Контакт

Македонија

(Видео) Во Прилеп со граѓански марш одбележан Денот на народното востание

Објавено пред

Неколку илјади граѓани на Прилеп беа дел од денешниот граѓански марш, кој во чест на 11.Октомври, Денот на народното востание, го организираше Општина Прилеп.

Кон почитувачите на делото на антифашистичката револуција, се приклучија претставници на локалната власт, Сојузот на борци, политички партии, здруженија на граѓани, ученици од прилепските основни и средни училишта, како и официјалните делегации кои полагаа цвеќе на спомениците и спомен обележјата во Прилеп. Во чест на паднатите борци, граѓаните маршираа од меморијалниот музеј „11.Октомври“, односно Участакот, до Паркот на револуцијата каде делегациите се поклонија пред бистите во Алејата на народните херои и положија свежо цвеќе на споменикот „Жена борец“ и Могилата на непобедените.

Во своето обраќање пред присутните, градоначалникот Илија Јованоски рече дека со чествувањето на 78 години од Денот на народното востание 11.Октомври, граѓаните на Прилеп им оддаваат почит на 15-те народни херои и 650-те борци кои ги положиле своите животи на олтарот на татковината.

„Храбрите борци на Прилeпскиот одред отворија нова страница во историјата на македонскиот народ, го испишаа овој датум и Прилеп, градот – херој во историјата на македонската државност. Во народно-ослободителната војна, од прилепско учество зедоа 2.700 активни борци. 15 народни херои и 650 борци од Прилеп – градот херој, ги положија своите животи на олтарот на слободата. Овој ден е симбол на непокорот, вечно сеќавање на непобедените борци, во чија чест денеска го организиравме овој почесен марш, со кој воедно и ја обновуваме традицијата. Сигурно чекориме на патот на евро-атланските интеграции. Со успешното завршување на преговорите, ја остваруваме стратешката цел – да станеме полноправна членка на НАТО Алијансата. На патот на ЕУ ќе не’ води секоја успешна реформа, европски спроведен закон, секоја инвестиција и нови работни места, еднаквост, толеранција, дијалог, заеднички успех и достигнување. Наша обврска е одговорно и напорно да работиме за безбедна, стабилна, економски силна, за Европска Република Северна Македонија. Посветено работиме за економски и инфраструктурно развиен Прилеп, град со можности за подобар живот, подобра сегашност и иднина на генерациите што доаѓаат“, истакна градоначалникот Јованоски.

Претседателот на прилепскиот општински одбор на Сојуз на борци, Круме Соколски потенцираше дека е радосен на денешниот импозантен марш и собир и на тоа што дел од него се голем број млади луѓе.

„На сите вас, на овој според моето паметење најимпозантен собир, ви го честитам 11.Октомври, најголемиот празник на македонскиот народ. После многу неуспешни обиди, НОБ беше првото успешно движење во Македонија. Јас сум и емоционално поврзан со овој простор, но добро е што на ваков собир, најголем и највеличествен во Македонија, учествуваат и млади генерации кои треба да паметат дека најхрабрите, најпатриотските сили скоевци и комунисти, го дадоа својот живот за слободна Македонија, за независна држава“, изјави Соколоски.

Во име на Владата, обраќање имаше министерот за транспорт и врски, Горан Сугарески, кој напомена дека собирот во Паркот на револуцијата значи упатување достојна почит на сите борци кои треба да бидат пример како се сака и брани татковината.

„Тие се пример за идеологијата што не’ води сите нас и затоа слава им на сите херои што го дадоа животот за Македонија. Денеска го живееме сонот на нашите претци, но истовремено сме исправени пред нов предизвик. Денеска ја градиме Европска Македонија, која почива на темелите на слободата, демократијата и човековите права. Покажавме и докажавме како се сака државата, како се работи за нејзиниот развој и просперитет, за доброто на сите граѓани. Ни претстои период во кој сите заедно мора да се избориме и да ги изодиме клучните чекори за нашата европска интеграција. Друга опција немаме. Оваа земја мора да ја направиме подобро место за живеење, за сите нас, за генерациите што следат. Тежок бил патот на нашите претци за слободна држава, не е лесен ниту сега. Процесите што ги започнавме гарантираат сигурност, стабилност и здрава економија. Токму тоа не’ охрабрува да продолжиме со нашата визија, земјата да ја однесеме таму каде што припаѓа, во европското семејство“, потенцираше Сугарески.

Покрај градоначалникот на Прилеп и претседателот и членови на Советот на општина Прилеп, на денешното одбележување на 11.Октомври присуствуваа делегации и на Претседателот на државата, Владата, Собранието, Армијата, амбасадата на Руската федерација, Сојузот на борци, политички партии, здруженија на граѓани и претставници на неколку локални самоуправи, кои положија цвеќе на спомениците на Методија Андонов-Ченто, Кузман Јосифоски, споменикот „Жена борец“ и Могилата на непобедените, а свежо цвеќе на бистите во Алејата на народните херои, положија членовите на прилепскиот извиднички одред.

Македонија

(Видео) ВМРО-ДПМНЕ: Заев и Филипче си возат мотори на ден кога 46 луѓе починаа од Ковид

Објавено пред

Денеска починаа 46 лица, но тоа не ги засега министерот за здравство, Венко Филипче, и премиерот Зоран Заев, кои наместо грижа за здравјето на граѓаните си возат мотори, велат од ВМРО-ДПМНЕ, коментирајќи дека „тоа не може да се окарактеризира никако, освен како одлепени од реалноста и  убијци на сопствениот народ“.

Претходно денеска, пратеникот Антонијо Милошоски сподели видео за кое тврди дека е од Заев и Филипче во Пештани.

„Во време кога многу луѓе се борат за болнички кревет и лекови, додека фирмите и вработените се борат за преживување, Заев и Филипче лабаво со мотори на ручек во Пештани“, напиша Милошоски.

Од ВМРО-ДПМНЕ попладнево велат дека нема ниту еден друг случај на премиер на држава и министер за здравство кои во денот кога умираат 46 луѓе, тие си возат мотори.

„Рестораните за нив работат, но за сите останати се затворени. Нема борба против короната, а народот е препуштен сам на себе. Заев и Филипче се одлепени од реалноста, а нивната неспособност се плаќа со здравјето на граѓаните“, наведува партијата.

Опозицијата додава дека Владата треба постојано да носи заклучоци и одлуки, но системот не работи затоа што систем не постои. Ако се вакцинираа луѓето во првите месеци од годинава сега луѓето кои денес починаа ќе беа живи. Но тогаш Заев и Филипче бркаа провизии, велат од ВМРО-ДПМНЕ.

 

Прикажи повеќе...

Македонија

Нови 46 починати и 687 заразени со коронавирус во Македонија

Објавено пред

Во последните 24 часа се направени 3.050 тестирања, а регистрирани се 687 нови случаи на Ковид-19 во:
Скопје – 310, Куманово – 55, Битола – 35, Прилеп, Охрид и Струмица по – 33, Велес – 31, Кавадарци и Тетово по – 23, Гостивар – 19, Штип и Кочани по – 17, Свети Николе – 11, Кичево, Ресен и Виница по -7, Неготино – 6, Гевгелија и Македонски Брод по – 4, Струга – 3, Богданци – 2, Крива Паланка, Делчево, Пробиштип, Демир Капија, Демир Хисар, Кратово и Дојран по – 1.

Регистрирани се 1.347 оздравени пациенти од: Скопје – 780, Битола – 94, Куманово – 67, Охрид – 51, Штип – 44, Велес – 43, Тетово – 33, Кичево – 32, Гостивар – 21, Кавадарци – 20, Гевгелија – 19, Кочани – 16, Берово – 14, Струга – 12, Свети Николе и Ресен по – 11, Прилеп и Делчево по – 10, Неготино – 9, Крива Паланка – 8, Пробиштип и Дебар по – 6, Радовиш и Македонска Каменица по – 5, Виница, Демир Хисар и Кратово по – 4, Богданци и Пехчево по – 3, Македонски Брод и Валандово – 1.

Пријавени се вкупно 46 починати лица: 13 од Скопје (51г, 59г , две лица на 63г , 65г, 69г, 71г, две лица на 72г, 81г, 82г, 84г, 87г), од Битола – 6 (53г, 67г, 70г, 72г, 78г, 90г), од Тетово – 4 (44г, 65г, 78г, 84г), по 3 починати пациенти од Куманово ( две лица по 70г и 76г), Прилеп (34г, 68г и 73) и Струмица (72г, 76г, 82г), по 2 од Штип (72г, 74г), Радовиш (47г, 70г) и Виница (62г, 76г), по 1 од Велес (84г), Кавадарци (84г), Охрид (59г), Струга (86г), Неготини (89г), Кратово (85г), Македонски Брод (76г) и Македонска Каменица (77г) . Од починатите пациенти, 43 се починати во болнички услови, а 3 лица во домашни услови.

Направени се 3.050 тестови преку: ИЈЗ-599, ЦЈЗ Скопје-77, ЦЈЗ Битола-94, Клиника за инфективни болести и фебрилни состојби-0, Судска медицина-0, лабораторија болница Козле-0, УК Пулмологија со алергологија–0, ГОБ 8-ми Септември-0, Институт за микробиологија–157, МАНУ-130, Жан Митрев (Филип Втори)-155, Авицена-303, Биотек-319, Систина-243, лабораторија Лаор-540, Синлаб – 20, Ремедика-16, Плодност – 60, Генеа – 0, ЈЗУ и ПЗУ (рапид тест) – вкупно 337.

Досега во земјата се направени вкупно 669.141 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 141.844, бројката на оздравени пациенти е 116.780, на починати е 4.228, а бројот на активни случаи изнесува 20.836.

Според епидемиолошки анализи во моментов, дистрибуцијата по градови е следна:

Дистрибуција по градови Заболени (вкупно) Активни случаи (вкупно)
Скопје 63223, активни 9659
Куманово 7654, активни 1242
Прилеп 7616, активни 1081
Тетово 6702, активни 680
Битола 5326, активни 1263
Велес 5007, активни 834
Гостивар 4861, активни 524
Кавадарци 4829, активни 626
Штип 4570, активни 463
Охрид 4549, активни 812
Струмица 3634, активни 552
Струга 2806, активни 231
Кочани 2469, активни 306
Кичево 2232, активни 292
Неготино 2057, активни 275
Гевгелија 2033, активни 404
Свети Николе 1374, активни 141
Крива Паланка 1142, активни 91
Ресен 1135, активни 237
Радовиш 1000, активни 148
Берово 939, активни 117
Делчево 895, активни 88
Дебар 888, активни 57
Пробиштип 734, активни 74
Виница 691, активни 103
Валандово 588, активни 99
Крушево 449, активни 122
Богданци 446, активни 75
Демир Капија 386, активни 61
Демир Хисар 347, активни 51
Кратово 343, активни 24
Македонски Брод 335, активни 51
Пехчево 241, активни 22
Македонска Каменица 216, активни 8
Дојран 127, активни 23

Прикажи повеќе...

Македонија

Притвор за шестмината приведени во акцијата со марихуана

Објавено пред

Скопскиот кривичен суд определи 30-дневен притвор за шестмината осомничени за шверц на марихуана кои пред два дена беа приведени во полициска акција со поддршка на Американската служба за борба против дрога – ДЕА.

Станува збор за лицата Д.Ј.(35) од Струмица, А.У.(45) од Скопје. М.З.(29) од Куманово, М.С.(36) од Битола, К.С.(46) од Прилеп, Г.К.(25) од Скопје, кои се гонат поради неовластено производство и пуштање во промет наркотични дроги.

Во акцијата беа запленети околу 200 килограми марихуана во вредност од 800.000 евра.

При претрес кај еден од осомничените, полицијата пронајде документација за фабрики за производство на марихуана во медицински цели, лоцирани во Прилеп и Битола, по што МВР врши контрола во овие објекти.

Опозициската ВМРО-ДПМНЕ претходно денеска го обвини Трајче Заев – братучед на Зоран Заев за вмешаност со криминалната група, но тој ги негираше тврдењата. И владејачкиот СДСМ реагираше на обвинувањата, комнентирајќи дека ВМРО-ДПМНЕ не можат да се соочат со фактот дека патот на правдата во државата и е чист, а институциите борбата против корупцијата ја водат бескомпромисно.

Инаку, марихуаната која ја заплени македонската полиција требало да заврши во Грција.

Прикажи повеќе...

Најново

Македонија14 часа

Нови 46 починати и 687 заразени со коронавирус во Македонија

Во последните 24 часа се направени 3.050 тестирања, а регистрирани се 687 нови случаи на Ковид-19 во: Скопје – 310,...

Македонија15 часа

Притвор за шестмината приведени во акцијата со марихуана

Скопскиот кривичен суд определи 30-дневен притвор за шестмината осомничени за шверц на марихуана кои пред два дена беа приведени во...

Македонија18 часа

Првачињата ќе учат по нова наставна програма

На предлог на Бирото за развој на образованието, во петокот Министерството за образование и наука ги усвои новите наставни програми...

Македонија19 часа

Трајче Заев: Комбето не е во сопственост на фирма на Заеви, јас сум на службено патување

Трајче Заев – братучед на премиерот, Зоран Заев, ги отфрла обвинувањата на опозициската ВМРО-ДПМНЕ, за негова поврзаност со акцијата на...

Македонија19 часа

Во болниците се лекуваат 1.699 пациенти со коронавирус, има 340 празни болнички кревети

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и...

Македонија19 часа

(Видео) Милошоски: Македонски пасоши се делеле и на борци на ИСИС

Опозициската ВМРО-ДПМНЕ обвини дека македонски пасоши се делеле и на борци на ИСИС, откако стана извесно дека над 200 македонски...

Свет20 часа

Јужна Кореја со „Астра зенека“ ги вакцинира лицата помеѓу 30 и 60 години

Јужна Кореја продолжува со вакцинацијата на лица под 60-годишна возраст со вакцината на „Астра зенека“. Корејската агенција за контрола и...

Македонија21 час

Утре ќе се вакцинираат новинарите над 40 години

Вакцинацијата на новинарите и медиумските работници кои се пријавија на повикот и кои ги исполнија условите за да влезат во...

Европа1 ден

Малолетник со македонско потекло уапсен во Виена, се заканувал со тероризам оти Курц не му одговорил на пораките

Aвстриската полиција уапси 15-годишен Австриец со македонско потекло за закана за терористички напад во центарот на Виена, пренесе „Танјуг“. Малолетникот се...

Македонија1 ден

Филипче: До колективен имунитет само со вакцинација на голем број граѓани

Процесот на имунизација е пред нас и само со вакцинација на голем број граѓани ќе успееме да стекнеме колективен имунитет,...

Македонија2 дена

Нови 1.092 случаи на заразени, починаа 32, а оздравеа над 2.000 лица

Во последните 24 часа се направени 5.569 тестирања, а регистрирани се 1.092 нови случаи на Ковид-19 во: Скопје – 452,...

Македонија2 дена

(Видео) Разбиена група на нарко-дилери, запленета дрога во вредност над 800 илјади евра

Полицијата разбила организирана криминална група на нарко-дилери, пришто приведени се 6 лица, а запленета е дрога во вредност од над...

Свет2 дена

Кина дневно произведува 5 милиони дози вакцини, целта е да достигне 3 милијарди годишно

Кина веројатно ќе произведе три милијарди дози од вакцината против Ковид-19 до крајот на годината, изјави официјален претставник на Националната...

Топ2 дена

Три лица осомничени за силување на 18-годишна девојка во Струмица

Против три лица поднесена е кривична пријава за силување на 18-годишна девојка од Струмичко и за помагање во извршување на...

Македонија2 дена

ВМРО-ДПМНЕ на протест: Од коронавирус починаа 4.150 граѓани, тоа е како преку ноќ да го снема Крушево

Обвинувања за справувањето на власта со состојбата со коронавирусот и пораки за оставка на министерот за здравство, Венко Филипче и...

Македонија2 дена

Вработени во обвинителството, медиумите и инспекциските служби ќе се вакцинираат следната недела

Следната недела ќе почне вакцинирањето на вработените во обвинителството, судовите, инспекциските служби, новинарите и медиумските работници. Со нив, се очекува...

Свет2 дена

„Фајзер” и „Бионтек” бараат нивната вакцина да се користи за деца од 12 до 15 години

Фармацевтската компанија „Фајзер“ и нејзиниот германски партнер „Бионтек“ побарале од Управата за храна и лекови на САД итно проширување на...

Свет2 дена

„Ковакс“ ќе испорача третина од милијарда вакцини до средината на годинава

Меѓународната програма за споделување вакцини „Ковакс“ планира да испорача низ сиромашните земји од светот една третина од милијарда дози вакцини...

Македонија3 дена

Потврдени 1.174 нови случаи на коронавирус во Македонија, починаа 42 лица

Во последните 24 часа во Македонија се потврдени 1.174 нови случаи на коронавирус, починаа 42 лица, а оздравеа 811, соопшти...

Македонија3 дена

Приведен висок полициски службеник, запленета дрога вредна над 800.000 евра

Полицијата заплени дрога вредна над 800.000 евра, а приведен е висок полициски службеник, објави министерот за внатрешни работи, Оливер Спасовски....

Досие