Контакт

Македонија

Град Скопје со демант: Нема да се рушат објекти oд СЦ „Борис Трајковски“

Објавено пред

Град Скопје ги демантира и отфрла наводите изнесени во денешната прес-конференција на ВМРО-ДПМНЕ, каде од опозициската партија изнесоа тврдења дека ќе се рушат дел од објектите во рамки на Спортскиот центар „Борис Трајковски“, а на тоа место ќе се развива бетонска џунгла.

„Сакаме да ја информираме јавноста дека станува збор за регулациски план, којшто е донесен одамна, а со истиот се предвидува пробивање на сервисна уличка за потребите на околните постоечки објекти. Истата е сервисна уличка, а не булевар како што манипулираат од ВМРО-ДПМНЕ, и истата може, но не мора да биде изградена во иднина“, се наведува во соопштението.

Од Град Скопје целосно ги демантираат, како што велат, и изнесените лаги дека во овој дел од градот ќе се градат згради, како и дека се планира уривање на некој од постоечките објекти од СЦ „Борис Трајковски“.

Во демантот се вклучи и општина Карпош, на чија територија се наоѓа СЦ „Борис Трајковски“ од каде нагласуваат дека улицата за која зборуваат од ВМРО-ДПМНЕ веќе постои во должина на картинг-патеката и истата единствено ќе се продолжи и ќе се поврзе со булеварот 8 Септември.

„Картинг-патеката, тениските терени, базенот или, пак, спортската сала воопшто нема да бидат засегнати од урбанистичкото решение“, тврдат од општината.

Од таму додаваат дека нацрт-деталниот урбанистички план за Градска четврт З 04, блок 5, воопшто не предвидува изградба на згради или објекти за домување во овој дел и сметаат дека повиците на ВМРО-ДПМНЕ за масовно присуство на јавната презентација се само јалов обид за собирање политички поени.

Македонија

Пендаровски се сретна со претставници од Американско-еврејскиот комитет во Њујорк

Објавено пред

Претседателот Стево Пендаровски оствари средба со претставници на Американско-еврејскиот комитет во Њујорк, за време на посетата на САД по повод неговото учество на 76. Генерално собрание на Обединетите нации.

Тој изрази задоволство од билатералните односи на Северна Македонија со САД и со Израел, на кои нашата држава придава големо значење и притоа го изрази постојаниот интерес за понатамошна промоција и зајакнување на односите во сите области од заеднички интерес со двете држави.

На средбата, претседателот Пендаровски ја нагласи важноста од одржување редовни контакти со израелските колеги, како и со претставниците на Американско-еврејскиот комитет, Светскиот еврејски конгрес, Еврејската агенција и преживеаните од холокаустот.

Во тој контекст, претседателот изрази очекување дека одличното ниво на дијалог, соработка и меѓусебно почитување и разбирање со Американско-еврејскиот комитет во наредниот период ќе продолжи со истата динамика. Тој изрази и уверување за уште поплодна соработка во сите области од заеднички интерес, имајќи ги предвид истите заложби за мир, демократија и просперитет на глобално ниво.

Претседателот, нагласувајќи ја важноста што Северна Македонија ја придава на Еврејската заедница во нашата држава подвлече дека Меморијалниот центар на Холокаустот во Скопје спроведува долгорочна мисија за промоција, едукација и истражување за сеќавањето на Холокаустот во насока на борба против опасностите од секаков вид нетолеранција, шовинизам и антисемитизам, а со цел изградба на општество во кое се негуваат и целосно се почитуваат етничката и верската разноликост.

Прикажи повеќе...

Македонија

Денеска е Светскиот ден на фармацевтите

Објавено пред

Под мотото „Доверете ни го вашето здравје“, денеска, 25 септември, се одбележува Светскиот ден на фармацевтите. Годинашното мото е избрано токму поради фактот што во оваа ера на пандемија, токму довербата што пациентите ја имаат кон здравствените работници, меѓу кои и фармацевтите како едни од најдостапните, е таа што ни помага полесно да се соочиме со коронавирусот.

По тој повод, од Фармацевтската комора на Македонија истакнуваат дека постои значајна корелација помеѓу довербата во здравствените работници и резултатите од лекувањето на пациентите. Анкетите покажале дека во различни клинички оддели, со поголемата доверба во здравствените работници, пациентите изразиле поголемо задоволство од лекувањето и покажале многу поповолни здравствени резултати, а пројавиле и помалку симптоми и поголем напредок во квалитетот на животот.

Се додава дека има три клучни елементи потребни за доверба, а тоа се позитивните односи, компетентноста/вештината и доследноста.

Од Фармацевтската комора информираат дека бројни истражувања веќе години наназад, во континуитет ги сместуваат фармацевтите меѓу петте најдоверливи здравствени работници. Исто така, и едукаторите се постојано во првите пет и, според најновите истражувања, научниците се едни од најдоверливите луѓе во светот.

 

 

Прикажи повеќе...

Македонија

Заев: Шаховската федерација ја има поддршката од Владата за организација на идните меѓународни шаховски првенства

Објавено пред

Премиерот Зоран Заев прими делегација на Светската шаховска федерација (FIDE) предводена од претседателот на федерацијата Аркадиј Дворкович и која е во посета на нашата земја по повод 36. Европски клупски куп (ЕКК) во шах, што се игра во Струга.

„Премиерот Заев на средбата, на која присуствуваше и директорот на Агенцијата за млади и спорт, Наумче Мојсовски, истакна дека во рамките на спортската дипломатија заложбата на Република Северна Македонија е да биде домаќин на што поголем број меѓународни спортски и шаховски настани со цел да ги поддржи врвните остварувања во сите спортски дисциплини и во шахот“, соопштија од Владата.

На средбата било нагласено дека Владата е подготвена да ѝ ја даде потребната поддршка на Шаховската федерација на Република Северна Македонија како организатор на идните меѓународни шаховски првенства.

„Во разговорот за време на средбата, во која зедоа учество и претседателот на Европската шаховска федерација, Зураб Азмаипарашвили, извршната директорка на FIDE, Дана Озола, претседателката на Шаховската федерација на Северна Македонија, Александра Гакидова, и шаховскиот велемајстор Роландо Кутиров, стана збор и за системското вклучување на шахот во образованието за што од Светската шаховска федерација се подготвени да ја дадат неопходната поддршка“, се наведува во соопштението.

Прикажи повеќе...

Најново

Македонија17 часа

Нови 525 случаи на коронавирус, починаа 12 лица

Во последните 24 часа во Македонија се потврдени 525 нови случаи на коронавирус, 449 оздравеа, а 12 лица починаа, информира...

Македонија17 часа

Министерството за здравство: 80 oтсто од хоспитализираните со Ковид-19 се невакцинирани

Министерството за здравство ја објави анализата на вакцинирани од позитивни случаи на Ковид-19 во периодот од 6 август заклучно со...

Македонија18 часа

Еврејската заедница во Македонија смета дека со бришењето на терминот „бугарски“ се искривува историската вистина

Eврејската верска заедница и Фондот на холокаустот на Евреите од Македонија велат дека не се согласуваат со намерата за бришење...

Европа19 часа

Норвешка од утре ги укинува сите ковид-мерки

Норвешка ќе ги укине сите рестриктивни мерки воведени поради пандемијата на коронавирус, објави владата. „Поминаа 561 ден откако ги воведовме...

Европа19 часа

„Епл“ реагира на одлуката дека во ЕУ ќе мора да има универзален полнач за сите мобилни телефони

Европската Унија денеска објави дека ќе нареди воведување на универзални полначи за мобилните телефони. Овој потег го налути „Епл“, кој...

Топ22 часа

Работник од Скопје почина при пад од зграда во изградба

Градежен работник паднал и починал додека работел на зграда во изградба во Гази Баба. Според информациите, се работи за М.Ц....

Македонија22 часа

Јавни обвинители ќе следат дали има нерегуларности на локалните избори, формирана е привремена комисија

Јавниот обвинител донесе одлука за формирање привремена Комисија за следење на евентуални нерегуларности поврзани со локалните избори закажани за 17...

Македонија22 часа

Притвор за кумановската докторка која барала поткуп од 200 евра од пациенти за да ги оперира

Кумановското обвинителство поведе постапка против кумановска докторка на возраст од 51 година, вработена во „Општа болница Куманово“- очно одделение, поради злоупотреба...

Свет1 ден

Поранешниот каталонски лидер уапсен на Сардинија

Водачот на каталонските сепаратисти Карлес Пучдемон беше уапсен од италијанската полиција на Сардинија, пренесува „Ројтерс“. Шпанија го обвини Пучдемон за...

Македонија1 ден

Гутереш и Пендаровски разговараа за преспанскиот договор и бугарското вето

Средба на претседателот Пендаровски со генералниот секретар на Обединетите нации, Антонио Гутереш Претседателот Стево Пендаровски, во рамки на учеството на...

Свет1 ден

Напад во САД, еден загинат и 14 повредени во маркет

Едно лице загина, а 14 се повредени во напад што се случи во градот Колиервил, недалеку од Мемфис во американската...

Македонија2 дена

Регистрирани 526 нови случаи на коронавирус, починаа 28 лица

Во согласност со податоците од Институтот за јавно здравје, во последните 24 часа направени се 3.632 тестирања, а регистрирани се...

Свет2 дена

Гутереш предупреди на потенцијална нова студена војна помеѓу Кина и САД: „Мора да ја избегнеме“

Генералниот секретар на Обединетите нации, Антонио Гутереш, предупреди на потенцијална нова студена војна помеѓу Кина и Соединетите Американски Држави и...

Топ2 дена

Ограбена аптека во Чаир, на сопственикот му се слошило и починал

Сопственик на аптека на улицата Џон Кенеди починал набргу откако објектот бил ограбен, јави МВР. Тој не бил во аптеката...

Македонија2 дена

Ќе се воведуваат брзи тестови во училиштата

Министерот за здравство, Венко Филипче, најави дека ќе се воведат брзи антигенски тестови во училиштата. Според него, најголем дел од...

Македонија2 дена

Трета доза вакцина за граѓаните над 60 години, здравствените работници и тие со имунокомпромитирани состојби

Министерот за здравство, Венко Филипче, најави дека во земјава ќе се воведува трета доза вакцина. Станува збро за вакцината „Фајзер“,...

Свет2 дена

СЗО: Загадувањето на воздухот е поопасно отколку што мислевме

Светската здравствена организација предупредува дека загадувањето на воздухот е уште поопасно отколку што се мислеше – бидејќи концентрацијата на опасни...

Европа2 дена

Директорот на „Модерна“ очекува крај на пандемијата за една година

Извршниот директор на компанијата „Модерна“, Стефан Бансел верува дека пандемијата на коронавирус ќе заврши за една година, бидејќи зголеменото производство...

Спорт2 дена

(Видео) Хулиганите дивеат на стадионите во Франција

Нови навивачки инциденти го обележаа колото во Лига 1. Навивачи на Монпелје и Бордо се тепале пред натпреварот на двата...

Свет2 дена

Шестчасовни разговори меѓу руските и американските воени челници

Највисоките американски и руски воени претставници вчера одржаа шестчасовни разговори во Хелсинки, што беше нивна прва директна средба од 2019...

Досие