Контакт

Македонија

(Видео) Пендаровски: Реформите се потребни за да ја вратиме довербата на граѓаните

Објавено пред

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на правото и правната држава не треба да ги правиме за да ги задоволиме формалните критериуми за членство во ЕУ, туку за да ја вратиме довербата на граѓаните во сопствената држава и нејзините институции, остакна претседателот Стево Пендаровски на дебата на тема „Тековни состојби и предизвици во реформите во сферата на правната држава“, што на заедничка иницијатива на министерот за надворешни работи на Сојузна Република Германија, Хајко Мас, и претседателот Пендаровски се одржа во „Вила Водно“.

На дебатата учествуваа претставници на државните власти, на правосудните органи и претставници на надлежни институции во оваа област, се дискутираше за тековните реформи во сферата на функционирањето на правната држава, вклучувајќи ги судските реформи, борбата против корупцијата, а во согласност со дефинираните стратешки приоритети во рамките на евроинтегративниот процес на Република Северна Македонија.

Претседателот изрази поддршка, но и барање од институциите неселективно да се борат против корупцијата, а особено против високата корупција.

„Сметам дека корупцијата кај политичарите треба построго да се казнува бидејќи вршењето јавна функција носи посебна одговорност, а државната власт и ресурсите треба да се користат исклучиво за јавниот интерес, а не за остварувањето на партикуларни или лични интереси“, истакна Претседателот.

Претседателот Пендаровски се осврна и на случајот „Рекет“ за што подвлече дека во очите на многумина ги дискредитирал напорите за обнова на правната држава по клептократскиот систем воспоставен од поранешната влада, додека за случаите врз коишто работеше поранешното Специјално јавно обвинителство, оцени дека е позитивно што се активни и продолжуваат да се процесуираат од редовното Јавно обвинителство. Во тој контекст, претседателот подвлече дека е важно да не се дозволи преку застарување да се случи „скриена амнестија“ на сторителите на тешки кривични дела поврзани со високата корупција.

Претседателот Пендаровски побара новиот Закон за јавно обвинителство да биде изработен според највисоките европски стандарди, образложувајќи дека е подобро темелно да се изработи, отколку да се брза и преку непринципиелни политички компромиси да се компромитира борбата со високата корупција. Тој ги поздрави носењето на новиот Закон за спречување на корупцијата и судир на интереси и транспарентноста на постапката со којашто се конституираше новиот состав на Државната комисија за спречување на корупцијата, изразувајќи очекување за активна и неселективна работа на Комисијата, врз основа на законите и заснована врз докази.

Претседателот Пендаровски повика интензивно да се користи експертската помош што ја нуди Германија во делот на реформите во сферата на правната држава, како преку проекти финансирани од ЕУ, така и преку билатералната соработка.

Министерот Мас посочи дека Сојузна Република Германија ќе продолжи видливо да ја поддржува Северна Македонија на патот кон Европската Унија, бидејќи, нагласи, тоа е вистинскиот пат.

На дебатата, покрај претседателот Пендаровски и министерот Мас, учествуваа министерката за правда, Рената Дескоска, претседателот на Уставниот суд, Сали Мурати, јавниот обвинител Љубомир Јовески, претседателката на Државната комисија за спречување на корупцијата, Билјана Ивановска, директорката на Академијата за судии и јавни обвинители, Наташа Габер-Дамјановска.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Заев – Фон дер Лаен: Oчекувaме придвижување во однос на проширувањето на ЕУ

Објавено пред

Премиерот Зоран Заев попладнево ја пречека претседателката на Европската Комисија, Урсула фон дер Лаен.

Како што напиша тој на социјалните мрежи, оваа посета е уште едно охрабрување и признание за исполнетите задачи.

„Искажавме заедничко очекување дека на претстојниот Самит за Западен Балкан во Словенија ќе има придвижување во однос на проширувањето на ЕУ, како нејзина стратешка цел, а со тоа и одржување на првата Меѓувладина конференција до крајот на оваа година.

Во меѓувреме остануваме партнери и сојузници во справувањето со пандемијата, во спроведувањето на политиките за регионална соработка и европеизација на земјите од Западен Балкан со најавената силна поддршка од Европската Комисија“, напиша премиерот во својата објава.

Прикажи повеќе...

Македонија

Шилегов: Пакетот од финансиска поддршка е наменет за сите групи граѓани во следните четири години

Објавено пред

Со гордост ја почнувам оваа кампања со пакет социјални поволности за возрасните и пензионерите, лицата со попреченост, лицата со ретки болести, младите и идните родители, изјави градоначалникот на Скопје, Петре Шилегов.

Продолжуваме со остварување активности за поквалитетен живот во нашето Скопје, за подобро секојдневие на нашите сограѓани, за поудобни и безгрижни денови во нашиот град, додаде Шилегов.

✔️ Овозможуваме бесплатен јавен градски превоз за сите пензионери во Скопје секој ден во неделата;

✔️ Овозможуваме бесплатен медицински транспорт за лицата во трета доба и лицата со попреченост до здравствените институции во градота;

✔️ Лицата со ретки болести, кои живеат во Скопје, ќе може исто така бесплатно да го користат јавниот градски превоз. Трошоците за хроничната терапија што ја примаат ги олеснуваме преку финансиско ослободување за јавниот превоз за нив и нивната придружба при користење на превозот;

✔️ На сите постдипломци и докторанди што студираат во Скопје им овозможуваме бесплатен превоз во градските автобуси;

✔️ Учениците од државните основни училишта во градот ќе добиваат до 50 % поевтин оброк за време на престојот во училиште;

✔️ Ќе доделуваме 100 стипендии во висина од 12.000 денари месечно за најдобрите средношколци од средните училишта на Град Скопје, кои ќе се запишат на некој од државните универзитети, а за секој средношколец од државните училишта обезбедуваме бесплатно овошје за време на училишниот престој;

✔️ Го субвенционираме згрижувањето на децата во државните градинки преку покривање максимум 50 % од месечниот трошок;

✔️ За остварување на желбата за потомство, го помагаме процесот на биомедицинско потпомогнато оплодување преку финансиска поддршка на паровите. Го дополнуваме семејниот буџет за дополнителните трошоци што не се признаени со основните поволности на Фондот за здравствено осигурување или во дополнителен обид, кој не е покриен од Фондот.

„Скопје е град на солидарноста и како таков мора да се грижи за сите, а парите на граѓаните да ги враќа онаму каде што се најпотребни. Преку овој пакет-мерки градот вложува во квалитетот на живот. Градот е еднаков за сите граѓани, транспарентен и солидарен град, град на успешен соживот“, истакна Шилегов.

Прикажи повеќе...

Македонија

Заев – Џаферовиќ: Северна Македонија и БиХ имаат заедничко минато и определба за заедничка иднина

Објавено пред

Премиерот Зоран Заев денеска ја прими делегацијата на Претседателството на Босна и Херцеговина, која во еднодневна работна посета на нашата земја ја предводи членот на Претседателството, Шефик Џаферовиќ.

Премиерот Заев на средбата истакна дека посетата на членот на Претседателството на оваа земја, Шефик Џаферовиќ, е резултат на континуитетот и на исклучително позитивните и традиционално блиски односи на двете земји.

Заев и Џаферовиќ на средбата истакнаа дека двете земји ги поврзуваат и заедничките интереси и вредности, како што се членството во НАТО и ЕУ, и во таа насока премиерот Заев нагласи дека Северна Македонија е подготвена да го сподели со Босна и Херцеговина искуството од пристапниот процес до полноправно членство во северноатлантската алијанса.

Премиерот Заев истакна дека е од особено значење што оваа посета се остварува на денешен ден, на Меѓународниот ден на Бошњаците, и го информира членот на Претседателството на Босна и Херцеговина, Џаферовиќ, дека доаѓа од увидот од последната фаза на изградбата на мостот „Цвет на Сребреница“, кој и симболички и реално поврзува две населени места во нашата земја во кои доминантно живеат нашите сонародници од бошњачката заедница заедно со припадници на други заедници од македонската, албанската и други заедници.

На средбата беше потенцирано дека и двете земји препознаваат силни потенцијали за унапредување на економската соработка и изразија подготвеност да продолжат подготовките за воспоставување авионска линија меѓу Сараево и Скопје, која беше прекината поради пандемијата и од која се очекува да ја поттикне комуникацијата меѓу двете земји.

Заев и Џаферовиќ на средбата се согласија дека Северна Македонија и Босна и Херцеговина имаат многу блиски врски од минатото и дека имаат заеднички определби и за заедничка иднина.

Прикажи повеќе...

Најново

Македонија20 минути

Заев – Фон дер Лаен: Oчекувaме придвижување во однос на проширувањето на ЕУ

Премиерот Зоран Заев попладнево ја пречека претседателката на Европската Комисија, Урсула фон дер Лаен. Како што напиша тој на социјалните...

Топ4 часа

Агент за недвижности од Скопје зел капар за станови, а парите си ги ставал в џеб

Полицијата поднесе кривична пријава против агент за недвижности од Скопје, кој зал капар за продажба на станови во изградба, но...

Свет5 часа

Животот во Сиднеј за невакцинираните станува сѐ потежок – може да им се забрани влез и во продавници

Граѓаните на Сиднеј, кои не се вакцинирани против коронавирусот, ризикуваат да добијат забрана за разни социјални активности. Според планот за...

Македонија6 часа

Трета доза вакцина вчера примиле 69 граѓани

На вакциналните пунктови во државата и на терен, заклучно со вчера, вакцинирани се вкупно 784.244 граѓани. Прва доза вакцина вчера...

Македонија7 часа

Речиси 47 отсто од населението над 18 години е вакцинирано со една доза вакцина

Заклучно со 26 септември со една доза вакцина против Ковид-19 вакцинирани се 46,9 % од населението над 18-годишна возраст, соопшти...

Свет7 часа

(Видео) Силна експлозија во зграда во Гетеборг натера луѓе да скокаат од прозорец, најмалку 25 повредени

Најмалку 25 луѓе се повредени во експлозија што се случи денеска во станбена зграда во Гетеборг. Шведската полиција соопшти дека...

Регион8 часа

Нов силен земјотрес на Крит – стотици луѓе ја поминаа ноќта во шатори

По немирна ноќ и неколку силни земјотреси што вчера го погодија Крит, жителите на Ираклион утрово ги разбуди нов силен...

Македонија8 часа

Попишани 1.619.857 граѓани во земјата и 198.589 од дијаспората, остануваат уште два дена од пописот

Во земјата до вчера се попишани 1.619.857 лица, 503.491 домаќинство и 711.695 стана. Можноста за самопопишување на лица во странство,...

Македонија9 часа

Претседателката на Европската комисија денеска во Скопје, а утре еврокомесарот Вархељи

Претседателката на Европската комисија, Урсула фон дер Лаен, денеска попладне ќе допатува во посета на Скопје. Како што беше најавено,...

Македонија22 часа

Од модуларната болница во Штип избегал 84-годишен пациент

Вчера попладне, 84-годишен пациент избегал од модуларната болница во Штип, но подоцна бил вратен од полициски службеници. „На 26.09.2021 во...

Македонија1 ден

Регистрирани 112 нови случаи на коронавирус, починаа 13 лица

Во последните 24 часа направени се 1.726 тестирања, а регистрирани се 112 нови случаи на Ковид-19: Скопје – 82, Кавадарци...

Европа1 ден

Олаф Шолц: Дојде време ЦДУ/ЦСУ да замине во опозиција

Пo објавувањето на нецелосните официјални резултати од парламентарните избори во Германија денеска рано наутро, социјалдемократите (СПД) и нивниот кандидат за...

Македонија1 ден

Пендаровски: Политичките тензии на моменти ја парализираат државата

Претседателот Стево Пендаровски денеска се обрати на свечениот научен собир „Современата македонска држава – две етапи во процесот на нејзиното...

Македонија1 ден

Црвенковски: Ако нашата идеја е „НАТО ќе нѐ брани, ЕУ ќе нѐ храни“, ниту ќе се одбраниме ниту ќе се нахраниме

Како поранешен премиер и претседател на Република Македонија имам право, но и обврска да проговорам, за тоа каде според мои...

Македонија1 ден

Шефицата на Европската комисија утре во Скопје

Претседателката на Европската комисија, Урсула фон дер Лаен, утре ќе допатува во земјатаа, а ќе ја пречека премиерот Зоран Заев...

Европа1 ден

(Видео) Најмалку една жртва по серијата земјотреси во Грција, Турција издаде предупредување за цунами

Неколку земјотреси утрово го погодија грчкиот остров Крит, а најсилниот беше со јачина од 5,8 степени според Рихтеровата скала, јавуваат...

Свет1 ден

По три месеци, Сиднеј го укинува целосното затворање

Австралиските власти најавија крај на тримесечното целосно затворање за вакцинираните жители на Сиднеј. Карантинот во Сиднеј и во преостанатиот дел...

Македонија1 ден

СДСМ со митинг во Битола, ВМРО-ДПМНЕ во Охрид – почнува кампањата за локалните избори

Од денеска почнува изборната кампања за локалните избори, кои се закажани на 17 октомври. Кампањата за првиот круг ќе заврши...

Македонија1 ден

Почнува вакцинирањето со трета доза во Македонија

Граѓаните што имаат над 60 години, здравствените работници и лицата со имунолошки болести од денеска со потврда ќе може да...

Топ2 дена

Пронајден починат лекар во Психијатриската болница „Скопје“

Дежурен лекар во Психијатриската болница „Скопје“ бил пронајден починат синоќа по полноќ на работното место. Како што соопшти МВР, здравствениот...

Досие