Контакт

Македонија

(Видео) Николов: ВМРО-ДПМНЕ бара зголемување на бројот на тестови

Објавено пред

„Несоодветниот и неадекватен пристап на Владата во борбата против коронавирусот не доведе до ситуација да имаме најголем морталитет во регионот, поголем од Грција, Бугарија и од Албанија заедно. Иако процентите на заразени се слични во сите земји во регионот, процентот на смртност во Македонија е неколкукратно поголем од другите земји. Тоа може да биде основен индикатор дека се крие вистината на вистинската бројка на заразени. Наместо тоа да ни биде показател да се тестираат што повеќе и бројот на тестирања да се зголеми, ние гледаме дека бројот на тестови за тестирања се намалува. Денеска, за 24 часа, во Македонија извршени се само 189 нови тестирања, од кои дијагностицирани се дури 10 новозаразени. Но, сепак, бројката секогаш се движи помеѓу 7 и 10 проценти“, изјави Игор Николов, член на ИК на ВМРО-ДПМНЕ.

Според него, процентот, односно морталитетот во Македонија, е убедливо највисок во регионот бидејќи вистинската бројка на заразени е неколкукратно повисока од бројката на официјално заболени. За да се држи бројот на заразени на ниско ниво, не се прават тестови.

„ВМРО-ДПМНЕ алармира да се изврши масовен скрининг и тоа ќе биде единствениот начин за добивање вистинска и сериозна слика со што се бориме и до каде сме против епидемијата. Тоа е единствениот и најмеродавен начин во кој може да се донесат соодветни одлуки и соодветна стратегија за борба против заболувањето. Владата со нетестирањето не само што го доведува во заблуда населението туку ги доведува во заблуда и здравството, здравствените работници и здравствениот систем. Целата лажна слика што се создава е во насока да се прикаже дека ситуацијата е делумно под контрола и дека може да се оди на некакви си брзи избори, со што Заев би си го намалил неминовниот пораз.

Бараме зголемување на бројот на тестови. Само така ќе знаеме на што сме и како треба да се дејствува и кои мерки треба да се преземат и така ќе знаеме дали и кога можеме да одиме на избори, не смееме како политичари да приредиме масовно заразување на граѓаните со овие политички активности. ВМРО-ДПМНЕ, иако убедливо ќе победи на изборите кога и тие да се одржат, не сака избори што би биле причина за загрозување на здравјето на граѓаните. Здравјето пред сè“, додаде тој.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Топло време со температури до 35 степени

Објавено пред

Времето денеска во земјата ќе биде сончево и топло со мала до умерена локална облачност. Ќе дува умерен, повремено засилен ветер од југоисточен правец. УВ индексот ќе биде 8.

Утринската температура ќе се движи од 11 до 22 степени, а дневната од 27 до 35 степени.

Во Скопје слично време, со температури до 35 степени.

Прикажи повеќе...

Македонија

ВМРО-ДПМНЕ: Не смее да се дозволи Заев и неговите неспособни соработници од први септември да предизвикаат хаос и во образованието

Објавено пред

Учебната година започнува за еден месец а власта на СДСМ и Зоран Заев е тотално неспособна за да го менаџира образовниот процес. СДСМ и Заев не успеаја да се справат ниту со здравствената криза, ниту со економската, а сега на повидок е уште една криза на поле на образованието, соопшти ВМРО-ДПМНЕ.

„ СДСМ, МОН и Комисијата за заразни болести која е под политички диктат на Заев не работи во интерес на учениците и просветните работници. Ваквата неажурност, неспособност и хаос кој што го приредува власта мора да заврши. ВМРО-ДПМНЕ нуди решение во 10 точки:

1.Часот во училиштата каде ќе се одвива физичка настава да трае 20 минути, со една паралелка во една училница! наставниците ќе работат со групи по 15, наместо по 30 ученици. Прекувремената работа на наставниците треба да биде со нивна согласност и истата да биде платена.
2.Со вака организираниот час од 20 минути училиштата може да рабoтат во 3 смени.
3.Предлог часови да бидат снимени и достапни на учениците во секое време. часовите треба да ги снимат во моментот кога ќе ја изведуваат наставата или ден пред тоа кога ќе се подготвуваат за час.
4.Наставниците треба да работат од училиште, не од дома. Еден наставник само во една училница да држи час.
5.На вака организираниот час може да присуствуваaт деца кои немаат соодветна опрема за да следат онлaјн настава, со сите превземени мерки за заштита. Тие сигурно нема да бидат пoвеќе од 15 во една паралелка.
6.За вака да работат наставниците, заедно со општините, треба да се обезбеди по еден компјутер во секоја училница и солидна интернет врска за часот непречено да се одвива.
7.За да можат наставниците да работат од училиште треба да се отворат градинките.
8.Ако недостасува персонал за организирање на дневниот престој, може да се ангажираат студентите од последните години на студии на наставничките факултети.
9. За практичната настава во средните стручни училишта треба да се организираат учениците по пет во група во повеќе смени.
10.Да се одреди една или две унифицирани платформи за спроведување на онлајн настава и за истите да се организира обука.

Сето ова ќе значи овозможување на непречен и ефективен процес на едукација на учениците во новонастанатата состојба со епидемијата. Потребно е МОН навремено да реагира и да ги прифати предлозите на ВМРО-ДПМНЕ, за да ги подготви просветните работници, родителите и учениците за новата учебна година.

Власта на СДСМ покажа дека единствено само добро знае да организира криминал, корупција и рекет. СДСМ и Заев потфрлија на секое поле и ја покажаа на дело нивната негрижа, неодговорност и неорганизираност“ додаваат од партијата.

Прикажи повеќе...

Македонија

(Видео) Пендаровски: Сите ние имаме обврска да се сеќаваме на геноцидот врз Ромите и Синтите во Европа и на Балканот

Објавено пред

Претседателот Стево Пендаровски, преку видео порака се обрати на виртуелната комеморативна церемонија, што по повод 2-ри август, Европскиот ден за сеќавање на холокаустот врз Ромите и Синтите, се одржа во организација на Централниот совет на германските Синти и Роми и Асоцијацијата на Роми во Полска, во соработка со државниот музеј Аушвиц-Биркенау.

„ Денес се сеќаваме на еден ужасен датум од историјата, кога околу 4300 Роми и Синти бea убиени во нацистичкиот логор Аушвиц-Биркенау за време на Втората светска војна. Таа мрачна идеологија овозможи да се случи најголемото зло во историјата, што предизвика загуба на милиони човечки животи, меѓу кои и околу 500.000 Роми и Синти од Европа и Балканот.

Иако годинава одбележуваме 75 години од победата над фашизмот, загрижуваат некои актуелни факти и настани кои ги оживуваат историските неправди кон Ромите. Зголемениот интензитет на расизам, антициганизам, дискриминација и говор на омраза кон припадниците на ромската заедница и понатаму ја поддржуваат нејзината исклученост, некаде дури и изолираност од останатите заедници.

Предрасудите и стереотипите поврзани со нивната етничка припадност остануваат главната пречка за еднаков третман во остварувањето на основните човекови права и слободи. Негирањето на геноцидот врз Ромите и Синтите, освен што ја рециклира еднаш нанесената неправда, ја спречува и можноста да учиме едни од други, едни за други, и заеднички да градиме меѓусебна доверба, почит и разбирање.

Современите општества не смеат да дозволат ваквите појави, за кои што нема никакво морално и етичко оправдување, да бидат поважни од европските вредности и вредностите воопшто на едно современо демократско општество. Кај денешните генерации е одговорноста да создадеме отворени општества во кои секој поединец, без разлика на полот, возраста, етничката припадност, религиозното убедување или бојата на кожата, ќе има право на достоинствен живот.

Сите ние имаме обврска да се сеќаваме на геноцидот врз Ромите и Синтите во Европа и на Балканот за време на Втората светска војна. Личните сведоштва на преживеаните, нивните страдања, загуби и претрпени трауми треба да ни бидат предупредување да се заложиме тој страшен период од историјата никогаш да не се повтори, никаде во светот.

Единствениот возможен пат кон развој и просперитет на нашите општества е преку промовирање на човековите слободи и права, солидарноста, хуманоста и меѓусебното почитување“ порача Пендаровски.

Прикажи повеќе...

Најново

Свет18 минути

Мелбурн ги затвора речиси сите продавници и фабрики за да го спречи вирусот

Вториот по големина австралиски град Мелбурн, во кој веќе на сила е ноќен полициски час, најави нови ограничувања за индустријата,...

Свет33 минути

Латинска Америка најтешко погоден регион во светот, има речиси пет милиони заразени

Аргентина вчера надмина 200.000 случаи на ковида-19, Колумбија поставува дневен рекорд, а во Латинска Америка се рушат црните рекорди со...

Свет45 минути

Трамп: Ретко кој заслужил смртна казна повеќе од бомбашот од Бостон

Американската сојузна влада би можела уште еднаш да побара смртна казна за Чеченецот Џохар Царнаев, изјави американскиот претседател Доналд Трамп....

Свет1 час

Германците сакаат да продолжат да работат од дома и по пандемијата

Поголем дел од Германците сакаат да ја задржат можноста за работа од дома и по завршувањето на пандемијата на коронавирус,...

Свет2 часа

Американски и британски фармери добиваат мистериозни пакети со семиња од Кина

Фармери во Велика Британија и САД веќе некое време примаат чудни пакувања со семиња од Кина во пошта што не...

Топ11 час

Малолетник од Ресен исчезна во Преспанското езеро

Во водите на Преспанското езеро вчера исчезнало 16-годишно момче од Ресен. Во Полициската станица Ресен од Итната медицинска помош било...

Регион15 часа

Преглед на состојбата во регионот: Албанија со нов рекорд на новозаразени, во Косово уште 13 починати

Преглед на состојбата со коронавирус во регионот во последното деноноќие. Нов рекорд на новозаболени во Албанија Откако Албанија вчера регистрираше...

Македонија15 часа

Maлиот Ајан кој го победи карциномот заѕвони на ѕвонче пред да ја напушти Детската клиника

По долга битка со леукозата, малиот херој Ајан денеска ја напушти Детската клиника во Скопје. Придружен со аплауз од медицинскиот...

Македонија20 часа

Филипче: Лежалката на плажа лесно се заменува со болнички кревет

Лежалката на плажа лесно се заменува со болнички кревет, предупредува министерот за здравство, Венко Филипче. Tој апелира на почитување на...

Македонија21 час

Регистрирани 166 новозаразени со коронавирус во Македонија, починаа 4 лица

Министерството за здравство информира дека во последните 24 часа се направени 1419 тестирања, а регистрирани се 166 нови случаи на...

Македонија22 часа

(Видео) Пендаровски: Помирување ни е потребно повеќе од било кога

Во ерата на националните романтизми и национализми, Илинден остана симбол на неспорно изрзената волја за својата држава, заснована врз демократските...

Економија22 часа

Јавниот и државниот долг се зголемени за над 8 проценти во период од три месеци

Јавниот и државниот долг во второто тромесечје се зголемени за над 8 проценти. Jавниот долг, кој ги вклучува државниот, гарантираниот...

Македонија22 часа

(Видео) Mицкоски го честита Илинден и се извини за грешките на ВМРО-ДПМНЕ од минатото

Со зборовите од Крушевскиот манифест: „Ура! За ‘Афтономна Македонија’!“, претседателот на ВМРО-ДПМНЕ, Христијан Мицкоски, од струшкото село Ташмаруништа на граѓаните им го...

Топ24 часа

Mладо момче загина во сообраќајна несреќа кај Кратово, повредени се четири лица

Момче на возраст од 22-години почина во сообраќајна несреќа што се случила вчера на локалниот пат од селото Железница кон селото...

Свет1 ден

Во Мелбурн воведен шестнеделен ноќен полициски час

Во австралиската држава Викторија, чијшто главен град е Мелбурн, е прогласена состојба на катастрофа, а властите воведоа ноќен полициски час...

Македонија1 ден

Вино од Македонија најдено во шишиња со хрватски етикети

Инспекцијата на хрватскиот Државен инспекторат во голема акција за борба против трговијата со фалсификувана храна и пијалоци, кај пет хрватски...

Македонија1 ден

Свеченостите за Илинден годинава без масовни собири

Поради пандемијата на Ковид-19, свеченостите по повод државниот празник Илинден, годинава ќе се одржат во посебни услови во согласност со...

Македонија2 дена

Филипче: Ти си на одмор, но вирусот не е

Министерот за здравство, Венко Филипче порача да се почитуваат мерките за време на одморите. „Ти си на одмор, но вирусот...

Македонија2 дена

Спасовски: Холокаустот врз Ромите не смее да остане заборавен

Претседателот на Владата, Оливер Спасовски денеска се обрати на Комеморацијата по повод сеќавањето на жртвите од Геноцидот над Ромите во...

Македонија2 дена

Штип зад Скопје по бројoт на активни случаи со коронавирус, регистрирани се 16 новозаразени

Во Штип денеска беа регистрирани 16 нови случаи на коронавирус, со што бројот на заразени во градот порасна на 431 лице....

Досие