Македонија
(Видео) Спасовски: Организираниот криминал не познава граници
Oрганизираниот криминал не познава граници и е во постојано движење и обезбедувањето сигурна и безбедна средина за живеење за нашите граѓани – што претставува една од основните задачи на службите што ги раководиме – може да се реализира единствено преку постојано зајакнување на заедничката оперативна соработка и побрза и поефикасна размена на информации на билатерално и на мултилатерално ниво, рече министерот Оливер Спасовски на отворањето на генералното собрание на Асоцијацијата на шефови на полициски служби на Југоисточна Европа (СЕПКА) во Охрид.
„Реализирајќи ја целта на Асоцијацијата за зацврстување на квалитетот на полициското работење во согласност со демократските принципи и поддржувајќи ги активностите за развивање и изградба на капацитетите за обезбедување и размена на информации, како и продлабочување на регионалната и меѓународната соработка, првото генерално собрание во рамките на претседавањето со СЕПКА на Република Македонија го замисливме како појдовна основа за промовирање на мисијата на Асоцијацијата за континуиран развој, интеграција и имплементација на стратегиите и процедурите за полициско работење во регионот. Професионалниот развој на полицијата во регионот зависи, пред сè, од ефикасноста на мерките за спречување и борба против прекуграничниот организиран криминал и развивање на регионалните партнерства меѓу полицијата и заедниците“, рече министерот Спасовски.
Според него, секоја соработка меѓу државите е чекор напред и начин повеќе да останеме сплотени во заедничката борба против криминалот.
„Регионалната соработка, добрососедските односи и градењето доверба меѓу нас се клучни елементи за стабилност на нашите земји и регионот, воопшто. Тие треба да бидат наш императив, без разлика на проблемот со кој се соочуваме. Индивидуалните постигнувања ќе бидат запаметени, но она што секогаш треба да го ставаме на прво место е тимскиот дух и компактноста што ја покажуваме. Полициските служби од регионот преземаат сопствена иницијатива преку регионална соработка да го докажат постојниот капацитет на земјите сами да соработуваат, да ги усогласат сопствените политики и да придонесуваат кон зголемување на ефективната борба против организираниот криминал, тероризмот и подобрувањето на ситуацијата во регионот. Оттука, Република Македонија како земја домаќин, сега и во иднина, ќе дава несебична поддршка преку исполнување на обврските што произлегуваат од склучените и усвоени документи за воспоставување и унапредување на соработката во рамките на СЕПКА, рече министерот.
Директорот на Бирото за јавна безбедност, Лазо Велковски, потенцира дека како претседател на Асоцијацијата за оваа година лично ќе се заложи за заживување на ова здружение.
„Секако, за тоа ќе ми биде неопходна вашата лична и професионална соработка и помош за заеднички да ги адресираме проблемите со кои со соочуваме и кои ни претставуваат проблем во секојдневното работење. Би сакал да се заблагодарам на Сојузното министерството за внатрешни работи на Република Австрија за несебичната и долгорочна поддршка на Асоцијацијата на шефови на полициски служби на Југоисточна Европа. Благодарам и за соработката што и поддршката што ја добиваме и натаму ќе ја добиваме од Европол“, рече Велковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.
Македонија
Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ
Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе, рече претседателот на ВМРО-ДПМНЕ, Христијан Мицкоски од големиот народен митинг во Охрид, од каде што традиционално ВМРО-ДПМНЕ ја почнува кампањата за парламентарните избори.
Мицкоски посочи дека долго време таа обврска и одговорност како да се одбегнуваше, а понекогаш и се занемаруваше и никогаш како сега не било важно како сега да се случи обединување, да се обезбеди национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум во нападите кон партиите Левица и ЗНАМ. Ова го чувствувам како потреба на македонскиот народ но, и како моја обврска да се обидам да ја реализирам идејата за национално единство во моменти кога таа и е најпотребна на Македонија“, рече Мицкоски.
Додаде дека со Левица и ЗНАМ, ВМРО-ДПМНЕ има свои разлики по повеќе прашања и од идеолошка но и од принципиелна природа, но смета дека во моментов, најважно за Македонија е да се фокусираат на оние кои што ја киднапираа државата од граѓаните.
„Но, ценам дека во моментов најклучно за иднината на земјата е да се фокусираме на оние кои ја киднапираа Македонија од рацете на граѓаните. Разидувањата сигурно ќе продолжат, но мора да наоѓаме заеднички јазик без разлика на лични и партиски суети и интереси. Од нив не очекувам да го направат истото. Дури можеби и ќе ме нападнат за овој гест, можеби некои оправдано ќе кажат дека задоцнет, но и покрај тоа, како и да се однесуваат споменатите партии, ние како партија ќе опстоиме на нашиот збор“, порача Мицкоски.