Во ноември 2020 споредено со ноември 2019 имавме намалување од 21 отсто на бројот на сообраќајни незгоди, а кога ќе го споредиме декември од 2020 и 2019 имаме намалување од 23 отсто, порача денеска од Кaвадарци, портпаролот на МВР, Тони Ангеловски.

Тој нагласи дека како резултат на преземените активности, 2020 година е со најниска бројка на жртви во сообраќајот во историјата на државата.

Ангеловски истакна дека мобилната единица за безбедност во сообраќајот при МВР вчера (21 јануари) спровела контроли на територијата на Кавадарци, при што санкционирани се 83 возачи, од кои 47 за возење со брзина поголема од дозволената, 9 за возење без возачка дозвола, 9 за нерегистрирани возила…

Основното јавно обвинителство за гонење на организиран криминал и корупција е незадоволно од условната казна за Зоран Ѓорѓевски, кој беше вработен како советник во кабинетот на министерот за внатрешни работи во периодот на техничката влада, кога на чело на МВР беше Наќе Чулев, и најави дека ќе поднесе жалба.

По признание на вина, Ѓорѓевски беше прогласен за виновен и изречена му е алтернативна мерка – условна осуда, односно казна затвор од 2 години која нема да се изврши доколку обвинетиот во рок од 5 години од правосилноста на пресудата не стори ново кривично дело.

Пресудата е донесена по спроведената дисциплинска постапка против него откако на денот на предвремените парламентарни избори, во јули минатата година беше снимен како го пцуе и го напаѓа командирот од Тетово, Зоран Талев, со што му нанел телесни повреди.

Oбвинителството бара Ѓорѓевски да биде прогласен за виновен за кривично дело Насилство за кое е предвидена казна затвор од шест месеци до пет години.​

Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во болниците низ земјава е 608 и има околу 580 празни болнички кревети во ковид-центрите, информираат од Министерството за здравство.

Од таму додаваат дека во изминатите 24 часа во ковид-центрите во болниците низ земјава, со исклучок на главниот град, е пријавено дека се лекуваат вкупно 322 пациенти позитивни и суспектни на вирусот.

„Во болницата во Битола се хоспитализирани 29 пациенти позитивни и суспектни на Ковид-19. Во болницата во Штип се хоспитализирани 25 пациенти. На инфективното одделение во Тетово има 20 пациенти, во Велес се лекуваат 23 болни, а во Куманово 47 пациенти позитивни и суспектни на Ковид-19. Во ковид-центарот во Охрид има хоспитализирано 35 пациенти, во Прилеп 33 во ковид-центарот во Гостивар 17, а во Струга 18 болни. Во болницата во Струмица хоспитализирани се 22 пациенти, во Кочани 2, во Кичево 15, Кавадарци 21, во Гевгелија 4 лица, а во Дебар 11 позитивни и суспектни на вирусот“, се наведува во соопштението на ресорното министерство во кое се додава дека бројките се менуваат од час во час, според направените приеми и исписи на пациенти.