Контакт

Македонија

Видео порака на Столтенберг: Вратата е отворена, ве чекаме во НАТО

Објавено пред

Генералниот секретар на НАТО, Јенс Столтенберг преку видео порака се обрати до македонската јавност и ја повика да одлучи дали ќе помине низ вратата на НАТО која е отворена.

,,Сега е време вашите гласови да бидат слушнати. Ова е можност што се укажува еднаш во животот. Вратата на НАТО е отворена, но само граѓаните на вашата земја можат да одлучат да ја поминат” ,  вели Столтенберг, кој наскоро се очекува да ја посети Македонија.

 

Македонија

Ниту еден родител не е казнет за невакцинирано дете од почетокот на епидемијата на морбили

Објавено пред

Ниту еден родител не е казнет за невакцинирано дете од почетокот на епидемијата на морбили иако пред два месеца само во Скопје беа регистрирани 15.000 невакцинирани деца. Секојдневно здравствените власти апелираат родителите да ги вакцинираат децата како единствен начин за справување со епидемијата, но казнувањето за невкацинирани деца, како законска обврска, не се применува.

Државниот санитарен и здравствен инспекторат (ДЗСИ) објаснува дека неказнувањето е резултат на недостиг на податоци од вакциналните пунктови.

„Епидемијата на морбили е прогласена пред неполни два месеца. Во тој период ние немаме пријави од вакциналните пунктови за невакцинирани деца. Затоа во овие два месеца немаме казни во Скопје, а епидемијата е прогласена во Скопје“, вели Иринка Сотирова-Бухова,  директорката на ДЗСИ за „Макфакс“.

Од ДЗСИ велат дека ЈЗУ „Здравствен дом Скопје“ не им испраќа повратни информации за невакцинирани деца оти не постои таква законска обврска.

„Од овие причини ДСЗИ писмено се обрати до ЈЗУ ‘Здравствен дом Скопје’ со барање, во иднина да ни доставуваат податоци за невакцинирани деца. Во останатите градови низ Републиката здравствените домови континуирано доставуваат податоци за невакцинирани деца и од страна на инспекторите се поведуваат прекршочни постапки. Во 2018 година покренати се 110 постапки, од нив 20 родители ја платиле казната, а за останатите се поведени судски постапки“, велат од ДЗСИ.

Инспекторатот направил контрола на 98 градинки во Скопје откако е прогласена епидемијата и констатирал дека во сите се почитува наредбата за забрана на прием на невакцинирани деца со МРП.

Епидемија на морбили во Скопје беше прогласена на втори јануари годинава, кога здравствените власти објаснија дека се работи за смртоносна болест и апелираа да се вакцинираат невакцинираните со МРП (морбили, рубеола, паротит). По прогласувањето на епидемијата имаше три смртни случаи од морбили на деца под две години.

На апелите за вакцинирање, пак, одговориле 7.985 деца кои ја примиле МРП-вакцината по прогласувањето на епидемијата.

На Клиниката за инфективни болести, според последните податоци од Министерството за здравство, од мали сипаници се лекуваат 21 пациент од кои 14 се деца под една година.

Прикажи повеќе...

Македонија

Заев и Димитров нема да одговараат за велепредавство

Објавено пред

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи, Никола Димитров, за велепредавство.

Надлежен јавен обвинител од Основното јавно обвинителство Скопје донесел решение со кое се за отфрла кривичната пријава што беше поднесена од Светскиот македонски конгрес на 14 септември минатата година против Зав и Димитров за повеќе кривични дела – повреда на угледот на државата, излагање на подбив на македонскиот народ и припадници на заедниците, велепредавство, загрозување на независноста, здружување заради непријателска дејност, несовесно вршење на службата и самовластие.

Пријавата беше поднесена против лицата во својство на министер за надворешни работи и претседател на Владата и во неа се наведува дека тие сториле и кривични дела – терористичко загрозување на уставниот поредок и безбедноста и злоупотреба на службена положба и овластување за кои, согласно законската надлежност, претходно се произнесе Основното јавно обвинителство за гонење организиран криминал и корупција.

Според СМК, тие делата ги извршиле склучувајќи ја Конечната спогодба за решавање на разликите опишани во резолуциите 817 (1993) и 845 (1993) на Советот за безбедност на Обединетите нации. Притоа пријавените постапиле спротивно на уставната обврска да го штитат уставниот поредок и суверенитетот, а со промена на идентитетот на нацијата ја загрозиле унитарноста и независноста и државата ја довеле во положба на потчинетост или зависност кон странска држава.

„По проучување на наводите во пријавата, надлежниот јавен обвинител утврди дека во дејствијата на пријавените не се содржани битни елементи на наведените кривични дела.
Имено, за да може водењето на преговорите за промена на името на државата во кривично-правна смисла да се смета за повреда на угледот на државата и излагање на подбив на македонскиот народ и припадниците на заедниците, потребно е кај пријавените да постои јасно утврдена намера насочена кон потсмев, омаловажување и обезвреднување на Републиката.

Во преамбулата на спогодбата двете страни потписнички се обврзуваат на почитување на начела, принципи и стандарди кои се меѓународно прифатени, а со цел решавање на разликите околу името и зацврстување на добрососедските односи. Притоа, намерата за исмејување, како посебен субјективен елемент на противправноста не е содржана во дејствата на пријавените.
Кривичното дело ‘велепредавство’ може да му се стави на товар на некое лице единствено ако со употреба на сила или сериозна закана се обиде да го измени уставниот поредок на државата или да ги собори највисоките државни органи. Во дејствијата на пријавените нема примена на сила, ниту сериозна закана како средство за изнудување определена одлука или поведение.
Кога станува збор за кривичното дело ‘загрозување на независноста’, пријавените при потпишувањето на Спогодбата, не биле ниту под влијание, ниту, пак, имале помош од државата кон која нашата земја би се довела во потчинетост или зависност, што се клучни елементи на битието на ова кривично дело”, соопшти Обвинителството.

Надлежниот јавен обвинител констатирал дека во дејствијата на пријавените при потпишување на спогодбата не постои заговор за вршење велепредавство или други кривични дела, па со самото тоа не постојат ниту елементите на кривичното дело „здружување заради непријателска дејност“.

,,Во однос на кривичното дело ‘несовесно работење во службата’, потребно е од страна на службено лице да бидат преземени дејствија кои претставуваат повреда на законските прописи за судир на интереси или за совесно постапување при вршење дискреционо овластување, со пропуштање должен надзор, со што се прибавува корист за себе или друг или, пак, на друг ќе му биде нанесена штета. Во овој случај не може да стане збор за постоење намера за прибавување корист или нанесување штета, односно ваквите наводи во пријавата се базираат на претпоставки на пријавителот за кои нема можност за докажување.

Кривичното дело ‘самовластие’ од член 392 став 1 од Кривичниот законик, пак, се гони по приватна тужба и за ова дело јавниот обвинител не е овластен тужител. Имајќи ги предвид наведените факти, надлежниот јавен обвинител донесе решение за отфрлање на кривичната пријава бидејќи пријавените дела не се кривични дела за кои се гони по службена должност”, наведува скопското обвинителство.

Прикажи повеќе...

Македонија

Собраниска делегација на Зимската сесија на ПС ОБСЕ

Објавено пред

Утре и задутре во Виена, Австрија, ќе се одржи Зимската сесија на Парламентарното собрание на ОБСЕ, на која ќе учествуваат пратениците: Владимир Ѓорчев, шеф на Делегацијата; Јагода Шахпаска и Реџаиљ Исмаили, членови на Делегацијата на Собранието на Република Северна Македонија во Парламентарното собрание на Организацијата за безбедност и соработка во Европа.

На агендата на ова заседание на трите генерални комитети на ПС на ОБСЕ, ќе се разгледуваат актуелните настани во ОБСЕ, следено со прашања и одговори и ќе биде дебатирано за решавање на долготрајните конфликти: алатки и механизми на ОБСЕ (Прва комисија), добро владеење во областа на борбата против корупцијата, перењето пари и финансирањето на тероризмот во регионот на ОБСЕ (Втора комисија), обемот на легитимните ограничувања на човековите права во време на вонредна состојба (Трета комисија) и за претстојната годишна сесија на Парламентарното собрание на ОБСЕ, кое ќе се одржи од 4 до 8 јули 2019 година во Луксембург.

Пратениците Шахпаска и Исмаили ќе учествуваат и на состанокот на Групата за поддршка на Патот на свилата (Silk Road Support Group) на ПС на ОБСЕ.

На учесниците на оваа сесија со поздравни говори ќе им се обрати Волфганг Соботка, претседател на Националниот совет на Австрија; Георге Церетели, претседател на ПС на ОБСЕ; Мирослав Лајчак, претседавач на ОБСЕ и министер за надворешни работи на Словачка, и Томас Гремингер, генерален секретар на ОБСЕ.

Прикажи повеќе...

Најново

Македонија14 минути

Ниту еден родител не е казнет за невакцинирано дете од почетокот на епидемијата на морбили

Ниту еден родител не е казнет за невакцинирано дете од почетокот на епидемијата на морбили иако пред два месеца само...

Топ16 минути

Дедото на Кирацовски ќе се повлече од работното место

Таткото на сопругата на пратеникот Александар Кирацовски, Борис Поповски, ќе се повлече од работното место, објави на „Фејсбук“ Кирацовски. Тој...

Македонија1 час

Заев и Димитров нема да одговараат за велепредавство

Скопското обвинитeлство ја отфрли кривичната пријава на Светскиот македонски конгрес поднесена против премиерот Зоран Заев и министерот за надворешни работи,...

Македонија2 часа

Сопругата на директорот на ЕЛЕМ вработена како шефица на кабинет во Централен регистар

Александра Миновска, сопруга на директорот на ЕЛЕМ, Драган Миновски, од октомври минатата година е вработена како шефица на кабинет кај...

Македонија3 часа

Две бомби од Првата светска војна пронајдени во Битола

Вчера на булеварот 1 Мај во Битола, во близина на местото викано Црн Мост при изведување на градежни работи при...

Регион3 часа

Непознат маж му се заканувал на Мицотакис со бомба

Лидерот на опозициската Нова демократија во Грција, Киријакос Мицотакис, пријавил синоќа закана со бомба која ја добил додека сè уште...

Македонија3 часа

Бугарија го ратификуваше протоколот за НАТО

Со 140 гласа „за“, бугарскиот парламент го ратификуваше протоколот за пристапување на Северна Македонија во НАТО, објави бугарската новинска агенција...

Македонија4 часа

Синот на пратеникот Мисовски: Поднесов оставка поради хистеријата, се надевам јавноста ќе здивне

Откако Кристијан Мисовски, син на пратеникот Горан Мисовски, пред четири дена се повлече од работното место во Агенцијата за супервизија...

Свет5 часа

Ердоган: Турција не ќе може сама да се справи со нов бегалски бран од Сирија

Турскиот претседател, Реџеп Тајип Ердоган, изјави дека неговата земја нема да може сама да се справи со уште еден бран...

Свет5 часа

Најмалку четворица повредени откако лавина зафати швајцарски скијачки центар

Четири лица беа повредени, од кои еден е во критична состојба, откако лавина ја погоди скијачката патека „Плен мор“ во...

Свет6 часа

Французин осомничен за десетици убиства, се истражува дали е поврзан со исчезнувањето на 40 лица

Француските иследници идентификувале околу 40 нерешени случаи на исчезнати лица и други нерешени случаи кои се можеби поврзани со поранешен...

Свет17 часа

Седум деца на сириски бегалци изгореа во пожар во Канада

Седум деца од исто семејство загинаа во пожар кој зафати куќа во источниот град Халифакс во Канада, соопшти полицијата. Words...

Европа18 часа

(Видео) Полицијата во Марсеј застрела маж што избол четири лица на улица

Француската полиција застрела маж во центарот на Марсеј кога тој пробол четири лица на прометна улица во градот. Нападот, според...

Македонија18 часа

Ѝ се слоши на обвинетата Стефановска – судењето за „Титаник 2“ одложено

Од 11 до 18.30 часот, со две паузи, траеше денешното рочиште за предметот на СЈО, „Титаник 2“. Денеска требаше да...

Сеад Кочан Трансмет, Труст, СЈО Сеад Кочан Трансмет, Труст, СЈО
Македонија19 часа

Апелација в четврток ќе одлучува за затворот на Кочан и Авировиќ

Апелациониот суд в четврток на јавна седница ќе одлучува за затворските казни на бизнисменот Сеад Кочан и управителот на фирмата...

Македонија19 часа

(Видео) Заев: Имаме четири до шест кандидати, ама не сакаме да се истрчуваме

Премирот и претседател на СДСМ, Зоран Заев, рече дека сѐ уште е рано по средбите со Африм Гаши од Беса...

Крвав четврток21 час

Игор Југ: За да си ги спасат своите задници и банкарски сметки, наместија невини луѓе да спијат во затвор

Политичките елити што беа директни и индиректни творци на 27 април се осмелија да одредуваат за вината на обвинетите во...

Македонија21 час

Ставот на Адеми појак од оној на Заев: Ќе се преиспитуваат само одбиените проекти од скандалозниот конкурс за култура

По обелоденувањето на скандалозниот конкурс на Министерството за култура, каде што бројни проекти кои со години наназад ја обележувале македонската...

Македонија21 час

Мијалков: Секој ден сме на судење

Несогласување и високи тонови помеѓу обвинетите и обвинителите на СЈО за тоа дали денеска да продолжи судењето на случајот „Титаник...

Македонија23 часа

Првиот братучед на градоначалникот Наумоски вработен во Централен регистар

Мирослав Наумоски, прв братучед на градоначалникот на Ѓорче Петров, Александар Наумоски, пред 2 месеца бил вработен во Централен регистар на...

Досие