Контакт

Македонија

Град Скопје со повеќе настани ќе одбележи 57 години од катастрофалниот земјотрес

Објавено пред

Скопје и годинава со повеќе активности и манифестации ќе одбележи 57 години од катастрофалниот земјотрес во 1963 година кога градот се разбуди во урнатини под кои 1.070 лица го загубија животот, а 3.000 беа повредени.

Од Град Скопје велат дека поради условите што ги наметна здравствената криза предизвикана од коронавирусот, планираните активности ќе се организираат во согласност со строгите протоколи.

Општинската организација на Црвениот крст од Кисела Вода во соработка со Институтот за трансфузиологија денеска ја организира традиционалната крводарителска акција. Акцијата, која почна во 9 часот и ќе трае до 17 часот, се спроведува по посебни протоколи поради Ковид-19 во Дневниот центар за дарување крв во Домот на хуманитарни организации „Даре Џамбаз“.

Традиционално, по повод годишнината од земјотресот, Град Скопје и јавните културни установи ќе организираат многубројни настани.

Музејот на Град Скопје за сабота, во 20 часот, во Градскиот парк во Скопје, на платото пред споменикот на Гоце Делчев ја организира изложбата „Скопска алеја на меѓународната солидарност“ на Зоја Богдановска, кустос и историчар. Изложбата ќе ја отвори градоначалникот на град Скопје, Петре Шилегов.

Изложбата се состои од 14 паноа, на кои се прикажани клучните мигови по несреќата, на помошта во добра и волонтери, која веднаш пристигнала од тогашните југословенски републики, како и солидарноста од светот. Изложбата преку текстови, фотографии, карти и мапи на посетителите ќе им понуди информации за Скопје пред и по земјотресот.
В недела, традиционално, официјални делегации и претставници на институции ќе положат цвеќе пред Споменикот на жртвите од катастрофалниот земјотрес на Градските гробишта во Бутел.

Мултимедијалниот настан со наслов „МКЦ за Скопје“ ќе се одржи в недела, 26 јули, во паркот на МКЦ по соодветен протокол и почитување на мерките за заштита. Бројот на посетители годинава ќе биде ограничен, влезот ќе биде бесплатен, но со билети што може да се набават преку bileti.mkc.mk.

„МКЦ за Скопје“ ќе почне во 19.30 часот со изложбата „Култните градби во Скопје“ – избор на фотографии од проектот „101 најзначајна градба во Скопје“. Во изложбата се претставени култните градби во Скопје, а таа ќе биде надополнета и со видеопроекција. Автори на фотографиите се: Горан Георгиевски, Горан Јакимовски и Владимир Арсовски. Селектор е архитект Ѓоко Радовановиќ, а монтажата на видеото е на Митко Арнаудов.

Од 20 часот ќе се одржи промоцијата на книгата „Скопје: изгубените чевли на градот“ од Иван Шопов, која содржи осумдесетина куси записи посветени на „невидливиот“ дел на градот.

Мултимедијалниот настан по повод земјотресот, ќе продолжи во 21 часот со претстава „Импров настап“ на „Импров група“. Нивната претстава е заснована на игри за импровизација кои се адаптирани да се играат пред публика.

Од 22 часот во рамките на „МКЦ за Скопје“ ќе почне музичката програма и концертот на бендот „Перија“ – во кој членуваат Филис, Леа и Кате, кои изведуваат музика на перкусии, уд, тамбура и кемане. По нив, ќе настапи „21 век“ – бенд на Васко Атанасоски, Раде Јорданоски и Дени Крстев, кои истражуваат експресивна палета на влијанија – од постпанк до македонска традиционална музика, како и бендот „Ен2три“, кој ќе настапи со перформансот „5:17“.

Кинотеката и Македонскиот центар за фотографија (МЦФ) по повод 57 години од скопскиот земјотрес, премиерно ќе прикажат два документарни филма: „Првата светска војна, сеќавања“ на Роберт Јанкулоски и „Преживеани спомени“ на Роберт Јанкулоски и Моника Мотеска. Настанот со наслов „Сеќавања“ ќе почне во 21 часот на 26 јули.

Македонија

Maлиот Ајан кој го победи карциномот заѕвони на ѕвонче пред да ја напушти Детската клиника

Објавено пред

По долга битка со леукозата, малиот херој Ајан денеска ја напушти Детската клиника во Скопје. Придружен со аплауз од медицинскиот персонал во болницата, Ајан гордо чекореше по болничкиот ходник, се качи на скали и заѕвони на обесеното ѕвонче за да ја обележи победата над болеста.

Персоналот од Детската клиника, со согласност од родителите, го сподели видеото кое предизвика многу емоции и позитивни реакции на социјалните мрежи.

„Овој свет постои оти низ него трчаат и растат децата. Конечно и Ајан истрча, со нетрпение ѕвонеше на ѕвончето колку што може посилно, да слушнат сите дека оздраве и дека победи и дека сега ништо нема да го сопре! Браво Ајан!“, пишува на Фејсбук страницата на Детската клиника.

Ѕвончето со кое Ајан стави крај на болеста, го донирало лице од Ласкарци – човек кој несебично помагаше да се спасат патниците откако автобус на „Дурмо Турс“ лани се преврти на автопатот Скопје-Тетово, а животот го загубија 16 лица.

Министерот за здравство, Венко Филипче, објави фотографија од него и од Ајан, направена за време на новогодишните празници.

„Ајан за Нова година ми шепна дека има само една желба – да си оди дома! Конечно Ајан истрча и со нетрпение ѕвонеше на ѕвончето колку што може посилно, да слушнат сите дека оздраве и дека победи, но и дека сега ништо нема да го сопре! Браво Ајан! Благодарност до целиот медицински тим на Клиниката за детски болести, кои го даваат својот максимум за грижата за нашите најмали и најмили. Горд сум на вас!“, напиша тој.

Прикажи повеќе...

Македонија

Мисовски: Илинден е концептот кој обединува и гарантира заедничка и просперитетна иднина

Објавено пред

Илинден е концептот кој обединува и гарантира заедничка и просперитетна иднина, изјави потпретседателот на Собранието, Горан Мисовски, кој ја претставуваше собраниската делегација на Мечкин камен во Крушево. Тој од негово име и од името на претседателот на Собранието, Талат Џафери, кој поради здравствени причини не беше во можност да се обрати денес, го честиташе Денот на Републиката. Рече дека денешното одбележување е невообичаено споредено со сите претходни прослави, поради состојбата со ковид-19, меѓутоа неопходно е почитувањето на препораките на Министерството за здравство и мерките преземени од Владата.

„Ќе го надминеме и ова, ќе ја победиме и пандемијата, со сите нејзини негативни последици. Ќе излеземе посилни, обединети и секако помудри и побогати за едно искуство, за една вредност која се чини секогаш ја запоставуваме, а тоа е здравјето и моралните вредности како што се солидарноста, хуманоста и пожртвуваноста, особено на нашите почитувани здравствени работници. Оттука, изразувам почит и благодарност за исклучителната професионалност, посветеност и несебичност што здравствените работници ја покажаа сиот овој изминат период“, изјави Мисовски.

Во обраќањето, Мисовски се осврна на ратификувањето на протоколот за членството во НАТО коментирајќи дека да се биде под чадорот на НАТО значи колективна безбедност, еден за сите – сите за еден, како семејство и заштитник.

„Нас животот не научил, ние секогаш сме биле мултиетничка, мултиконфесионална средина, во која секој си го наоѓал своето сино небо, своето топло сонце, својот душевен мир и парче леб за своето семејство и споделувал и добро и лошо со соседот, со блискиот и подалечниот. Дури повеќе во лоши мигови, затоа што, тагата долго време опстојувала на нашето поднебје. Се чини дека искористувањето на различностите беше инстантна и многу вирулентна почва за лесно подгревање на непријателствата и конфликтите. Меѓутоа, бевме мудри, се издигнавме над тие анахрони сфаќања и извлековме поука: цело е кога има сѐ! Цело е кога се сите среќни, задоволни, рамноправни граѓани, кога секој е правно заштитен и ги ужива истите права и слободи, подеднакво е конкурентен на пазарот на трудот, подеднакво е вреднуван за својот труд и придонес. Затоа што, ова е прекрасна и широкограда земја, во неа има место за секој добронамерник, за секој што ги надминал тесноградите и себични интереси и што ја гледа големата, заедничка слика во која постои взаемна почит и разбирање за поединостите кои не разликуваат, а кои всушност произведуваат најубав мозаик на човештвото“, истакна Мисовски.

Тој е уверен дека сите во земјата веруваат во европската перспектива на нашата земја и тежнееме кон тоа да ја исполниме и втората стратешка цел од независноста на државата, а тоа е да станеме дел од големото европско семејство. Во овој контекст, вели Мисовски, потребни ни се функционални и одговорни институции кои ќе можат да испорачаат видливи и ефективни резултати кои ќе бидат во линија со преговарачката рамка од Европската комисија, за да можеме да ги отвораме поглавјата за членство во Европската унија.

„Имајќи предвид дека неодамна имавме предвремени парламентарни избори и во очекување сме на одржувањето на конститутивната седница на Собранието, апелирам до сите политички чинители, без оглед дали се власт или опозиција, сите кои сме добиле одговорност да ја водиме државата доверена од граѓаните, со визија и мудрост да ја оправдаме нивната доверба и да ги исполниме ветувањата и заложбите дадени пред нив. Граѓаните со право очекуваат брз напредок и развој, безбедност и сигурност кои ќе овозможат својата иднина да ја гледаат и да ја градат дома, во нивните родни места, во нашата заедничка татковина“, додаде Мисовски во своето обраќање.

Прикажи повеќе...

Македонија

Филипче: Лежалката на плажа лесно се заменува со болнички кревет

Објавено пред

Лежалката на плажа лесно се заменува со болнички кревет, предупредува министерот за здравство, Венко Филипче.

Tој апелира на почитување на мерките за заштита од ковид-19, за време на одморите.

„Да го зачуваме нашето здравје, но и здравјето на нашите родители, баби и дедовци. Затоа што нема ништо поважно од грижата за нашите најблиски. Носи заштитна маска, одржувај физичка дистанца, не се групирај и често миј ги рацете!“, порачува министерот.

Филипче и синоќа на социјалните мрежи предупреди на изложеноста на опасностите за време на празничните денови, пишувајќи:  „Ти си на одмор, но вирусот не е“.

Објавите на министерот следат по информациите за зголемено присуство на народ на туристичките локации во земјава, по повод продолжениот викенд. На голем број снимки и фотографии кои беа објавени може да се забележи голем метеж на плажите и улиците, како и непочитување на мерките за заштита од коронавирусот.

Прикажи повеќе...

Најново

Свет4 часа

(Видео) Американските астронаути слетаа на Земјата

Американските астронаути Даг Харли и Боб Бенкен слетаа во водите недалеку од брегот на Флорида. Спасувачкиот брод „Гоу Навигатор“ овозможи...

Регион6 часа

Преглед на состојбата во регионот: Албанија со нов рекорд на новозаразени, во Косово уште 13 починати

Преглед на состојбата со коронавирус во регионот во последното деноноќие. Нов рекорд на новозаболени во Албанија Откако Албанија вчера регистрираше...

Македонија6 часа

Maлиот Ајан кој го победи карциномот заѕвони на ѕвонче пред да ја напушти Детската клиника

По долга битка со леукозата, малиот херој Ајан денеска ја напушти Детската клиника во Скопје. Придружен со аплауз од медицинскиот...

Македонија11 час

Филипче: Лежалката на плажа лесно се заменува со болнички кревет

Лежалката на плажа лесно се заменува со болнички кревет, предупредува министерот за здравство, Венко Филипче. Tој апелира на почитување на...

Македонија12 часа

Регистрирани 166 новозаразени со коронавирус во Македонија, починаа 4 лица

Министерството за здравство информира дека во последните 24 часа се направени 1419 тестирања, а регистрирани се 166 нови случаи на...

Македонија13 часа

(Видео) Пендаровски: Помирување ни е потребно повеќе од било кога

Во ерата на националните романтизми и национализми, Илинден остана симбол на неспорно изрзената волја за својата држава, заснована врз демократските...

Економија13 часа

Јавниот и државниот долг се зголемени за над 8 проценти во период од три месеци

Јавниот и државниот долг во второто тромесечје се зголемени за над 8 проценти. Jавниот долг, кој ги вклучува државниот, гарантираниот...

Македонија13 часа

(Видео) Mицкоски го честита Илинден и се извини за грешките на ВМРО-ДПМНЕ од минатото

Со зборовите од Крушевскиот манифест: „Ура! За ‘Афтономна Македонија’!“, претседателот на ВМРО-ДПМНЕ, Христијан Мицкоски, од струшкото село Ташмаруништа на граѓаните им го...

Топ15 часа

Mладо момче загина во сообраќајна несреќа кај Кратово, повредени се четири лица

Момче на возраст од 22-години почина во сообраќајна несреќа што се случила вчера на локалниот пат од селото Железница кон селото...

Свет15 часа

Во Мелбурн воведен шестнеделен ноќен полициски час

Во австралиската држава Викторија, чијшто главен град е Мелбурн, е прогласена состојба на катастрофа, а властите воведоа ноќен полициски час...

Македонија17 часа

Вино од Македонија најдено во шишиња со хрватски етикети

Инспекцијата на хрватскиот Државен инспекторат во голема акција за борба против трговијата со фалсификувана храна и пијалоци, кај пет хрватски...

Македонија18 часа

Свеченостите за Илинден годинава без масовни собири

Поради пандемијата на Ковид-19, свеченостите по повод државниот празник Илинден, годинава ќе се одржат во посебни услови во согласност со...

Македонија1 ден

Филипче: Ти си на одмор, но вирусот не е

Министерот за здравство, Венко Филипче порача да се почитуваат мерките за време на одморите. „Ти си на одмор, но вирусот...

Македонија1 ден

Спасовски: Холокаустот врз Ромите не смее да остане заборавен

Претседателот на Владата, Оливер Спасовски денеска се обрати на Комеморацијата по повод сеќавањето на жртвите од Геноцидот над Ромите во...

Македонија1 ден

Штип зад Скопје по бројoт на активни случаи со коронавирус, регистрирани се 16 новозаразени

Во Штип денеска беа регистрирани 16 нови случаи на коронавирус, со што бројот на заразени во градот порасна на 431 лице....

Регион1 ден

Земјите од регионот бележат високи бројки на новозаболени од коронавирус

Во дел од земјите од регионот и денеска беа регистрирани високи бројки на новозаболени од коронавирус. Рекорден број заразени во...

Европа1 ден

Коронавирусот влезе во австриската влада

Австриските власти соопштија дека еден од вработените во Владата е позитивен на Ковид-19, но тој не работел непосредно со канцеларот...

Македонија1 ден

Регистрирани 138 новозаболени, починаа 7 лица

Министерството за здравство информира дека во последните 24 часа се направени 1.621 тестирања, а регистрирани се 138 нови случаи на...

Економија1 ден

Синдикатите и здруженијата бараат итно повлекување на одлуката за поскапување на струјата

Група синдикати и здруженија побараа од Регулаторната комисија веднаш да ја повлече Одлуката за поскапувањето на струјата. Зад барањето стојат Синдикат на...

Топ1 ден

Маж пронајден починат со повреда на главата

Скопјанец на возраст од 84 години, синоќа бил пронајден починат на улицата Ѓорѓи Сугаре. Полициските службеници констатирале дека мажот имал...

Досие