Контакт

Македонија

(Видео) Северна Македонија и Бугарија ја зајакнуваат соработката во одбраната

Објавено пред

Началникот на генералштабот на Вооружените сили (ВС) на Република Бугарија, генерал Андреј Боцев, во рамки на тридневната официјална посета на земјава денес престојуваше во Mинистерството за одбрана и Генералштабот на Армијата.

По пречекот со високи воени почести, генералот Боцев оствари средба со својот домаќин, началникот на генералштабот, генерал-потполковник Васко Ѓурчиновски, по што се сретна и со вицепремиерот и министерка за одбрана, Радмила Шекеринска.

Во разговорите со министерката Шекеринска стана збор за продлабочување на соработката во обуката на медицински сили, логистика, комуникација, односи со јавност и обука на пилоти.
Заблагодарувајќи се за брзата ратификација на Пристапниот протокол за прием на нашата земја во НАТО, министерката Шекеринска се осврна на успешно реализираната вежба „Одлучен удар“ во која учествуваше и Република Бугарија и рече дека таквите вежби ја зајакнуваат интероперабилноста меѓу армиите и се одличен пример за регионална и меѓудржавна соработка.
Генералите Ѓурчиновски и Боцев за време на средбата разговараа за меѓусебната воена соработка која е во постојан подем, особено во изведување во заедничка обука помеѓу единиците на воена полиција и специјалните единици и заедничко учество на вежби.

Генералот Ѓурчиновски искажа благодарност за поддршката во поглед на нашиот интегративни процес за полноправно членство во НАТО и можноста за школување на нашите старешини во највисоките воени образовни институции во Република Бугарија, кое заедно со соработката во заедничката обука и вежби претставува добра основа за надградување и унапредување на билатералната соработка.

Од страна на генералот Боцев, беше истакнато дека соработката помеѓу двете армии и во наредниот период ќе се интензивира со поголем број  вежбовни активности, пренесување на искуствата од НАТО-интеграцијата, како и во делот на воено-техничката соработка. За време на состанокот, делегацијата од ВС на Република Бугарија се запозна со процесот на трансформацијата на Армијата, учеството во мировните операции и придонесот во справување со мигрантската криза, користење на капацитетите на АП Криволак за вежбовни активности, а се разговараше и за можностите и облиците на понатамошната воена соработка помеѓу двете армии.

НГШ на ВС на ВС на Република Бугарија, за време на посетата, ќе оствари средба со
претседателот Стево Пендаровски, а ќе ги посети полкот за специјални операции и воено-медицинскиот центар каде ќе се запознае со нивната мисијата и задачи.

Високата воена делегација за време на тридневниот престој ќе има можност да посети и дел од културно-историските споменици во Република Северна Македонија, а в недела ќе присуствува на централната свеченост по повод одбележување на денот на Армијата во центарот за обука на вода во Охрид. Соработката на Армијата на Република Северна Македонија со ВС на Република Бугарија во тековната година има преку триесетина заеднички воени активности од кои дел се во нашата република, а дел во Република Бугарија.

Македонија

МОН: Реализирана исплатата на ученички и студентски стипендии за месец мај

Објавено пред

Министерството за образование и наука информира дека е реализирана исплатата на средствата за ученички и студентски стипендии за месец мај 2021 година.

Сите корисници на стипендии кои ги доделува МОН за ученици од средните училишта, студенти запишани на додипломски студии на високообразовните установи во Република Северна Македонија, како и студенти запишани на некој од најдобрите светски универзитети согласно Шангајската ранг-листа, веќе ги добија средствата на своите сметки.

Практиката на редовна месечна исплата на средствата за ученички и студентски стипендии воспоставена на почетокот на годината ќе продолжи и во следниот период, бидејќи од особена важност е младите навремено да ги добиваат средствата кои ги заслужуваат и кои значат мотив и поддршка во процесот на нивната едукација, стои во писменото соопштение од Министерството за образование.

Прикажи повеќе...

Македонија

Антикорупциска утврдила дека парите платени на приватна фирма за кинески вакцини се вратени

Објавено пред

Документот кој го објави ВМРО-ДПМНЕ за исплата на пари од Министерството за здравство, со цел набавка на кинески вакцини, го добиле и во Државната комисија за спречување на корупција. Антикорупционерот Горан Трпеновски вели дека за парите комисијата добила известување дека се исплатени како гаранција за резервација на вакцините. Потоа, според Трпеновски, парите биле вратени на Македонија, а договорот со фирмата од Хонгkонг е раскинат со владина одлука на затворена седница.

„Ги пратиме не само тие објави, туку имаме и предмет за вакцините. Пред крај сме со целиот предмет, имаме информации кои не се сè уште целосни, а конкретно ќе одговорам за вчерашниот документ. Од Народна банка имаме и ние документ дека е извршена исплата на 7 милиони и 8 илјади долари за увоз на стока. Односно МЗ има исплатено на 15 февруари. Народната банка го има реализирано во корист на фирма ‘Старби интернешнл’од Хонконг. Од Министерството за здравство ме известија дека министерството нема исплатено аванс на правно лице за купување вакцини, туку дека се исплатени средства како гаранција за да се изврши резервација на целокупната количина од 200.000 дози вакцини од Синофарм“, вели Трпеновски.

Детали за набавката на вакцините од Кина преку приватната фирма, не се изнесуваат. Дел од документите имаат одредба која предвидува дека тие се тајни. Трпеновски најави дека во наредниот период ќе се организира прес-конференција на оваа тема или пак, брифинг со новинарите, за да се запознае јавноста со целиот случај.

„ Владата заедно со кинеската амбасада по разговорите одлучила да ги прекине започнатите активности и ги побарале назад уплатените средства, што било реализирано. Владата го задолжила Министерството за здравство, парите кои биле префрлени на фирмата биле вратени назад. Владата продолжила по другиот пат, склучила договор со Синофарм. Не можам да изнесам други детали, бидејќи има клаузула за тајност. Ситуацијата е комплексна, треба со ладни глави да се размисли“, рече Трпеновски.

Инаку, вчера ВМРО-ДПМНЕ обвини дека со уплатата на парите кај фирмата ‘Старби интернешнл’од Хонгконг, целта на државата била за двојно повисока цена да ги набави кинеските вакцини. Тие сметаат дека целта биле провизии да завршат во приватен џеб.

Прикажи повеќе...

Македонија

Царовска: Со унапредување на стручното образование до квалитетен кадар

Објавено пред

Денеска се одржа обука за активностите кои треба да ги спроведат директорите на средните стручни училишта каде во новата учебна 2021/2022 година започнува имплементацијата на концептот на дуално образование, како и за обврските кои треба да ги преземат во насока на ефективно партнерство со компаниите кои се дел од концептот и ќе учествуваат во едукацијата на средношколците, истата беше во организација на Министерството за образование и наука.

Директорите беа запознаени со искуството и добрите практики во училиштата во државата во кои овој концепт веќе е воведен и дава добри резултати. Исто така, за време на обуката се разговараше и за усогласувањето на наставните планови и програми по кои ќе се реализира наставата, а согласно кои е предвидено значително зголемување на бројот на часови за практична обука директно на работно место кај партнерските компании на училиштата.

На обуката присуствуваше и министерката за образование и наука Мила Царовска, која се осврна на придобивките од воведувањето на концептот на дуално образование првенствено за учениците, но и воопшто за државата во целост. Таа истакна дека заложба на Владата и на МОН е со концептот на дуално образование да бидат опфатени сите средни стручни училишта, затоа што создава добро подготвени ученици за брз и успешен настап на пазарот на трудот, а обезбедува и добра основа за продолжување на образованието на високообразовните установи.

Царовска додаде дека за стимулација на младите да го избираат средното стручно образование, оваа година се предвидени 2.000 стипендии од 3.500 денари за 9 месеци во годината за ученици кои ќе се запишат во дуални паралелки во три и четиригодишно образование, како и 200 стипендии од 2.200 денари исто така за цела учебна година, за ученици запишани на одредени дефицитарни струки, како електротехничка, машинска, угостителско-туристичка струка и други.

Инаку, со новиот конкурс за упис во средни училишта во учебната 2021-2022 година предвидено е да се отворат 97 дуални паралелки со зголемен обем на практична обука за 2.001 ученик. Од нив, дури 86 паралелки се резултат на нови соработки помеѓу училишта и компании воспоставени во изминатите неколку месеци.

Концептот е целосно поддржан од компаниите. Согласно анкетата на МОН од почетокот на годинава, над 85% од нив изразија интерес да воспостават соработка со училиштата на локално ниво и да ги примаат учениците на практична обука, информираат од Министерството за образование.

Прикажи повеќе...

Најново

Македонија1 час

Антикорупциска утврдила дека парите платени на приватна фирма за кинески вакцини се вратени

Документот кој го објави ВМРО-ДПМНЕ за исплата на пари од Министерството за здравство, со цел набавка на кинески вакцини, го...

Македонија2 часа

Заев: Само со нови докази повторно отворање на случајот за крвавиот упад во Собранието

Отворање на случајот одново само доколку има нови докази и моменти. Ова е ставот на премиерот Зоран Заев за барањето...

Европа2 часа

Фон дер Лајен: Сите земји да дозволат извоз на вакцини

Претседателката на Европската комисија, Урсула фон дер Лајен, денеска изјави дека ЕУ е подготвена да го разгледа секој предлог што...

Македонија2 часа

(Видео) Премиерот Заев се вакцинираше со кинеската вакцина на „Синофарм“

Премиерот Зоран Заев се вакцинираше против коронавирус денеска на пунктот во спортската сала „Борис Трајковски“. Тој се вакцинираше со првата...

Македонија4 часа

Вчера се вакцинирале 9.123 граѓани

Министерството за здравство соопшти дека вакцинацијата се одвива непречено на сите пунктови низ државата и дека интересот за вакцинација секојдневно...

Регион5 часа

(Видео) Редици во трговски центар во Србија, покрај вакцинирање даваат пари и ваучери

Денеска во 9 часот наутро е отворен пункт за вакцинација во Трговскиот центар Ушче во Белград. Секој што сака да...

Свет5 часа

Болсонаро: Коронавирусот е направен за да се води биолошка војна

Бразилскиот претседател Жаир Болсонаро изјави дека новиот коронавирус е можеби направен во лабораторија со цел да се води биолошка војна....

Свет6 часа

Најново истражување: „Фајзер“ штити повеќе од 95 проценти од коронавирус

Најголемата студија за ефикасноста на „Фајзер/Бионтек“ против коронавирусот кај општата популација покажа дека вакцината обезбедува повеќе од 95 проценти заштита...

Свет6 часа

Трета доза од вакцината на „Модерна“ штити од бразилскиот и јужноафриканскиот вид

Податоците од студија на 40 лица покажуваат дека дополнителната доза го зајакнува имунитетот против бразилскиoт и јужноафриканскиот вид на коронавирус....

Свет7 часа

ОН: Во светот недостигаат 900.000 акушерки

Светот во моментов се соочува со недостиг од 900.000 бабици и тоа е третина од потребните акушерки, се наведува во...

Македонија18 часа

Владата ги поддржува активностите на Општина Охрид за отстранување на бесправните градби

Владата ги поддржува активностите за отстранување на бесправните градби на охридското крајбрежје, кои ги изведува Општина Охрид, со што ги...

Македонија23 часа

Затворски казни за издавање лажни пасоши на странци со криминално досие

Четири затворски казни и една условна за лицата што признаа дека изработувале лажни пасоши на странци со криминално досие. Судечкиот...

Македонија23 часа

323 нови случаи на Ковид-19, починати се 24 лица

Министерството за здравство информира, во согласност со податоците од Институтот за јавно здравје, дека во последните 24 часа се направени...

Македонија1 ден

Филипче: Одлуката за полицискиот час не ја донесов сам, туку по телефонска консултација со членовите на Комисијата

Одлуката за скратување на полицискиот час и за продолжување на работното време не е политичка, изјави министерот за здравство, Венко...

Македонија1 ден

Министерство за здравство: Граѓаните кои добиле порака да се вакцинираат во друг град, сами ја згрешиле локацијата

Граѓаните при закажување на веб-страницата vakcinacija.mk сами направиле погрешен избор на локација каде сакаат да се вакцинираат и поради тоа...

Македонија1 ден

Заев: Не верувам дека Црвенковски ќе формира нова партија

Премиерот и претседател на СДСМ, Зоран Заев, не верува дека експретседателот на Социјалдемократскиот сојуз Бранко Црвенковски ќе формира нова партија....

Свет1 ден

Вакцините на „Фајзер“ и „Модерна“ ја намалуваат хоспитализацијата на стари лица за 94 проценти

Вакцинацијата со вакцините на „Модерна“ или на „Фајзер“ значително го намалува ризикот од хоспитализација на стари лица, покажуваат податоците на...

Регион1 ден

Вучиќ: Вакцинираните ќе добијат парична помош како награда

Претседателот на Србија, Александар Вучиќ, рече дека е донесена одлука за обезбедување дополнителна парична помош за оние кои се вакцинирани...

Свет1 ден

(Видео) Израел ја рaкетираше Сирија, има и жртви

Израел рано утрово ja ракетираше северозападна Сирија при што загина најмалку еден човек, а повредени се шестмина. Авиони на израелското...

Свет1 ден

Бајден: Нашата цел е до 4 јули да бидат вакцинирани 70 отсто Американци

Американскиот претседател, Џо Бајден, изјави дека целта е до 4 јули барем со една доза вакцина против коронавирус да бидат...

Досие