Контакт

Македонија

(Видео) Џелал Хоџиќ нов претседател на СДА: На локалните избори ќе коалицираме со СДСМ

Објавено пред

Партијата Странка на демократска акција на Македонија (СДА) на 29 јули одржа конгрес и избра ново раководство на партијата, а Џелал Хоџиќ е нејзиниот нов претседател.

„Како ново раководство, чувствуваме голема одговорност да ја поведеме СДА, како најважна политичка партија на Бошњаците во Република Северна Македонија, низ политичките процеси, во нови политички битки и нови политички победи“, нагаси Хоџиќ.

Како што рече тој, новото раководство, преку СДА, има за цел да донесе нов квалитет и свежина на политичката сцена во нашата држава.

„Ќе го подигнеме нивото на комуникација со јавноста, со политичките партнери, но и со политичките противници. Членството во НАТО на Република Северна Македонија, остварено преку Договорот од Преспа ќе го вреднуваме како стратешки интерес на државата, а патот кон ЕУ како голема обврска кон сегашните и идните генерации. Сметаме дека процесите на демократизација во нашето општество создаваат можност за фер политички натпревар во идеите за развој на државата и подобар живот на сите граѓани, без разлика на етничката и верската припадност.

Како најголема и историски најзначајна партија на Бошњаците, СДА и понатаму ќе се залага за реализација на правата на нашата заедница. Сакаме јавно да испратиме порака дека сме задоволни од рамката на Уставот и законите во државата, но нашето делување ќе биде насочено кон подобрување на реализација на нашите права во пракса. Наша појдовна точка е: Република Северна Македонија е држава на сите нејзини граѓани“, нагласуваат од новото раководство на партијата.

Од таму посочуваат дека политички партнерства ќе градат со прогресивните политички сили, а како политички опоненти ги посочуваат популистите и оние кои земаат примери од, како што велат, авторитарните режими.

„Пред нас се локалните избори, а СДА како автентична бошњачка партија ќе ја подржи најдобрата понуда за сите граѓани. Посебно ќе се вклучиме со поддршка во оние места каде што живеат Бошњаците.

Врз основа на сработеното во изминатите четири години за бошњачката заедница, новото раководство на СДА нема дилема дека треба да коалицира со СДСМ и политиката на премиерот Зоран Заев.

Новата коалиција помеѓу СДА и СДСМ претставува позитивен пресврт, кој ќе донесе добро за Бошњаците, но и за сите граѓани на Република Северна Македонија. Убедени сме дека ова е чекор напред за бошњачката заедница, но и голем чекор напред и за СДА и за СДСМ. Новото политичко партнерство претставува и зголемување на коалицијата која носи прогресивни политики, што секако е добро за сите граѓани“, сметаат од СДА.

Новиот претседател Хоџиќ наброја и аргументи за ваквата одлука на неговата партија:

– Воведена е редовна настава на босански јазик во образовниот процес.
– Исправени се сите грешки низ институциите каде нашиот босански јазик беше погрешно именуван како ‘бошњачки’.
– Никогаш во минатото еден премиер немал толку посети на БиХ и Сараево во својот мандат, како што тоа го имаше премиерот Заев во изминатите четири години.
– Скопје и Сараево денес се збратимени градови.
– Овозможено е да патуваме во БиХ само со лични карти, а исто граѓани на БиХ патуваат кај нас само со лични карти.
– Заемно се признати возачките дозволи помеѓу Северна Македонија и Босна и Херцеговина.
– Потпишан е договор со кој наши студенти кои ќе студираат во БиХ ќе бидат третирани како домашни, како и обратно.
– Секоја година одбележувањето и сеќавањето на жртвите од геноцидот во Сребреница, од страна на државните, но и од локалните институции, е на се повисоко ниво, како цивилизациска обврска на нашето општество.
– Изградено е ново основно училиште во општина Студеничани, за учениците од бошњачката заедница, посочи претседателот на СДА.

Тој нагалси дека по локалните избори со премиерот Заев ќе разговараат за учество и во коалицијата и на државно ниво, со цел да продолжи, како што кажа, позитивниот тренд за бошњачката заедница во Република Северна Македонија.

Македонија

Џафери на состанок на претседатели на парламенти на земјите од Западен Балкан

Објавено пред

Претседателот на Собранието, Талат Џафери, денеска ќе учествува на Десеттиот состанок на претседатели на парламенти на земјите од Западен Балкан, на Брдо при Крањ.

Состанокот е во организација на Националното собрание на Република Словенија, а во рамки на словенечкото претседателство со Советот на ЕУ.

Настанот е продолжение на Самитот на претседатели на парламенти од Западен Балкан, кој се организираше по втор пат во мај оваа година во Европскиот парламент во Брисел. Предвидено е во воведниот дел на состанокот, свои излагања да имаат Претседателот на Националното собрание на Република Словенија, Игор Зорчич, Претседателот на Европскиот парламент Давид Марија Сасоли,  Анже Логар, министер за надворешни работи на Република Словенија и Моника Грегорич, претседател на Комисијата за надворешна политика на Националното собрание на Република Словенија.

Главната дискусија ќе биде насочена кон улогата на парламентите во враќањето на довербата за процесот на проширување на ЕУ, каде со свое обраќање ставовите ќе ги искажат претседателите на парламентите од Западен Балкан, вклучително и претседателот Талат Џафери.

Исто така, предвидена е дебата со претставници на младите од регионот на Западен Балкан, како дел од дебатата за Конференцијата за иднината на Европа, на која тие ќе имаат можност да искажат свое мислење за тоа во каква Европска унија сакаат да живеат, до кој степен младите луѓе од Западен Балкан ја гледаат нивната иднина и нивната земја како дел од ЕУ и на кој начин Унијата треба да се реформира за да биде поефикасна, побезбедна и попросперитетна за своите граѓани.

На крајот на состанокот, планирано е усвојување на Заедничка изјава од страна на учесниците, која ќе биде испратена до Европскиот парламент, Европската комисија, до учесниците на претстојниот самит ЕУ – Западен Балкан, како и до Конференцијата на спикери на парламенти на земјите членки на ЕУ.

Прикажи повеќе...

Македонија

СДСМ со митинг во Битола, ВМРО-ДПМНЕ во Охрид – стартува кампањата за локалните избори

Објавено пред

Од денеска почнува изборната кампања за локалните избори што се закажани на 17 октомври.

Кампањата за првиот круг ќе заврши на 15 октомври на полноќ. Вториот круг избори ќе се одржат на 31 октомври, а кампањата ќе трае до 24 часот на 29 октомври.

Вкупно 1.824.864 граѓани ќе можат да гласаат.

Караванот „Најдоброто за мојата општина“ на владејачкиот СДСМ, од денеска ја почнува изборната кампања со централен настан кој е закажан во Битола во 20 часот. СДСМ своите активности ќе ги заврши на 15 октомври со голем граѓански настан во Куманово. Од партијата најавија дека со својата кадровска и програмска понуда, во овие денови ќе ја посетат секоја општина.

„Со реализираните проекти зад себе, со најдобрата понуда, со најголемиот коалициски капацитет, „Најдоброто за мојата општина е изразит фаворит, победник на овие локални избори, затоа што граѓаните ќе дадат поддршка за концептот што води напред и е гарант за да продолжи развојот на општините“, велат од СДСМ.

ВМРО-ДПМНЕ кои на претстојните локални избори ќе настапат со слоганот „Создади нова иднина“, кампањата ќе ја почнат со митинг во Охрид, од античкиот театар во 18 часот. Во вторник ќе продолжат во Вевчани, Дебрца, Струга, Ресен. Изборната кампања за првиот круг, ВМРО-ДПМНЕ ќе ја заврши во Штип, на 15 октомври.

Демократската Унија за Интеграција (ДУИ), кампањата за претстојните локални избори ќе ја почне од Гостивар, а тоа е градот и каде ќе ја заврши.

„Го слушнавме гласот на граѓаните на Гостивар кои бараат промена во општинската администрација и ослободување од кучињата скитници, казината, чадот од Русино, густиот сообраќај, недостатокот на паркинзи и од неспособноста на Таравари“, истакнаа од ДУИ од кадешто повикаа на фер и демократска кампања.

Државната изборна комисија (ДИК), потврди 303 листи за градоначалници и 567 за советници.

Прикажи повеќе...

Македонија

Почнува вакцинирањето со трета доза во Македонија

Објавено пред

Граѓаните кои имаат над 60 години, здравствените работници и лицата со имунолошки болести, од денеска со потврда ќе можат да примат трета доза против коронавирус. Станува збор за вакцината „Фајзер“, без разлика со која вакцина претходно се вакцинирале граѓаните и без разлика дали претходно се вакцинирале во друга држава.

Третата доза посочените групи ќе можат да ја примат најмалку шест месеци по примената втора доза.

Граѓаните од овие категории преку системот „Мој термин“ ќе добијат СМС-порака. Министерот за здравство, Венко Филипче истакна дека нема да има посебен термин или пункт, туку тие ќе може да одат каде било најблиску до местото на живеење.

Прикажи повеќе...

Најново

Свет35 минути

По три месеци, Сиднеј го укинува „локдаунот“

Австралиските власти најавија крај на тримесечниот „локдаун“ за вакцинираните жители на Сиднеј. Карантинот во Сиднеј и во останатиот дел од...

Македонија2 часа

СДСМ со митинг во Битола, ВМРО-ДПМНЕ во Охрид – стартува кампањата за локалните избори

Од денеска почнува изборната кампања за локалните избори што се закажани на 17 октомври. Кампањата за првиот круг ќе заврши...

Македонија2 часа

Почнува вакцинирањето со трета доза во Македонија

Граѓаните кои имаат над 60 години, здравствените работници и лицата со имунолошки болести, од денеска со потврда ќе можат да...

Свет12 часа

Проекции: Социјалдемократите со мало водство пред конзервативците на изборите во Германија

Според проекциите на две германски телевизии, Социјалдемократската партија на Германија (СПД) на денешните парламентарни избори освои околу еден процент повеќе...

Топ16 часа

Пронајден починат лекар во Психијатриската болница „Скопје“

Дежурен лекар во Психијатриската болница „Скопје“ бил пронајден починат синоќа по полноќ на работното место. Како што соопшти МВР, здравствениот...

Регион17 часа

Борел: Ја следиме ситуацијата на северот на Косово, провокациите се неприфатливи

Високиот претставник на ЕУ, Жозеп Борел рече дека внимателно се следи ситуацијата на северот на Косово и им кажа на...

Македонија18 часа

Регистрирани 336 нови случаи на коронавирус, починаа 17 лица

Во последните 24 часа направени се 3.425 тестирања, а регистрирани се 336 нови случаи на Ковид-19: Скопје – 169, Велес...

Македонија21 час

ВМРО-ДПМНЕ тврди дека Шилегов исплаќал милионски суми на наместени тендери

Опозициската ВМРО-ДПМНЕ, на прес-конференција обвини дека градоначалникот на Град Скопје, Петре Шилегов исплаќал милионски суми на наместени тендери, а случајот го...

Македонија21 час

(Видео) Заев се попиша: „Конечно ќе добиеме релевантни податоци за креирање на реални политики“

Претседателот на Владата, Зоран Заев, заедно со своето семејство во својот дом во Струмица, ја исполни граѓанската должност и законска...

Европа24 часа

Германија бира наследник на Меркел

Околу 60,4 милиони Германци денеска на федералните избори, имаат можност да одлучат за идниот состав на парламентот, и индиректно за...

Македонија1 ден

Од утре изборна кампања

Од утре стартува изборната кампања за Локалните избори што се закажани на 17 октомври. Кампањата ќе заврши на 15 октомври...

Македонија2 дена

Регистрирани 392 нови случаи на коронавирус, починаа 20 лица

Во последните 24 часа направени се 4.633 тестирања, а регистрирани се 392 нови случаи на Ковид-19: Скопје – 180, Куманово...

Македонија2 дена

Заев за виенски „Стандард“: ЕУ треба да го забрза процесот на донесување одлуки

„Понекогаш членките на ЕУ ја забораваат причината зошто работиме заедно, а тоа е затоа што сме заемно корисни. ЕУ е...

Европа2 дена

(Видео) Ерупцијата на вулканот на шпанскиот остров влезе во најинтензивната фаза

Реки лава течеа низ вулканот на шпанскиот остров Ла Палма ноќта помеѓу петокот и саботата, поради што локалниот аеродром беше...

Регион2 дена

Татко си ги задавил трите деца во Загреб, oставил писмо на „Фејсбук“

Три малолетни деца биле задавени од страна на нивниот татко во стан во Загреб, во населбата Млинови. Полицијата на местото...

Европа2 дена

Кој ќе ја наследи Меркел: Изборите се неизвесни, постизборните сојузи се уште понеизвесни

Околу 60,4 милиони Германци в недела, 26 септември на федералните избори, имаат можност да одлучат за идниот состав на парламентот,...

Македонија2 дена

Заклучен избирачкиот список, кампањата почнува в понеделник

Државната изборна комисија го заклучи избирачкиот список, со што од понеделник почнува кампањата за локалните избори закажани на 17 октомври....

Македонија2 дена

Досега се попишани околу 1,4 милион граѓани, пописот ќе заврши во четврток

Заклучно до вчера до 12 часот попишани се вкупно 1.395.000 граѓани, над 435.000 домаќинства и над 600.000 станови, а се...

Македонија3 дена

Нови 525 случаи на коронавирус, починаа 12 лица

Во последните 24 часа во Македонија се потврдени 525 нови случаи на коронавирус, 449 оздравеа, а 12 лица починаа, информира...

Македонија3 дена

Осумдесет oтсто од хоспитализираните со Ковид-19 се невакцинирани

Министерството за здравство ја објави анализата на вакцинирани од позитивни случаи на Ковид-19 во периодот од 6 август заклучно со...

Досие