Контакт

Македонија

(Видео) Плаќање затезна камата не е кривично дело, а во „Топлик“ е штета и без неа немаше да постои предметот

Објавено пред

Случајот „Топлик“ е првиот каде што затезна камата се смета за штета и се досудуваат осудителни казни. Додека Обвинителството посочува дека и тие како институција плаќале затезни камати по правосилни судски одлуки, обвинителот Бурим Рустеми седна на обвинителна клупа шест лица, меѓу кои и ексминистерот Миле Јанакиески и Димитар Димовски, поранешен член на Извршниот комитет на ВМРО-ДПМНЕ. Судијата Осман Шабани прифати ова да се смета за штета на буџетот. По завршување на судењето, Рустеми рече дека ако немало штета, немало да има ниту предмет.

dobivaj vesti na viber

„Како што веќе кажа судот, фактички затезната камата претставува само последица од неправите дејства преземени од страна на обвинетите, односно сите прекршувања од страна на обвинетите. Затезната камата претставува директна последица од нивните дејства. Тоа не претставува некој граѓанско-правен однос, па да се заклучи дека каматата не е штета. Ако се гледа како целина кривично-правниот настан, лесно се извлекува дека тоа е последица на дејствата на обвинетите во овој настан“, изјави Рустеми.

Наспроти него, во јануари годинава од Обвинителството посочија дека плаќање затезна камата не е кривично дело и дека тоа се прави врз основа на правосилни пресуди. Од таму посочија дека и тие исплаќале вакви средства од буџетот.

„Како и повеќето правни лица, така и јавните обвинителства во текот на своето работење се соочувале со одредени ситуации во кои наплатата на долгот се вршела по судски пат, па притоа биле досудени и законски казнени камати. При наплатата од буџетот на институцијата се симнува целата досудена сума, во која се вклучени основниот долг, каматите и други трошоци предвидени во пресудата“, рекоа од Обвинителството во јануари 2022 година.

Судијата Осман Шабани одлучи затезната камата да ја смета за штета иако таа е досудена со судска спогодба.

„Тринаесет градежни парцели наведени во договорот не одговарале со површините дадени во урбанистичкиот план по што, по поднесената тужба од ‘Сан сити’, државниот правобранител со судска спогодба го раскинал договорот со друштвото ‘Сан сити’ поради што Министерството за транспорт и врски било задолжено на износ од 223.954.780 денари, која била цената на договорот да исплати затезна камата сметано од 1.12.2009 година до 30.9.2012 година за што на 18.2.2013 година од сметката на Министерството за транспорт и врски на сметката на друштвото ‘Сан сити’ била исплатена затезна камата од 65.206.833 денари за кој износ го оштетиле буџетот“, рече Османи.

Случајот го следеа и други контроверзии поврзани со штетата. Обвинителот Бурим Рустеми, по изрекувањето на пресудата, призна дека додека ја водел истрагата, водел и состаноци во Владата.

Прашан дали е точно тврдењето дека се сретнал и со ексгенералниот секретар Драги Рашковски, двапати одбегна одговор на прашањето.

Адвокатот Еленко Миланов минатиот февруари посочи дека токму во канцеларијата на Рашковски, вработената во Министерството за транспорт и врски, Анета Јорданова, реизработила документ за побарување евентуална направена штета во предметот „Топлик“.

„Сметам дека тие се невистинити обвинувања бидејќи сите состаноци случени во текот на истрагата и во целиот кривично-0правен настан се во насока на евентуално произнесување на Државното правобранителство, кое е независен орган и фактични тоа е органот што треба да се произнесе за евентуална штета. Факт е дека судот денес утврди постоење штета, ирелевантно е мислењето на другите лица и на другите органи“.

На прашањето дали ова значи дека не се сретнал со Рашковски, тој додаде: „Сакам да кажам дека состанокот остварен во Владата е реализиран со лицата што всушност се државни претставници, не сум се сретнал со никого приватно во врска со овој предмет. Сум се сретнал со сите со кои беше потребно да се видам“.

За случајот „Топлик“ досудени се две затворски казни и четири условни осуди.

Македонија

Тренчевска: Оваа Влада ги зголеми платите на вработените во градинките 36 отсто

Објавено пред

Од 2017 година и направената анализа на состојбата во градинките утврдена е очајна состојба. Се утврди недостиг на приближно 2.000 работни места, а повеќето од тие што работеа во нив беа вработени со договор на определено време. Сите тие со доаѓањето на оваа Влада добија решенија на неопределено време. Од 2018  до 2022 година вкупно оваа Влада има дадено согласности за вработување за 2.385 лица“, рече министерката за труд и социјална политика, Јованка Тренчевска, одговарајќи на пратеничко прашање за состојбата со вработени во градинките.

dobivaj vesti na viber

Таа посочи и дека Министерството за труд и социјална политика има доставено барања за согласности до Министерството за финансии, што ќе претставува зголемување на бројот на вработувања, особено кај што има пензионирања, трајни откази и нови капацитети.

Министерката се осврна и на платите на вработените во градинките, кои во 2019 година оваа Влада ги зголеми 21 %, а со новата спогодба со СОНК дополнително платата на воспитувачките и негувателките ќе биде зголемена 15 % , што претставува зголемување од 36 % зголемена плата во 2022 година за разлика од времето кога ВМРО-ДПМНЕ беше на власт, кога платата на вработените во градинките беше зголемена едвај 4 %.

Таа рече дека сите вработувања во градинките се на товар на државата, на Министерството за труд и социјална политика, како и материјалните трошоци, како и дека со ребалансот на буџетот се предвидени и зголемувања на блок-дотациите на материјалните трошоци затоа што оваа Влада има слух и ја зема предвид состојбата на економската и на енергетската криза со која сите се соочуваме.

Исто така, се зголемуваат блок-дотациите и за нови вработувања, сè со цел опфат на што поголем број деца во предучилишните установи.

„Од почетокот на 2017 година до денес имаме изградено 69 детски градинки, со опфат на 4.300 деца. Во тек е изградбата на 28 градинки, од кои 13 ќе бидат отворени до крајот на оваа година и со тоа ќе се зголеми опфатот на нови 1.360 деца. До крајот на 2023 година ќе бидат завршени уште 15 нови градинки и зголемен опфат за нови 1.905 деца. Ова е потврда колку се инвестира во детската заштита“, рече Тренчевска.

Прикажи повеќе...

Македонија

Трајковски: Не е точно дека сум ја повлекол кандидатурата за претседател на НСДП

Објавено пред

Секое кандидирање и евентуално повлекување на кандидатура е лично право на кандидатот, реагира организацискиот секретар на НСДП, Кристијан Трајковски.

dobivaj vesti na viber

Тој смета дека информирањето на јавноста во негово име од страна на други членови на НСДП е манипулативно, неетичко и крајно дискредитирачко и дезинформирачко.

„Од таа причина ги информирам медиумите и јавноста дека ваквата постапка ме поттикнува уште посилно да продолжам во мојата борба за слободна и демократска НСДП. На 4 јуни, на петтиот конгрес на партијата, во согласност со Статутот на партијата, ќе се самокандидирам за иден претседател на НСДП, а информациите за повлекување на мојата кандидатура се невистинити.

Нема да дозволам да ја изневерам довербата на членовите на НСДП, како и нивната искрена желба за демократски промени во партијата и воедно ги повикувам сите делегати и членови на 4 јуни да постапат во согласност со сопствеото убедување, волја и морал и да имаме вистински демократски конгрес, кој на крајот ќе нè обедини во водењето на партијата“, порача Трајковски.

Претходно, НСДП преку соопштение информира дека Трајковски ја повлекол својата кандидатура за претседател на партијата.

Прикажи повеќе...

Македонија

Ковачевски: Ги реализираме ветувањата, политиките на раст на платите и на животниот стандард продолжуваат

Објавено пред

Покачувањето на платите, покачувањето на пензиите, покачувањето на стандардот на граѓаните е она на што останавме доследни и на што ќе останеме доследни и во продолжението на мандатот иако на тој пат имаше голем број опструкции, сепак сите потребни решенија беа донесени, рече премиерот Димитар Ковачевски на седницата за пратенички прашања во парламентот и додаде дека политиките на раст на платите и на животниот стандард на граѓаните ќе продолжат.

dobivaj vesti na viber

Тој посочи дека Владата го реализира клучното предизборно ветување на социјалдемократската Влада за просечна плата до 30.000 денари, што со последните податоци од Државниот завод за статистика е надминато. Односно, просечната месечна исплатена нето-плата од вработен во март 2022 година е на ниво од 31.080 денари, што во однос на март 2021 година е зголемување од 10,1 проценти или за една година просечната плата пораснала 2.863 денари, а во однос на март 2017 година покачувањето е 8.635 денари, кога просечната плата била 22.445 денари.

„Владата и во услови на најголема светска економска и од секаков вид друга криза продолжува со засилена динамика да работи на зголемувањето на просечната плата, тука удел, нормално, има и минималната плата, која ја зголемивме на 18.000 денари, а исто така и пензиите доживеаја историски најголем раст, првин преку усогласувањето направено на почетокот на годината преку менувањето на методологијата и усогласувањето што ќе следува во септември“, додаде премиерот.

Тој посочи дека во согласност со статистичките податоци ваквото зголемување се должи, пред сè, на зголемувањето на просечната месечна исплатена нето-плата за вработен во финансиските дејности и дејностите на осигурувањето; уметност, забава и рекреација и објекти за сместување и сервисни дејности со храна.

Премиерот Ковачевски нагласи и дека мерките за поддршка за зголемување на платите во приватниот сектор преку субвенционирање дел од придонесите имаат значајна улога во зголемувањето на платите во приватниот сектор, а дека во јавниот сектор веќе се водат разговори за усогласување на платите во согласност со нова методологија, а насочи и на факторот невработеност, кој е на историски најниско ниво од 15,2 проценти.

„Ова покажува една поздрава кондиција на македонската економија“, оцени премиерот Ковачевски насочувајќи го како важно пред претстојната зима.

„Пред нас имаме тешка зима. Имаме држави што прогласуваат и вонредна состојба во однос на цената на храната и енергентите и достапноста на енергентите и значајно е што приходите на граѓаните се зголемени, имаме зголемување на минималната плата, пензиите се зголемени, имавме и еднократна помош при зголемувањето на цената на електричната енергија. Тоа нè прави поподготвени да можеме да го дочекаме наредниот период, кој очигледно ќе биде исклучително кризен на територијата на целиот европски континент“, рече премиерот Ковачевски на седницата за пратенички прашања во парламентот.

Прикажи повеќе...

Најново

Македонија33 минути

Ковачевски: Ги реализираме ветувањата, политиките на раст на платите и на животниот стандард продолжуваат

Покачувањето на платите, покачувањето на пензиите, покачувањето на стандардот на граѓаните е она на што останавме доследни и на што...

Македонија1 час

Собранието: Деловникот дозволува можност за затворање на вратите на салата на барање на претседателот

Проѕирна е намерата на опозицијата, која сите овие години ја опструира работата на законодавниот дом и оневозможува донесување битни закони...

Топ3 часа

Дете загина во тешка сообраќајна несреќа на автопатот Скопје – Велес

Едно дете загина, а две лица се тешко повредени во сообраќајна несреќа на автопатот Скопје – Велес. Според информациите од...

Европа3 часа

Шолц: Русија нема да победи во војната во Украина, ниту ќе ги диктира условите за мир

Германскиот канцелар Олаф Шолц денеска изјави дека Русија нема да победи во војната во Украина и посочи дека Москва не...

Македонија4 часа

ВМРО-ДПМНЕ и коалицијата ќе поднесат интерпелација за Талат Џафери

Пратеничката група на ВМРО-ДПМНЕ и коалицијата „Обнова за Македонија“ ќе поднесат интерпелација на претседателот на Собранието, Талат Џафери, најави координаторот...

Европа7 часа

Кадиров ѝ се заканува на Полска: Ако добиеме наредба, за шест секунди ќе ви покажеме на што сме способни

Чеченскиот лидер Рамзан Кадиров ѝ се закани на Полска. Тој на својот канал на „Телеграм“ објави видео во кое вели...

Европа7 часа

И по неколкучасовните разговори на делегациите, Турција продолжува да се противи на членството на Шведска и Финска во НАТО

Шведски и фински дипломати вчера имаа повеќечасовни разговори со турските колеги, меѓутоа, како што јавуваат агенциите, не е постигнат договор...

Европа7 часа

Путин првпат ги посети ранетите руски војници

Рускиот претседател Владимир Путин вчера првпат ги посети војниците во болница во Москва, три месеци по почетокот на офанзивата на...

Македонија17 часа

Џафери ги заклучи вратите на салата во Собранието и ги исклучи микрофоните

Собранискиот спикер Талат Џафери побара да се заклучат собраниските врати од салата за да службите пребројуваат пратеници, а пратениците на...

Македонија18 часа

Ковачевски – Дендијас: Фокусирани сме на зајакнување на стратешкото партнерство меѓу Македонија и Грција

Претседателот на Владата денеска го прими министерот за надворешни работи на Република Грција Никос Дендијас, кој е во еднодневна посета...

Свет20 часа

Вартоломеј: Руската православна црква нѐ разочара, патријархот Кирил треба да му се спротивстави на Путин

Вселенскиот патријарх Вартоломеј денеска изјави дека Руската православна црква ги предала отците на православната црква поддржувајќи го нападот врз Украина....

Македонија22 часа

Повисоки плати ќе добијат судиите и обвинителите

Владата денеска ги прифати и измените и дополнувањата на Законот за плати на јавните обвинители. Со предложените одредби, како што...

Свет24 часа

Нови детали за хоророт во Тексас: сите деца биле убиени во една училница

Објавени се нови детали за страшното масовно убиство што се случи вчера во Основното училиште во Тексас. Во нападот на...

Македонија1 ден

(Интервју) Вангелов: Решение е можно ако Бугарите немаат разорно токсични изјави

Членот на мешовитата Комисија за историски и образовни прашања меѓу Македонија и Бугарија, Огнен Вангелов, во интервју за „Макфакс“ вели...

Македонија1 ден

Се преговара за набавка на посебни ПЦР-тестови за дијагностицирање мајмунски сипаници

Здравствениот систем се подготвува за евентуална појава на мајмунски сипаници и кај нас, извести денес Комисијата за заразни болести. Доктор...

Македонија1 ден

Османи: Императив е во јуни да се почне со долго задоцнетиот пристапен процес

Императив е да се почне со веќе долго задоцнетиот пристапен процес на Македонија и Албанија сега во јуни, порача денеска...

Македонија1 ден

Руската православна црква го поздрави признавањето на автокефалноста на МПЦ-ОА

Признавањето на автокефалноста на црквата во Северна Македонија од страна на Српската православна црква е радосен настан, изјави заменик-претседателот на...

Македонија1 ден

Џафери не чувствува одговорност да им се извини на собраниските службеници

Собранискиот спикер Талат Џафери не чувствува одговорност да се извини на собраниските службеници кон кои се обратил со пцости, а...

Свет1 ден

Убиецот пред масакрот во Тексас и’ испратил порака на непозната девојка: „Имам мала тајна“

Осумнаесетгодишниот Салвадор Рамос, кој уби најмалку 19 ученици и двајца учители во основното училиште „Роб“ во Тексас, пред масакрот на...

Македонија1 ден

„Бегај бе таму, хеј сус“ – пратениците од ВМРО-ДПМНЕ со транспаренти во Собранието побараа оставка од Талат Џафери

Со транспарент, на кој е испишано „Бегај бе таму, хеј сус“, пратениците на ВМРО-ДПМНЕ побараа оставка од претседателот на Собранието,...