Контакт

Македонија

(Видео) Петровска: Секоја намера за одложување на пописот е деструктивна и злонамерна

Објавено пред

Пратеничката на СДСМ, Славјанка Петровска, денеска од собраниската говорница изрази задоволство што по 19 години, ќе се спроведе попис како исклучително важна статистичка операција нагласувајќи дека тоа не им е само обврска туку и должност на институциите редовно да ја спроведуваат оваа активност.

„Одржувањето на пописот е важно од повеќе аспекти, со него се прибираат податоци, кои подоцна ќе бидат користени од страна на државните институции, но и од страна на приватниот сектор и од меѓународните институции кога се прават планови за развој и унапредување на општествено-економските текови во нашата држава“, истакна од собраниската говорница пратеничката на СДСМ, Славјанка Петровска.

Таа нагласи дека ние доцниме со одржувањето на пописот и затоа секоја теорија или намера за негово одлагање е за деструктивна и лоша намера, која е спротивна на интересите на граѓаните и на државата.

„Како млад и прогресивен политичар, немам намера тоа да го одобрам, ниту да го поддржам“, рече Петровска додавајќи дека обезбедувањето на податоците, кои се нужно потребни за рамномерен и правилен економски развој, е нешто што е од интерес на државата и граѓаните и токму затоа оваа операција ја сметам за патриотски чин.

„Она што е особено важно за градење на довербата е дека при спроведување на пописот ќе се користат податоци од електронскиот регистар на населението, кој ќе биде поврзан со уредите за попис и податоците ќе бидат споредувани со базите на податоци на другите институции. Значи дека е невозможно да се попишат лица што не постојат“, нагласи Петровска.

Таа појасни дека во законот е предвидено да се користат базите на податоци на Министерството за внатрешни работи, како и од министерствата за информатичко општество и администрација, за образование и наука, за труд и социјална политика, Агенцијата за вработување, Фондот за пензиско и инвалидско осигурување, Управата за водење на матичните книги, Управата за катастар на недвижностите и на Државниот завод за статистика.

„Токму затоа не се оправдани стравувањата дека пописот нема да даде точни податоци“, рече Петровска додавајќи дека базата на податоци на МВР за гранични проверки не е наведена бидејќи во неа, во согласност со Законот за граничната контрола и европските стандарди, сите лица и превозни средства што ја поминуваат нашата државна граница не се евидентираат и ако се користи таа база на податоци, нема да ја имаме точната слика.

„Јас лично немам сомнеж дека пописот ќе биде спроведен по највисоките меѓународни стандарди, дигитализиран и според прописите на Евростат и што е најважно – со овој закон е предвидена можност да се попишат сите државјани на нашата држава за, конечно, да знаеме колку сме и каде сме. Овој закон не фаворизира ниту една етничка заедница и затоа секој обид за такво претставување го ценам како деструктивно и злонамерно“, истакна пратеничката на СДСМ, Славјанка Петровска.

Македонија

Нови 722 заболени и девет починати од Ковид-19 во Македонија

Објавено пред

Во последните 24 часа се направени 3.701 тестирања, а регистрирани се 722 нови случаи на ковид-19 во: Скопје – 375, Прилеп – 44, Кавадарци – 35, Гевгелија – 29, Битола – 25, Гостивар – 23, Тетово – 22, Куманово – 20, Охрид – 16, Штип – 15, Крива Паланка – 14, Неготино – 13, Велес – 11, Струмица, Струга и Кочани – по 10, Богданци – 9, Кичево, Свети Николе, Ресен, Радовиш, Берово и Крушево – по 5, Валндово – 3, Делчево, Пробиштип и Демир Капија – по 2, Кратово и Демир Хисар – по 1.

Регистрирани се 186 оздравени пациенти од: Скопје – 50, Прилеп – 29, Кавадарци – 25, Куманово – 15, Тетово – 14, Велес – 9, Неготино – 8, Кочани и Гевгелија – по 6, Гостивар – 5, Струмица и Крушево – по 4, Богданци – 3, Штип, Свети Николе и Валандово – по 2, Делчево и Пробиштип – по 1.

Пријавени се вкупно 9 починати лица. Починати се по 4 пациенти од Скопје (81г,75г,74г,73г) и по 1 пациент од Пробиштип (88г), Струмица (88г), Кичево (72г), Куманово (70г), и Битола (61г). Сите пациенти се починати во болнички услови.

Направени се 3.701 тестови преку: ИЈЗ-513, ЦЈЗ Скопје-113, Авицена-371, Биотек-297, Жан Митрев (Филип Втори)-205, Систина-290, лабораторија Лаор–383, МАНУ-0, Судска медицина-33, ЦЈЗ Битола-89, Клиника за инфективни болести и фебрилни состојби-2, ГАК-0, Синлаб-148, Ремедика-59, лабораторија болница Козле-8, ЈЗУ и ПЗУ (рапид тест) – вкупно 1190, УК Пулмологија со алергологија–0, ГОБ 8-ми Септември-0, лаборатории од странство-0.

Досега во земјата се направени вкупно 540.725 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 106.832, бројката на оздравени пациенти е 94.461, на починати е 3.185, а бројот на активни случаи изнесува 9.186.

Според досега завршените епидемиолошки анализи во моментов дистрибуцијата по градови е следна:
Дистрибуција по градови Заболени (нови) Активни случаи (вкупно)
Скопје 375, активни 4309
Куманово 20, активни 353
Прилеп 44, активни 719
Тетово 22, активни 262
Гостивар 23, активни 177
Штип 15, активни 118
Кавадарци 35, активни 549
Велес 11, активни 245
Битола 25, активни 212
Охрид 16, активни 444
Струмица 10, активни 187
Струга 10, активни 178
Кочани 10, активни 104
Кичево 5, активни 48
Неготино 13, активни 310
Гевгелија 29, активни 278
Свети Николе 5, активни 24
Крива Паланка 14, активни 140
Ресен 5, активни 55
Дебар, активни 17
Делчево 2, активни 66
Радовиш 5, активни 15
Берово 5, активни 33
Пробиштип 2, активни 37
Виница, активни 23
Валандово 3, активни 36
Крушево 5, активни 82
Богданци 9, активни 68
Кратово 1, активни 27
Демир Хисар 1, активни 26
Демир Капија 2, активни 32
Македонски Брод, активни 5
Македонска Каменица, активни 2
Пехчево, активни 4
Дојран, активни 1

Прикажи повеќе...

Македонија

Професор Марјан Ѓуровски: Преку заедничка Влада до внатрешно македонско помирување

Објавено пред

Заедничка голема политичка Влада е храбар предлог на претседателот на СДСМ Зоран Заев. Прво ќе придонесе кон внатрешно помирување во македонскиот блок (десницата и левицата) и исцртување на црвените линии во градење на заедничка стратегија за развој на државата, вели универзитетскиот професор Марјан Ѓуровски во изјавата за „Макфакс“.

Според него концептот на заедничка политичка влада ќе создаде поинаква политичка култура и ќе доведе до градење на заеднички политики меѓу другото за помирување и со соседите во прво време што е суштински потребно. После проектот “едно општество за сите” овој предлог на лидерот на СДСМ Зоран Заев, според Ѓуровски, ќе им даде шанса на политичките партии да излезат од маѓепсаниот круг на одмазда, омраза и пизма која е меѓу граѓаните, свртени еден против друг кога ќе дојдат на власт. Кој тоа и да биде.

„ Пред тоа секако нужно е потребна внатрешна демократизација на секоја политичка партија, процес низ кој мора да помине левицата и десницата, како и партиите од политичкиот центар, но и албанските политички партии. Дали се наоѓаме пред нова македонска политичка пролет и т.н. Дојчланд или Швајцарска коалиција до крајот на годината или по првите наредни парламентарни избори“, прашува професорот Ѓуровски.

Воедно нагласува дека евентуалната заедничката политика влада нема да значи амнестија за криминалот туку напротив зајакнување на борбата против корупцијата и организираниот криминал.

„ Јавното мислење ќе биде вистинска опозиција, вклучително медиумите и оние кои партиципират во јавната дебата. Евентуална експертска влада која се споменува во изминатите 30 години се покажа како нефункционална за што потврда е првата експертска влада на првиот премиер Никола Кљусев. Политичките партии може да немаат доверба или да бегаат од политичка одговорност во случај на формирање на експертска влада, идеја која исто така се пласира во јавноста“, смета политологот Ѓуровски.

Сите овие идеи само ќе придонесат кон зајакнување на парламентаризмот во македонската држава, заклучува професорот Марјан Ѓуровски во изјавата за „Макфакс“.

Прикажи повеќе...

Македонија

Тодоров: Мицкоски не само што е пречка за обединување на ВМРО, туку е пречка и за обединување на македонскиот народ

Објавено пред

Поранешниот министер за здравство Никола Тодоров се обрати до членството на ВМРО-ДПМНЕ и повика на обединување.

„ Почитувани граѓани, почитувани членови и симпатизери на ВМРО-ДПМНЕ,

Македонското национално ткиво се распаѓа. Поделбата помеѓу македонците е предлабока и преопасна. Ако вака продолжиме ќе се самоуништиме. Од друга страна по нашето членство во НАТО, доколку сме паметни, ни се отвора можност следните 5-6 години да бидат т.н.златни години за државата. После денешниот предлог од лидерот на СДСМ и актуелен претседател на Владата, јасно е дека Мицкоски не само што е пречка за обединување на ВМРО, туку е пречка и за обединување на Македонскиот народ. Не сакам да навлегувам зошто е таков ставот на Заев или пак зошто е таков денешниот одговор на Мицкоски, мене ниту едното ниту другото не ми е важно. Она што мене ми е важно, што е тоа што е во интерес на државата, на граѓаните и на ВМРО-ДПМНЕ. ВМРО-ДПМНЕ се наоѓало на историски крстосници многупати досега. Ова е една од нив. Да не кажувам нешто што е познато на секого. Ако се пропушти крстосницата и се погреши патот, тогаш ќе мора долго враќање назад за да се најде повторно таква крстосница.

ВМРО ја пропушти крстосницата со преспанскиот договор, и добивме договор за кој тврдам, дека ако ВМРО и СДСМ беа сплотени, ќе беше далеку подобар. Обврска на ВМРО е да ги штити националните интереси на Македонија. Обврска на ВМРО е да го исполни вториот дел од своето име, демократска партија за македонско национално единство и да делува во насока на обезбедување на ова единство. Македонците се разединети и сите ние, политичарите, но и сите партии, имаат учинок и одговорност за тоа. ВМРО има зад себе историски пропуштени шанси, поделби, расколи, но се случувале и обединувања. Сега е момент на обединување во рамки на ВМРО, а потоа и помирување на македонската нација, со активно учество на ВМРО во тоа. Ако ВМРО не учествува во ова, пропаѓањето ќе продолжи, иселувањето ќе продолжи и на крај ќе ја изгубиме државата целосно. Наша обврска е на историјата да и погледнеме во очи и да ја преземеме нашата одговорност. Ако не го направиме тоа, тогаш ќе пропуштиме историска шанса и ќе бидеме директни учесници во пропаста на државата.

Поделени и раскарани, водени од омраза на политичка основа, нема никаде да стигнеме. Затоа се борам и залагам за помирување помеѓу ВМРО и СДСМ. Политичките разлики стојат и тоа е нормално, затоа што тоа е здраво и потребно во едно демократско општество, но тие разлики не смеат да продуцираат омраза помеѓу Македонците до ниво на раскинување на македонското национално ткиво. Сигурен сум дека ова можеме да го спречиме. За тоа, потребна е поддршка за трансформација на ВМРО во модерна, европска центар десна партија. Заедно и сплотени, сигурен сум дека ќе успееме да изградиме европска и модерна ВМРО и модерна и Европска Македонија. Треба да се тргнат на страна личните амбиции, личните интереси, и да ја вратиме сите заедно идејата во ВМРО и во Македонија, идејата за која, човек вреди да се бори. Времето на поделби мора да запре. Времето на обединување мора да започне. Тоа е во моментов нашата крстосница.

Но се ова треба да е по јасни принципи неоптоварено од лични ситни интереси. Принципите се најважни. Време е за македонско национално обединување базирано на принципите на економски патриотизам, меѓуетнички соживот, јакнење на граѓанското општество и македонско национално единство.

ВМРО, ви ветувам, пак ќе победува!

Никола Тодоров

Прикажи повеќе...

Најново

Македонија10 минути

Нови 722 заболени и девет починати од Ковид-19 во Македонија

Во последните 24 часа се направени 3.701 тестирања, а регистрирани се 722 нови случаи на ковид-19 во: Скопје – 375,...

Топ56 минути

Загина градежен работник во Гевгелија паѓајќи од скеле

Градежен работник од Богданци паднал од скеле и починал на лице место, додека работел на објект во изградба во Гевгелија....

Македонија1 час

Тодоров: Мицкоски не само што е пречка за обединување на ВМРО, туку е пречка и за обединување на македонскиот народ

Поранешниот министер за здравство Никола Тодоров се обрати до членството на ВМРО-ДПМНЕ и повика на обединување. „ Почитувани граѓани, почитувани...

Топ5 часа

Кривична пријава за жител на Трпејца, со лажен елаборат изградил куќа во Националниот парк „Галичица“

Полицијата поднесе кривична пријава против жител на Трпејца затоа што со фалсификат геодетски елаборат изградил куќа во месноста „Трпејчко кале“ што е...

Македонија6 часа

Вакцинацијата со руската вакцина во Македонија ќе почне в среда

Вакцинацијата со руската вакцина „спутник в“ во Македонија ќе почне в среда, најави министерот за здравство, Венко Филипче. Вакцините ќе...

Македонија7 часа

(Видео) Ѓорчев: Кенија, Руанда, Судан, Гамбија и Сенегал набавија вакцини, фијаско на Заев и Филипче

Владимир Ѓорчев од ВМРО-ДПМНЕ ги обвини премиерот Зоран Заев и министерот за здравство, Венко Филипче, за фијаско со набавката на...

Топ7 часа

Во Тетово приведен наркодилер баран од германската полиција

Полицијата во Тетово приведе 30-годишен наркодилер по кого Интерпол Германија има распишано потерница. Според информациите на МВР, вчера полициски службеници...

Македонија8 часа

Затворена чајџилница во Гостивар, приведен сопственикот

Полицијата затекна 11 гости во чајџилница во Гостивар, после 21 часот. Сопственикот е приведен и против него ќе биде поднесена...

Регион9 часа

Делумно затворање во Србија – угостителските објекти и продавниците нема да работат цел викенд

Од денес напладне во 12 часот до понеделник во 6 часот наутро во Србија ќе се применуваат нови мерки на...

Свет21 час

СЗО: Целосниот извештај за потеклото на Ковид-19 на крај на март

Светската здравствена организација се откажа од плановите за објавување на првите резултати од истрагата за потеклото на коронавирусот во Кина...

Европа22 часа

Состојбата во Чешка критична, дел од пациентите се испраќаат во други земји

Чешка побара од Германија, Швајцарија и Полска да примат десетици пациенти заразени од Ковид-19, бидејќи состојбата во чешките болници е...

Македонија1 ден

Убиецот на Мартин Нешкоски од Бугарија спроведен во затворот „Идризово“

За помалку од месец по апсењето, Бугарија го екстрадира специјалецот Игор Спасов, убиецот на Мартин Нешкоски. Пред 25 дена тој...

Македонија1 ден

Руската вакцина ќе пристигне во Македонија оваа недела

Премиерот Зоран Заев соопшти дека, најверојатно, првите 3.000 вакцини „спутник в“ ќе пристигнат во земјата в недела. „Еве, јас знам...

Македонија1 ден

Медицинска сестра од Ортопедија за операција барала 300 евра, бонбониера и пијалак, во полиција ја пријавиле доктори

Медицинска сестра од Клиниката за ортопедија е обвинета дека за операција барала и добила 300 евра, бонбониера и пијалак. Во...

Топ1 ден

Прекината свадба во Тетово, притворен сопственикот на угостителскиот објект

Полицијата вчера прекинала свадба со 110 гости угостителски објект во Тетово. Приведен е сопственикот на угостителскиот објект. „По претходна пријава,...

Топ1 ден

Познат идентитетот на убиените во Топанско Поле

МВР со детали за пукањето ноќеска во скопската населба Топанско Поле. Како што се наведува, убиени се лицата А. Б....

Регион1 ден

„Блиц“: Колапс на системот во Врање – преполни болници, а Македонците стигнаа на шопинг

Епидемиолошката состојба во српскиот град Врање е вонредна и исклучително тешка, предупредуваат експертите во земјата. Покрај наглото зголемување на бројот...

Европа1 ден

Молдавија прва во Европа доби вакцини преку „Ковакс“

Молдавија е прва европска земја што доби вакцини против коронавирусот од глобалната програма „Ковакс“, објави претседателката Маја Санду. Таа на...

Свет1 ден

(Видео) Во зоолошка во Сан Диего вакцинирани мајмуни против коронавирусот

Девет мајмуни во зоолошката градина во Сан Диего – четири орангутани и пет бонобо – се вакцинирани против Ковид-19, со...

Македонија1 ден

Ноќеска пукање во Топанско Поле, мртви две лица

Двајцата убиени, во кои ноќеска беше пукано, се од Скопје, на возраст од 24 и 28 години, велат од МВР...

Досие