Контакт

Македонија

(Видео) Мицкоски од Струмица: Ви ветувам дека ќе има одговорност, од првиот до последниот

Објавено пред

Сите оние курири кои што на кукавички начин доаѓаат да бараат милост за овие натрапници кои што ја заробија Струмица повеќе од деценија наназад, ја заробија и Македонија веќе трета година по ред, имам едно да им порачам немојте да си го губите времето, во животот постојат две опции, порача лидерот на ВМРО-ДПМНЕ, Христијан Мицкоски.

„Едната е да сте човек кој што е честит, чесен. Човек кој што ги почитува законите и работи по законите, ги почитува своите сограѓани, работници, пријатели, роднини и тој нема што да се плаши. И нему не му требаат курири. Но има и луѓе кои што се огрешиле пред законот и само заради тоа што биле на позиции, кукавички го кршеле тој истиот закон, го злоупотребувале, ги малтретирале, ги притискале, ги уценувале, ги рекетирале бизнисмените и граѓаните. Е за тие, јас ви ветувам дека ќе има одговорност, од првиот до последниот. Затоа не ги праќајте тие курии, нема потреба да доаѓаат, нема потреба да нудат. Извадете ги парите што ги украдовте, вратете ги назад. И немојте да правите коалиции со тие кои што велевте дека тие ги украдоа парите. Па стававте таму бројчаници над „Триумфалната капија“ во Скопје па велевте ќе ги врателе милијардите. Нема милијарди, нема ни милиони. Тие пари заедно, со тие вашите кои што ги украдовте најпрвин овде во Струмица, па потоа од граѓаните во Македонија, ќе дојде денот до последниот цент да ги вратите, онаму каде што припаѓаат. А, тие пари се на граѓаните и само за граѓаните.

А, вие јас ви ветувам, јас ви ветувам дека се борам, и додека сум претседател на ВМРО-ДПМНЕ е дека прошка нема да има. Туку ќе има одговорност од првиот до последниот.

Живееме во време на декаденција. Живееме во време на неправди. Живееме во време кога се распродаваше националното достоинство, кога се газеше по честа и честитоста на луѓето, а додека тоа се правеше и додека паралелно ни го ветуваат тој прав пат менуваа закони за јавни набавки, а зошто менуваа закони за јавни набавки за да крадат, да можат да врват тендерите во четири очи. Ќе прошетате во РЕК Битола и ќе ги погледате багерите и камионите во РЕК Битола, ќе ви станат познати на вас струмичани знаете од тука се од Струмица се знае од каде се.

Прошетајте по експресниот пат од Радовиш до Штип и ќе видите чии камиони и багери вртат. Не затоа што се поквалитетни, не затоа што се подобри, туку едноставно затоа што нели братот е премиерот на државата. Тоа е единствениот квалитет, тоа е единствената причина зошто овие на дневна основа ги пљачкосуваат и ги крадат парите вашите на граѓаните, па и тоа им беше малку па сега решија со рацете во медот уште подлабоко да одат па го заграбија буџетот па безмилосно ги трошат парите од буџетот. Мислат дека народот има кратко помнење дека ќе им прости со тоа што они ќе заработуваат милијарди, а трошка како што беше она зголемување на пензиите од 36 денари ќе му подарат на народот и народот веднаш ќе заборави, ќе им прости и они ќе победат на изборите. Е тоа нема да се случи.

Затоа ни се потребни браќа и сестри, драги струмичани овие разговори заеднички со вас да ја напишеме програмата тоа што е реален проблем, да дадеме одговор, да дадеме решение, да понудиме таму каде што не можеме да понудиме решение да кажеме чесно за ова не можеме да понудиме решение. Таму каде што решението можеби ќе му треба повеќе време, повеќе месеци, недели чесно да кажеме ДА ќе го решиме, но ќе ни треба повеќе време. Доста е од лажговци во политиката. Секаде каде што идам без исклучок и каде што разговарам со нашите сограѓани две работи секогаш ми ги повторуваат. Доста е веќе лажговци и доста е крадци веќе во политиката. Мора еднаш засекогаш да се промените. Таа е болната вистина.

Со наш пример, преку личен пример треба да покажеме дека и ние политичарите и Македонија може поинаку и дека Македонија заслужува многу повеќе од овој пекол којшто денеска ни е секојдневие. Токму поради тоа месеци и месеци предвремено тргнавме со овој наш караван на теренски активности и разговори за обнова на Македонија за да го слушнеме гласот на народот, да научиме без никаква фрустрација, да научиме таму каде што сме грешеле уште еднашка да ги повториме и слушнеме маките и реалните проблеми и заедно со народот на следните предвремени парламентарни избори да го поразиме ова денено секојдневие, оваа неправда, ова понижување, криминал и арамилук. А потоа се знае како што рековме одговорност од првиот до последниот. Се сеќавате ветуваа дека ќе обезбедат загарантиран откуп за земјоделските производи, дека ќе ја зголемат помошта за земјоделците, дека редовно ќе ги исплаќале субвенциите, па дури и ќе ги зголемеле, а каква е реалноста?

Ветуваа помош за бизнисмените и економските оператори, а што донесоа рекет. Го пуштија Боки му дадоа по некој стих снимени разговори да уценува на широко и на длабоко, па уште му дадоа и придружба се сеќавате онаа обвинителка позади кој што Зоран Заев стоеше и велеше „Јас сум тој кој што гарантира за нејзиниот кредибилитет и интегритет“. Се сеќавате колку се пењавеа, препелкаат кога ги бранеа тие скапо платени обвинители кои што нижеа илјадници евра месечни примања додека работниците со едвај 200 евра мака мачеа семејствата да си ги прехранат. Е таа е таа вистината која што тие ја нарекуваа живот во Македонија.

Желбата на нашата кампања ќе биде како да си го вратиме македонизмот, не во онаа националистичка форма не во онаа форма каде што ќе ги навредуваме останатите етникуми кои што се наши сограѓани, наши соседи, браќа и сестри луѓето со кои што ја делиме оваа наша заедничка реалност. Туку заедно со нив треба да го поддржиме Македонизмот бидејќи Македонија е државата која што им дава се без разлика на нивната етничка припадност. Тие тука се родиле тука се образувале тука тагувале и се што во животот постигнале и должат на Македонија. И тоа воопшто не е регресивно туку напротив тоа е прогресивно.

Го слушнавте не така одамна еден од наголемите светски лидери можеби најголемиот којшто вели дека иднината им припаѓа на патриотите и луѓето кои што си ги сакаат сопствените држави. Почитувајќи ги се разбира соседните држави почитувајќи ја се разбира разликата помеѓу етничка и верска основа. Но. иднината запаметете им припаѓа на патриотите. И да си патриот денеска, да си Македонец е голема работа и тоа да си ја сакаш Македонија е огромна работа, затоа што покажувајќи ја љубовта кон сопствената земја ти покажуваш всушност колку ги почитуваш и останатите сограѓани кои не се дел од твојот народ. Но, љубовта кон земјата треба да биде голема, треба да биде голема и кај Албанците, кај Турците и кај Ромите, и кај Власите, и кај Србите, и кај Бошњаците и кај сите останати коишто се наши сограѓани , наши соседи, наши пријатели, колеги.

Македонизмот не подразбира ексклузивно право на Македонците и на македонскиот народ, туку сите вие имате можност да си ја сакате, љубите и браните башата татковина Република Македонија. Тоа е оној македонизам којшто ние сакаме да го видиме. Нема да се срамуваме, туку треба да ја кренеме главата гордо високо каде и да се наоѓаме во светот. Ние сме горди Македонци. Иако некој не учеше да си ја свиткаме кичмата, не ние ќе ја исправиме кичмата, гордо ќе стоиме со исправена кичма и така горди ќе се бориме да го вратиме она коешто овие неразбрани трговци го истргуваа за да можат да крадат. Ете тоа е основната суштина на нашата платформа како да си го повратиме македонизмот.

Првата работа што ќе ја направиме откако ВМРО-ДПМНЕ ќе ја формира идната влада, во првите сто дена ќе го вратиме повторно рамниот данок за економските оператори, за претприемачите, за бизнисмените. Истовремено во тие сто дена ќе изнајдеме, а имаме решенија за најголемиот дел проблеми коишто денеска се секојдневие на земјоделците во нашата татковина. Во првите сто дена ќе го отпочнеме проектот како да направиме синергија и поврзаност помеѓу инвеститорите, помеѓу науката и образованието и бизнисот.

Во првите сто дена ќе ги отпочнеме т.е да бидат попрецизен ќе ги рестартираме проектите коишто овие ги затворија, а коишто ќе значат подобрување на условите и животната средина. Не овие мерки каде што со десетина милиони ваши пари ќе тргуваат за да жителите во четири градови во Македонија, во Кичево, во Тетово, во Битола и во Скопје добијат клима инвертор. Замислете каква иронија. Во Битола и во Кичево ќе субвенционираат по илјада евра за еден клима инвертор

А, тој клима инвентор за да го затоплува домот користи електрична енергија која што се произведува од оние неморденизирани термоцентрали и во Осломеј и во Кичево, и во Битола кои што се најголемиот извор на загадување во тие градови. Какво лицемерие.Но треба да ја кажат вистинската вистина, вистинската вистина е дека со 10 милиони евра се обидуваат да поткупат 10.000 наши семејства“ порача Мицкоски пред струмичани.

Македонија

ВМРО-ДПМНЕ: Заев требаше многу порано да распише предвремени парламентарни избори

Објавено пред

Од ВМРО-ДПМНЕ велат дека погрешните политики на Зоран Заев ја довеле Република Македонија во погрешна насока.

„Многу порано Зоран Заев требаше да распише предвремени парламентарни избори доколку приоритет му беше Македонија и граѓаните, а не личното богатење.

Добро е што го призна поразот и што на регуларни и демократски избори ќе се стави крај на неговото криминално владеење. Казната од народот ќе биде испорачана. Крајот на Зоран Заев се повеќе се ближи.

Обнова на Република Македонија ќе започне со заминувањето на Зоран Заев во политичка пензија“ се вели во реакцијата на опозициската партија.

Прикажи повеќе...

Македонија

Стејт департмент: Се надеваме на позитивна одлука за Северна Македонија до мај идната година

Објавено пред

САД изразија незадоволство и разочарување, откако Европскиот совет не донесе одлука за датум за почеток на преговори за Северна Македонија. Стејт департментот преку соопштение, порача дека САД ја поддржуваат посветеноста на Северна Македонија и Албанија за трансатлантската интеграција и аспирации за влез во Европската унија.

„Разочарани сме што Европскиот совет не ги прифати многу силните реформски напори на секоја земја со тоа што се согласија да започнат преговори за пристапување во овој момент. Позитивната одлука би го потврдила кредибилитетот на нивниот пат кон ЕУ и цврсто ќе се спротивстави на малигните надворешни актери, кои сакаат да ги поткопаат западните вредности и евроатлантската заедница. Признаваме дека Европскиот совет не кажал „не“ ниту на Албанија, ниту на Северна Македонија, ниту ЕУ воспостави нови услови за започнување на пристапните преговори. Се надеваме дека Европскиот совет добро ќе постигне консензус за позитивна одлука за обете држави пред самитот ЕУ-Западен Балкан следниот мај“.

Во соопштението се вели дека Соединетите држави ќе останат стратешки партнер на Северна Македонија и Албанија, бидејќи, како што се наведува, тие продолжуваат со својата работа за зајакнување на владеењето на правото, понатамошните напори за борба против корупцијата, развој на нивните економии и борба против организираниот криминал.

„Ние ги охрабруваме обете држави да останат цврсти во градењето на транспарентно, правилно, демократско општество одговорно на потребите на граѓаните. Соединетите држави ќе продолжат да работат со европските партнери за да ги унапредат споделените цели за стабилност и безбедност на Западен Балкан“ стои во соопштението на Стејт департментот.

Прикажи повеќе...

Македонија

(Видео) Филипче: Mладите лекари треба тука да останат да работат и да се надградуваат

Објавено пред

Како и изминатите 2 години продолжуваме со инвестиции во инфраструктурата, опремата, системот и во вработувањата, пред се на младите во здравството, истакна претседателот на комисијата за здравство на СДСМ Венко Филипче, на трибината „На прав пат“ во Струга.

„Нема потреба младите лекари да размислуваат да заминуваат во странство, тие тука треба да останат да работат, да се надградуваат и да пружаат здравствени услуги за нашиот народ, рече Филипче, и нагласи дека тоа се овозможува со мерката сите доктори што ќе завршат медицински факултет, да добијат платено работно место за 6 месеци, а од идната година тоа ќе се зголеми на цела година.

Тој додаде дека се дадени над 5 илјади согласности за вработувања во здравствените установи во државата така што нема здравствена институција, каде капацитетот на вработени не е зголемен за најмалку 10 проценти.

Филипче се осврна и на другите мерки за унапредување на здравството, како укинувањето на квотите за лекови, зголемување на капиталијата на матичните лекари, нови лекови за ретки болести, нови типови на инсулин.

Филипче најави дека започнува проектирање на нова општа болница на Струга, која ќе се гради на патот за Ќафа сан.

Следната недела започнува реконструкција на покривот на централот за дијализа во Струга, кој наскоро треба да добие 5 нови апарати за дијализа, најави Филипче на граѓанската трибина „На прав пат“ во Струга.

Прикажи повеќе...

Најново

Свет11 час

Турција ги предупреди САД: Исполнете ги своите обврски или ја обновуваме операцијата во Сирија

Турскиот министер за одбрана, Хилуси Акар изјави дека турската војска е подготвена да ја обнови операцијата „Извор на мир“ во...

Свет14 часа

Џонсон: Предлог законот за брегзит ќе го испратам во парламентот идната недела

Британскиот премиер Бори Џонсон им порача на пратениците дека од Брисел нема да бара ново одлагање. Тој треба да побара...

Свет14 часа

Одложено конечното решавање на брегзит

Британските пратеници усвоиjа амандман со кој се бара одложување на гласањето за договорот за брегзит. За одлуката за пролонгирање на...

Топ15 часа

Во стан во Карпош пронајден мртов маж

Во стан на ул.„Вич“ во скопската населба Карпош, вчера утрото бил пронајден починат 54-годишнен маж, М.Ш., соопшти МВР. По наредба...

Македонија16 часа

(Видео) Мицкоски: Очекувам да се договориме за избори, ако Заев не се премисли

Лидерот на ВМРО-ДПМНЕ, Христијан Мицкоски, вели дека очекува утре на лидерската средба да биде постигнат договор за предвремени парламентарни избори,...

Македонија19 часа

(Видео) Заев предлага предвремени избори што е можно побрзо

Премиерот Зоран Заев предлага одржување на предвремени парламентарни избори што е можно побрзо. Во своето прво обраќање откако Европската Унија...

Вести19 часа

(Видео) Вонредна состојба во Чиле по насилните протести поради поскапувањето на јавниот превоз

Чилеанскиот претседател, Себастијан Пинера, прогласи вонредна состојба во Сантијаго откако во градот со шест милиони луѓе синоќа избувнаа немири во...

Македонија20 часа

Инспекциски надзор во училиштето во Гостивар каде учениците ја поздравија воената операција во Сирија

Во основното училиште „Мустафа Кемал Ататурк“ во Гостивар, каде што учениците со војнички поздрав ја поздравија турската офанзива во Сирија,...

Македонија20 часа

Измама во ФК Куманово 1903, претседателот затаил данок од речиси милион денари

Полицијата поднесе кривична пријава против претседателот на правното лице „Фудбалски клуб Куманово 1903“, против сметководителка и против правното лице Здружение...

Свет20 часа

Почна најдолгиот лет во светот, научници го следат однесувањето на патниците

Авиокомпанијата „Квантас“ вчера вечер го почна најдолгиот комерцијален лет во светот што ќе ги поврзе Њујорк и Сиднеј и ќе...

Економија22 часа

Светска банка ќе даде поддршка од 120 милиони долари за финансирање на пет проекти

Светска банка ќе даде поддршка од околу 120 милиони долари за финансирање на пет проекти со кои ќе се подобри...

Европа22 часа

(Видео) Полицијата ја презеде контролата над улиците во Барселона, уапсени 27 лица

Каталонската и шпанската полиција ја презедоа контролата над улиците во Барселона и другите каталонски градови по синоќешните насилни протести. Полицијата...

Македонија22 часа

САД: Разочарани сме од одлуката на ЕУ за Северна Македонија

САД изразија разочараност затоа што Европскиот совет не додели датум за преговори за Северна Македонија и за Албанија.Стејт департментот наведува...

Спорт1 ден

Батистута повторно на операција: Ги молев лекарите да ми ги ампутираат нозете

Аргентинската фудбалска легенда, Габриел Батистута открива дека ги молел лекарите да му ги ампутираат нозете по големите проблеми со повредите...

Македонија1 ден

Хелсиншки бара казна за училиштето во Гостивар каде деца со војнички поздрав ја поддржаа офанзивата во Сирија

Хелсиншкиот комитет остро го осудува злоупотребувањето на учениците од гостиварското основно училиште Мустафа Кемал Ататурк за политички цели. На 17.10.2019...

Македонија2 дена

Ципрас: Понекогаш европските вредности се посилни на Балканот, отколку во Европа

Поранешниот грчки премиер Алексис Ципрас го осуди фактот дека лидерите на земјите-членки на ЕУ не успеаја да се постигнат согласност...

Култура2 дена

Министерството за култура го осуди вандализмот, бара да се заштити Аквадуктот

Министерството за култура енергично го осудува вандалскиот чин на оштетување на Аквадуктот, коj е дел од културно наследство, при што...

Македонија2 дена

(Видео) Интервју со Села: 18 години не одговарал ниеден функционер од ДУИ

Претседателот на Алијансата за Албанците, Зијадин Села, во интервју за „Макфакс“ рече дека не може да се оочекува ЕУ да...

Македонија2 дена

Влада: Во тек се консултации, Заев носи одлуки во интерес на граѓаните и државата

Во тек се интензивни консултации после заклучоците на Европскиот совет, премиерот Зоран Заев носи одлуки водејќи се исклучиво од интересите...

Македонија2 дена

Лидерската средба ќе се одржи в недела во вилата на Водно

На иницијатива на претседателот Стево Пендаровски, в недела – 20 октомври во кабинетот на претседателот во „Вилата Водно“, со почеток...

Досие