Контакт

Македонија

(Видео) Јанчева: Булеварот Трета македонска бригада набргу ќе биде довршен

Објавено пред

Булеварот Трета македонска бригада, конечно, по шест години од почетокот на неговата изградба, ќе биде довршен, изјави Љубица Јанчева, претседателка на Советот на Град Скопје.

„Град Скопје го почна отстранувањето на сервисот за миење автомобили, кој, поради брзоплетото и непланско работење на претходната власт, беше пречка за довршувањето на изградбата на булеварот. Градската администрација раководена од СДСМ и градоначалникот Шилегов со одговорен однос кон судскиот имотно-правен спор за објектот на овој сервис успеа да го заштити интересот на граѓаните обезбедувајќи услови за целосно завршување на изградбата на булеварот“, рече таа.

Јанчева потсети дека првата фаза од проширувањето на тогашната улица Трета македонска бригада од булеварот Србија до спорниот објект била почната во 2013 година, на почетокот на вториот мандат на Коце Трајановски.

И покрај апсолутната власт на ВМРО-ДПМНЕ во тоа време, рече таа, до крајот на својот мандат Трајановски не успеа да го реши судскиот спор.

„Од тие причини проширувањето на улицата во булеварско решение Трајановски го развлекуваше цели 4 години. Неспособноста и непланското работење на локалната власт предводена од ВМРО-ДПМНЕ цели 4 години ја прошируваше и ја остави недовршена една од најфрекфентните улици во општина Аеродром. Спорниот објект на овој сервис за миење автомобили до вчера го попречуваше нормалниот проток на возилата и на тој начин ги намалуваше и брзината и безбедноста на сообраќајот. За само 2 години од преземањето на локалната власт во Град Скопје, СДСМ успеа со одговорен однос кон управувањето на Градот и штитењето на граѓанските интереси да го доведе до крај имотно-правниот спор што Коце Трајановски и ВМРО-ДПМНЕ не успеаја да го решат цели 4 години“, рече Јанчева.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Филипче: Ќе разговараме за воведување ПЦР-тест за патниците што транзитираат од соседството

Објавено пред

Ниту еден од патниците што бил тука во нашата земја со престој како двојно државјанство, финско и македонско, не е на листата на Државниот санитарен и здравствен инспекторат, односно нема решение за изолација поради позитивен корона-тест. Ова го истакна министерот за здравство, Венко Филипче.

„Она што сега го чекаме по контактот што нашето МНР го направи со амбасадата во Стокхолм што ја покрива и Финска, е листата со имиња – 24 патници кај кои било констатирано присуството на вирусот поради тоа што во авионот имало и други државјани, имало државјани на Косово, кои во нашата земја може да транзитираат без тест. Не само тие државјани на Косово, туку кои било други. Ова е еден мотив повеќе на утрешниот состанок на Комисијата за заразни болести да дискутираме дали евентуално и за граѓаните од соседните земји, кои транзитираат, треба да бараме ПЦР-тестови“, потенцира министерот Филипче.

На прашањето како лицата воопшто се качиле на летот, но и какви се процедурите, министерот Филипче истакна дека доколку некој има решение за изолација, а во овој случај немало, тогаш одговорно е Министерството за внатрешни работи за да се спроведува таа контрола.

„Меѓутоа, тоа не е очигледно сценарио, не знаеме сè уште доволно податоци. Повторно ќе кажам, прво, дали се наши и фински државјани со 2 пасоша, со двојно државјанство граѓани, или станува збор за државјани на Косово. Кога ќе ги имаме овие информации, се надевам во текот на денот, можеме да ја имаме целосната слика за тоа што се случило“, рече министерот Филипче.

Во однос на новинарското прашање каква е процедурата и дали се потребни тестови за лицата што транзитираат низ земјава, министерот Филипче информира дека секој може да транзитира. Има ограничен број часови за влез и излез од земјава и затоа засега не е потребен ПЦР-тест, но посочи дека на утрешниот состанок ќе се дискутира повторно за ова прашање.

„Оние работи што ги истражувавме денеска укажаа на тоа дека многу наши граѓани кои имаат и друго државјанство брзале да се вратат за да не ги изгубат своите работни места, па во земјите во кои влегуваат ги користат тамошните пасоши. Има многу можности за вакви работи да се провлечат. Затоа, ќе разговараме утре и за транзитните ПЦР-тестови, но сепак би ја почекале дефинитивната листа на 24-те имиња поради тоа што суштински има разлика дали станува збор за наши државјани или државјани на Косово“, рече министерот Филипче.

Прикажи повеќе...

Македонија

(Видео) Костадинов: Губитникот Мицкоски не знае економија, парите завршуваат кај граѓаните и стопанството

Објавено пред

Губитникот на три изборни циклуси, Христијан Мицкоски, продолжува со несериозниот, незрел и неодговорен однос кон државата и граѓаните. Освен што не научил ништо од поразите од граѓаните, Мицкоски никако да научи економија, изјави портпаролот на СДСМ, Костадин Костадинов.

„Показател за нашите економски политики и резултати сигурно не е ниту Мицкоски ниту ВМРО-ДПМНЕ. Во време на најголемата глобална здравствена и економска криза задолжувањата беа со една единствена цел – да осигуриме непречено функционирање на економијата, редовна исплата на пари кон граѓаните, плати, пензии, социјални трансфери, како и справување со здравствените, но и со економските предизвици од кризата предизвикана од Ковид-19.

Со обезбедените средства зачувавме над 120.000 работни места со обезбедување минимална плата за вработените во износ од 90 милиони евра. 30 милиони евра обезбедивме за граѓаните преку платежните картички, со која ја зголемивме приватната потрошувачка, а со тоа го поддржавме и домашното стопанство. Обезбедивме и речиси 12 милиони евра ваучери за граѓаните, со што ги поддржавме домашниот туризам и компаниите од туристичкиот сектор.

13 милиони евра обезбедивме за бескаматни кредити за поддршка на македонските компании од најпогодените сектори, како и 51 милион евра евтини кредити за домашните компании за поуспешно справување со корона-кризата. До овој момент Владата предводена од СДСМ осигури да се слеат над 200 милиони евра кај граѓаните и домашното стопанство. Помошта за граѓаните и економијата ќе продолжи и во следните месеци и веднаш по формирањето на новата влада.

За јавниот долг, дозволете да го потсетиме губитникот Мицкоски дека во 2007 година вкупниот јавен долг бил 1,7 милијарда евра. Во 2016 година, девет години по криминалното владеење на ВМРО-ДПМНЕ, изнесуваше 4,7 милијарди евра. Тоа се 3 милијарди евра повеќе, односно 6.000 евра долг од семејство.

Притоа секое семејство беше посиромашно и со пониски примања наспроти секоја претходна година. За разлика од 2020 кога задолжувањето се прави за справување со најголемата светска здравствена и економска криза и притоа тие се користат за да се поддржи секој граѓанин и секако да се поддржи домашната економија. Платите растат, приходите кај граѓаните се зголемуваат, сè повеќе пари завршуваат назад кај граѓаните.

Податоците се кристално јасни: приходите во јули во буџетот на државата не само што се над сите оптимистички сценарија туку го надминале и износот што од даноци е наплатен во истиот месец од 2019 година.

Откако покажа дека не знае економија, губитникот Мицкоски нека се занимава со решавање на проблемите внатре во сопствената партија. На 15 јули народот не му даде власт ниту нему ниту на неговата нереформирана и корумпирана ВМРО-ДПМНЕ.

СДСМ како одговорна партија во следниот четиригодишен мандат ќе покаже како се работи одговорно и посветено во интерес на државата, граѓаните и економијата. Ќе покажеме дека можеме уште повеќе за да биде уште подобро за сите“, порача Костадинов.

Прикажи повеќе...

Македонија

Комисијата за здравство на ВМРО-ДПМНЕ: Случајот со патниците болни од Ковид-19 што поминале низ земјава нè дискредитира како држава

Објавено пред

„Ниту еден од патниците не е регистриран во базата на позитивни случаи со Ковид-19 во нашата земја, што значи немаат решение за изолација како позитивни од Државниот санитарен и здравствен инспекторат“, соопшти Министерството за здравство. Ова е официјалното соопштение и образложение со кое надлежните институции објаснуваат како авион со патници позитивни на Ковид-19 од нашата земја слетува во друга држава, во конкретниот случај во Финска.

Дополнително, во официјалното соопштение се вели: „Според Министерството за здравство, станува збор за патници, иселеници, што доаѓаат во земјата или транзирираат од разни причини, а потоа се враќаат на работа во Западна Европа за кои со дозвола за престој или државјанство од ЕУ не важат рестрикциите при влез и излез од земјата“. Се поставува прашањето дали надлежните институции прават каква било контрола на патниците што слетуваат во земјата, кои транзитираат и продолжуваат на некоја следна дестинација?, се вели во соопштението на Комисијата за здравство на ВМРО-ДПМНЕ.

„Каде нè позиционира ваквото неодговорно однесување на картата на Европа во однос на менаџирањето и справувањето со пандемијата на Ковид-19? Каква слика оставаме кон нашите земји партнери од НАТО и ЕУ, а и најмногу кон сите оние земји што сè уште не ни ги имаат затворено границите? За патниците што транзитираат преку Р. Македонија, се поставува прашањето дали аеродромот е целосно отворен и дали тие воопшто биле тестирани од дестинацијата од која доаѓаат, дали некој ги контролира кај нас или, пак, директно летаат кон следната дестинација? Постои ли каква било контрола или одговорност за еден ваков случај, кој потенцијално дополнително нè дискредитира како држава во однос на начинот на кој ја менаџираме кризата предизвикана од Ковид-19 ?“, се вели во соопштението.

Прикажи повеќе...

Најново

Македонија34 минути

Филипче: Ќе разговараме за воведување ПЦР-тест за патниците што транзитираат од соседството

Ниту еден од патниците што бил тука во нашата земја со престој како двојно државјанство, финско и македонско, не е...

Македонија3 часа

Нови 141 заболен и еден починат од Ковид-19 во земјата

Министерството за здравство информира дека во последните 24 часа се направени 1.885 тестирања, а регистрирани се 141 нов случај на...

Свет3 часа

СЗО повика да се внимава со руската вакцина – не ја поминала третата фаза од испитувањата

Светската здравствена организација (СЗО) ја повика Русија да ги следи меѓународните упатства за производство на вакцина против Ковид-19 кога земјата...

Македонија3 часа

Мицкоски: Ахмети ми рече дека ќе преговара со СДСМ

Лидерот на ВМРО-ДПМНЕ, Христијан Мицкоски, една недела по средбата со Али Ахмети, изјави дека тие воопшто не ни преговорaле за...

Македонија3 часа

Лукаревска веќе не е директорка на УЈП, ќе биде пратеник

По верификувањето на мандатот за пратеник, Сања Лукаревска ја напушти функцијата директор на Упрвата за јавни приходи, а на нејзино...

Македонија4 часа

Ниту еден патник од авионот за Финска го нема во македонската база на позитивни случаи на Ковид-19

Министерството за здравство информира дека веќе се извршени проверки за сите патници од авионот за Финска, кои, според финските власти,...

Свет5 часа

Русија ја регистрира првата вакцина против Ковид-19; Путин: Вакцината ја прими и мојата ќерка

Претседателот на Русија, Владимир Путин, тврди дека Русите ја регистрирале првата светска вакцина против короната. Според руската новинска агенција ТАСС,...

Македонија5 часа

Повеќето патници со коронавирус што слетале во Финска биле иселеници со косовски пасоши

Во однос на информациите за летот од Скопје до Турку, Финска, каде што според финските власти од авион со 157...

Топ6 часа

Се удави рибар во водите на Вардар

Педесет и шестгодишен маж од гевгелиското село Миравци се удави во реката Вардар. Несреќата се случила вчера во 15.40 часот...

Свет7 часа

Над 250.000 новозаболени од Ковид-19 во светот

Бројот на потврдени случаи на коронавирус во светот надмина 20 милиони, а само во последните 24 часа пријавени се повеќе...

Свет7 часа

(Видео) Експлозија разнесе три куќи во САД – плач на заробени деца се слуша под урнатините

Експлозија раснесе три куќи во САД, а неколку лица се заробени под урнатините, меѓу кои има и деца, соопштија пожарникарите...

Свет8 часа

Русија подготвена да ја лансира првата вакцина против коронавирусот

Русија е подготвена да ја лансира првата вакцина против коронавирус, пишува Ентертејмент Тајмс. Рускиот кандидат за вакцината е вирусна векторска...

Свет8 часа

(Видео) Пукање во близина на Белата куќа – Трамп веднаш е евакуиран

Членовите на тајната служба ја прекинале конференцијата на американскиот претседател Доналд Трамп и го извадиле од просторијата за брифинг. На...

Свет8 часа

(Видео) Хаос во Белорусија – одекнуваа експлозии во Минск, едно лице загина

Во Минск синоќа повторно се одржаа протести против претседателот на Белорусија, Александар Лукашенко. Експлозии одекнуваа во центарот на градот, запален...

Европа8 часа

Финска воведува задолжителни тестови и карантин по слетувањето на авион со 24 позитивни патници од Скопје

Финска ќе воведе задолжителни тестови за коронавирус и карантин за патниците од одредени високоризични земји, откако 24 од 157 патници...

Свет19 часа

Германија размислува за задолжително носење маски во училниците

Претседателот на Здружението на германски наставници, Хајнц Питер Мејдингер побара носењето маски да биде задолжително во училниците како заштита од...

Свет20 часа

Катастрофа во Индискиот океан: од брод кој заринка истекоа 1.000 тони нафта

На бродот кој на 25 јули заринка во корален гребен во Индискиот океан кај Маурициус се појавиле пукнатини, кои претставуваат...

Македонија22 часа

Нема договор меѓу Заев и Ахмети

Лидерот на СДСМ, Зоран Заев и лидерот на ДУИ, Али Ахмети не постигнаа договор за коалиција во новата Влада ниту...

Свет22 часа

(Видео) Пустош во Чикаго по протестите: повредени се 13 полицајци, уапсени се повеќе од 100 лица

Повеќе од 100 лица се уапсени, а 13 полицајци се повредени откако стотици луѓе се судрија со полицијата во Чикаго.Тие...

Македонија23 часа

Регистрирани 109 нови случаи на Ковид-19, починало едно лице, а оздравеле 422 пациенти

Министерството за здравство информира дека во последните 24 часа се направени 762 тестирања, а регистрирани се 109 нови случаи на...

Досие