Контакт

Македонија

(Видео) Стоилковски: Владата и Обвинителството да кажат кој сѐ е вмешан во „Рекет“

Објавено пред

Секому му е јасно дека „Рекет“ не застанува на тројцата обвинети и дека спрегата на Зоран Заев со обвинитеството во пупка ги кријат вистинските лица кои што стојат зад најголемата криминално – рекетарска афера, изјави портпаролот на ВМРО-ДПМНЕ, Наум Стоилковски.

Тој рече дека Заев, владата и обвинителството мора да одговорат, дали рекетарската шема е сочинета од следните луѓе:

„Точно ли е дека „професорот“ вклучен во рекетарската мрежа е доскорешен кандидат за претседател на државата, долгогодишен професор на правниот факултет „Јустинијан Прима“ во Скопје, лустриран за соработка со службите?

Точно ли е дека „советникот од странство“ вклучен во рекетарската мрежа, е еден балкански мешетар, со искуство во енергетиката, кој што Зоран Заев го довлечка од Белград во македонската Влада, а за кого што балканските политичари го предупредуваа Заев?

Точно ли е дека „новинарот“ вклучен во рекетарската мрежа, а за кој што пишува Героски, е самопрогласен бард на македонското новинарство на браникот на рекетарската 1ТВ, единствен поранешен директор на Јавниот сервис со средно образование, единствен новинар со безбедносен сертификат, издаден за да има увид во досиејата на потенцијалните рекетирани?

Точно ли е дека „соработничката“, „носител на акцијата“ во рекетарската мрежа, блиска соработничка на Заев од врвот на СДСМ, е истата заради која што се измисли позиција заменик – претседател на партијата СДСМ, и има подарени чевли од Боки13?

Точно ли е дека човекот „од најголема доверба“ вклучен во рекетарската мрежа, за кого што Героски пишува дека „без него не може да се стокми ниту еден бизнис во земјата“, „без аванс од извесна сума евра“, е истиот човек за кого што Заев вели дека седнува со министри, како министерот за здравство, за да „помага на луѓе“?“, праша Стоилковски.

Тој додаде дека оваа исплетена рекетарска мрежа, води до главата на октоподот, односно, како што рече, до шефот на државната мафија.

„’Рекет’ е производ и носечки столб на владеењето на Зоран Заев и на неговата влада. Заев замина. Се погласни се посочувањата за владеење со закани по живот. Обвинителството не смее да сокрива информации или да остава време за осомничените да го продолжат делото, да влијаат врз сведоци, или да избегаат. Ваква форма каква што е опишана во членот 394 од Кривичниот Законик како злосторничко здружување, и за тоа мора да има одговори и одговорност“, порача Стоилковски.

Македонија

(Видео) Пендаровски: Посетата на Шарл Мишел уверува дека имаме силна поддршка на европскиот пат

Објавено пред

Претседателот Стево Пендаровски оствари средба со претседателот на Европскиот совет, Шарл Мишел, кој престојува во работна посета на земјава.

На заедничката прес-конференција, Пендаровски му се заблагодари на Мишел бидејќи уште на почетокот на неговиот мандат јавно изразил поддршка за отпочнување на претпристапни преговори за Северна Македонија.

„Вашата посета нѐ уверува дека во Вас имаме силен поддржувач на проширувањето на ЕУ. Членството во ЕУ, без никакви резерви, е наша основна стратешка цел и продолжуваме да работиме за нејзино исполнување“, истакна Пендаровски во своето излагање.

Претседателот нагласи дека иако минатиот октомври земјава доби непријани вести, сепак, постои голема надеж дека наскоро ќе има позитивни моменти за нашата европска интеграција.

„Се надеваме дека, многу скоро, уште во март оваа година, ќе биде усвоена новата методологија за водење на претпристапните преговори и дека наскоро ќе има позитивни вести за нашата европска интеграција. Очекуваме дека со новата методологија ќе се зајакне процесот на пристапните преговори, како политички така и во однос на кредибилитетот и одржливоста. Како што Ви истакнав и на нашата средба, ние сме подготвени да ја прифатиме новата методологија затоа што тоа е во наш интерес, процесот да биде одржлив и кредибилен“, му порача македонскиот претседател на Мишел.

Пендаровски додаде дека од сите политичати во земјава, вклучително и оние во опозиција, се очекува да продолжат со работа на реформската агенда и дека европската интеграција не е значајна само за Северна Македонија, туку за целиот регион.

Прикажи повеќе...

Македонија

Матурантите ќе садат генерациски паркови во средните училишта

Објавено пред

Во средните училишта во Скопје продолжува проектот „Зелен лист, воздух чист“, за зазеленување на дворните површини, како дел од Планот за чист воздух на Министерството за животна средина и просторно планирање.

Во средното училиште „Никола Карев“ комплетно е реконструирана дворната површина од околу 6.900 метри квадратни, воведен е систем на автоматско наводнување со вода од бунар, при што не се користи питка вода.

За обновување на зеленило засадени се листопадни, зимзелени садници и украсни грмушки.

Дополнително, во ова средно училиште ќе се засадат плодородни садници, ароматични растенија и сезонско цвеќе, а тоа ќе го спроведуваат и самите ученици во соработка до студентите од Факултетот за земјоделски науки.

Проектот предвидува секоја генерација ученици да учествува во создавањето на свои генерациски паркови, кога матурантите секоја година ќе засадуваат нови зелени садници.

Целта на оваа мерка е дворовите на училиштата да прераснат и да функционираат како парковни површини каде континуирано ќе се надоградува зеленило.

 

Прикажи повеќе...

Македонија

(Видео) Дескоска: ВМРО-ДПМНЕ го користи Јовески како лошо алиби за напуштање на преговорите

Објавено пред

ВМРО-ДПМНЕ очекувано ја напушти средбата, по вчерашната изјава на Христијан Мицкоски, кој кажа дека има забелешки и од сите 9 забелешки, само една е на виделина, рече на прес-конференција министерката за правда Рената Дескоска.

„Не доставија и не ги презентираа забелешките. Избегаа од средбата. Кажаа само 2 предлога, ние продолживме со средбата. За јавна дебата се согласивме, но нивното барање за Јовески не е основано. Претходно бараа претставници од ЕУ и САД и тогаш не побараа присуство на Јовески. Не беше договаран овој формат. Ова е уште едно нивно несериозно однесување, едноставно јасно е дека не сакаат да соопштат јавно пред сите партии дека нивната цел е запирање на сите предмети од СЈО“, порача Дескоска.

Таа додаде дека со останатите партии е договорен нов состанок на кој ќе дадат свои предлози, а ќе има и јавна расправа.

„ВМРО-ДПМНЕ има време да биде дел од преговарачкиот тим, во спротивно ќе имаме впечаток дека не поддржуваат реформи во правосудството и расчистување на криминалот. Јовески ќе биде дел од јавната расправа и не гледам тука што е спорно. Тој беше дел од работната група и ќе биде дел од таа расправа со експерти од оваа област. Јовески го знае предлог-текстот, а ова што тие го користат него како лошо алиби е уште еден обид за напуштање на преговорите“, оцени Дескоска.

Според неа, не е коректно иднината на државата да се стави на коцка и во рацете на ВМРО-ДПМНЕ.

„Ќе бараме 2/3 мнозинство и поддршка од сите партии. Имаме подршка од ДУИ, а конструктивна поддршка покажаа и независните на ВМРО. Ако не постигнеме консензуз за квалитетен закон, нема да го носиме. Затоа ги повикувам сите групи да се вложат и да го подобиме текстот на законот“, нагласи Дескоска.

Претходно, ВМРО-ДПМНЕ ја напушти средбата на работните групи за законот за Јавно обвинителство, откако министерката за правда го одбила нивното барање да го повика државниот јавен обвинител, Љубомир Јовески, да учествува во констриурањето на законот.

 

 

Прикажи повеќе...

Најново

Македонија11 час

(Видео) Пендаровски: Посетата на Шарл Мишел уверува дека имаме силна поддршка на европскиот пат

Претседателот Стево Пендаровски оствари средба со претседателот на Европскиот совет, Шарл Мишел, кој престојува во работна посета на земјава. На...

Европа12 часа

Корона вирусот стигна во Европа, двајца заразени во Франција

Две лица се заразени со корона вирус во Франција, потврди тамошната министерка за АФП. Француската министерка за здравство, Агнес Бузин,...

Македонија15 часа

(Видео) Дескоска: ВМРО-ДПМНЕ го користи Јовески како лошо алиби за напуштање на преговорите

ВМРО-ДПМНЕ очекувано ја напушти средбата, по вчерашната изјава на Христијан Мицкоски, кој кажа дека има забелешки и од сите 9...

Македонија15 часа

Еден месец притвор за заканувачот Емил Јакимовски

Кривичниот суд му го продолжи притворот на Емил Јакимовски, поранешен вработен во Централниот регистар, за закани упатени кон новинарката Мери...

Македонија16 часа

(Видео) Милошoски: Не преговараме за законот за Јавно обвинителство без присуство на Јовески

ВМРО-ДПМНЕ ја напуштија средбата на работните групи за законот за Јавно обвинителство во Собранието, откако министерката за правда, Рената Десковска,...

Македонија16 часа

(Видео) Дебата: Како во законот освен производителите, корист да имаат и консументите на канабисот

Пациентите на кои им е потребно маслото од канабис се сосема заборавени во предлог-законот за опојни дроги и психотропни супстанции,...

Македонија19 часа

Заев: ВМРО-ДПМНЕ да го прифати законот за Јавното обвинителство и да се надмине себе си

Претседателот на СДСМ, Зоран Заев, побара од ВМРО-ДПМНЕ да се надминат себе си и да го прифатат законското решение за...

Македонија20 часа

Поповска: Во институциите има луѓе заинтересирани за бизнис со отпад, увозот не се врши контролирано

Пратеничката од ДОМ, Лилјана Попвска, која е една од иницијаторите на законот за забрана за увоз на отпад, рече дека...

Македонија20 часа

УХМР објави оглас за авионско засејување на облаците за превенција од природни непогоди

Управата за хидрометеоролошки работи го објави јавниот оглас „Услуги за модификација на време со авионско засејување“. Се работи за нов...

Свет23 часа

Словачки министер пијан демолирал кинески ресторан, најави оставка

Словачкиот министер за животна средина објави дека поднесува оставка кога наводно пијан со својот брат учествувал во демолирање кинески ресторан...

Свет23 часа

Вухан гради болница за заболените, планира да ја заврши за 5 дена

Градот Вухан, кој е жариште на новиот корона вирус, забрзано гради болница со 1.000 кревети за лекување на заразените пациенти....

Македонија23 часа

Претседателот на Европскиот совет, Шарл Мишел, во посета на земјава

Претседателот на Европскиот совет, Шарл Мишел, денеска ќе допатува во посета на Македонија. Мишел ќе оствари средби со високи претставници...

Свет1 ден

Гутереш: Ја губиме војната против климатските промени, постои закана за опстанок на човештвото

Генералниот секретар на ОН, Антонио Гутереш оцени денеска во Давос дека светот продолжува да ја губи војната против климатските промени....

Свет1 ден

Вирусната болест во Кина не е вонредна глобална здравствена ситуација

Во седиштето на Светската здравствена организација, во Женева, беше одржан состанок на кој е одлучено дека вирусната болест во Кина...

Регион2 дена

(Видео) Маж се самоуби пред парламентот во Белград

Непознат маж, на околу 50-годишпна возраст, изврши самоубиство вечерва пред зградата на Собранието во Белград, соопшти српската полиција, пренесуваат српските...

Македонија2 дена

(Видео) Стаменковска: Фрчат дисциплински за тие што не се блиски до СДСМ, човек беше казнет што не вклучил греалка

Фрчат дисциплински постапки, незаконски распределувања и се подговуваат откази на административци кои не се партиски истомисленици на СДСМ, за да...

Европа2 дена

Смртоносниот корона вирус стигна во Европа, четири лица во карантин во Шкотска

Корона вирусот пристигна и во Европа. Британските медиуми пренесуваат дека најверојатно корона вирусот стигнал во Велика Британија, каде четворица кинески...

Македонија2 дена

(Видео) Со хипотека на имот од над 3 милиони евра, Камчев бара да му се вратат пасошите

Орце Камчев понудил хипотека на недвижен имот од над 3 милиони евра, за да му се вратат македонскиот и бугарскиот...

Македонија2 дена

(Видео) Таткото на исчезнатиот Арбен Аслани бара средба со Чулев

Таткото на исчезнатиот Арбен Аслани бара средба со техничкиот министер за внатрешни работи Наќе Чулев. Бекир Аслани вели дека и...

Македонија2 дена

ЕСЧП пресуди во корист на детето со попреченост, кое беше врзувано за кревет – државата системски потфрлила

Хелсиншкиот комитет за човекови права во 2015 година, во име на малолетниот Л. Р., лице со повеќекратна попреченост, поднесе апликација...

Досие