Контакт

Македонија

(Видео) Мисајловски: Владејачкото мнозинство со ароганција и на сила со европско знаменце сака да го протне законот за учебници

Објавено пред

На денешната собраниска седница за законот за учебници, пратеникот од ВМРО-ДПМНЕ, Владо Мисајловски, посочи дека владејачкото мнозинство манипулира и го злоупотребува европското знаменце. Не може ваков битен закон да се носи во Собранието, па да се повлекува, без дебати, без дискусии, за на крајот да се усвои со ЕУ-знаменце.

„Револтот кон новата концепција за реформи во основното образование достигнува кулминација откога се слушна најавата дека ќе се заменуваат печатените учебници со дигитални. Не слушнавме од Министерството за образование ниту една издржана, убедлива анализа, ниту еден стратешки документ што планираат. Како планирате сето ова да го изведете. Некои брзоплети закони стигаат во Собранието, но нема јавна расправа. Гледате колку гнев, колку револтирани наставници, родители, студенти и ученици слушаме секој ден. Дали има образовна и темелна стратегија за сѐ ова што го правите. Еве јас, не само како пратеник, туку како и родител на две дечиња, сакам да чујам од вас детаљна анализа што подготвувате и зошто го повлековте законот, а сега го очекуваме со ЕУ-знаменце“, рече Мисајловски од собраниската говорница.

Не знам дали знаете дека се собира петиција, продолжи тој за укинувањето на сите овие реформи, особено за законот за учебници.

„Додека јас зборувам тука, ученици се гасат од онлајн-наставата и повикуваат на бојкот, се најавуваат пресови пред вашето Министерство за да покажат револт кон сѐ она што се случува. А од ваша страна гледаме само една ароганција и сила за да донесете закон со европско знаменце. Законот што стигна во Собранието требаше сите јавно да го расправаме. Да дебатираме, да поднесеме амандмани и нешто да прифатевте. Со ова повлекување што го направивте сакате да покажете дека ќе го донесете овој закон со сила. Ова е чист пример на манипулација и злоупотреба на европското знаменце“, истакна Мисајловски.

И во најразвиените земји во светот не планираат целосно да преминат на дигитализација во образовниот систем. Затоа, рече тој, печатени учебници ќе има, сакале вие тоа или не.

„Ние како родители ќе обезбедиме учебници. Ве убедувам во тоа. Дали за тоа ќе препишете казни, не е важно, учебници повторно ќе има. Од 25 до 40 илјади дечиња во основното образование не може да имаат технички помагала за следење на наставата. А Уставот предвидува сите граѓани да бидат еднакви. Вака на сила, со ароганција, само ќе удрите во ѕид. Се собираат групи на социјалните мрежи од речиси 70 илјади граѓани, каде што има револт, а гледам во тие групи и пратеници од СДСМ пишуваат и граѓаните им возвраќаат со гнев. А на крајот од денот – кој ќе трпи, ќе трпат учениците“, посочи Мисајловски.

Македонија

Заев од денеска во работна посета на Брисел, Мадрид и Атина

Објавено пред

Претседателот на Владата Зоран Заев, од денеска започнува европска работна агенда која опфаќа работни посети на Брисел, Мадрид и Атина.

Во седиштето на Европската Унија во Брисел, придружуван од заменик-претседателот на Владата задолжен за европски прашања, Никола Димитров и министерот за надворешни работи, Бујар Османи, премиерот Заев ќе оствари работни средби со претседателката на Европската комисија, Урсула фон дер Лајен, со претседателот на Европскиот парламент, Давид Сасоли, со Јосеп Борел, потпретседател на Европската комисија и Висок претставник за надворешна политика на ЕУ, со извршниот потпретседател на Европската Комисија, Франс Тимемерманс и со Оливер Вархеји, еврокомесар за соседска политика и проширување.

За време на посетата на Брисел премиерот Заев ќе има средба и со Аугусто Сантош Силва, министер за надворешни работи на Португалија, земја членка и актуелен претседавач со ЕУ.

Претседателот на Владата Зоран Заев, во Брисел уште ќе се сретне и со европарламентарците Дачиан Чолос, претседавач на групата Europe Renew, Илхан Ќучук, известител за Северна Македонија и со Мирослав Лајчак, специјален претставник на ЕУ.

Од Брисел, премиерот Заев, заедно со заменик-претседателот на Владата задолжен за европски прашања Никола Димитров, заминува за Мадрид.

Во главниот град на Кралството Шпанија, како прва посета на оваа земја на премиерско ниво, претседателот на Владата Заев ќе има средба со премиерот на Кралството Шпанија Педро Санчез и со Пилар Лоп Куенка, претседателка на шпанскиот Сенат.

За време на посетата на Мадрид, премиерот Заев ќе оствари средба и со Антони Гараменди, претседател на Шпанската конфедерација на работодавачи.

Премиерот Заев ќе ја заврши европската агенда со работна посета на Атина и со учество на Економскиот форум Делфи, заедно со вицепремиерот за економски прашања Фатмир Битиќи, со вицепремиерот за европски прашања Никола Димитров и со министерот за економија Крешник Бектеши.

Во Атина претседателот на Владата Заев ќе има средба со премиерот на Грција Киријакос Мицотакис.

На маргините на Економскиот форум Делфи Заев ќе има одделни средби со Алексис Ципрас, поранешен премиер на Грција и лидер на СИРИЗА, со Тони Блер, поранешен премиер на Велика Британија, како и со други политички претставници од меѓународната сцена и со претставници на компании и стопански комори.

Прикажи повеќе...

Македонија

Регистрирани нови 135 заболени и 14 починати од коронавирус во земјата

Објавено пред

Во последните 24 часа се направени 1.993 тестирања, а регистрирани се 135 нови случаи на КОВИД-19 во:
Скопје – 74, Куманово – 11, Битола – 7, Виница – 6, Прилеп , Тетово и Струмица – по 5, Охрид и Пробиштип – по 3, Велес, Штип, Кичево, Ресен и Радовиш – по 2 ,Кавадраци, Струга, Кочани, Свети Николе, Крива Паланка и Крушево – по 1.

Регистрирани се 298 оздравени пациенти од:
Скопје – 119, Куманово – 31,Битола – 30, Штип – 16, Струмица – 14, Велес – 13, Кочани – 11, Кичево – 9, Охрид – 8, Тетово и Виница – по 5, Гостивар, Струга, Свети Николе и Ресен – по 4, Радовиш, Валандово, Богданци и Демир Хисар – по 3, Гевгелија и Пехчево – по 2, Крива Паланка, Берово, Пробиштип, Кратово и Македонска Каменица – по 1.

Пријавени се вкупно 14 починати лица: 7 од Скопје (47г,64г,69г,71г,72г, 76г и 79г), 3 лица од Куманово (67г,71г, и 85г), и по 1 починато лице од Битола (49г), Струмица (78г), Кичево (82г) и Крива Паланка (85г). Од пријавените, сите 14 лица се починати во болнички услови.

Направени се 1.993 тестови преку: ИЈЗ-244, ЦЈЗ Скопје-63, ЦЈЗ Битола-90, ЦЈЗ Прилеп-19, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-10, Институт за микробиологија–149, МАНУ-48, Жан Митрев (Филип Втори)-94, Авицена-228, Биотек-238, Систина-177, лабораторија Лаор-174, Синлаб-14, Ремедика-0, Плодност–76, Генеа–0, ЈЗУ и ПЗУ (рапид тест) – вкупно 369.

Досега во земјата се направени вкупно 740.005 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 154.026, бројката на оздравени пациенти е 137.962, на починати е 5.093, а бројот на активни случаи изнесува 10.971.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно) Активни случаи (вкупно)
Скопје 67955, активни 5047
Куманово 8714, активни 877
Прилеп 8242, активни 449
Тетово 7177, активни 447
Битола 6229, активни 701
Велес 5446, активни 371
Гостивар 5146, активни 282
Кавадарци 5136, активни 222
Охрид 4962, активни 401
Штип 4937, активни 237
Струмица 4078, активни 216
Струга 2963, активни 137
Кочани 2756, активни 145
Кичево 2513, активни 231
Гевгелија 2185, активни 162
Неготино 2173, активни 133
Свети Николе 1512, активни 99
Ресен 1224, активни 176
Крива Паланка 1216, активни 46
Радовиш 1114, активни 89
Берово 1024, активни 25
Делчево 959, активни 68
Дебар 935, активни 25
Виница 857, активни 117
Пробиштип 782, активни 23
Валандово 664, активни 16
Богданци 494, активни 39
Крушево 490, активни 73
Демир Капија 396, активни 15
Демир Хисар 394, активни 57
Кратово 361, активни 9
Македонски Брод 356, активни 4
Пехчево 265, активни 12
Македонска Каменица 239, активни 16
Дојран 132, активни 4

Прикажи повеќе...

Македонија

(Видео) Заев: За мене е аманет борбата против фашизмот никогаш да не запре

Објавено пред

На Денот на победата над фашизмот во Втората светска војна, претседателот на Владата Зоран Заев, заедно со амбасадорката на САД во земјава Кејт Мери Брнз и претставници на Сојузот на борци се поклони пред споменикот подигнат во чест на петмина американски пилоти, во село Вратница, тетовско.

Двајца од нив ги загубија животите кога на 26 август 1944 година, нивниот авион беше соборен од окупаторските сили на територијата на тогашна Македонија. Останатите тројца членови на екипажот на американскиот бомбардер „Либератор Б-24 Г“, со кодно име „Наша Љубов“ кој бил погоден и паднал на падините на Шар Планина над селото Вратница, биле спасени и евакуирани на безбедно.

Како што истакна премиерот Заев, акцијата за нивно спасување од страната на населението од Вратница е еден редок и скапоцен настан кој на уште еден силен начин ја потврдува јасната и непоколеблива определба на македонскиот народ и на припадниците на сите други етнички заедници за време на Втората светска војна.

„ Застанати на страната на Сојузот на прогресивните антифашистички сили, не само што ставија крај на крвавата светска војна на бојните полиња, туку му ставија крај и на погромот на фашизмот заради кој беа погубени милиони недолжни цивили и луѓе во логорите на смртта. Сеќавањето и чествувањето на настанот од 1944 година во Вратница и поменот на петмина пилоти веќе е прифатен како еден од најсимболичните моменти од нашата заедничка соработка со САД“, рече Заев.

Осврнувајќи се на успешната соработка со САД, тој потсети на формалното сојузништво како членки во НАТО, и како уште едно признание за вредноста на Договорот за стратешко партнерство од 2008 година.

„Голема чест, а истовремено и гордост, како продолжувач на традициите, и како претседател на Владата на Република Северна Македонија, да се поклонам на борците кои се боревте и сé уште се борите против фашизмот. Се поклонувам на Вашето дело. И чест ми е да го продолжувам Вашето дело, кое за мене е аманет борбата против фашизмот никогаш да не запре“, истакна Заев.

Амбасадорката на САД, ја истакна важноста на денешниот настан и локацијата каде е подигната спомен плочата.

„ Ова е место каде што луѓето од обете наши земји можат да се соберат за да слават храброст пред опасностите и конфликтите. Токму на една планина во близина на 26 август 1944 година се урна американски бомбардер Б-24Д откако го погоди непријателски оган додека се враќаше во Италија од Романија. Селаните, изложени на голем личен ризик за себе и за своите семејства, им помогнале на тројцата преживеани по планината и извадиле тела на уште двајца и ги закопале. Тоа беше длабок чин на хуманост за кој мојата земја останува благодарна“, потсети Брнз.

Амбасадорката Брнз, се осврна и на предизвикот со кој целиот свет се соочува во изминатата година.

„Заедно ќе ги обновиме нашите економии, ќе ги заживееме нашите партнерства и ќе научиме од трагедијата, исто како што ги искористивме ужасите од Втората светска војна за да изградиме нов поредок од урнатините на Европа. Овој поредок служи како камен-темелник на стабилноста и просперитетот за овој континент, кој останува стабилен партнер за Соединетите држави. Што е најважно, се заснова на единство, соработка и взаемна доверба“, заклучи Брнз.

Прикажи повеќе...

Најново

Македонија15 минути

Регистрирани нови 135 заболени и 14 починати од коронавирус во земјата

Во последните 24 часа се направени 1.993 тестирања, а регистрирани се 135 нови случаи на КОВИД-19 во: Скопје – 74,...

Свет22 минути

(Видео) Илон Маск призна дека има Аспергеров синдром на телевизиско шоу

Елон Маск откри дека има Аспергеров синдром, за време на неговото гостување во американското ТВ-шоу „Saturday Night Live“. Тој откри...

Регион2 часа

(Видео) Хрватскиот министер за здравство вакцинираше граѓани

Хрватскиот министер за здравство, Вили Берош заедно со лекарите на Хрватскиот институт за јавно здравје и Наставниот институт за јавно...

Топ2 часа

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија3 часа

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија3 часа

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија4 часа

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет4 часа

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Македонија5 часа

Заев за „Катимерини“: Во 21 век да ја одредуваш историјата на друга нација не е во согласност со европскиот дух

Премиерот Зоран Заев во нeделното издание за грчки „Катимерини“, во интервјуто со наслов „Заедно за Балкан од 21 век“, говори...

Свет6 часа

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет17 часа

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион19 часа

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт20 часа

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ23 часа

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија23 часа

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Македонија24 часа

Во Македонија 198 нови случаи на коронавирус, 12 лица починаа

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа,...

Македонија1 ден

Мицкоски: Дволичноста на Пендаровски е заради притисокот врз него, реалноста е дека се согласи со мене за 27 април

Претседателот на ВМРО-ДПМНЕ, Христијан Мицкоски, по денешната посета на Општина Делчево одговарајќи на новинарско прашање, рече дека претседателот Стево Пендаровски...

Топ1 ден

Автомобил удри во дете на велосипед во Прилеп, возачот избегал

Малолетен велосипедист е тешко повреден откако во него удрил автомобил, а возачот избегал. Според информациите на МВР, несреќата се случила...

Македонија1 ден

Во болниците во Македонија од коронавирус се лекуваат 806 пациенти

Вкупната бројка на пациенти со коронавирус кои се лекуваат на инфективните оддели во Скопје и во болниците низ земјава е...

Свет1 ден

(Видео) Судир во џамија во Ерусалим – полицијата употреби гумени куршуми и водени топови

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17...

Досие