Контакт

Македонија

(Видео) Мицкоски: Младите претставуваат моторот на едно општество, но сега за жал студентите ја губат слободата, а нивниот глас не се слуша

Објавено пред

Унијата на млади сили на ВМРО-ДПМНЕ со панел дискусија го прослави Светскиот ден на студентите. На панел дискусијата присуствува претседателот на ВМРО-ДПМНЕ, Христијан Мицкоски, Иванка Василевска член на Извршниот комитет на ВМРО-ДПМНЕ и Јован Јаулески в.д. претседател на Унијата на млади сили на ВМРО-ДПМНЕ.

На панел дискусијата се разговараше за проблемите и предизвиците со кои се соочуваат македонските студенти, како и предлог решенија кои во иднина ќе ја подобрат положбата на македонскиот студент.

Професорката и член на Извршниот комитет на ВМРО-ДПМНЕ, Иванка Василевска во своето обраќање пред Унијата на млади сили на ВМРО-ДПМНЕ посочи дека погромот кој што се случува денес во целиот државно политички систем се чувствува и во високо образовните установи, а македонскиот студент денес е понесреќен од оној кој што студирал дури и од времето кога условите за студирање биле многу полоши од денес.

„Денес сме соочени со погромот кој што се случува воопшто во целиот државно политички систем на Република Македонија, а истиот го чувствуваме и силно не притиска и во делот на високо школските установи. Зошто македонскиот студент денес е понесреќен од оној пред 10-тина години или пред 20 кога јас бев студент и кога навистина беше нејасно дали Македонија навистина ќе продолжи, дали ќе успееме, дали ќе имаме можности кога немаше интернет, кога немаше толку можности да се патува и да се разменуваат искуства. Кога беше навистина привилегија и чест да се добие стипендија, да се добие некој студентски престој да се оди на некој семинар“ рече Василевска.

Таа изрази огромна благодарност до партијата ВМРО-ДПМНЕ поради искуствата и знаењата кои ги стекнала како член на партијата учествувајќи на настани организирани од партијата и другите партнерски институции, напоменувајќи ја Фондацијата „Кондрад Аденауер“.

Претседателот на ВМРО-ДПМНЕ, Христијан Мицкоски кој доаѓа од професорската фела го посочи иселувањето на младите од Македонија како еден од најголемите проблеми на државата, а вината за тоа ја пронајде кај неспособноста на власта.
Мицкоски порача дека силата е во младите кои претставуваат моторот на едно општество, но сега за жал студентите ја губат слободата, а нивниот глас не се слуша.

„Студентите се движечката сила на едно општество, моторот на промените, иновативноста, цутот на секое општество. Најдобар синоним за младиот човек е слободата, кога ја има, тогаш тие поместуваат граници, создаваат и креираат критериуми, вредности, а кога ја нема, тие се искрата од која почнуваат промените. Денес за жал нашата земја го живее можеби најцрното време. Студентите ја губат слободата, и некој ќе праша како е тоа можно, можно е кога тие имаат празен стомак, стипендии кои доцнат и не се зголемуваат, услови за сместување кои не се подобруваат, наставна програма која не се реформира, стандарди кои го пробиваат дното, глас на млади кој не се слуша“, истакна Мицкоски.

Претседателот на ВМРО-ДПМНЕ истакна дека ниту еден универзитет во Македонија не се наоѓа на Шангајската листа на најдобрите илјада универзитети во Македонија, а студентите кога ќе завршат со своите студии не можат да најдат работа. Токму поради ова Мицкоски посочи дека е потребно целосно преобразување и ново поглавје во односот кон студентите и младите.

В.д Претседателот на Унијата на млади сили, Јован Јаулески најави нова стратегија за млади која набрзо ќе биде презентирана во јавноста во која ќе има идеи и проекти кои ќе понудат алтернатива на безнадежноста во Македонија.

„Сакам да истакнам дека во наредниот период Унијата на млади сили работи на стратегија за млади која ќе биде презентирана во јавноста и исто така идеи и решенија од младите луѓе со кои што се изготвуваат проекти кои што со експертскиот тим на ВМРО-ДПМНЕ кога ќе биде време ќе бидат презентирани пред македонската јавност, се со цел како млади луѓе како авангарда кои треба да ја донесат промената во Република Македонија, да понудиме алтернатива за ова безнадежност“, заклучи Јаулески.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Фото) Црн крст исцртан пред домот на скопски бизнисмен

Објавено пред

Утрово пред домот на сопственикот на градежната компанија „Кубус“, Златко Тодоров, е испишан црн крст со неговото име, а истата порака ја има и на фасадите. МВР за „Макфакс“ го потврди случајот.

Фотографија од местото каде е исцртан крстот со името и презимето на бизнисменот

„На 18.02 во 8:30 часот З.Т. пријавил дека на улица Христо Смирненски има натпис на коловозот со испишана заканувачка порака при што истата порака ја има и на фасадите. Се преземаат мерки и активности за расчистување на случајот“. Минатата недела на неколку локации низ Скопје беа поставени натписи за истиот бизнисмен „Кој го штити Златко Тодоров во обвинителството и судот?“

Од полицијата известија дека во врска со опожарувањето на неговото возило, кое се случи лани, постапува скопското обвинителство. „Во врска со настан од 20.09.2018 година околу 4:00 часот на улица Христо Смирнески кога е опожарено патничко моторно возило Х5, со скопски регистарски ознаки сопственост на лицето К. Т. од Скопје кое го користел неговиот татко З. Т. од Скопје, од страна на увидна екипа од СВР Скопје беше извршен увид и преземени се соодветни мерки и активности. За случајот е известен и јавен обвинител кој во координација со МВР врз основ на прибавените докази дава насоки за расчистување на случајот“, велат од МВР за „Макфакс“.

Бизнисменот Златко Тодоров  рече за „Макфакс“ дека овие настани се последица од шестгодишното непостапување на обвинителстовото за кривичните пријави за случајот „Банки“. „Сите овие настани се последица на непостапувањето на обвинителството, по кривичните пријави, кои, по наши сознаија, МВР ги има поднесено во 2013 година и УБК преку БЈБ во 2017 година како и Упрвата за финансиската полиција“, вели Тодоров.

„Непостапувањето по кривичните пријави ги подгрева надежите на сторителите во аферата дека ќе се извлечат со вакви заплашувања и закани по живот. Арамиите се убедуваат дека ќе дојде до ослободување од процесот на кривично гонење. Во врска со натписите, во ‘Кубус’ нема еден купец кој побарал од нас аргументирано да постапиме дека има каков било проблем. Напротив. Склучени се и во тек на склучување има договори. Толку е за вербата што клиентите ја имаат во компанијата од 27 години работа.

Прикажи повеќе...

Македонија

(Видео) Заев: Силјановска е спротивност на концептот едно општество за сите

Објавено пред

Претседателскиот кандидат на ВМРО-ДПМНЕ, Гордана Силјановска, е надвор од секој можен концепт на актуелната власт и не е прифатливо решение за нас, изјави премиерот Зоран Заев по средбата со лидерот на ДУИ, Али Ахмети, на која разговараа за консензуален кандидат за претседател. Според него, опозицискиот кандидат воопшто не е профил за консензуален претседател и е спротивност на концептот едно општество за сите.

Таа во ниту еден сегмент не даде поддршка на тоа што цел свет го поддржува и огромното мнозинство на граѓаните. Македонија направи голем чекор напред, отидовме во исполнување на нашите децениски аспирации. Ние денеска сме земја каде што секоја недела се ратификува протоколот за НАТО, ние сме земја што е преговарач со ЕУ”, таа е надвор од секој концепт на живот, надеж и живеење на огромно мнозинство од граѓаните“, изјави Заев.

Премиерот не сакаше да открива можни имиња за кои разговарале со Ахмети, но рече дека до крајот на неделата ќе биде познато дали е прифатлив консензуален кандидат, откако ќе се направат внатрепартиски консултации.

За можно неисполнување на цензусот Заев остава на одговорноста на граѓаните. Вели дека во анкетите 78 отсто велат дека ќе излезат во двата круга, но тој сепак смета дека зависи од тоа колку партиите ќе ги мотивираат гласачите во предизборната кампања.

По средбата со Ахмети, Заев најави средби и со Мендух Тачи, Африм Гаши, Биљал Касами и Зијадин Села.

Прикажи повеќе...

Македонија

Вонреден технички преглед се прави на сите 40 автобуси на „Дурмо турс“

Објавено пред

Вонреден технички преглед се прави на сите автобуси на компанијата „Дурмо турс“ , дознава „Макфакс“. Вонредната проверка на исправноста на автобусите следи откако беше утврдено дека „Дурмо турс“ сам себе си вршел технички преглед, односно автобусите ги регистрирал во станицата за технички преглед чиј сопственик е Дурмиш Белули, кој е сопственик и на „Дурмо турс“.

Од Министерството за внатрешни работи велат дека поради истрагата на обвинителството за причините за несреќата, не можат да даваат информации поврзани со „Дурмо турс“, но уверуваат дека прават редовни контроли на сите станици за технички преглед.

Министерството за транспорт и врски веќе информираше дека оваа компанија има лиценцирано вкупно 40 автобуси, а освен меѓуопштинската линија Скопје – Гостивар, има и 18 линии за меѓународен превоз на кои возат 36 сертифицирани возачи.

Обвинителството денес соопшти дека поради координација и поголема динамика во постапувањето на сите надлежни институции при утврдувањето на причините на автобуската несреќа што се случи на автопатот Скопје – Тетово, кај селото Ласкарци, во скопското обвинителство се одржал работен состанок на претставници од обвинителството, Министерството за внатрешни работи, Бирото за судски вештачења, Машинскиот факултет во Скопје и на Институтот за судска медицина, криминалистика и медицинска деонтологија.

Обвинителството извести дека почнало испитувањето на очевидците на настанот, а до крајот на неделава очекуваат исказ да даде и возачот на автобусот. До Институтот за судска медицина биле доставени наредби за обезбедување на обдукциите на сите починати лица во несреќата, од здравствените установи била побарана медицинската документација за повредени, од мобилните оператори побарани се листинзи за разговорите на возачот, наредено е вештачење на телефонот, а до Машинскиот факултет била доставена наредба за вештачење на техничката исправност на автобусот.

Демократскиот сојуз вчера јавно побара да се направи вонреден технички преглед не само на сите автобуси на „Дурмо турс“ туку и на сите компании кои вршат превоз на патници, како и на сите станици за технички преглед на возилата.

Од Министерството за транспорт и врски велат дека во Македонија има вкупно 4.176 лиценцирани возила за превоз на патници.

Прикажи повеќе...

Најново

Македонија24 минути

(Видео) Заев: Силјановска е спротивност на концептот едно општество за сите

Претседателскиот кандидат на ВМРО-ДПМНЕ, Гордана Силјановска, е надвор од секој можен концепт на актуелната власт и не е прифатливо решение...

Македонија26 минути

Вонреден технички преглед се прави на сите 40 автобуси на „Дурмо турс“

Вонреден технички преглед се прави на сите автобуси на компанијата „Дурмо турс“ , дознава „Макфакс“. Вонредната проверка на исправноста на...

Македонија57 минути

(Видео) Ахмети: Не е добро Заев да биде претседателски кандидат

Лидерoт на ДУИ, Али Ахмети, по денешната средба со премиерот Зоран Заев не сакаше да открие кои се кандидатите за...

Македонија2 часа

Прибе без одговор до каде е имплементацијата на реформите

Рајнхард Прибе, германскиот експерт за владеење на правото кој ги предводеше експертските групи на Европската комисија во Македонија, не даде...

Топ2 часа

Заев: Дел од роднините на функционерите ќе се повлечат од работните места

Дел од роднините на функционерите кои се вработија во државни институции најавиле повлекување на работните места, изјави премиерот Зоран Заев....

Македонија2 часа

Велешкото обвинителство сè уште утврдува одговорност за автобуската несреќа кај Катланово од 2017 година

Велешкото јавно обвинителство сè уште утврдува каква одлука ќе донесе за автобуската несреќа што се случи во 2017 година кај...

Македонија4 часа

Пешов: Нухиу на 27 април не ми даде команда за делување

При упадот во Собранието на Република Македонија на 27 април 2017 година, тогашниот министер за внатрешни работи, Агим Нухиу, не...

Македонија5 часа

(Видео) Илија Димовски не дојде на судење – бил во Брисел на состанок на НАТО

Пратеникот Илија Димовски не беше присутен на денешното рочиште за предметот „Талир“. Тој на 13 февруари со писмен поднесок го...

Свет6 часа

Шест загинати и тројца повредени во престрелка во Мексико Сити

Шест лица загинаа, а тројца други се повредени во вооружена престрелка на криминална банда во предградието Изтапалапа во Мексико Сити,...

Свет7 часа

Влошена здравствената состојба на Сергеј Скрипал

Здравјето на поранешниот руски полковник на ГРУ Сергеј Скрипал, кој во март минатата година во Лондон беше затруен во обид...

Свет8 часа

ОБСЕ побара од Киев да ѝ дозволи на Русија да ги следи изборите

Претседателот на ОБСЕ, словачкиот министер за надворешни работи, Мирослав Лајчак, му посочи на својот украински колега Павло Климкин дека одбивањето...

Свет8 часа

Голем шумски пожар ја зафати ,,мртвата зона” во Чернобил

Голем пожар избувна во чернобилската Зона на исклученост, местото на најлошата нуклеарна катастрофа во историјата на човештвото, на околу 20 километри од...

Свет9 часа

Европа не ги сака назад своите граѓани борци на ИД како што бара Трамп

Трамп побара од европските земји да ги вратат дома и судски да ги гонат џихадистите заробени во Сирија, но барањето...

Македонија18 часа

Заев и коалиционите партнери се договорија да настапат со заеднички кандидат за претседател

Владејачката СДСМ и коалиционите партнери на вечерашната средба постигнале согласност за заеднички кандидат за претседател. Како што соопшти партијата, ваквата...

Македонија21 час

Седат ја пронајде девојката којашто ја извлекол од автобусот: ,,Никогаш нема да заборавам како ме молеше да ѝ помогнам”

Седата успеа да ја најде патничката на која ѝ помогнал да преживее под автобусот кој се преврте кај Ласкарци. Само...

Македонија23 часа

Реакции по навредите кон Силјановска: Срамно е да сатанизирате личност по возраст и пол

По серијата навреди на социјалните мрежи кон професорката по уставно право и претседателски кандидат на ВМРО-ДПМНЕ, Гордана Силјановска Давкова, невладини...

Македонија1 ден

Неколкумина повредени кај Ласкарци се во критична состојба, една пациентка е на операција

Во Градската општа болница „8-ми Септември“ од повредените од тешката автобуска несреќа на автопатот Скопје-Тетово, во моментов се лекуваат 18...

Свет1 ден

Од Пентагон уште не знаат колку пари ќе му дадат на Трамп за изградба на ѕидот

Вршителот на должноста министер за одбрана на САД, Патрик Шенахан, синоќа изјави дека се уште не утврдил колку пари ќе...

Македонија1 ден

Заев за наградата „Евалд Фон Клајст“: Со Ципрас поставивме основа за тоа како треба да работат идните генерации

На свечена церемонија, во присуство на дел од највисоките гости на годинешната Минхенска конференција за безбедност, на премиерите на Северна...

Свет1 ден

Аргентина: Последно испраќање на починатиот фудбалер Емилијано Сала

Семејството, пријателите, навивачите и поранешните соиграчи се простија од фудбалерот Емилијано Сала (28) во неговиот роден град во Аргентина, четири...

Досие