Контакт

Македонија

Вработен во ФЗОМ: Мајката на Тамара не сакаше да го подигне одобрението за лекување

Објавено пред

Бранко Хаџигогов, вработен во Фондот за здравство, кој денеска  сведочеше за лекувањето на малата Тамара, потенцираше дека решение за лекување имало, но нејзината мајка, Жаклина Димовска, сакала интервенцијата да се изведе во друга клиника, а не во таа каде што одобриле членовите на ФЗО. Хаџигогов побарал Димовска да го подигне решението од архива, а доколку не се согласува, да поднесе жалба, посочи сведокот. Во неговата изјава пред судот Хаџигогов рече „Димовска кажа дека сака да биде медицински азилант во Германија или Америка затоа што и второто дете ѝ имало тешко заболување”.

„Жаклина Димовска првпат ја сретнав на 26 декември 2014 година на скалите на Сојузот на здружение на пензионери на Велес. Ние имавме средба со директорката на здружението и прес-конференција. Разговарав многу кратко со неа, директорката на скали разговараше со Жаклина Димовска. На 20 јануари 2015 година, по барање за средба, директорката во ФЗО ме замоли да ја викнам  Жаклина Димовска на состанок. Таа дојде на 21 јануари 2015 година. Жаклина Димовска го барала во кабинетот на директорката Парнаџиева. Јас ја примив во канцеларијата што ја имав во тој период, а таму беше присутна и Лујза Јакимовска, шеф на кабинет. Јас разговарав со Димовска“, рече Хаџигогов.

На мајката на Тамара ѝ било покажано позитивното мислење за лекување на Тамара во странство, а таа побарала да види како изледа болницата, рече Гаџигогов.

„Таа сакаше да го види позитивното решение за лекување во странство, односно во Турција. Воедно сакаше да праша каква е опцијата да се лекува на друго место. Имаше позитивно решение од ФЗО, со коешто се дозволува лекување во странство за нејзиното дете во клиника во Турција. Госпоѓата Димовски побара да види како изгледа болницата, по што отворив на лаптоп да види. Ме замоли да се јавам во Универзитетската клиника во Чикаго, затоа што наводно некои пријатели ја намалиле цената за лекување на Тамара на 250 илјади долари, па јас да сум ја спушел уште цената и со одобрените пари од Фонот и парите собрани од донации, за кои потенцираше дека се многу повеќе од оние на ФЗО, да отиде да се лекува во Чикаго. Од ФЗО беа одобрени околу 33 илјади евра“, посочи Хаџигогов пред судот.

Димовска, според кажувањето на Хаџигогов, барала Тамара да биде лекувана во Германија и посочила дека познаници ќе ја намалеле сумата која требала да се плати за операцијата.

„Прашуваше како може да ги искористи средствата одобрени од Фондот, односно лекувањето да си го плати приватно, а да побара рефундација на средства во висина на одобрениот износ. Тогаш побара да сум се јавел во друга клиника во Германија, бидејќи наводно и таму лекувањето било 250 илјади евра, но познаници ѝ рекле дека може да се намали сумата. Повторно ѝ објаснив дека треба решението да го подигне архивски, да плати лекување за таа интервенција во светот, а потоа да си побара рефундација на средствата кои ги одобрил ФЗО. Жаклина Димовска го држеше во раце позитивното решение за лекување во странство. Таа неколку пати го читаше и гледаше“, посочи тој.

Димовска на состанокот со Хаџигогов, вработен во ФЗО, му кажала, како што рече сведокот, „дека дале отказ од работа и убаво живееле од парите од донации“.

„Димовска кажа дека сака да биде медицински азилант во Германија или Америка затоа што и второто дете ѝ имало тешко заболување. На мое прашање за какво заболување  се работи, таа одговори дека има срцева мана и дека во четврток треба да се оперира во приватна кардиохирургија. Притоа, да плати 8 илјади евра, затоа што нема здравствено осигурување бидејќи си дале отказ од работа и убаво живееле од парите од донации. Тогаш, јас, изненаден од моменталната ситуација, проверив во систем и видов дека навистина немаат здравствено осигурување. Ѝ објаснив на госпоѓа Жаклина дека мора да има осигурување за лекување во странство, дека не треба да плати 8 илјади евра. Таа требаше да отиде со извод, лична карта и здравствени легитимации за да се осигура. Поради типот на осигурувањето, ја прашав колку приход имала минатата година, бидејќи под 240 илјади државата го плаќа осугурувањето. А над тој износ, сама треба да плати. Таа кажа дека има приход над тој и сама ќе плаќа здравствено осигурување. Замоли да се јавам во приватната болница да им кажам дека ќе биде здравствено осигурана за да не ги плати тие 8 илјади евра за второто дете. Јас тоа и го направив. Интервенцијата била закажана за два дена од денот кога се одржа состанокот. Докторката одговори дека е сè во ред и дека ќе ја примат, ова е за сестрата на Тамара. Не го однела детето на операција, бидејќи во петокот, ден по закажаната операција, ми се јави одговорната докторка Тања Анѓушева и ми кажа дека Жаклина не го однела детето на операција, ниту ѝ кревала телефон целиот тој ден претходно“, посочи Хаџигогов.

Од мајката на Тамара било побарано да го подигне решението за лекување во странство, рече Хаџигогов, според кого, Димовска му кажала дека има време за тоа бидејќи операцијата ќе биде по 8 февруари бидејќи, како што посочи тој, приоритет на Димовска ѝ било лекувањето на другата ќерка.

„Во фаза е Тамара да се лекува во ‘Аџибадем’ и дека тој доктор направил преглед. Но, Димовска ми кажа дека операцијата ќе биде по 8 февруари и дека за жалбата и подигање на решението има време, односно приоритет во моментов ѝ е операцијата на другата ќерка во ‘Филип Втори’. Потоа Димовска ми се јави да ми се заблагодари за приемот и да каже дека е активирано здравственото осигурување“, посочи вработениот во ФЗО.

Хаџигогов даде објаснување дека Димовска му кажала дека не сакала да ја лекува нејзината ќерка во Турција бидејќи ќе 1 ги изваделе прешлените.

„Госпоѓа Жаклина во разговорот ни кажа дека таа начелно е против какво било лекување во Турција бидејќи некој врвен стручњак од приватно ѝ кажал дека на Тамара ќе ѝ ги извадат прешлените и ќе ги фрлат, а девојчето ќе останело ‘кепец’. Не знаев што е тој збор, ја прашав што значи, а таа стана да покаже колку е висока и кажа дека детето ќе ѝ останело џуџе доколку се лекува во Турција“, рече Хаџигогов.

Постапката за лекување на малата Тамара во странство била ревидирана и од комисија што  била дополнително формирана, но и таа, според Хаџигогов, утврдила дека биле запазени сите рокови.

„Се формираше комисија која требаше да ја испита целата правна постапка. Комисијата утврди дека биле запазени сите законски прописи, воедно, при изготвување на извештајот се вадеа податоци од системот на фондот. Во списите имаше само еден запис за ортопедски преглед, од тогаш па две години наназад. Не било зедено некакво ортопедско помагало, ниту лек на рецепт. Комисијата зеде и изјави кои имале контакт со мајката, изјавите се дел од извештајот на комисијата“, заклучи Хаџигогов.

Македонија

Делегација од кабинетот на Претседателот положи цвеќе по повод 9 мај – Ден на победата над фашизмот

Објавено пред

Делегација од Кабинетот на Претседателот Стево Пендаровски по повод Ден на победата над фашизмот и Ден на Европа, им оддадоа почит на борците.

Делегоацијата која беше во состав Блерим Кољали, посебен советник за национална безбедност, Валентин Димевски, посебен советник за безбедност и одбрана и Билјана Блажеска, аѓутант на претседателот, положи цвеќе на партизанските гробишта во Бутел.

Прикажи повеќе...

Македонија

Во болниците во земјата од коронавирус се лекуваат 760 пациенти

Објавено пред

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и во болниците низ земјава е 760 и има околу 915 празни болнички кревети во ковид центрите.

Во изминатите 24 часа во ковид центрите во болниците низ земјава е пријавено дека се лекуваат вкупно 436 пациенти позитивни и суспектни на корона вирусот. Во изминатите 24 часа во ковид центрите во Скопје се хоспитализирани 9 нови пациенти поради компликации од корона вирусот. Вкупно 324 лица сомнителни и потврдени за Ковид 19 се лекуваат на инфективните одделенија во главниот град.

По извештаите на болниците кои пристигнуваат во Министерството за здравство на дневна основа, во болницата во Битола се хоспитализирани 51 пациент позитивен и суспектен на Ковид 19. Во болницата во Штип се хоспитализирани 52 пациенти. На инфективното одделение во Тетово има 11 пациенти, во Велес се лекуваат 50 болни, а во Куманово 53 пациенти позитивни и суспектни на Ковид 19. Во ковид центарот во Охрид има хоспитализирано 50 пациенти, во Прилеп 39, во ковид центарот во Гостивар 15, а во Струга 16 болни. Во болницата во Струмица хоспитализирани се 40 пациенти, во Кочани 19 во Кичево 9, Кавадарци 25, а во Гевгелија 6 лица позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти.

Во тек на денот се прават и исписи на оздравени пациенти со што ќе се ослободат дополнителни легла.

Прикажи повеќе...

Македонија

(Видео) Колариќ: Шилегов делел субвенции за инвертер клими на партиски луѓе

Објавено пред

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените субвенции за инвертер клими. Таа додаде дека на повидок е нов скандал, и повторно, како што рече, во центарот на овој скандал е скопскиот градоначалник Петре Шилегов.

„ Имаме основани сомневања дека многу најавуваните субвенции за инвертер клими се голема измама и злоупотреба зад кое стои половична реализација на проектот, и истите се делени без исполнување на критериумите, селективно, и сето тоа базирано на партиски и лични основи. Исто така имаме сомневања дека личните податоци на апликантите не се заштитени и третирани согласно закон при што можна е злоупотреба на истите“ ис=зјави Колрачиќ.

Таа нагласи дека овие основани сомневања ги темелат на претходна дојава од самите служби на градот и како советничка група на ВМРО-ДПМНЕ и коалицијата побарале увид во документацијата, при што констатирале нецелосна документација, со бројни пропусти и аномалии.

„ Се сомневаме дека се делени субвенции за инвертер клими на партиски луѓе кои живеат во централното градско подрачје, на улицата Никола Кљусев, улица Македонија, Народен фронт и други улици низ центар каде е познато дека има парно греење или и досега граѓаните се грееле на струја, додека цели населби како Ѓорче Петров, Драчево, Лисиче, Радишани и други каде нема парно и загадувањето е големо, нема доволно субвенции. Она што го затекнавме во градот е запрепастувачки. Нецелосни досиеја, расфрлани документи по ходници.

Од ВМРО-ДПМНЕ го прашуваат Шилегов јавно да каже колку контроли се направени кај граѓаните корисници на субвенциите за исполнети услови?

„ Зошто на едни граѓани се барани потврди од БЕГ а на други изјави од нотар? Го прашуваме Шилегов јавно да каже дали го познава воопшто и зошто не го применува Законот за заштита на лични податоци. Или пак како и се друго за него и неговите партиски послушници законите не важат. Го повикуваме Шилегов да појасни, зошто досега на ниту еден апликант не му е побарано да даде изјава за согласност за обработка на лични податоци? Да одговори дали е точно дека се печатени лични карти и покрај софтверско чување на истите при апликација за субвенции? Да одговори зошто регистри со досиеја на граѓани апликанти и корисници на субвенции се расфрлани по ходници на дотраена барака бр.14?

Шилегов да одговори, дали е точно дека раководител на сектор дал наредба да се сечат документи, складирани во вреќи и изнесувани надвор од бараката? Да одговори каква документација е уништена и под чија наредба?? Шилегов треба да одговори кој е одговорен за личните податоци на апликантите и корисниците на субвенции“ порача Колариќ.

ВМРО-ДПМНЕ ја повикув Агенцијата за заштита на лични податоци да изврши увид и примена на законот и инспекторатот на државен архив за ништена документација.

Прикажи повеќе...

Најново

Топ21 минута

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија32 минути

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија42 минути

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија2 часа

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет2 часа

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Македонија3 часа

Заев за „Катимерини“: Во 21 век да ја одредуваш историјата на друга нација не е во согласност со европскиот дух

Премиерот Зоран Заев во нeделното издание за грчки „Катимерини“, во интервјуто со наслов „Заедно за Балкан од 21 век“, говори...

Свет4 часа

Делови од кинеската ракета паднаа во Индискиот океан

Остатоците од најголемата кинеска ракета паднаа денес во Индискиот Океан, а повеќето од нејзините компоненти беа уништени при влегувањето во...

Свет15 часа

Макрон: САД да ги повлечат забраните за извоз на вакцини

Францускиот претседател Емануел Макрон ги повика САД да се откажат од ограничувањата на извозот на вакцини против Ковид-19 и компонентите...

Регион17 часа

Хрватски медиуми: Зошто Вучиќ создава најмоќна воена сила во регионот?

Хрватските медиуми пишуваат дека претседателот на Србија, Александар Вучиќ, ја создава најмоќната воена сила во регионот. „ Во последно време...

Спорт18 часа

Дејан Георгиевски обезбеди олимписка норма

Македонскиот репрезентативец во таеквондо, Дејан Георгиевски, избори пласман на Олимписките игри во Токио, во категоријата до 87 килограми. Европските квалификации...

Топ21 час

Човечки труп извлечен од реката Вардар во Велес

Во Велес, во водите на реката Вардар, во близина на Нов мост, вчера бил пронајден човечки труп, кој бил извлечен...

Македонија21 час

Досега во земјава две дози вакцина против коронавирус примиле 21.890 граѓани

Во државата вкупно се аплицирани 118.984 дози вакцини, а ревакцинирани се 21.890 граѓани. Со последните бројки, 32% од населението над...

Македонија22 часа

Во Македонија 198 нови случаи на коронавирус, 12 лица починаа

Во последните 24 часа во Македонија се потврдени 198 нови случаи на коронавирус, 12 лица починаа, а 333 пациенти оздравеа,...

Македонија24 часа

Мицкоски: Дволичноста на Пендаровски е заради притисокот врз него, реалноста е дека се согласи со мене за 27 април

Претседателот на ВМРО-ДПМНЕ, Христијан Мицкоски, по денешната посета на Општина Делчево одговарајќи на новинарско прашање, рече дека претседателот Стево Пендаровски...

Топ1 ден

Автомобил удри во дете на велосипед во Прилеп, возачот избегал

Малолетен велосипедист е тешко повреден откако во него удрил автомобил, а возачот избегал. Според информациите на МВР, несреќата се случила...

Македонија1 ден

Во болниците во Македонија од коронавирус се лекуваат 806 пациенти

Вкупната бројка на пациенти со коронавирус кои се лекуваат на инфективните оддели во Скопје и во болниците низ земјава е...

Свет1 ден

(Видео) Судир во џамија во Ерусалим – полицијата употреби гумени куршуми и водени топови

Во судир меѓу израелската полиција и група Палестинци што се случи синоќа во Ерусалим, повредени се 205 Палестинци и 17...

Македонија1 ден

СЗО: Децата не треба да се вакцинираат сѐ додека не бидат вакцинирани ризичните групи

Светската здравствена организација (СЗО) оцени дека децата не треба да се вакцинираат против Ковид-19 додека не се вакцинираат старите лица...

Македонија2 дена

Семејството на девојката чии органи беа донирани и спасија други животи ќе добие државен стан

Министерот за транспорт и врски, Благој Бочварски, на социјалните мрежи напиша дека на седница на Комисијата за станбени прашања било...

Македонија2 дена

Пендаровски негира дека службената белешка за Камчев излегла од неговиот кабинет

Шефот на државата, Стево Пендаровски, е загрижен што службената белешка со назнака „строго доверливо“ од Агенцијата за национална безбедност, по...

Досие