Министерот за надворешни работи и надворешна трговија, Тимчо Муцунски, денеска оствари средба со амбасадорот на Република Словенија, Грегор Прескер.

На средбата, беа потврдени одличните билатерални односи и успешната соработка, заснована на меѓусебна поддршка и почитување, за што, меѓудругото, потврда се и средбите на високо ниво во изминатиот период.

Соговорниците се осврнаа и на актуелните состојби, како во двете земји, така и во регионот, со посебен фокус врз процесот на интеграција на нашата земја во Европската Унија. Министерот Муцунски упати благодарност за досегашната силна и отворена поддршка на Република Словенија во овој процес, пренесувајќи ги очекувањата дека истата ќе продолжи и во наредниот период.

Двете страни се согласија дека Република Слоенија останува исклучително важен партнер за развивањето на капацитетите за остварување на нашите надворешно-политички приоритети, како и за спроведувањето на реформите, преку споделување на нивните искуства.

Потпретседателот на Владата на РСМ и министер за односи меѓу заедниците, Иван Стоилковиќ денес оствари работна средба со делегација од Амбасадата на Република Австрија во Скопје, предводена од амбасадорот, Мартин Памер.

На средбата беа разменети мислења и ставови за актуелните политички и економски прашања во двете земји, со фокус на односите меѓу етничките заедници кои живеат во земјата, а Стоилковиќ и Памер изразија уверување дека пријателските односи меѓу двете земји ќе продолжат да се развиваат и во иднина.

Стоилковиќ меѓу другото го запозна амбасадорот Памер и со функционирањето на Министерството за односи меѓу заедниците, како и фактот дека истото треба да прерасне во институција која ќе работи во корист на сите етнички заедници во земјава, но и со проектите на кои работи како заменик-претседател во Владата на РС Македонија. Во таа насока, тема на разговор беа и можностите за проширување на економската соработка меѓу двете земји, а двајцата соговорници се согласија дека економијата не е само предизвик, туку и една од најважните точки и клучна за напредок. Акцент беше ставен и на подобрувањето на економската размена меѓу двете земји и подигнување на нејзиното ниво.

На крајот од средбата двајцата соговорници се согласија дека соработката меѓу двете земји е од исклучително значење, а особено клучна е поддршката што нашата земја ја добива од Австрија кога станува збор за реформските процеси поврзани со евроинтеграциите, кои, како што беше нагласено, мора да останат на агендата и во иднина.

Нема крај на скандалите кога станува збор за Данела Арсовска. Арсовска сега не поднесе предлог-буџет за 2025 година во законски предвидниот рок. На Град Скопје сега му се заканува целосна блокада, вели Стефан Кирков, советник од ВМРО-ДПМНЕ во Советот на Град Скопје.

„Се случи тоа што го предвидувавме со месеци и апелиравме неколкупати. Стравувавме дека сценариото за целосна блокада на Град Скопје може да стане реалност. Сега тоа и се случува.

Кумата на хаосот во Скопје при крајот на својот мандат, поддржана од коалицијата Левица – СДС – ДУИ, продолжува со црните сценарија за Скопје“.

Според него, во историјата на Град Скопје до денес се нема случено да биде доведено во прашање функционирањето на градот во целина.

Без буџет за следната година, Град Скопје, како што соопшти тој, ќе биде под целосна блокада, нема да функционираат и онака нефункционалните јавни претпријатија, установите во Скопје. Или ќе биде блокирана и онака нефункционалната „Комунална хигиена“, како и ЈСП, нема да функционираат претпријатијата, како „Водовод“, „Паркови и зеленило“, „Улици и патишта“, „Градски паркинг“, депонијата „Дрисла“, „Лајка“. Тука се и Градската библиотека „Браќа Миладиновци“, МКЦ, Културно-информативниот центар, Музејот на град Скопје, Зоолошката градина, Детскиот културен центар и други.

Накусо, како што додаде, Скопје ќе доживее целосен мрак.

Појасни дека вчера измина последниот ден за доставување предлог-буџет до Советот и до Град Скопје.

„Ова е рокот предвиден за работа на Градот и Советот, а објавен како документ во службено градско гласило. Данела Арсовска не поднесе буџет и со тоа ги остава Скопје, сите јавни претпријатија, установи и повеќе од милион жители да бидат нејзин заложник. Како советничка група на ВМРО-ДПМНЕ ги повикуваме сите државни институции, Владата, веднаш да пристапат кон решавање на овој проблем. Скопје не смее да биде заложник на Данела Арсовска подржана од СДС – Левицата – ДУИ. За ваков преседан, кој го води Скопје кон целосен мрак, Данела Арсовска мора да одговара“, нагласи Кирков.