Контакт

Македонија

ВМРО-ДПМНЕ на протест в сабота – „Мафија те тужи, мафија те суди“

Објавено пред

ВМРО-ДПМНЕ за сабота во 18.30 часот најавува протест пред Министерството за правда, преку улицата Македонија до Основното јавно обвинителство против неправди, реваншизам и политичко насилство.

„Мафија на власт, колку повеќе тоне во својот криминал и корупција, толку повеќе удира по својот народ и политичките неистомисленици. Оваа власт во недостиг на успеси и во услови на секојдневни порази на секое поле сѐ повеќе се врти кон политички прогон и застрашување.
Министерот за неправда, наместо да прави реформи, јавно се заканува и им прејудицира казни на сите што не мислат како Заев. Тоа е таа Заев-неправда по рецептот јавно да се најавуваат пресудите и од страна на Заев и од страна на министер за правда и од страна на обвинители и судии. Мафијата работи по принципот ‘мафија те тужи, мафија те суди“, соопшти ВМРО-ДПМНЕ.

„Затоа гледаме стотици случаи во кои мафијата на власт удира по новинари, удира по опозицијата, удира и по народот. Кацарска е наградена со место во Уставниот суд. СЈО ги изеде народните пари, а народот не виде правда. Селективната ‘луј витон правда’ не е правда, туку маша како да се заштити криминалот на екипата на Заев“, додаваат од партијата.

Според нив, оние судии и обвинители кои работат по директивата на Заев потоа се унапредуваат и наградуваат. Тоа народот го гледа и затоа довербата во правосудството е минорно. Народот и ВМРО-ДПМНЕ ќе се спротивстави на неправдата и на мафијата на чело на Заев која владее султански со Македонија.

„Доаѓа време кога овој султанизам ќе падне и кога мафијата ќе одговара за целата неправда заедно со нивните помагачи и слепи послушници кои го газат својот народ“, се додава во соопштението.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Кривични пријави против Лидија Димова и три други лица, се товарат дека причиниле штета од над 25 милиони денари

Објавено пред

Управата за финансиска полиција до Основното јавно обвинителство за гонење организиран криминал и корупција поднесе кривични пријави против директорката на Националната агенција за европски образовни програми и мобилност, Лидија Димова, и три други лица.

За нив постои основано сомнение дека сториле кривични дела: злоупотреба на службената положба и овластувањето, измама на штета на средства на европската заедница, соизвршителство и несовесно работење во службата.

Покрај Димова, кривични пријави се поднесени и против З. З. во својство на управител и сопственик на Друштвото за трговија и услуги увоз-извоз „ВЕЗ трејд“ ДООЕЛ Скопје, А. Г. во својство на надворешен соработник во Националната агенција за европски образовни програми и мобилност и А. П. во својство на благајник во Агенцијата.

Четворицата се товарат дека причиниле штета од големи размери на доверените средства на европската заедница во вкупен износ од 25.334.543 денари.

Прикажи повеќе...

Македонија

(Видео) Николовски: Инспекторите добиваат поголеми надлежности, нема толеранција за прекршителите на протоколите

Објавено пред

Заменик-претседателот на Владата задолжен за борба против корупцијата и криминалот, одржлив развој и човечки ресурси, Љупчо Николовски, заедно со членовите на Инпекцискиот совет, одржа прес-конференција за измените и дополнувањата на Законот за заштита на здравјето на населението од заразни болести, што ги усвои Собранието. Една е од клучните измени на овој заекон е со што сите инспекторати сега добиваат нови поголеми овластувања за постапување со прекршителите на здравствените ковид-протоколи.

„Конкретно, доколку на терен инспекткорите констатираат дека одредено правно лице ги прекршува здравствените протоколи, во истиот момент ќе му се изрече привремена забрана за вршење на дејноста од 10 до 30 дена, односно објектот на самото место ќе биде затворен. Апелирам ова да се сфати крајно сериозно, нема простор за компромис кога е во прашање јавното здравје!

Дополнително, според новите измени, висината на глобите ќе варира во зависност од големината на правниот субјект – за микро, мало, средно или големо претпријатие, како и соодветни глоби за одговорен на правното лице, трговец поединец или физичко лице. Со ова сакаме да покажеме и правичност и праведност во однос на големината на субјектот и нивото на самата казна. Ако воопшто постоеше некој што се двоумеше и имаше недоверба во однос на тоа дали овие промени се потребни пред речиси еден месец, кога првпат ги претставивме пред јавноста, верувам дека сега со изгласувањето на законските измени и дополнувања мислењето е променето.
Бројките на заразени растат. Болничките капацитети се полнат, здравствениот систем е веќе оптоварен, а и инспекциските служби и сите оние што се стванеи во функција на заштита на здравјето на граѓаните. Ситуацијата е крајно сериозна“, изјави тој.

Според Николовски, нè напуштаат луѓе што до вчера биле здрави, веќе речиси и да нема некој што не чул за сосед, роднина, пријател, познајник, кој е заразен од коронавирусот. Вирусот е тука, посилен од кога било.

„Запрашајте се себеси дали сме и ние како општество и поединци посилни од кога било во борбата против него? Едноставно е – дистанца, маска, дезинфекција и миење раце. Од нас зависи! Од секој поединец. Зар да се доведуваме до несакани ситуации, а кои стопроцентно може да се избегнат? Мора да сфатиме дека само така со почитување на мерките и протоколите и само заеднички ќе успееме да се намали ширењето на вирусот и да ја надмине оваа здравствена криза, која силно притиска и врз економијата. Можеме подобро и, ве молам, секој пред себе да си вети дека може и мора подобро! Нема друга алтернатива на патот што води кон подобро. Ова е тој пат. Патот на одговорноста, патот на дисциплинираноста, патот на почитување на редот и следење на правилата. Ова се тешки времиња. А како што и нашите стари велат – јунаците на мака се познаваат. Да најдеме сила и да го дадеме најдоброто од нас. Помогни си себеси и воедно ќе им помогнеш на другите. И уште еднаш апелирам – почитувајте ги мерките и протколите, а толеранција за прекршителите нема да има!“, додаде Николовски.

Прикажи повеќе...

Македонија

Шилегов: Пари за реконструкција на Универзалната сала ќе добиеме од претстојниот ребаланс на буџетот

Објавено пред

Скопскиот градоначалникот Петре Шилегов вели дека постојниот објект на Универзалната сала ќе се реконструира во сегашниот облик и големина, а средствата треба да се добијат од претстојниот ребаланс на буџетот, коj очекува да биде изгласан деновиве.

„Имајќи предвид дека стручната фела се изјасни дека на локацијата на Универзалната сала не е возможно да се изгради објект со поголеми димензии, мојата желба беше да се реконструира Универзалната сала во постојаната големина, а да изградиме нова концертна сала на друга локација. Во првиот дел успеавме и сакам да се заблагодарам за разбирањето на премиерот и на Министерството за култура, каде што се издвојуваат средства со ребалансот на буџетот во износ од 2 милиона евра, од каде што по носењето на ребалансот, овие средства ќе бидат префрлени на посебна наменска сметка на Град Скопје“, рече Шилегов.

Тој најави дека во меѓувреме ќе се вршат процени и пресметки за веднаш штом се добијат средствата да може да почнат постапките за јавни набавки и што е можно побргу да почне реконструкцијата на салата.

„Се надевам дека сите постапки ќе се одвиваат бргу за на почетокот на следната концертна сезона Универзалната сала повторно биде отворена“, истакна градоначалникот.

Додаде дека активностите нема да застанат тука и дека досега има одржано повеќе средби со министерката за култура за плановите за изградба на нова поголема концертна сала, која би ги задоволила потребите на градот.

Прикажи повеќе...

Најново

Македонија1 час

За Заев е неприфатливо тоа дека македонскиот јазик извира од бугарскиот

Премиерот Зоран Заев изјави дека не се прифатливи некои од сигналите што доаѓаат од Бугарија. „Не е прифатливо“, изречно рече...

Македонија1 час

Пендаровски: До овој момент не се размислува за полициски час каков што имавме

Претседателот Стево Пендаровски, по денешната седница на Советот на безбедност, изјави дека во овој момент не се размислува за полициски...

Македонија3 часа

Спасовски пренесен на Инфективната клиника во Скопје

Министерот за внатрешни работи, Оливер Спасовски, вчеравечер е хоспитализиран на Клиниката за инфективни болести во Скопје. Согласно протоколите, тој со...

Економија4 часа

АЕК ќе спроведува физибилити-студија за влијанието на 5Г-мрежата врз здравјето на луѓето

Агенцијата за електронски комуникации набргу ќе распише меѓународен тендер за избор на компанија што ќе изработи физибилити-студија за влијанието на...

Македонија5 часа

Задолжителна самоизолација од закажувањето тестирање на Ковид-19, казните се 50 евра

Со новите законски измени самоизолацијата е задолжителна при тестирање на Ковид-19 од закажување на тестот или самото тестирање, па сè...

Свет5 часа

Во нападот во Ница убиени три лица, една жена е обезглавена

Во нападот што се случи во Ница, за кој се сомнева дека е терористички, убиени се три лица со нож,...

Македонија7 часа

МОН најави реформа на учебниците по честите реакции за грешки и стереотипи во нив

Министерството за образование и наука формира работна група која развива концепт за целосна и суштинска промена на учебниците за основно...

Македонија7 часа

Стапија во сила новите мерки – забрането е групирање по 22 часот, казната е 500 евра

Од денеска забрането е групирање на отворено на повеќе од четири лица по 22 часот, а казната за непочитување на...

Свет7 часа

Едно од ретките места во светот без коронавирус ги забележа првите два случаја

Маршалските Острови, едно од последните места во светот каде што немаше коронавирус, ги забележаа првите два позитивни случаја, пишува Би-би-си....

Македонија8 часа

Од денеска маските се задолжителни на отворено

Собранието синоќа со 53 гласови „за“, 26 воздржани и ниту еден глас против ги изгласа измените во Законот за заштита...

Македонија8 часа

Седница на Советот за безбедност за состојбата со коронавирусот во Македонија

Во Кабинетот на претседателот Стево Пендаровски во „Вила Водно“, со почеток во 11 часот, ќе се одржи седница на Советот...

Европа18 часа

(Видео) Од петок карантин во цела Франција

Францускиот претседател Емануел Макрон прогласи каратин од петок што ќе трае најмалку до 1 декември. „Бранот се рашири низ цела...

Македонија18 часа

Славјанка Петровска позитивна на коронавирус, качила температура додека била на седница во Собранието

Актуелната пратеничка во Собранието од СДСМ и поранешна дополнителна заменичка на министерот за внатрешни работи во техничката влада Славјанка Петровска...

Македонија18 часа

Во Скопје рекорден број новозаразени, Аеродром надмина 700 активни случаи

Во Скопје во изминатите 24 часа се регистрирани рекордни 422 нови случаи на Ковид-19, а во тој период починале тројца...

Македонија20 часа

Рекордни 870 нови случаи на коронавирус во Македонија, починаа 14 лица

Во последните 24 часа во Македонија 14 лица починаа од коронавирус, а потврдени се 870 нови случаи од  2.647 тестирања,...

Свет21 час

Германија воведе строги мерки: рестораните, кината и баровите ќе бидат затворени 4 недели

Германската канцеларка Ангела Меркел изјави денеска дека германските власти се согласиле на четиринеделен делумен карантин. Во овој временски период затворени...

Македонија1 ден

МОН го повлече учебникот по македонски јазик за петто одделение

Министерството за образование и наука го повлече учебникот по македонски јазик за петто одделение поради несоодветна и дискриминирачка содржина. „Во...

Македонија1 ден

Пауновски: Нови вработувања ќе има в година, дотогаш ќе се снаоѓаме

Државниот пазарен инспекторат добил од Владата ветување дека в година ќе им бидат одобрени бараните 20 нови вработувања. Директорот на...

Македонија1 ден

Поради контакт со Спасовски, само едно лице е во изолација

Државниот санитарен и здравствен инспекторат издал само едно решение за изолација на лице што било во контакт со министерот за...

Македонија1 ден

Пожарникарите протестираа пред канцеларијата на Шилегов

Пожарникарите на мирниот протест пред канцеларијата на градоначалникот на Скопје, Петре Шилегов, порачаа дека не се откажуваат од своето барање...

Досие