Во текот на вчерашниот ден пристигнале пријави за злоупотреба на исплатата на К-15 или регресот за годишен одмор во реалниот сектор, а само од пет големи компании во земјава, кои вработуваат над 2.000 работници. Кристина Ампева од „Гласен Текстилец“ изјави дека се јавуваат првите пријави за принудно потпишување на бланко листови од страна на работодавачите, кои пријавуваат дека работат со загуба.

„Овие работодавачи се обидуваат да го заобиколат законот и да исплатат К-15 во многу понизок износ – 2.000, 1.000, 500, па дури и 100 денари“, изјави Ампева. Според неа, овие дејства се злоупотреби кои го поткопуваат законскиот пропис, кој предвидува дека К-15 треба да биде 40% од просечната плата, но не наведува конкретен износ кој не смее да биде под тоа ниво.

Ампева истакна дека ова е единствениот начин да се запрат злоупотребите на сметка на работниците, кои се жртви на ваквите практики.

„Не можам да ги обвинам организациите на работодавачи бидејќи тие го бранат својот капитал“, додаде таа.

Таа смета дека казните за работодавачите се премногу ниски и дека единственото што државата може да направи е да поттикне Управата за јавни приходи (УЈП) да изврши контрола во компаниите кои пријавиле загуба, за да се утврди дали има злоупотреби со исплатата на регресот.

„Казните во време на претходната власт на работодавачите им дадоа ветер во грб за да ги кршат законите. Треба да се стави акцент на проверката на тие кои пријавуваат загуба, но истовремено некои од нив се купуваат нови автомобили, вили или станови, додека исплаќаат помала сума на регрес за годишен одмор“, истакна Ампева.

Во реалниот сектор, работниците треба да добијат К-15 во износ од 16.800 денари, додека вработените во администрација треба да добијат 11.000 денари. Исплатата на К-15 е предвидена да биде завршена до крајот на годината.

Министерот за надворешни работи и надворешна трговија, Тимчо Муцунски, денеска најави значителни измени на Законот за надворешни работи, со кои ќе се зголеми процентот на амбасадори од редот на професионалните дипломати во Министерството.

„Предлагаме зголемување на процентот на амбасадори од редот на професионалните дипломати од една третина на најмалку една половина,“ истакна Муцунски.

Со измените, како што објасни министерот, се враќа четиригодишниот мандат на амбасадорите наместо досегашните три години. Оваа промена е поттикната од честата ротација, која предизвикувала потешкотии во адаптацијата во земјите на приемот и дополнителни трошоци за Министерството и државниот буџет.

„Четиригодишниот мандат овозможува поголема стабилност и ефикасност,“ додаде тој.

Одредбата за именување амбасадори надвор од Министерството, кои со своето општествено и културно делување оставиле трага, исто така, претрпува измени.

„Се предвидува од оваа група да доаѓаат најмногу половина од амбасадорите,“ објасни Муцунски.

Законот исто така го допрецизира учеството на Собранието во процесот на именување амбасадори.

„Со оваа измена, ќе се спречи можноста претседателот на државата да потпише указ без соодветна процедура во Собранието,“ изјави министерот, посочувајќи на претходните примери на непочитување на законските процедури.

Предложените измени предвидуваат корекција на коефициентите за плати и животни трошоци на дипломатите во странство.

„Со години платите и предвидените кирии за дипломатите стагнираат, што предизвикува потешкотии,“ нагласи Муцунски.

Муцунски истакна дека измените вклучуваат и усогласување на Законот со новите надлежности на Министерството за надворешни работи и надворешна трговија во делот на трговијата и инвестициите.

„Овие измени обезбедуваат правна основа за Министерството да ги преземе обврските за креирање политики во делот на трговијата и инвестициите,“ рече министерот.

Заклучувајќи, Муцунски нагласи дека измените ја зајакнуваат професионализацијата на дипломатската служба и отвораат пат за поефикасно делување на државата на меѓународната сцена.

Премиерот Христијан Мицкоски најави дека следната недела ќе биде објавен оглас за нови 600 вработувања во Министерството за внатрешни работи (МВР). Овој потег, како што истакна, е резултат на природното пензионирање на дел од вработените, но и на потребата за зајакнување на кадровскиот потенцијал

„Многу малку се водело сметка за квалитетен кадровски потенцијал во рамки на МВР. Тоа го согледавме откако изминавме период од речиси шест месеци на анализи и истражувања. Заклучивме дека во изминатите години е правен, би рекол, епски криминал. За да се санкционира тоа и да се излезе пред правдата, потребен е човечки кадровски потенцијал,“ изјави Мицкоски.

Оваа изјава ја даде при поставувањето на камен-темелник за доградба на детската градинка „Кокичиња“ во село Таринци, Општина Карбинци.

На прашањето за најавените штрајкови во министерствата за економија и социјална политика поради ниските плати, премиерот истакна дека платите во одредени министерства навистина се ниски.

„Треба да се работи на ова. Проблемите се решаваат еден по еден. Согласно општиот колективен договор, оваа година ќе има покачување на платите, а ќе има и следната година. Очекувам, во зависност од расположливите средства, платите на вработените да се зголемуваат,“ рече Мицкоски.

Тој нагласи дека Владата веќе донела одлука да не се зголемуваат платите на избраните и именуваните лица, судиите, обвинителите и членовите на Судскиот совет и Советот на јавни обвинители, со цел нивелирање на коефициентите.

„Она што го ветуваме, тоа и го испорачуваме. Претходно постигнавме историски договор со синдикатите во образованието и здравството. Чекор по чекор ги решаваме работите. Потребно е трпение, но важно е дека проблемите се решаваат, а не се ставаат под тепих, како што беше досега,“ додаде премиерот.

Овој потег, како што истакна, е резултат на природното пензионирање на дел од вработените, но и на потребата за зајакнување на кадровскиот потенцијал.

„Многу малку се водело сметка за квалитетен кадровски потенцијал во рамки на МВР. Тоа го согледавме откако изминавме период од речиси шест месеци на анализи и истражувања. Заклучивме дека во изминатите години е правен, би рекол, епски криминал. За да се санкционира тоа и да се излезе пред правдата, потребен е човечки кадровски потенцијал,“ изјави Мицкоски.

Оваа изјава ја даде при поставувањето на камен-темелник за доградба на детската градинка „Кокичиња“ во село Таринци, Општина Карбинци.

На прашањето за најавените штрајкови во министерствата за економија и социјална политика поради ниските плати, премиерот истакна дека платите во одредени министерства навистина се ниски

„Треба да се работи на ова. Проблемите се решаваат еден по еден. Согласно општиот колективен договор, оваа година ќе има покачување на платите, а ќе има и следната година. Очекувам, во зависност од расположливите средства, платите на вработените да се зголемуваат,“ рече Мицкоски.

Тој нагласи дека Владата веќе донела одлука да не се зголемуваат платите на избраните и именуваните лица, судиите, обвинителите и членовите на Судскиот совет и Советот на јавни обвинители, со цел нивелирање на коефициентите

„Она што го ветуваме, тоа и го испорачуваме. Претходно постигнавме историски договор со синдикатите во образованието и здравството. Чекор по чекор ги решаваме работите. Потребно е трпение, но важно е дека проблемите се решаваат, а не се ставаат под тепих, како што беше досега,“ додаде премиерот.