако

Сер Џим Ретклиф, најбогатиот Британец и еден од водечките поборници за брегзит, ја напушти Велика Британија и се пресели во...

Европа16 часа

(Видео) Лондон: Илјадници луѓе протестираа против рестриктивните мерки, полицијата принудена да интервенира

Британската полиција денеска ги растури демонстрациите во центарот на Лондон против рестрикциите наметнати поради коронавирусот. Полицијата интервенираше откако насобраните ги...

Македонија18 часа

141 новозаразени од Ковид-19, почина пациент од Скопје

Министерството за здравство информира дека во последните 24 часа се направени 1.559 тестирања, а регистрирани се 141 нови случаи на...

Македонија19 часа

(Видео) Протест против полициската бруталност во Битола: „Сакаме правда, и Ромите се граѓани“

Со извикување на паролите „И Ромите се граѓани“, „Нема правда, нема мир“, „Правда за Ромите“, „Роми полицајци“ денеска во Битола...

Свет20 часа

Астронаутка ќе гласа од вселената на изборите во САД

Астронаутката на НАСА, Кејт Рубинс, рече дека ќе гласа од вселената, на повеќе од 300 километри над Земјата, на претстојните...

Македонија21 час

(Видео) Пендаровски и Пахор во Кампот за обука на вода во Охрид

Претседателот и врховен командант на вооружените сили, Стево Пендаровски и претседателот на Република Словенија, Борут Пахор денеска во Охрид го...

Свет21 час

Украинскиот претседател бара објективна истрага за падот на авионот

Украинскиот претседател Володомир Зеленски изјави дека ќе се испитаат брзо и непристрасно причините за падот на воениот авион во кој...

Топ22 часа

Приведени 10 лица поради нападот на полицајци во Прилеп

ОВР Прилеп до Основното јавно обвинителство Прилеп поднесе кривична пријава против 10 лица, и тоа: Е.Е.(28), Е.И.(30), Ф.Ќ.(37), С.А.(40), Ф.Ќ.(43),...

Топ23 часа

Приведени двајца скопјани – удриле во полицаец додека мерел со радар

Двајца скопјани се приведени откако удриле во сообраќаен полицаец во Скопје. Како што информира МВР, приведени се А.Д.(19) и К.М.(21)...

Македонија24 часа

МОН: Националната платформа достапна за учениците и родителите

Веб-страницата на Единствената национална платформа за онлајн учење од полноќ е веќе достапна за корисниците преку адресата www.schools.mk. Со цел...

Свет1 ден

По терористичкиот напад во Париз – уапсен главниот осомничен, приведени уште 6 лица

Седум лица се приведени за нападот пред поранешните канцеларии на сатиричниот неделник „Шарли Ебдо“, соопштија официјалните лица. Маж вооружен со...

Свет1 ден

(Видео) Се урна воен авион во Украина – загинаа 25 лица

Воен авион АН-26 се урна во близина на градот Чугуев во регионот Харков, јавува агенцијата Депо Харков, повикувајќи се на...

Македонија1 ден

Протест против полициската бруталност во Битола

Повеќе граѓански организации за денеска во Битола најавија протест против полициската бруталност, за кој повод е завчерашниот инцидент во кој...

Европа1 ден

Франција бара Брисел да ја принуди секоја членка на ЕУ да прими мигранти

Франција побара секоја земја членка на ЕУ да биде принудена да преземе дел од илегалните мигранти што пристигнуваат на европска...

Свет1 ден

Институт „Гамалеја“: Некои вакцинирани лица развиваат заштитни антитела по првата доза

Александар Гинтсбург, директор на рускиот институт „Гамалеја“, кој ја разви првата регистрирана вакцина против Ковид-19, изјави за „Спутник“ дека вакцинираните...

Топ2 дена

Тројца осомничени за производство и продажба на марихуана, едниот фатен додека ги кастрел стеблата во Визбегово

Скопското Обвинителство донесе наредба за спроведување истражна постапка против тројца 38-годишници за неовластено производство и продажба на марихуана. За таа...

Досие