Контакт

Македонија

Владата потпиша меморандум за разбирање со Меѓународната организација за миграции

Објавено пред

Дваесет години работа на Меѓународната организација за миграции (ИОМ) во Република Северна Македонија, денеска се одбележаа во просториите на Министерството за надворешни работи во присуство на владини претставници, дипломатскиот кор и други невладини организации.

На настанот со свој поздравен говор се обратија: Едмонд Адеми – министер без ресор, задолжен за дијаспора, Андреј Жерновски – заменик-министер за надворешни работи, Аргентина Сабадош, ИОМ, регионален директор за Југоисточна Европа, Источна Европа и Централна Азија, Росана Дуджак – резидентен координатор на ОН и Питер ван дер Овараерт, ИОМ – субрегионален координатор за регионот на Западен Балкан, а Соња Божиновска, шеф на канцеларијата на ИОМ во Северна Македонија ги претстави активностите на канцеларијата на ИОМ во земјата.

Жерновски во својот говор истакна дека одржливо и трајно решение може да се постигне само преку јасно дефинирани и координирани активности спроведени со заеднички напори на сите земји и меѓународни организации.

„Имајќи ја предвид определбата на нашата држава за почитување на основните човекови права и слободи и нивната соодветна заштита, поделбата на одговорноста и недискриминацијата, очекуваме во иднина продлабочување на соработката преку давање соодветна помош од страна на Меѓународната организација за миграција во насока на стратешко и техничко имплементирање на резолуцијата за миграциската политика прифатена од Собранието на РСМ, како и во однос на подготовка и имплементацијата на нови стратегии и акциски планови за прашања поврзани за миграција, усогласувањето со стандардите во согласност со законодавството на ЕУ, понатамошна поддршка во јакнењето на техничките капацитети во овој контекст“, рече Жерновски.

Во рамките на настанот, од страна на министерот без ресор задолжен за дијаспората, Едмонд Адеми, и регионалниот директор на ИОМ, Аргентина Сабадош, беше потпишан меморандум за соработка меѓу Владата на Република Северна Македонија и ИОМ.

Со меморандумот се продлабочува соработката од областа на дијаспората, која ќе вклучува советодавна поддршка за развој на стратешките политики за дијаспората.

„Владата и јас како министер задолжен за дијаспора силно работиме за развој на политики и реализација на мерки и активности во насока на ангажирање на дијаспората. За нас, дијаспората е составен дел од оваа држава. Сметам дека преку овој меморандум соработката помеѓу Владата и ИОМ дополнително ќе се интензивира. Владата во ИОМ гледа силен партнер во областа на миграциите и дијаспората, а денес тоа партнерство со овој чин го официјализираме“, истакна Адеми.

Република Северна Македонија стана членка на Меѓународната организација за миграции во 2014 година, а претходно имаше статус на земја набљудувач.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Отворено писмо од „Еуромакс ресоурцес“

Објавено пред

Почитувани,

Дозволете ни и во оваа пригода принципиелно да ги пренесеме изразите на почитување до граѓанското здружение „Здрава котлина“ – Струмица, за реализираното легитимирање во политичкиот изборен процес на претстојните локални избори преку свои кандидати за платени функции во општинските совети.

На јавноста ѝ е добро познато дека менаџментот на „Еуромакс ресоурцес“ посветено се залага за широка инклузивност и транспарентност преку конструктивен дијалог и соработка низ форма на партиципативна демократија со сите релевантни здруженија, кои како приоритет во нивниот граѓански активизам ја имаат заштитата на животната средина. Токму затоа, преку ова отворено писмо до лидерството на „Здрава котлина“ ја повторуваме поканата за заедничка работна средба. На таквата работна средба, во конструктивна атмосфера би ги разгледале и модалитетите за вашето активно учество во формирањето и функционирањето на независното мониторинг тело за постојан надзор и контрола, заедно со експертите од науката, претставниците од локалните управи и жителите од директно засегнатите општини. Согласно позитивната законска регулатива, ваквото независно тело ќе остварува неопходна соработка со сите надлежни државни органи и институции, како и со неодамна формираниот Граѓански инспекциски совет по иницијативата на „Зелениот институт“ и 26-те невладини организации.

Интересен е популистичкиот слоган „Стига Е“ со кој го промовирате вашето директно учество во овој политички изборен процес… и навистина „Доста Е!“, или крајно време е да се воздигнете и да се однесувате како високо одговорни граѓани чија цел не е само да ја кочат и забрануваат „по секоја цена“ (?) реализацијата на најголемата странска инвестиција, туку конструктивно да го подржат прогресот и благосостојбата на СИТЕ граѓани од нашата држава. Ова е посебно важно за вашите сожители кои очекуваат реални резултати со кои ќе се подобри квалитетот на нивното живеење – СЕГА И ВЕДНАШ! Само богати и економски развиени општини, региони и држави можат реално да си дозволат непречено реализирање на сите ветени инфраструктурни и комунални проекти, значително да инвестираат во потребната грижа за животната средина, да обезбедат високи стандарди и технички услови во делот на хигиената и здравјето на луѓето…. или воопшто во креирање на квалитетни параметри за современо и среќно живеење.

„Доста Е“ со досегашната радикална исклучивост, агресивност и говор на омраза кон сите оние кои различно размислуваат и делуваат. Секако, ние не ви сугерираме ниту, пак, очекуваме веднаш да ги промените вашите ригидни ставови во претстојната политичка кампања, но сепак се надеваме дека конечно ќе почнете со граѓанска креативност и позитивизам да пристапувате кон партнерскиот дијалог и заложбите за доследно имплементирање на строгите законски прописи, за примена на најновите технологии и добрите практики за одржливо рударство на 21 век, како и за континуирано спроведување на највисоките светски стандарди и критериуми за заштита на човековата средина.

Почитувано раководство на граѓанското здружение „Здрава котлина“, убедени сме дека на ваква работна средба преку цивилизиран дијалог, размена на релевантни информации и научно фундирана аргументација, заедно ќе успееме да го изградиме и оперираме современиот рударски комплекс за бакар „Иловица-Штука“ како „вин-вин“ капитална инвестиција од интерес на инвеститорите, националната економија и буквално сите граѓани на нашата држава без разлика на нивните политички, етнички, верски, полови и културни различности!

Со почит,

„Еуромакс ресоурцес“

(ПР-Текст)

Прикажи повеќе...

Македонија

Пендаровски во Њујорк – в четврток ќе се обрати пред Генералното собрание на ОН

Објавено пред

Претседателот на Република Северна Македонија, Стево Пендаровски, од денеска ќе престојува во работна посета на Соединетите Американски Држави, по повод учеството на 76. сесија на Генералното собрание на Обединетите нации во Њујорк.

Претседателот Пендаровски на 23 септември 2021 година, четврток, ќе се обрати на Генералната дебата на 76. Сесија на Генералното собрание на Обединетите нации, што се одржува на тема „Градење отпорност преку надеж – опоравување од Ковид-19, одржливо обновување, одговор на потребите на планетата, почитување на правата на луѓето и ревитализација на Обединетите нации“.

Во рамки на учеството на Генералното собрание на ОН, предвидено е претседателот Пендаровски да оствари средба со Генералниот секретар на ОН, Антонио Гутереш, како и билатерални средби со шефови на држави и влади, учесници на Генералното собрание.

Претседателот Пендаровски во Њујорк ќе учествува на Виртуелниот глобален самит за борба против Ковид-19: Крај на пандемијата и закрепнување, како и на 20. Состанок на високо ниво во организација на Меѓународниот центар Низами Ганџави на тема „Што значат мирот и стабилноста во 21 век?“.

Во рамки на активностите во Њујорк, предвидено е претседателот Пендаровски да оствари средби со извршната директорка на УНФПА, Наталиа Канем, како и со претставници на дијаспората.

Претседателот Пендаровски ќе оствари средби со претставници на Македонија 2025 и со претставници на Американско-еврејскиот комитет во Њујорк.

За време на посетата претседателот Пендаровски ќе биде придружуван од сопругата, Елизабета Ѓоргиевска, која ќе се обрати на настанот на високо ниво посветен на одбележувањето на 30 години од глобалната 16-дневна кампања против родово-базираното насилство, ќе одржи предавање на Стоматолошкиот факултет при Универзитетот Колумбија и ќе го посети училиштето за деца со посебни потреби Jesse J. Kaplan.

Прикажи повеќе...

Македонија

Денеска умерено облачно со сончеви периоди

Објавено пред

Времето претпладне ќе биде променливо облачно со локален пороен дожд и грмежи претежно во планинските региони. Попладне ќе биде умерено облачно со сончеви периоди. Ќе дува слаб до умерен северен ветер. Во југозападните делови ветерот ќе е западен и повремено со засилен интензитет.

Минималната температура ќе биде во интервал од 9 до 17, а максималната ќе достигне од 27 до 34 степени.

Во Скопје, претпладне се очекува сончево со умерена променлива облачност, а попладне облачноста ќе се намалува. Минималната температура ќе се спушти до 13, а максималната ќе достигне 30 степени.

Од утре ќе биде претежно стабилно со повремено зголемена облачност и нешто пониски дневни температури. Особено посвежо ќе биде од среда.

Прикажи повеќе...

Најново

Свет1 час

Гутереш: Нова студена војна доколку САД и Кина не ги подобрат односите

Генералниот секретар на ОН, Антонио Гутереш, предупреди на можноста од нова студена војна доколку Соединетите Американски Држави и Кина, според...

Свет1 час

(Видео) Пукање на универзитет во Русија, студентите скокаа преку прозорци, има повредени

Непознато лице отворило оган врз студенти и предавачи во зградата на Универзитетот во Перм, руски град на Урал, пренесуваат руските...

Свет2 часа

Партијата на Путин со убедливо водство по првичните резултати од изборите во Русија

Партијата „Единствена Русија“, која ја поддржува политиката на претседателот Владимир Путин, освои најмногу – 44,26 проценти од гласовите на парламентарните...

Европа2 часа

Пожар во камп за мигранти во Грција

Кампот за мигранти на грчкиот остров Самос беше евакуиран откако доцна синоќа во него избувна пожар. Нема повредени или поголема...

Македонија16 часа

23 починати и 365 нови случаи на Ковид-19

Од Министерството за здравство информираат дека во последните 24 часа направени се 4.015 тестирања, а регистрирани се 365 нови случаи...

Македонија17 часа

Маричиќ: Над милион попишани граѓани, влегуваме во последната фаза

Откако Државниот завод за статистика извести дека денеска се попишани над милион граѓани, министерот за правда Бојан Маричиќ, преку социјалните...

Свет17 часа

Три европски земји ги укинуваат сите ковид-мерки, за таквиот чекор клучни се две нешта

Данска, Шведска и Холандија ги укинуваат практично сите мерки во борбата против пандемијата на коронавирус. Стапките на вакцинација се релативно...

Македонија18 часа

Изминатава недела Македонија е прва во Европа според бројот на починати од Ковид-19 на милион жители

Според бројот на смртни случаи минатата седмица, Гренада е повторно на прво место во светот со 212 смртни случаи на...

Македонија21 час

Започна уривањето на старата конструкција на Универзална сала

Универзална сала започнува да го добива своето ново лице, сподели градоначалникот на Скопје, Петре Шилегов на својот Фејсбук профил. Според...

Македонија23 часа

Со хебла оштетена таблата за електрична енергија во модуларната болница во Прилеп

Општа болница Прилеп до Министерството за внатрешни работи синоќа пријави случај на физичко оштетување на таблата за електрична енергија од...

Топ24 часа

Приведен сопственикот на угостителски објект во Гостивар кој примал гости без сертификат за вакцинација

Гости без сертификат за вакцинација биле затекнати во угостителски објект во Гостивар а по реакција на полицијата објектот бил затворен...

Свет1 ден

Париз за потегот на САД и Австралија – лицемерие, презир, лаги

Лицемерие, презир, лаги, се зборовите што ги користи францускиот министер за надворешни работи за да ја опише кризата во односите...

Свет1 ден

Светските лидери среде пандемија во Њујорк и покрај противењето на Американците

Светските лидери се собираат во Њујорк од вторник на дебата на Генералното собрание на Обединетите нации, која ќе се фокусира...

Европа1 ден

Италијанците следната година излегуваат на референдум за легализација на марихуаната

Референдум за легализација на марихуаната најверојатно ќе се одржи во Италија следната година. Поддржувачите за легализација на марихуаната ги собраа...

Свет1 ден

Русите на гласање на последниот ден од парламентарните избори

Недела е последен ден за гласање на Русите на тридневните парламентарни избори во земјата. Околу 110 милиони луѓе имаат право...

Македонија2 дена

41 починато лице, регистрирани 539 нови случаи на Ковид-19

Министерството за здравство информира, дека во последните 24 часа се направени 5.589 тестирање, а регистрирани се 539 нови случаи на...

Топ2 дена

Осумдневен притвор за пет лица од вчерашните протести во Тетово

Судијата на претходна постапка при Основниот суд Тетово им определил осумдневен притвор на петмината приведени по вчерашните протести во Тетово....

Свет2 дена

Експертите во САД против трета доза на вакцина за севкупната популација

Советодавниот одбор на Американската администрација за храна и лекови (ФДА) денеска го отфрли планот да понуди дополнителна, трета доза на...

Македонија2 дена

Османи формира работна група за укинување на визите со САД

Министерот за надворешни работи Бујар Османи, на неговиот Фејсбук профил информира дека формирал работна група во рамки на Министерството за...

Македонија2 дена

Шилегов: Се урива првата од трите галии во Вардар

Градоначалникот на Скопје Петре Шилегов денес на својот Фејсбук профил објави фотографии од демонтирањето на галијата која е поставена во...

Досие