Контакт

Македонија

Викендов во Прилеп ќе се одржи карневалот „Прочка“

Објавено пред


 

По 16-ти традиционален пат во Прилеп, овој викенд, ќе се одржи меѓународниот карневал „Прочка 2017“.

Како и секоја година организатори на овој настан се Општина Прилеп, одделението за култура и Здружението на граѓани „Прилепски мечкари“. Овој карневал прерасна во вистинска атракција и голем промотивен бренд не само за Прилеп туку и за цела Македонија. Подготовките за Карневалот започнуваат во петок со отворање на изложбата која секоја година е сведок на најрзлични креации на маски изработени од учениците во основните и средните училишта насочувани од нивните наставници по ликовно образование и одделенска настава, кои се партнери во целокупната организација.

„Во саботата пак ќе се одржи првата научна конференција насловена како „Обреди и фестивали под маски на Балканот: традиција, состојба, тенденција.“ во хотелот Кристал Палас. Гости, учесници на конференцијата се пријавени од Србија, Бугарија и Македонија, додека реферати ќе има и од етнолози од Словенија, Хрватска и Грција. На оваа конференција треба да се истакне улогата на маската и маскирањето како дел од културната историја и наследство на територијата на Балканот низ вековите, а собраниот материјал ќе биде испечатен и издаден од Општина Прилеп заедно со Институтот за Старословенска култура кои заеднички ја организираат. Да напоменам и тоа дека од лани детскиот карневал е посебен настан и тој ќе се одржи во сабота со почеток во 12.30ч. кога ќе биде парадата на учесниците до 14 години, на плоштадот „Методија Андонов Ченто“, каде што покрај дефилето ќе има куклено шоу, магионичари, жонглерски и други атракции за сето тоа да заврши со заедничка забава. Централен настан е меѓународното дефиле кое ќе се одржи во недела, на кое ќе се претстават бројни групни и поединечни маски, а стартот е од ЦК „Марко Цепенков. Трасата ќе се движи се до плоштадот „Методија Андонов Ченто“ каде што ќе биде главното претставување со изведена кореографија и музика“, изјави Снеже Ристеска, советник за култура во Општина Прилеп.

Организаторите апелираат сите оние кои се уште не се пријавени, а сакаат да учествуваат на Карневалот да ја посетат страницата на карневалот каде има пријава која можат да ја испратат по електронски пат или пак непосредно пред карневалот во билетарницата на ЦК „Марко Цепенков“. За најубавите маски ќе има и награди во неколку категории за кои ќе одлучува стручна жири комисија.

„Освен гостите од Прилеп и Македонија, оваа година потврдено присуство имаат групи од два град од Албанија, Каваја и Корча, од Србија има од Бања Ковиљача, Шабац, Лесковац, Белград, Бела Црква, Врњачка Бања и уште неколку други, од Бугарија ќе ни дојдат гости од Перник. Годинава значи се очекува да имаме околу 1.000 учесници. Здружението „Прочкари“ прави маска која што не е видена досега на овие балкански простори, маска која ќе даде голем поттик за размислување за нашите обичаи и традиции, а паралелно со тоа и средните училишта изработуваат интересни маски“, истакна Ванчо Георгиев, претседател на здружението „Прилепски мечкари“.

Од Локалната самоуправа истакнаа дека очекуваат сите овие случувања да донесат многу позитивна енергија и расположение во Прилеп, кое ќе овозможи барем за момент да ги оставиме проблемите настрана и да уживаме.

„Карневалот „Прочка“ е еден од поголемите културни брендови не само на Прилеп туку и на Македонија и влегува на мапата на тој т.н. фестивалски и културен туризам кој Прилеп го негува веќе со години“, изјави Марјан Ристески, градоначалник на Прилеп.

Одбележувањето на Карневалот како и секоја година традиционално завршува во понеделникот, со ручек од посно гравче кое го даваат „Прилепските мечкари“. Тоа е вековна традиција и секоја година се одржува во некој верски објект, каде касапите се молат за прошка на своите гревови, а потоа се служи ручекот со посен грав кој претставува вистински специјалитет, затоа е подготвен само на масло, без вода. Тоа е тајна на касапите која досега не сакаат да ја откријат. „Прилепските мечкари“ ги покануваат сите кои сакаат да го пробаат овој грав да дојдат во понеделник во 12 часот во манастирот „Св. Ѓорѓија“, кој се наоѓа над вештачкото езеро./крај/со/бб

Македонија

Спасовски: Кривичното дело „злоупотреба на службата“ е во пораст на ниво на цела држава

Објавено пред

Од

Безбедносната состојба на подрачјето на Битола е стабилна и се бележи намалување на криминалитетот, рече министерот Оливер Спасовски во изјавата за медиумите по денешната посета на секторот за внатрешни работи во овој град, како и на полициските станици во Ресен и Прилеп.

Притоа, Спасовски оствари и средби со градоначалниците Наташа Петровска, Живко Гошаревски и Илија Јованоски.

Како што рече министерот, безбедносна состојбата е стабилна на ниво на цела држава, а се бележи зголемување на кривичното дело „злоупотреба на службената положба и овластување“ и тоа за 111 проценти, податок кој, како што рече Спасовски, треба да биде јасна порака за сите функционери во оваа држава.

Покрај ова, министерот најави враќање на т.н. маалски полицаец на подрачјето на Битола.

„Дел од стратегијата на ова раководство на МВР е кога ги посетуваме полициските станици да разговараме и со локалната самоуправа и заеднички да ја вратиме врската меѓу граѓанинот и полицијата. Денеска разговаравме за неколку теми. Едната е давањето насоки за воспоставување на позорната служба, односно маалскиот полицаец на подрачјето на Битола“, рече Спасовски.

Втората мерка која ја најави министерот е активирање на советите за превенција со конкретен акционен план за посета на сите месни заедници во општините заедно со припадници на МВР, да се разговара за проблемите на граѓаните и на тој начин да се придонесе, за како што рече, враќање на довербата во полицијата кај граѓаните.

Спасовски потенцира дека еден од приоритетите кој ќе се реализира во соработка со локалната самоуправа е средување на состојбите во сообраќајот во градовите.

Прикажи повеќе...

Македонија

Џафери на средба со Кахраман: Македонија очекува засилена поддршка од Турција за членство во НАТО

Објавено пред

Од

Претседателот на Собранието, Талат Џафери, денеска ја почна официјалната посета на Република Турција со посета на Мавзолејот на Ататурк, каде штто положи венец и се потпиша во Златната книга. Во продолжение, Џафери оствари средба со домаќинот, Исмаил Кахраман, претседател на Големото национално собрание на Турција, по што беше одржана билатерална средба на ниво на парламентарни делегации и со истата претседаваа претседателите на двата парламента.

Како што информираат од одделението за односи со јавност на Собранието, Џафери на почетокот од средбата изразил задоволство од реализирањето на официјалната посета, како и од интензитетот на политичката соработка меѓу Република Македонија и Република Турција, односно бројните средби на највисоко ниво. Истовремено, тој се заблагодарил за доследната и конструктивна поддршка на Турција и за солидарноста со Македонија во рамките на евро-атлантските интеграции, особено за силната поддршка за членството на Република Македонија во НАТО. Претседателот на Собранието нагласил дека очекува уште позасилена поддршка од Турција за добивање на заслужената покана за членство во НАТО на претстојниот Самит на Алијансата во јули годинава во Брисел.

Претседателот на турското собрание, Исмаил Кахраман, изразил надеж за понатамошно продлабочување на одличните односи и соработка меѓу Собранието на Република Македонија и Големото национално собрание на Турција. Тој се заблагодарил на конструктивната улога на македонскиот парламент во рамките на Парламентарното собрание на процесот за соработка во Југоисточна Европа, односно предлогот за компромисно решение, со цел за надминување на долгогодишниот застој за изнаоѓање решение за седиште на Секретаријатот на ова парламетарно собрание. Истовремено, Кахраман дал поддршка на реформските процеси и добрососедските политики што ги води Република Македонија.

На средбата се размениле мислења за билатералните односи меѓу Република Македонија и Република Турција, при што било оценето дека севкупните односи меѓу двете земји се карактеризираат со дух на традиционално пријателство, меѓусебно разбирање, толеранција, активна соработка и партнерство.

Соговорниците истакнале дека интензивните и добри политички односи отвораат простор за уште поинтензивна економска соработка. Констатирале дека потребно е проблабочување и на успешната соработка меѓу двете земји во полето на одбраната, внатрешните работи, културата, правдата, земјоделството, шумарството и водостопанството, локалната самоуправа, здравството, спортот, животната средина, трудот и социјалната политика и сл.

Инаку, Џафери во посетата на Турција е во придружба на пратениците: Весел Мемеди, потпретседател на Собранието, Енес Ибрахим, претседател на Пратеничката група за соработка со Парламентот на Република Турција и Јусуф Хасани, член на Пратеничката група за соработка.

Прикажи повеќе...

Македонија

Искршени автомобилите на Шилегов и неговата сопруга

Објавено пред

Од

Непознат сторител ги оштетил автомобилите на скопскиот градоначалник Петре Шилегов и на неговата сопруга, кои биле паркирани пред зграда на улицата Хелсинки.

Според информацијата на МВР, вчера во 23.10 часот Ш.Ј. (49) пријавила дека во периодот од 17 до 22 часот во средата, на улицата Хелсинки, поточно на паркингот пред зградата, од страна на непознат сторител биле оштетени нејзиниот автомобил „ауди К-5“ и автомобилот на нејзиниот сопруг „ауди А5“.

На возилото на сопругата на Шилегов му биле искршени предното лево крило, предниот лев фар, предната и задната лева врата и задното крило, а кај возилото на градоначалникот оштетени биле предното лево крило, предната лева врата, задниот лев штоп и багажникот. Сторителот, како што велат од МВР, ги искршил автомобилите со физичка сила и остар предмет. Со оштетувањето причинета е материјална штета, која дополнително ќе биде утврдена. Полицијата трага по сторителот.

 

Прикажи повеќе...

Најново

Македонија2 часа

ЕЛЕМ: Децата на Грчев и Џафери ангажирани оти имале исклучителни биографии

По вработувањето на Димитар Грчев, син на архитектот Мирослав Грчев, и Бесијана Џафери, ќерка на собранискиот спикер Талат Џафери, од ЕЛЕМ за „Макфакс“...

Македонија5 часа

Мицкоски појадуваше со Могерини – „Постои сомнеж дека власта е вмешана во криминал“

Претседателот на ВМРО-ДПМНЕ, Христијан Мицкоски, денеска оствари работен појадок со високата претставничка на ЕУ за надворешна политика и безбедност, Федерика Могерини,...

Македонија6 часа

Судењето за „Насилство во Центар“ одложено за 1 јуни

Судењето за предметот „Насилство во Центар“ е прекинато и одложено за 1 јуни поради неможноста на претседателот на кривичниот суд,...

Регион6 часа

Харадинај побара од Хан визна либерализација за Косово

Косовскиот премиер, Рамуш Харадинај, побара од Европскиот комесар за проширување и добрососедство, Јоханес Хан, да ја вклучи Приштина во европскиот...

Македонија7 часа

Могерини: Да се продлабочат реформите за да има позитивни вести во јуни

Високата претставничка на Европската Унија за надворешна политика, Федерика Могерини, во обраќањето пред пратениците во Собранието забележа дека треба да...

Македонија7 часа

Кривична пријава за основките што претепаа соученичка во Неготино

Полицијата поднесе кривична пријава за насилство против трите ученички во основното училиште „Гоце Делчев“ во Неготино, кои истепаа своја соученичка....

Свет7 часа

Трамп: Никој не е поостар од мене кон Русија

Американскиот претседател Доналд Трамп изјави дека никоја не е остар кон Русија како што е тој и порача дека на...

Македонија20 часа

(Фото) Премиерите од Западен Балкан вечераа во Скопје

Претседателот на Владата на Република Македонија, Зоран Заев, и високата претставничка за надворешни работи и безбедносна политика на ЕУ и...

Македонија24 часа

(Видео) Могерини: Може да славите половина ден, а потоа да се вратите на работа

Се вративте назад на патеката. Може да славите половина ден, а потоа да се вратите на работа. Ова го порача високата...

Македонија1 ден

(Видео) Заев: Препораката со години беше условена поради кризата и назадувањето со реформите

Македонските граѓани заслужуваат да бидат дел од Европската Унија, порача претседателот на Владата, Зоран Заев, на заедничката прес-конференција со високата...

Македонија1 ден

(Видео) ВМРО-ДПМНЕ: Позитивниот извештај од Европската комисија не е новина

„Корупцијата останува распространета во многу области и продолжува да претставува сериозен проблем. Политичкото мешање останува ризик“. „Се крие опсегот на...

Македонија1 ден

(Видео) Ахмети: Јас не сум препродавач на Бит-пазар за да давам или земам министерства

Јас не сум препродавач на Бит-пазар за да давам или земам министерства, вели Али Ахмети, одговарајќи на прашање дали ќе...

Македонија1 ден

На Јанкулоска ќе ѝ се суди одвоено за „Тенк“ поради потврдата за ризична бременост

На поранешната министерка за внатрешни работи, Гордана Јанкулоска, ќе ѝ се суди одвоено за случајот „Тенк“, кој се однесува на...

Свет1 ден

Директорот на ЦИА се сретнал со Ким Џонг-ун

Директорот на ЦИА, Мајк Помпео, отпатувал за Пјонгјанг на таен состанок со севернокорејскиот лидер Ким Џонг-ун, пренесуваат американските медиуми. Според...

Македонија1 ден

(Видео) Заев: Датум за почеток на преговорите во јуни е нашата следна цел

Безусловната препорака од Европската комисија е мотив за следната цел, а тоа е одлука за почеток на преговорите со Европската...

Македонија1 ден

Уапсен Фејзи Азири обвинет во случајот „Монструм”

Фејзи Азири, кој е еден од обвинетите во случајот „Монструм“, вчера бил пронајден и уапсен со правосилна судска пресуда за...

Македонија1 ден

(Видео) Хан: Македонија се врати на европскиот пат, но има уште многу да се работи

Македонија се врати на европскиот пат, но има уште многу да се работи, изјави еврокомесарот Јоханес Хан на заедничката прес-конференција...

Македонија1 ден

Во кривичниот суд продолжуваат судењата за „Тенк“ и „Тарифа“

Во кривичниот суд денеска се очекува да продолжат судењата за предметите „Тенк“ и „Тарифа“ на специјалното јавно обвинителство. Во денешното...

Македонија1 ден

Откриени 38 мигранти во комбе кај тунелите кај Демир Капија

Триесет и осум мигранти биле откриени вчера на регионалниот пат Гевгелија-Скопје во товарно моторно возило „форд транзит“ во близина на базата...

Македонија1 ден

Хан и Могерини денеска во Скопје

Денеска во официјална посета на Република Македонија пристигнува делегација на Европската Унија предводена од комесарот за европска соседска политика и...

Досие