Сите оние кои од комфорот на своите станови се противат на проектот кај Холидеј ин треба да дојдат и да ги погледнат условите во кои се живее овде. Повеќе од 50 години живот во услови како од 19 век, а фотографиите кои ги испраќаме бараме медиумите да ги објават во целост за сите да ги видат.

Овде нема ниту зеленило, ниту инфрааструктура, ниту основни услови за движење низ улиците. Се зборува за заштита на зеленилото, а факт е дека тука во моментов нема никакво зеленило освен руиниран асфалт и стари улици.

Според проектот ќе има многу пати повеќе зеленило од сега и навистина е нејасно зошто некој се противи на тоа. Даваме целосна поддршка на проектот со кој конечно се става крај на нашата голгота и хаосот кој владее среде центарот на Скопје.

Зошто ние како граѓани имаме помалку права од другите граѓани во Аеродром, Карпош и останатите населби? Како тие може да градат на своите имоти, да надградуваат или реновираат, а ние сме дискриминирани и со години не може да си го решиме проблемот?

Овој проект го решава деценискиот проблем на преку 200 жители на Ново Маало и обезбедува многу зеленило и јавен простор. Силно ќе се спротивставиме на сите обиди да се запре овој проект кој за нас значи нормални услови за живот.

(ПР текст)

Утринава, на заедничка прес-конференција, градноначалникот на општина Центар, Саша Богдановиќ, со претседателката на Државната комисија за спречување на корупцијата (ДКСК), Билјана Ивановска, и другите членови, најавија продолжување на почнатите активности со цел расчистување одредени предмети за кои Општината веќе поведе конкретни постапки пред институциите.

Општина Центар до ДКСК достави извештај за повеќе предмети, кои, како што велат од Општината, доколку бидат расчистени од страна на другите институции, ќе придонесат во решавањето на состојбата со урбанистичките планови, кои Уставниот суд, по укинатата општинска одлука за неспроведување на плановите, односно мораториум, ги прогласи за законски и важечки.

„Со предавањето на овие предмети мислам дека заедно со членовите на ДКСК ќе дадеме забрзан тек на работите бидејќи со расчистување на овие предмети ќе успееме да докажеме одредени незаконски работи што се случувале во минатото, а за жал, денеска ги гледаме како последици. Најважно е сите процеси што се водат пред сите институции, но и процесите што ги води Центар, да бидат јасни и чисти и точно да се знае каде се направени прекршувања и кој ќе сноси одговорност за нив“, изјави Богдановиќ на прес-конференцијата.

Тој најави дека во периодот што претстои службите на Општина Центар и градоначалникот ќе продолжат со активности и поднесоци до сите надлежни државни институции со единствена цел – расчистување на сите урбанистички прекршувања што се случиле во 2012 година и претходно.

Во рамките на унапредување на меѓународната билатерална соработка, државната секретарка на МВР, Магдалена Несторовска, беше домаќин на државниот секретар на словенечкото МВР, Франц Канглер, при што беше остварена средба и со министерот за внатрешни работи, Оливер Спасовски.

Државните секретари во рамките на работниот состанок разговарале во насока на успешно справување со миграциската криза, борбата против трговијата со луѓе и шверцувањето мигранти, како и потребата од склучување засебен протокол за соработка на комисиите во областа на трговијата со луѓе.

Исто така, се разговарало и за потребата од соработка во областа на заедничките обуки меѓу државите и размена на искуства во областа на воздухопловството.

Од страна на словенечкиот државен секретар биле презентирани приоритетите на словенечкото претседавање со Советот на ЕУ, активностите што произлегуваат во рамките на процесот „Брдо“, како и апсолутната словенечка поддршка за Република Северна Македонија кон полноправното членство во ЕУ.

Министерот Спасовски пред словенечкиот гостин ја образложил и потребата за склучување имплементациски договор врз основа на Конвенцијата за полициска соработка на Југоисточна Европа, за воспоставување заеднички контакт-центри за размена на информации, кои играат важна улога за зајакнување на прекуграничната соработка и придонесуваат кон борбата против прекуграничниот криминал и тероризам.

Канглер во придружба на директорот на Бирото за јавна безбедност на МВР, Сашо Тасевски, го посетил и граничниот премин Богородица во Гевгелија, како и групата на словенечки полицајци што вршат заеднички операции за надзор и контрола на јужната граница со цел спречување на илегалната миграција.