Контакт

Македонија

(Видео) Македонија домаќин на симпозиум на тинк-танк организации на НР Кина и земјите од Централна и Источна Европа

Објавено пред

Премиерот Зоран Заев го отвори петтиот Симпозиум на тинк-танк организации на НР Кина и земјите од Централна и Источна Европа од процесот на соработка 16+1, чиј домаќин оваа година е Република Македонија, а е во организација на Институтот за геостратешки истражувања и надворешна политика при Министерството за надворешни работи.

На отворањето на Симпозиумот се обратија и претседателот на Македонската академија на науките и уметностите, Таки Фити, заменик-претседателот на Кинеската академија на општествени науки на министерско ниво, Ванг Чингчинг, амбасадорката и специјална претставничка на процесот на соработка 16+1 на НР Кина со земјите од Централна и Источна Европа, Хуо Јуџен и директорот на Институтот за геостратешки истражувања и надворешна политика, Абдулкадар Мемеди.

,,Овој Симпозиум е значаен чекор во процесот на поврзување помеѓу земјите од Централна и Источна Европа и НР Кина и продлабочување на заемната соработката. Oваа година ја одбележуваме 6-годишнината од соработката во Процесот 16+1, а исто така оваа година имаме значаен јубилеј, 25-годишнина од воспоставувањето на дипломатските односи меѓу Република Македонија и Народна Република Кина.

Изминатиов период Република Македонија и Народна Република Кина посветено работеа во насока на развивање на односи на пријателство и соработка и недвосмислено може да констатирам дека севкупните односи меѓу двете земји во моментов се на многу високо ниво.
Потпишувањето на меморандумот за соработка помеѓу Македонската академија на науките и уметностите и Кинеската академија за општествени науки во рамки на петтиот тинк-тенк симпозиум претставува значаен придонес за развој продлабочување на соработката помеѓу двете земји”, рече Заев.

Имајќи ги предвид исклучителната улога и влијание на Народна Република Кина во светската економија, како и интересот за поголема соработката со земјите во Централна и Источна Европа (ЦИЕ), Република Македонија безрезервно ја поздрави и прифати Иницијативата на Кина за зајакната соработка со 16-те земји од ЦИЕ во Процесот 16+1.

Според Заев, овој процес е важен за земјите од регионот, но и за цела Европска Унија бидејќи креира платформа за дискусија со Народна Република Кина и нејзината комплементарна улога при нашите заеднички заложби за поквалитетен живот на граѓаните.

,,Сакам да го потенцирам значењето на отворањето на Координативниот центар за културна соработка на земјите од Процесот 16+1 во Република Македонија во март оваа година. Заложбите на овој Центар, кој е со седиште во Скопје, се во насока на реафирмирање на централната улога на културата во подобрување на меѓусебното разбирање и културниот дијалог како главен основ за поголема соработка. Се радуваме што во 2019 година Република Македонија ќе биде домаќин на четвртиот Министерски состанок за култура на Процесот 16+1.

Соработката на НР Кина и земјите од ЦИЕ е добра основа за дополнителни заеднички активности во многу области со цел вклопување во рамката на соработката на Кина со ЕУ т.е. за имплементација на ЕУ – Кина Стратешката агенда за соработка 2020. Република Македонија особено ја поздравува зголемената соработка во економијата и трговијата меѓу земјите членки, проширувањето на финансиската и инвестициска соработка, транспортното поврзување, проширувањето на соработката на полето на иновациите, земјоделието, заштитата на животната средина, науката и образованието, енергијата и промовирање на меѓу културната соработка”, додаде тој.

Премиерот вели дека за Република Македонија, а верувам и за останатите земји од ЦИЕ е значајно да се слушнат позитивните искуства и пракси, да се дискутираат решенијата, новите трендови, да се слушнат конструктивните забелешки, што е важен влог кој ќе придонесе кон развој на економската соработка и социјалниот дијалог помеѓу нашите земји.

,,Токму затоа охрабрувам плодна дебата на овој Симпозиум на кој ќе се обратат професионалци и експерти кои работат во тинк-тенк организации на повеќе области, универзитетски професори и академици од Република Македонија, од НР Кина и од земјите на ЦИЕ. Редно е да учиме едни од други, така ќе се развиваме.За забрзување на економски развој на Република Македонија приоритет број еден претставува стабилноста на земјата, како и владеење на правото. Затоа мала национална економија како Република Македонија се стреми да биде дел од поголем безбедносен систем. Изминатиот период Владата на Република Македонија направи значителни активности за да ги унапредиме односите со сите соседни држави, што е прв и многу значаен чекор кон интеграцијата во ЕУ и членството во НАТО.

Овој историски момент е исклучително важен бидејќи со поканата за членство на земјата во НАТО, со започнатиот процес на преговори со ЕУ и со примената на новите економски политики, перформансите на економијата започнаа значително да се подобруваат и да покажуваат стабилизација и раст. На крај, верувам дека би било соодветно да се цитира кинеската поговорка, во која се вели: ,,Патот од илјада милји почнува со еден чекор”. Процесот 16+1, како еден чекор, е платформата за Република Македонија да продолжи со продлабочување на соработката со НР Кина и земјите од ЦИЕ. НР Кина поставува нови трендови во технологијата, е-трговијата, грижата за животната средина и инфраструктурата. Дополнително, искористувањето на економските потенцијали на соработка во областа на енергетиката и инфраструктурата, продлабочувањето на културните релации, доближувањето на луѓето едни со други, соработката во образованието и културата, ќе придонесат до подобрување на животниот стандард на нашите граѓани.
Јас сум убеден дека нашите земји во иднина можат да ги постигнат таргетираните цели за економски развој. Примената на новите технологии, модернизацијата, дигитализација и ревитализацијата на производствените, индустријализацијата, професионална институционална инфраструктура, квалитетен образовен систем кој продуцира кадри според потребите на пазарот на трудот, квалитетна патничка, како и железничка и енергетска инфраструктура, се цели кои верувам дека може да ги реализираме.

Во тој дух сакам да ја охрабрам плодната дискусија денес и утре на петтиот висок тинк-танк симпозиум на Народна Република Кина со земјите на ЦИЕ. Мое искрено очекување е дека научните трудови, анализи, факти, насоки и правци што ќе произлезат од овој Симпозиум ќе бидат силен инпут во понатамошното креирање на идните развојни активности на Процесот за соработка 16+1 и одлични алатки кои ќе бидат од помош на извршните власти”, додаде Заев.

Македонија

(Видео) Како ќе изгледа враќањето на училиште од 1 октомври: на секое дете ќе му се мери температура, маските ќе се вадат само за време на оброкот

Објавено пред

Министерството за образование и наука во соработка и со поддршка на УНИЦЕФ И УСАИД, изработи видео во кое на јасен и едноставен начин се прикажани протоколите на кои треба да се придржуваат учениците, наставниците и родителите, со враќањето на децата во училниците од први октомври годинава. Видеото е веќе достапно на официјалните ФБ профили на МОН, на министерката за образование и наука Мила Царовска, како и на ФБ профилите на УНИЦЕФ и УСАИД.

Оваа учебна година е поразлична од другите, бидејќи наставата ќе се одвива под посебни услови, но доколку сите се придржуваме до пропишаните протоколи лесно ќе се заштитиме од ширењето на вирусот.

Како ќе изгледа враќањето на училиште? #БезбедниНаУчилиште

Posted by Мила Царовска on Сабота, 19 септември 2020

Придржувањето на протоколите ќе биде особено важно за децата на помала возраст од прво до трето одделение коишто ќе следат настава со физичко присуство, затоа е многу значајно на едноставен начин, чекор по чекор да им објасниме како ќе изгледа еден училиштен ден, соопшти Министерството за образование и наука.

Тоа потсетува дека според протоколите на секое дете ќе му се мери температура при влез во училиштето. Децата ќе треба да држат растојание од најмалку 1,5 метар и за време на целиот престој во училиштето ќе носат маски на лицето освен за време на оброкот и активностите на отворено.

Според протоколот е предвидено и почесто миење на рацете и почесто проветрување на училниците. Заштитата од ширењето на Ковид-19 е заедничка одговорност на родителите, наставниците, учениците и на останатиот персонал, односно на сите нас. Само со придржување на протоколите сите заеднички ќе допринесеме да се заштитиме себе, нашите најблиски и целото јавно здравје, се вели во соопштението.

Прикажи повеќе...

Македонија

Филипче: Повеќе од 80 отсто од децата со акутни леукемии се излекувани

Објавено пред

Во чест на сите деца кои се борат со малигни заболувања, денеска на градскиот плоштад во Скопје се одржа настан во организација на Универзитетската клиника за детски болести, со кој се одбележа „Златен септември“ – месец за поддршка на децата со малигни заболувања, под мотото „Убаво е да бидеш јас“.

Целта на „Златен септември“ е да се подигне свесноста кај јавноста за овие болести кај децата и адолесцентите, за сите аспекти на нивната борба со канцер, како за времето поминато во болница така и за периодот по враќањето дома.

„Септември е месец за подигнување на свесноста за детските малигноми. Во нашата земја, најтешките случаи на деца кои имаат малигна болест се лекуваат на Клиниката за детски болести, благодарение на инфраструктурата и секако огромната експертиза којашто ја имаат лекарите кои работат на оваа клиника. Во изминатиот период инвестиравме многу. Нема дете за коешто нема биолошка терапија. Успешноста на лекување на детските малигноми е над 80%. Во овој момент целосно се реновира одделението за детска онкологија. Малку се успорија работите поради коронакризата, меѓутоа договорена е динамика со којашто целосното реновирање треба да заврши на почетокот на 2021 година во месец јануари“, изјави министерот за здравство, Венко Филипче.

Министерот Филипче рече дека во соработка со здружението САНО, која започна пред 2 години се вклучија како волонтери сите деца кои прележале малигна болест за да им помогнат на дечињата кои сега се лекуваат на детската клиника преку психолошка поддршка, одредени активности како читање на книги, анимирање итн.

Д-р Наташа Најдановска Алулоска, директорка на Клиниката за детски болести, вели дека Одделот за хематологија и онкологија при Клиниката е единствена специјализирана педијатриска болница во земјава каде се дијагностицираат и лекуваат деца со малигна болест на возраст до 14 години.

„За дијагноза и лекување на хемато-онколошкото одделение се применуваат современи терапевтски протоколи во согласност со препораките на Интернационалната педијатриска асоцијација. Леукемиите во детската возраст се лекуваат согласно протоколи кои се применуваат во сите Европски земји. Со овие терапии, се постигнува излекување кај повеќе од 95 отсто од децата со акутна лимфобластна леукемија, успех со кој се гордееме. Им благодарам на моите колеги и медицински сестри кои работат на овие одделенија. За нив нема пауза и во време на пандемија, приоритет без исклучок имаат децата“, изјави директорката Алулоска и истакна дека за овие деца и во овој тежок период беше обезбедена терапија во континуитет и ниту една терапија не беше одложена.

Министерството за здравство и Комисијата за заразни болести ги одобрија европските и светски протоколи за тестирање на децата за Ковид пред секое отпочнување на хемо-терапија, за да може терапијата да тече безбедно.

Годишно во земјава се откриваат 35-40 нови случаи на деца со малигна болест. Најчеста малигна болест во детската возраст е акутната леукемија, која се открива кај 30-35 проценти од децата од сите малигдни заболувања. Најчеста меѓу нив е акутната лимфобластна леукемија, АЛЛ, која се открива кај 80 проценти од децата со леукемии.

Од почетокот на 2020 година до денес дијагностицирани се вкупно 22 пациенти со малигна болест, од кои 14 деца се со акутна леукемија.

Прикажи повеќе...

Македонија

Османи: Предизвиците со Бугарија иако делуваат жестоко, тие се надминливи

Објавено пред

Министерот за надворешни работи, Бујар Османи, денеска ги претстави приоритетите во неговиот мандат. Како прв и најважен приоритет Османи ги посочи добрососедските односи, за кои посочи дека покрај имплементацијата на билатералните обврски, влегуваат во нова фаза на долгорочно и стабилно пријателство

„Наш прв приоритет се добрососедските односи, кои влегуваат во нова фаза од нашиот севкупен политички и општествен развој. Додека бев во Вицепремиер за европски прашања користев една изрека која во Секретаријатот за европски прашања, која беше испишана на едно пано на сите јазици на соседите – ‘Убаво е да имаш добри соседи, но вистинска победа е да ги имаш за пријатели’. Денес, откако практично ги затворивме, или можеби подобар – поактуелен термин би било ‘ги врамивме’ сите отворени прашања со соседите, пред нас се отвора предизвикот да го преминеме скалилото на добрососедство, и да ги отвориме можностите на длабоко и долгорочно пријателство“, посочи Османи.

Во рамките на презентација на овој приоритет Османи се осврна и на актуелните предизвици со Република Бугарија, за кои посочи дека иако делуваат жестоко, тие се надминливи токму поради врамувањето на билатералните односи во рамка која е содржана во Договорот за добрососедство потпишан меѓу двете земји.

Покрај односите со соседите, како втор приоритет Османи посочи и на регионалната обврска на земјата за создавање долгорочна стабилност и де-балканизација на регионот.

„Во регионот сè уште има отворени прашања кои нè засегаат сите нас, а претставуваат и важен меѓународен приоритет. Ние мора да преземеме обврска дека ќе бидеме стабилни партнери на Европската Унија и САД на Балканот, земја на која можат да се потпрат во имплементацијата и промоцијата на регионалната стабилност. За таа цел, покрај активниот придонес во регионалните иницијативи, предвидуваме создавање и на наша автентична иницијатива – Регионален центар за дијалог – ‘Преспа форум’, кој ќе биде платформа за добрососедство и решавање на билатералните прашања, но и форум од каде ќе произлезат нови инцијативи за регионална соработка“, посочи Османи.

Како посебен приоритет Османи посочи и на оформувањето на преговарачката рамка и стартот на преговорите, а ги претстави и приоритетите на надворешната политика во рамките на самиот процес на преговори

„Во првите 100 дена фокусот на надворешната политика е заокружувањето на преговарачката рамка и одржување на првата меѓувладина конференција, или формалниот старт на преговорите. За тоа се ставени сите капацитети во погон, и дозволете да изразам задоволство од работата на нашите дипломати, на нашите претставници, кои во ниту еден момент не дозволија нашата приказна да остане неискажана, аргументите необјаснети“, рече Османи.

Османи ја потенцираше и економската дипломатија како дополнителен приоритет на надворешната политика во претстојниот период.

Прикажи повеќе...

Најново

Македонија1 минута

(Видео) Како ќе изгледа враќањето на училиште од 1 октомври: на секое дете ќе му се мери температура, маските ќе се вадат само за време на оброкот

Министерството за образование и наука во соработка и со поддршка на УНИЦЕФ И УСАИД, изработи видео во кое на јасен...

Топ15 минути

Приведен светиниколец за мачење на животни

СВР Штип – ОВР Свети Николе ќе поднесе кривична пријава против М.Е. од селото Ерџелија, Свети Николе, поради мачење животни,...

Економија1 час

Фондот за иновации додели финансиска помош на 87 компании

Вкупно 87 компании, кои планираат да реализираат проекти во вредност од околу 3 милиони евра, се избрани во финалната селекција...

Гордана Јанкулоска, судење, Титаник Гордана Јанкулоска, судење, Титаник
Македонија5 часа

Јанкулоска: Ако некој ме бара, јас сум дома

Поранешната министерка за внатрешни работи, Гордана Јанкулоска, објави статус на „Фејсбук“ со кој ги негира информациите дека таа избегала откако...

Македонија5 часа

МОН: Децата кои немаат уреди за онлајн настава ќе може да ја следат од училница

Децата коишто немаат уреди за следење на онлајн настава во време на Ковид-19 ќе добијат можност за учење како и...

Свет6 часа

Трамп: До април ќе има вакцина за секој Американец

Претседателот на САД, Доналд Трамп, објави дека очекува до април САД да имаат доволно вакцини против коронавирус за секој Американец....

Македонија6 часа

За еден ден казнети 384 возачи во Скопје

Министерството за внатрешни работи во текот на вчерашниот ден продолжи со засилените акциски контроли во областа на сообраќајот. На територија...

Свет7 часа

Европската агенција за лекови одобри употреба на дексаметазон за лекување на Ковид-19

Европската агенција за лекови (ЕМА) одобри употреба на лекот дексаметазон за лекување на пациенти со Ковид-19 кои имаат проблеми со...

Топ7 часа

Млад скопјанец осомничен дека криел оружје и дрога во бункери во Бутел

Дваесет и четиригодишен скопјанец е осомничен дека ги сокрил оружјето, муницијата и дрогата во бункери во Бутел кои беа откриени...

Спорт7 часа

Либански фудбалер почина откако беше погоден од залутан куршум

Либанскиот фудбалер Мохамед Атви почина во болница откако беше погоден со залутан куршум во главата. 32-годишниот Атви бил погоден во...

Регион20 часа

Украдени ретки книги во вредност од 2,5 милиони фунти, пронајдени под подот на куќа во Романија

Околу 200 „незаменливи“ книги вредни повеќе од 2,5 милиони фунти (3,2 милиони американски долари), кои биле украдени од еден магацин...

Свет21 час

Трамп сакал да го ослободи Асанж, ако му кажел кој стои зад хакерскиот напад на Демократската партија

Американскиот претседател Доналд Трамп му понуди помилување на основачот на „Викиликс“, Џулијан Асанж, доколку открие кој стои зад хакирањето на...

Македонија22 часа

Отказ за советникот на Чулев поради насилно и недолично однесување

Министерството за внатрешни работи му даде отказ на Зоран Ѓорѓиевски, кој беше вработен како советник во кабинетот на министерот во...

Топ24 часа

Осумгодишно дете починало на пат кон болница

Вчера во Градската болница Куманово со возило на брза помош било донесено осумгодишно дете на реанимација. Детето било од Крива...

Македонија1 ден

Осум лица починаа од коронавирус, потврдени 144 нови случаи

Во последните 24 часа осум лица починаа, а потврдени се 144 нови случаи на коронавирус од 1.545 теста, соопшти Министерството...

Македонија1 ден

Мицкоски: На Јанкулоска ѝ судеа без докази затоа што не избра да биде слуга во скутот на Заев

„Мафијата на власт потроши над 8 милиони евра за службени возила, а за набавка на едно службено возило што го...

Македонија1 ден

40 илјади деца немаат компјутери за да следат онлајн-настава

Училиштата ќе отпечатат материјали за учење од дома за 40 илјади деца, кои немаат техничка опрема за следење на онлајн-наставата....

Македонија1 ден

Интегра го тужи Мицкоски, од него бара 100 илјади евра за клевета

Партијата Интегра поднесе тужба против лидерот на ВМРО-ДПМНЕ, Христијан Мицкоски, преку која бара 100.000 евра поради изнесени клевети и лаги...

Македонија1 ден

Обвинителството поднесе жалба за условната казна за сообраќајната несреќа кај Млечен ресторан

Основното јавно обвинителство Скопје до Апелациониот суд поднесе жалба на пресудата за условна казна за сообраќајната несреќа што пред две...

Регион1 ден

(Видео) Редок циклон пристигна во Грција, јахти летаат на сите страни

Исклучително редок медитерански циклон, „медикејн“, кого Грците го нарекоа Јанис, погоди делови oд Грција. Медиумите јавуваат дека јахтите се удираат...

Досие