Контакт

Македонија

Владата на онлајн-седница ќе ја преиспита одлуката за влез без ПЦР-тест

Објавено пред

Владата денеска треба да одржи онлајн-седница, на која се очекува да ги усвои новите мерки предложени од Комисијата за заразни болести за да се спречи ширење на заразата поради големиот број инфицирани од коронавирусот.

Предложено е да се забрани групирање во домовите на семејни прослави, со тоа што во едно живеалиште ќе може да се примат до четири лица. Нема да биде дозволено групирање повеќе од четворица на јавни простори по 22 часот, а заштитна маска или прекривка на носот и устата, освен во затворени простори, јавен објект, работно место, превозно средство, ќе треба задолжително да се носи и при престој на отворено.

Исклучок од носењето заштитни маски е предложено за деца до шест години, за лица што спортуваат, при транспорт на членови од едно семејство во приватно возило, при седење во уготителските објекти со почитување на протоколите и во службени простории ако е лицето само во просторијата.
Владата на некоја од претстојните седници исто така треба да ја ревидира одлуката што ја донесе минатиот вторник за влез на државјани од Србија, Црна Гора, Босна и Херцеговина и од Косово во нашата земја без ПЦР-тест откога три од овие земји ја повлекоа од своја страна одлуката што беше регионална иницијатива по принцип на реципроцитет.

Поради високиот број заразени во регионот, Србија, Црна Гора и Босна и Херцеговина завчера на полноќ ја суспендираа одлуката што и не почна да важи, така што останува обврската за приложување негативен ПЦР-тест не постар од 48 часа кога се патува во тие држави. За македонските државјани, влез без медицинска потврда засега е дозволен само во Косово, Албанија и во Турција.

Македонија

Никола Ристановски: Признанието за заслужен граѓанин го посветувам на сите здравствени работници

Објавено пред

„Секогаш постојат херои кои никогаш нема да ги дознаеме. Тоа се хероите од болниците. Со целиот мој габарит и искуство, моето признание за заслужен граѓанин на општина Карпош за 2019 година го посветувам на сите здравствени работници во земјата. На оние кои се на фронтот во борбата против вирусот Ковид-19“, истакна актерот Никола Ристановски, кој ја прими наградата за заслужен граѓанин на општина Карпош за 2019 година, која му ја врачи градоначалникот Стефан Богоев.

Ристановски го изрази своето задоволство, бидејќи локалната самоуправа ја прогласува медицинска сестра од ЈЗУ Универзитетска клиника за инфективни болести и фебрилни состојби, Јорда Манасиеска, за заслужен граѓанин на Карпош за 2020 година.

„Овие дискретни херои, но и воспитувачките во градинките, наставниците, фармацевтите, продавачите по маркети, пекарите и хигиеничарите ја заслужуваат најголемата почит на заедницата“, истакна Ристановски.

Градоначалникот Богоев изрази благодарност кон реномираниот македонски актер, кој минатата година прифати да добие вакво признание од Општината. Во текот на денешната средба Богоев и Ристановски разговараа и за чувствителната ситуација во која се наоѓаат сите граѓани. Културните работници се особено погодени од оваа криза, но дури и во вакви времиња дел од нив создаваат нови дела, а наша обврска е да ги почитуваме домашните артисти.

Општина Карпош, во рамки на одбележување на својот роденден, традиционално го доделува признанието за заслужен граѓанин. Истото не подразбира никаква финансиска поддршка, туку еден вид благодарност и признание за личности, коишто се важни за  заедницата поради својот придонес во различни општествени сфери.

Прикажи повеќе...

Македонија

(Видео) НАТО донираше 60 респиратори во вредност од 1,4 милиони евра

Објавено пред

Министерот за здравство, доц. д-р Венко Филипче, заедно со министерката за одбрана, Радмила Шекеринска, министерот за надворешни работи, Бујар Османи, присуствуваа на настан по повод прием на респираторни машини – донација на НАТО во борба против Ковид-19. Станува збор за 60 респиратори донација од Доверителниот фонд na НАТО вредна 1,4 милиони евра, која денеска пристигна денеска на Меѓународниот аеродром Скопје. Оваа донација е за справување со последиците од Ковид-19.

Во изјава за медиумите министерот Филипче истакна дека симболот на оваа здравствена криза е солидарноста. Тој рече дека сите земји помеѓу себе покажаа што значи да се помага, да се споделуваат искуства, знаење, но покажа и што е вистинската вредност на сојузите во коишто сме сега рамноправна членка.

„Дозволете да изразам голема благодарност до НАТО-сојузот, посебно САД, кои од почетокот на кризата донираа и заштитна и медицинска опрема без којашто навистина тешко ќе можевме да го менаџираме овој голем здравствен предизвик, оваа голема здравствена криза. Конкретно, станува збор за донација на респираторни машини кои се користат за транспорт на пациентите во амбулантните возила за транспорт на псциентите од една болничка установа во друга – нешто што значајно ќе го зајакне нашиот здравствен систем во овој сегмент“, информираше Филипче.

На почетокот на епидемијата, јавното здравство имаше на располагање 120 респиратори. Од нив, 90 беа во градот Скопје, а останатите 30 во јавно-здравствените установи ширум државата.Како донација во изминатиот период пристигнаа респиратори од ЕУ (20), од четири македонски компании (85 неинвазивни респиратори), Норвешка (20) мобилни респиратори, приватна донација од Република Бугарија (3) УНИЦЕФ (10), Република Германија (8).

Респираторните машини како донација се распределени на Инфективната клиника во Скопје, ГОБ „8 Септември“, Клиниката за неврохирургија, како и инфективните одделенија во здравствените установи во Струмица, Штип, Битола, Тетово, Кочани, Кавадарци, Прилеп, Охрид, како Специјалната болница за кардиоваскуларни заболувања Охрид.Во моментов, на респиратор се приклучени само 2 пациенти кои се лекуваат во ГОБ „8 Септември“.

Прикажи повеќе...

Македонија

Вучиќ, Рама и Заев разговараа за обновување на иницијативата за регионална соработка

Објавено пред

Лидерите на Србија, Албанија и Северна Македонија – претседателот Александар Вучиќ, премиерите Еди Рама и Зоран Заев денеска одржаа состанок преку интернет-конференциска врска за обновување на иницијативата за регионална соработка започната минатата година.

Активностите на иницијативата за регионална соработка беа одложени поради пандемијата Ковид-19 и изборите во Северна Македонија и Србија и тројцата лидери се согласија дека кризата ја нагласи потребата од натамошно интензивирање на меѓусебната соработка и регионалната економска интеграција.

За време на средбата преку интернет, претседателот Вучиќ и премиерите Рама и Заев истакнаа дека оваа иницијатива е целосно во согласност со Берлинскиот процес и дека е добра основа за подготовка на земјите од Западен Балкан за претстојниот Самит на Западен Балкан што ќе се одржи во Софија во ноември во рамките на Берлинскиот процес со кој оваа година копретседаваат Бугарија и Северна Македонија.

Лидерите на Србија, Албанија и Северна Македонија се согласија дека е многу важно сите шест земји од Западен Балкан да учествуваат во иницијативата за регионална соработка и во таа насока денеска и официјално го поканија Косово да се приклучи на иницијативата и како резултат на рамката поставена на самитот во Вашингтон во септември годинава меѓу српскиот претседател Александар Вучиќ и косовскиот премиер Авдулах Хоти.

„Претседателот Вучиќ, и премиерите Рама и Заев, исто така се согласија да формираат постојана работна група од претставници на сите земји од иницијативата за да се забрза спроведувањето на договорените активности во рамките на регионалната соработка.Лидерите на Србија, Албанија и Северна Македонија, учесници на денешната онлајн средба, се согласија дека иницијативата за регионална соработка е добра основа за идентификување на заеднички инфраструктурни проекти за развојната агенда на регионот кои можат да бидат опфатени со Економско-инвестицискиот пакет на ЕУ за Западен Балкан што неодамна го усвои Европската kомисија“, се вели во соопштението.

Тројцата лидери изразија надеж дека наскоро и Црна Гора и Босна и Херцеговина ќе се приклучат на иницијативата со што ќе се постигне подобра и посеопфатна економска соработка помеѓу сите држави во регионот. Тие се согласија за отворени граници без ПЦР-тестови почнувајќи од понеделник (02.11.2020 година), а во меѓувреме во пресрет на состанокот во Софија ќе се работи на продлабочување на соработката во јавното здравство и меѓусебната помош.

Прикажи повеќе...

Најново

Регион2 часа

Вучиќ: Од 10 ноември без ПЦР-тест меѓу Србија, Албанија и Македонија

Претседателот на Србија, Александар Вучиќ, изјави дека биле донесени неколку важни одлуки на видеосостанокот на тема „Мал шенген“, чија имплементација...

Свет3 часа

(Видео) Во земјотресот во Измир досега загинаа 4, а повредени се 152 лица

Управата за вонредни состојби во Турција (АФАД) извести дека во земјотресот во Измир досега загинале 4, а повредени се 120...

Македонија4 часа

Обвинителството отвори истрага за Лидија Димова за злоупотреба на европските фондови

Основното јавно обвинителство за гонење организиран криминал и корупција отвори истрага за директорката на Националната агенција за европски образовни програми...

Македонија4 часа

Бојан Јовановски оди во домашен притвор

Апелациониот суд Скопје ја уважи жалбата на обвинетиот Бојан Јовановски – Боки 13 за предметот „Рекет“, со што ја укина...

Македонија6 часа

Царовска: Нема ширење на Ковид-19 во училиштата

Немаме ширење на Ковид-19 во училиштата, додека не се создадат услови за затворање, остануваме на овој модел, изјави министерката за...

Македонија7 часа

СОНК бара да се преиспита наставата со физичко присуство

СОНК бара Министерството за образование и наука да ја преиспита одлуката за настава со физичко присуство, односно да им овозможи...

Македонија8 часа

Советничка група на ВМРО-ДПМНЕ: Скандал е што наместо оставка, Шилегов го награди Караџовски

Советничката група на ВМРО-ДПМНЕ на град Скопје реагира за доделената награда „13 Ноември“ на епидемиологот Жарко Караџовски. Тие велат дека...

Регион9 часа

Во Хрватска 2.772 новозаразени од коронавирус, 20 починати

Во Хрватска се евидентирани 2.772 нови случаја на зараза од коронавирус, така што бројот на активни случаи во Хрватска е...

Македонија9 часа

Мицкоски предлага здравствените работници еднаш месечно бесплатно да се тестираат

Во време на ковид-пандемија, во насока да ги заштитиме тие што се грижат за нашето здравје и спасуваат животи, предлагам...

Актуелно10 часа

Почина актерот Данчо Чевревски

На 69 години синоќа во Скопје почина Данчо Чевревски, македонски театарски и филмски актер и продуцент. Чевревски е роден на...

Европа10 часа

Дарманин: Франција е во војна против исламистите

Францускиот министер за внатрешни работи, Жерар Дарманин, вели дека е можно повеќе напади да се случат на територијата на Франција...

Европа11 час

ЕУ обезбеди 220 милиони евра за прекуграничен превоз на заболени од корона

Претседателката на Европската комисија, Урсула фон дер Лаен, во четвртокот објави 220 милиони евра помош за прекуграничен транспорт на луѓе...

Европа11 час

(Видео) Огромен метеж во Париз, луѓето повторно празнеа полици пред новото затворање

Десетици илјади парижани синоќа предизвикаа масовен сообраќаен метеж во обид да ја напуштат француската престолнина пред почетокот на новото затворање...

Свет23 часа

Автомобил удри во група луѓе во Германија – загина дете, а има и тешко повредени

Дванаесетгодишно момче загина, а тројца се тешко повредени во тешка сообраќајна несреќа што се случи доцна попладнево во Германија, пренесуваат...

Македонија24 часа

Во Скопје 390 новозаболени и петмина починати, најмладата жртва има 35 години

Во Скопје во изминатите 24 часа се регистрирани 390 нови случаи на Ковид-19 и петмина починати. Меѓу починатите најмладата жртва...

Македонија1 ден

Нови 862 заразени и 14 починати од Ковид-19 во земјава

Министерството за здравство информира дека во последните 24 часа се направени 2.699 тестирања, а регистрирани се 862 нови случаи на...

Свет1 ден

(Видео) Макрон се обрати на нацијата – нема да се откажеме од нашите вредности

Франција повторно беше цел на терористички напад, порача францускиот претседател, Емануел Макрон, во Ница, каде што утрово беа убиени тројца...

Македонија1 ден

Кривична за Лидија Димова, се товари дека злоупотребила милиони од европски фондови

Управата за финансиска полиција до Основното јавно обвинителство за гонење организиран криминал и корупција поднесе кривични пријави против директорката на...

Македонија1 ден

(Видео) За Заев е неприфатливо тоа дека македонскиот јазик извира од бугарскиот

Премиерот Зоран Заев изјави дека не се прифатливи некои од сигналите што доаѓаат од Бугарија. „Не е прифатливо“, изречно рече...

Македонија1 ден

Пендаровски: До овој момент не се размислува за полициски час каков што имавме

Претседателот Стево Пендаровски, по денешната седница на Советот на безбедност, изјави дека во овој момент не се размислува за полициски...

Досие