Контакт

Македонија

Град Скопје нема да ги отстрани столпчињата на тротоарите на Партизанска за што граѓаните најавија протест

Објавено пред

Заедниците на станари на зградите број 45 и 47 на булеварот Партизански одреди во општина Центар за денеска најавија протест со блокирање на булеварот поради поставувањето столпчиња на тротоарите од страна на Град Скопје. Од Градот, пак, велат дека овие станари досега непрописно ги паркирале сопствените возила блокирајќи го просторот предвиден за пешаци и велосипеди.

„Град Скопје ги поставува столпчињата со цел да го спречи непрописното паркирање на возилата на површини предвидени за пешаци и велосипеди. Со заедниците на станари на овие две згради одржани се повеќе средби во последните неколку месеци со цел да се изнајде решение за проблемот со паркинг-просторот со кој се соочуваат. Станарите изразија подготвеност да престанат да се паркираат непрописно доколку им се обезбеди паркинг во согласност со прописите“, велат од Град Скопје.

На станарите на овие згради, како што се наведува, им било понудено на трошок на Градот да се изгради паркинг на местото на гаражите зад овие згради, кои зафаќаат многу простор, а се користат како магацински простории.

„Дополнително, им беше понуден бесплатен паркинг кај Универзалната сала како период на адаптација до изградбата на новиот паркинг. Предлогот за изградба на паркинг на местото на гаражите сè уште не е прифатен, но, за жал, друго алтернативно решение не постои. Град Скопје со поставување столпчиња во последните 6 месеци ослободи простор за пешаци и велосипеди во должина поголема од 3.000 метри, при што секогаш се водеше сметка да им се обезбедат алтернативни можности за паркирање на засегнатите станари од околните објекти“, се додава во соопштението на Градот.

Град Скопје најави дека нема намера да отстапи од идејата за ослободување од возила на просторите предвидени за пешачки и велосипедски сообраќај и во таа насока ќе продолжи да поставува столпчиња секаде каде што ваквиот простор е узурпиран.

Македонија

„Сите сити“ обезбеди 210,000 оброци за социјално загрозените граѓани

Објавено пред

Повеќе од 460.000 граѓани во Македонија не може да си ги дозволат сите оброци во текот на денот, а од друга страна илјадници тони на безбедна храна се фрла на депониите. За да се надмине овој проблем мрежата „Сите сити“ со поддршка на Швајцарската амбасада, УСАИД, Мировниот Корпус, Националниот Демократски Институт и Публицис изминатата година го воспоставија првиот систем за донирање на вишокот храна во Македонија.

„Станува збор за систем кој има за цел вишокот храна, кој сè уште е во добра состојба и безбеден за употреба, да не заврши во депониите туку да се пренамени онаму каде е реално неопходен. Ова е навистина комплексен систем, но свесни сме од колкаво значење е за иднината на сите нас, па оттаму „Сите сити“ покрај примарната цел храната да стигне до поединците и семејствата кои не можат да си дозволат повеќе оборци во текот на денот, исто така се грижи и сметаме дека е многу важно да ја подигнеме и свеста кај луѓето за важноста за правилно третирање на вишокот храна. За големината на општествената промена зборува фактот што изминатиот период повеќе од 210,000 оброци храна се донираа на повеќе од 3300 граѓани.“, изјави Блаже Јосифовски, Координатор на мрежата „Сите сити“.

Системот се состои од законски промени, мрежа за дистрибуција и транспорт, кампања за подигнување на свеста, подигнување на капацитетите на членките на системот и веб- платформа за размена на храната. Дистрибуцијата на храна е индиректна, односно храната од бизнисите преку 30 граѓански организации од 10 града, завршува кај социјално загрозени граѓани кои се корисници на нивните услуги. Системот пилотираше изминатата година на подрачјето на Скопје, со одделни акции во уште 9 града низ Македонија, а планот е од оваа година да се прошири низ цела Македонија.

Министерката за труд и социјална политика Мила Царовска смета дека преку ваквиот систем се постигнуваат два ефекти, помалку отпад и храна во ѓубре, но и помалку гладни во земјава.

Пред две години само констатиравме состојба со гладот во државата и дека се фрла храна, а имаме гладни луѓе. Сега само по две години веќе има реализација на програма и тоа финансирана преку државните институции каде граѓанските организации се обединиваат и се обидуваат да постигнат максимум во задоволување на потребите од храна на граѓаните. Од друга страна, како што велат од мрежата, превенирале 68 илјади тони храна да не завршат во ѓубре. Тоа покажува дека можеби ова решение кое тие го спроведуваат понатаму ќе доведе до системско решение, а ние како Владаа во 2020 година ќе го разгледаме низ системски и законски решенија и ќе го воспоставиме во пракса, рече Царовска.

Според директорот на Фондот за иновации и технолошки развој, ова е едно од оние решенија кое ни е пред очи, но, како што рече, треба само да ги видиме и храброст да ги предложиме и спроведеме. Со ова, вели, се прави разлика на животот на оние на кои храната им е најпотребна.

Главните извори од каде се собира вишокот на храна и се пренаменува се: производителите на храна, дистрибутерите, угостителските објекти, пекари и др. Најголемите компании кои се вклучија се: Виталија, Жито Леб, Витаминка, Јоми Фуд, Кола, Еуро Табак, Евромак, Грандекс и други.

На овој настан се доделуваа награди и признанија на поддржувачите и волонтерите на „Сите сити“

На крајот на конференцијата за печат се даде повик: „Се радуваме на сите нови бизниси со храна кои ни се приклучуваат во овој голем подвиг наречен „Сите сити“ и ги повикуваме сите бизниси да се вклучат во спасувањето и донирање на храна за социјално загрозени граѓани.“

Прикажи повеќе...

Македонија

Седуммина македонски државјани пред суд признаа дека војувале за ИСИС

Објавено пред

Седуммина македонски државјани обвинети за учество во странска војска, паравоени или параполициски формации, од кои еден е обвинет и за кривично дело терористичка организација, ги признаа делата што им се ставаат на товар, информираат од Јавното обвинителство на Република Македонија (ЈОРМ).

Како што појаснуваат од таму, во август минатата година, во соработка со партнерите од Глобалната коалиција за борба против тероризмот и Сириските демократски сили, обвинетите биле уапсени и предадени на македонските органи на прогонот.

Обвинетите со намера да станат учесници во паравоените формации ја напуштале територијата на Република Македонија и заминувале на обука во Сирија каде и учествувале како борци на ИСИС во војните во Сирија и Ирак. Обвинетиот кој се товари за две кривични дела бил припадник на терористичката организација Исламска држава.

Освен учество во паравоените формации надвор од Република Македонија, обвинетите обезбедувале, собирале финансиски и материјални средства за лица кои учествуваат во овие формации, преку социјалните мрежи и друг вид  комуникација повикувале, врбувале и поттикнувале други лица на учество во паравоените формации, информираат од ЈОРМ.

Прикажи повеќе...

Македонија

Иванов одликуваше тројца македонисти со Медал за заслуги за Македонија

Објавено пред

Претседателот Ѓорге Иванов денеска ги одликуваше со Медал за заслуги за Македонија истакнатите научни работници, лингвисти и македонисти Волф Ошлис, Виктор Фридман и Кристина Крамер.

Волф Ошлис, професор, автор и преведувач на повеќе дела од врвни македонски автори, е одликуван со Медал за заслуги за Македонија за исклучителен придонес за афирмацијата и за популаризацијата на современиот македонски јазик, литература и култура во Германија, како и за унапредување на пријателските односи меѓу Република Македонија и Германија.

Виктор Фридман, еден од најпознатите и најактивни лингвисти со македонистичка ориентација, е одликуван со Медал за заслуги за Македонија, за исклучителен придонес за афирмацијата и за популаризацијата на современиот македонски јазик, литература и култура во САД, како и за унапредување на пријателските односи меѓу Република Македонија и САД.

Американскиот лингвист Кристина Крамер е одликувана со Медал за заслуги за Македонија за исклучителен придонес за афирмацијата и за популаризацијата на современиот македонски јазик, литература и култура во САД и Канада, како и за унапредување на пријателските односи меѓу Република Македонија и САД и Канада.

Претседателот Иванов рече дека му претставува чест и должност што ги одликува овие истакнати македонисти со Медал за заслуги за Македонија, како израз на благодарност за сето она што тие го направиле и што допрва ќе го прават за македонскиот јазик.

Прикажи повеќе...

Најново

Македонија3 часа

(Видео) Јакимовски: Не им се плашиме

Ексградоначалникот на општина Карпош и лидер на партијата ГРОМ, Стевчо Јакимовски, при излез од старата во новата зграда на Кривичниот...

Македонија3 часа

(Видео) Како Јакимовски им овозможувал на фирми да добиваат државно земјиште по багателни цени

Во периодот од 2011 до 2017 година вработени во Општина Карпош на чело со тогашниот градоначалник Стевчо Јакимовски  легализирале бараки...

Свет4 часа

(Видео) Моќен говор на премиерката на Нов Зеланд: Никогаш нема да го изговорам името на терористот кој уби 50 луѓе

Премиерката на Нов Зеланд, Џасинда Ардерн, во својот прв говор во националниот парламент по терористичкиот напад што се случи во...

Македонија4 часа

(Видео) Таксистите до Шилегов: Тргнете ги дивите таксисти, доста ни го јадат лебот

Нелиценцирани возила без таксиметри, преполни такси-станици од нелегални таксисти, непријавени такси-возачи, лебот на таксистите им го земаат пензионирани полицајци, пожарникари...

Свет6 часа

Уапсени уште две лица за нападот во Утрехт

Холандската полиција уапси уште две лица за нападот во трамвајот во Утрехт, во кој беа убиени три, а повредени пет...

Крвав четврток6 часа

Семејствата на притворените за 27 април со гаранции се жалат кај народниот правобранител

Семејствата на осудените и притворени со гаранција ќе поднесат претставка до Народниот бранител затоа што при активна гаранција им бил...

Македонија7 часа

Локализиран пожарот на Скопска Црна Гора

Пожарот што вчера попладнето избувна на Скопска Црна Гора, кај местото викано Влаин Гроб, во село Матејче, утринава е локализиран,...

Европа8 часа

Сите жртви во Утрехт се државјани на Холандија

Сите три жртви во нападот што се случи вчера во Утрехт се Холанѓани, соопшти холандското Министерство за внатрешни работи. „Министерството...

Македонија18 часа

(Видео) Власта и опозицијата без договор за СЈО

Петчасовната работна средба во Министерството за правда на која се разгледуваа амандманите на опозициската ВМРО – ДПМНЕ за Законот за...

Свет22 часа

Уапсен осомничениот за нападот во трамвајот во Утрехт

Холандските власти го уапсиле осомничениот за нападот во Утрехт, во кој беа убиени три лица. Станува збор за триесет и...

Топ1 ден

Собранието ќе потроши речиси половина милион евра на авиобилети и хотели

Засилена меѓународна соработка, средби, конференции, семинари, специјални гостувања поврзани со ЕУ и НАТО-интеграцијата, како и редовни активности на пратениците, спаѓаат...

Македонија1 ден

Кај „Чинарот“ во Охрид се ѕида со одобрение за поставување урбана опрема

Општина Охрид ги одобрила градежните активности на плоштадот Чинар во Охрид, каде што минатата недела охриѓани алармираа за нова дивоградба....

Македонија1 ден

(Видео) Премиерот со премногу овластувања во новата агенција за разузнавање, реагираат експертите

Една од главните забелешки на експертската јавноста на јавната расправа за формирањето на новата агенција за разузнавање која ќе ја...

Свет1 ден

НАТО бара Русија да го врати Крим, Путин таму денеска отвори две нови електрани

Северноатланската алијанса по повод, како што велат од таму, петгодишнината од анексијата на Крим од страна на Русија, во соопштение...

Свет1 ден

Напаѓачот од Нов Зеланд сам ќе се брани пред судот

Терористот кој во петокот во новозеландскиот град Крајстчрч нападна две џамии и уби 50 луѓе, а рани над 40, планира...

Владо Бучковски Владо Бучковски
Македонија1 ден

Бучковски ми кажа дека „Маѓар телеком“ е политички монтиран случај, рече сведокот

Професорот од Правниот факултет Дејан Мицковиќ во сведочењето за случајот „Маѓар телеком“ на прашање на обвинителката од СЈО, Лиле Стефанова,...

Македонија1 ден

Мицковиќ: На Зврлевски му пријавив дека добивам закани да сведочам за „Маѓар телеком”

Дејан Мицковиќ, професорот од Правниот факултет во Скопје, сведочеше на денешното рочиште за случајот „Маѓар телеком”, како поранешен претседател на...

Топ1 ден

Двајца мотоциклисти загинаа во сообраќајни несреќи

Дваесет и едногодишен гостиварец вчера загина во сообраќајна несреќа на регионалниот пат меѓу Гостивар и село Вруток, додека возел мотоцикл...

Свет1 ден

Австралиската полиција ги претресе куќите на сестрата и мајката на Брентон Тарант

Австралиската полиција извршила претрес во две куќи на подрачјето на Нов Јужен Велс во потрагата по материјал што би можел...

Регион1 ден

Вучиќ: Мора да има разграничување меѓу Србите и Албанците

Српскиот претседател, Александар Вучиќ, синоќа изјави дека мора да има разграничување меѓу Србите и Албанците на Косово бидејќи, како што...

Досие