Контакт

Македонија

(Видео) Мицкоски: Секој да постапи по свое убедување за референдумот

Објавено пред

По консултации со граѓаните, за апстиненција или да се гласа против, но и  оние помалку кои сметаат дека треба да се поддржи, одлучивме секој граѓанин да постапи по свое убедување за референдумот. Нема партиите да одлучуваат, за национално прашање ќе одлучи  нацијата и сите ние ќе се поклониме пред таа одлука, изјави лидерот на ВМРО-ДПМНЕ, Христијан Мицкоски по завршувањето на Извршниот и Централниот комитет на партијата.

Прашањето за името е едно од најзначајните, не е само прашање на Заев и Мицкоски, ова е прашање за Македонија. Ова се историски мигови, судбоносни за Македонија, посочи Мицкоски. Пред нас е огромна бездна – Договорот со Грција, тоа е бришење на идентитетот. Република Македонија, вели лидерот на ВМРО-ДПМНЕ е во тешка ситуација благодарение на неодговорни политичари.

„Македонија е скапоцен авион во раце на адолесценти. Оваа Влада ветува, а не ги оставрува ветувањата, има корупциски афери, милиони во џебови на функционери, тендери од милиони евра на сомнителни фирми“, вели лидерот на ВМРО-ДПМНЕ и додава ако не се багерите да газат, полицијата малтретира, а градоначалници потсетуваат дека се снима.

ВМРО-ДПМНЕ беше исклучен од преговорите за името, посочи лидерот на опозицијата и додаде дека Заев ветува нешта што не може да ги исполни.

„За мене не е секојдневие менување на ставот за промената на името. Договорот не го прифаќаме, јасно е дека со него се менува Уставот, идентитетот, пасошите, личните документи, а ќе има и ревидирање на културата и традицијата, сето ова е спротивно на нашите ставови“, додаде Мицкоски.

Свесно се одбра манипулативно референдумско прашање за да се донесат во заблуда граѓанте, вели Мицковски и уште еднаш го повтори ставот на партијата дека ВМРО-ДПМНЕ е за членство во НАТО и ЕУ, но силно се противи на договорот. Владата започна жестока милионска кампања само за ЕУ и НАТО, а ништо за договорот кој е на маса, посочи Христијан Мицкоски.

Македонија

Пациентите со рак алармираат дека со непочитувањето на мерките се загрозува нивниот живот

Објавено пред

Колку повеќе не се почитуваат мерките што ги препорачуваат здравствените власти, толку повеќе се комплицира секојдневието на болните од рак, реагираат од  групата „Љубов сме – Jemi dashuri“, која нуди помош и поддршка за пациентите со малигни заболувања.

„’Тие кои сакате да седите дома, останете си дома’. Овој аргумент од граѓаните кои не веруваат во коронавирусот, односно во опасноста од него, повеќе пати проструи низ јавноста, па оттука е и нашата реакција. Во луѓето кои остануваат дома додека сѐ уште е актуелна пандемијата со коронавирусот спаѓаат и оние кои се борат со канцер, или пак се бореле во минатото, но за жал и понатаму се вбројуваат во пациентите со хронични болести. Луѓето коишто седат дома не го прават тоа затоа што така сакаат како што мислат дел од граѓаните, туку за да се заштитат себеси и своите најблиски кои спаѓаат во ранливата група“, се наведува во соопштението.

Од групата велат дека луѓето кои се соочуваат со рак во моментот се доведени во многу незавидна ситуација, бидејќи им се откажуваат контролните прегледи.

„Тоа откажување донекаде може да биде издржано со цел тие да се заштитат од вирусот, но кога тоа се пролонгира на долг рок може да доведе до компликации. На пример, пациентите и пациентките со рак на дојка во моментот се спречени да направат мамографски или ехо преглед и тоа ќе се пролонгира уште повеќе со непочитувањето на мерките од страна на одредени поединци“, смета групата „Љубов сме-Jemi dashuri“.

Од таму велат дека дел од овие пациенти примаат хемотерапија која создава болки во коските и мускулите, поради што докторите препорачуваат секојдневно пешачење, како активност која би можела да придонесе таквите нус ефекти да бидат поподносливи. Поради растот на бројот на заразени со коронавирус, велат тие, овие пациенти се спречени во извршувањето на ваквата активност, која би можела добро да влијае врз нивното психофизичко здравје.

„Со непочитувањето на мерките поради скептицизмот кон вирусот, во ризик се доведени илјадници граѓани, ако се знае дека само на годишно ниво со рак се дијагностицираат по неколку илјади лица. Дел од нив се деца и токму тие, најневините се принудени да останат во своите домови на долг рок. Токму тие, за жал прерано се запознале со суровоста на животот па оттука ги прашуваме граѓаните кои одбиваат да ги почитуваат мерките, дали вреди на едно дете да му се скратат крилјата, кога тоа и онака прерано било принудено да порасне?“, пишува во соопштението.

„Љубов сме-Jemi dashuri“ упатува порака до граѓаните кои не ги почитуваат мерките дека болните со рак може да живеат десетици години по воспоставувањето на дијагнозата, но доколку го добијат вирусот би можеле да бидат доведени во животозагрозувачка состојба.

Оттука и апелот да се постапува посвесно и посовесно, а не според девизата „луѓето со хронични болести секако се во ризик и без вирусот“.

Групата апелира и до надлежните органи да ги засилат контролите и рестрикциите, со цел непочитувачите на мерките да бидат казнети, бидејќи во спротивно санкциите одат на грбот на луѓето од ризичните групи.

Прикажи повеќе...

Македонија

МВР: За 24 часа на 722 лица им се издадени решенија за изолација

Објавено пред

Во текот на изминатото деноноќие на територијата на државата на 722 лица им се издадени решенија за изолација, а 185 лица потпишале изјави за самоизолација, соопшти МВР.

Од страна на полициски службеници извршени се контроли кај лица во изолација и самоизолација и не се евидентирани лица кои не ја почитувале мерката за изолација и самоизолација.

По однос на мерката за неносење заштитни маски регистрирани се 481 прекршоци.

Исто така, по однос на забраната за движење, во текот на изминатите 24 часа евидентирано е дека на ниво на целата држава 203 лица не ја почитувале забраната за движење, при што приведени се 155 лица, а за останатите се земени податоци и ќе следуваат соодветни мерки.

Прикажи повеќе...

Македонија

Променливо облачно време со локален дожд

Објавено пред

Од изутрина ќе има повремен дожд. Преку денот ќе биде променливо облачно со повремено засилен јужен ветер. На места ќе биде нестабилно со пороен дожд, грмежи и услови за појава на град, информира УХМР.

Минималната температура ќе биде во интервал од 9 до 16, а максималната од 19 до 24 степени.

Во Скопје, променливо облачно со умерен до повремено засилен јужен ветер. Преку денот ќе има услови и за појава на нестабилност проследена со пороен дожд и грмежи.

Минималната температура ќе биде 13, а максималната ќе достигне до 24 степени.

Следува период во кој во претпладнените часови ќе има умерена облачност со сончеви периоди, а претежно попладне ќе има локална појава на нестабилност со пороен дожд, грмежи и засилен ветер. Во понеделник и среда условите за појава на дожд и нестабилност ќе се помали.

Прикажи повеќе...

Најново

Свет2 минути

Минеаполис им забрани на полицајците да применуваат сила со задушување при апсење

Градското собрание на Минеаполис донесе одлука за забрана за задушување на лице за време на полициско апсење. Одлуката доаѓа по...

Свет2 часа

(Видео) Џастин Трудо клекна на колена во знак на поддршка на демонстрантите

Премиерот на Канада, Џастин Трудо, клекна на колена во знак на солидарност со демонстрантите на вчерашниот протест против расизмот што...

Свет2 часа

(Видео) Трамп: Ова е прекрасен ден за Флојд

Претседателот на САД, Доналд Трамп, за време на конференцијата за економското закрепнување на Америка, зборуваше и за протестите по убиството...

Спорт3 часа

Брендот Џордан ќе донира 100 милиони долари за борбата против расизмот

Брендот „Џордан“ во наредните 10 години, поради убиството на Џорџ Флојд и новонастанатата ситуација во САД, ќе донира 100.000.000 долари,...

Македонија13 часа

Влада: 30 милиони денари за здруженија и фондации за справување со корона кризата

Владата на денешната седница ја разгледа и усвои Програмата за финансирање на програмските активности на здруженијата и фондациите за мерки...

Свет16 часа

СЗО: Секој треба да носи маска на јавен простор

Светската здравствена организација ги ажурираше своите насоки во борбата против Ковид-19 и сега препорачува дека секој треба да носи маска...

Македонија18 часа

Не се планираат рестрикции од понеделник и покрај бројките на новозаболени

Не се планираат никакви рестриктивни мерки од понеделник и покрај големите бројки на новозаболени од коронавирус. Министерот за здравство Венко...

Македонија19 часа

Заболени 11 здравствени работници од ГОБ „8 Септември“

Единаесет здравствени работници од ГОБ „8 Септември“ се заболени од коронавирусот. Дополнително, новозаболени има и од Гинеколошко-акушерската клиника, соопшти министерот...

Македонија19 часа

Филипче: 90 отсто од новозаболените се асимптоматски, кластерите се под контрола

Ситуацијата е под контрола, убедува министерот за здравство Венко Филипче откако денеска земјава го достигна пикот според новозаразени. Тој не...

Македонија20 часа

Регистрирани 180 случаи на коронавирус, 109 се од Скопје

Министерството за здравство информира дека во последните 24 часа се направени 1272 тестирања, а регистрирани се 180 нови случаи на...

Македонија20 часа

Петровска: Пронајдени се снимките од кафеаната каде што беше Мицкоски

Одземен е уредот за снимање од кафеаната каде што седел лидерот на ВМРО-ДПМНЕ, Христијан Мицкоски, кога инспектори беа спречени да...

Македонија21 час

Заев до Ахмети: Ако ДУИ условува со позицијата премиер, нема да биде дел од идната Влада

Доколку ДУИ има услов за коалиција за Влада, тогаш ДУИ нема да биде дел од идната Влада, порача на „Фејсбук“...

Македонија23 часа

Коронавирусот се врати во Дебар, заразена e жена која била во контакт и со медицински персонал

Градоначалникот на Дебар, Хекуран Дука, вели дека во градот се појавил еден нов случај на жител заразен со коорнавирус. Тој...

Свет23 часа

Босанец осомничен за напад на полицајци при немирите во Њујорк, се поврзува со тероризам

Џенан Камовиќ, Босанец кој живее во Америка, е осомничен дека повредил тројца полицајци во Њујорк. ФБИ сега истражува дали станува...

Топ1 ден

Паркиран камион се придвижил и удрил во две лица во Виница, жена почина на самото место

Во попладневните часови на 4 јуни кај стариот градски „Зелен пазар“ во Виница, претходно паркирано товарно возило „застава“ без регистарски...

Европа1 ден

Регионална шпанска влада осудена за негрижа кон здравствените работници

Судот во провинцијата Арагон, на истокот на Шпанија, ја осуди регионалната власт затоа што не им обезбеди на лекарите заштитен...

Свет1 ден

(Видео) Илјадници луѓе на комеморацијата за убиениот Џорџ Флојд

Илјадници луѓе присуствуваа на комеморацијата за Афроамериканецот Џорџ Флојд, кој беше убиен за време на полициско апсење во Минеаполис. Меѓу...

Регион2 дена

Семејна трагедија во Дубровник: ја застрелал мајка си во главата, а болниот татко во градите

Десетици полицајци го блокираа хрватскиот град Дубровник при обид да го лоцираат 37-годишниот маж, кој ја застрелал мајка си во...

Регион2 дена

Нови 48 случаи на коронавирус во Србија, заразени 28 лица во старски дом во Нови Сад

Уште едно лице почина од коронавирус во Србија во последните 24 часа, а потврдени се и 48 нови случаи на...

Македонија2 дена

Велешкото Обвинителство отвори предмет по повикот на Агатангел за масовно одење во верските храмови

Основното јавно обвинителство Велес отвори предмет по допрен глас по објавите во медиумите и јавното соопштение на митрополитот Агатангел и...

Досие