Контакт

Македонија

Груевски до Јанакиески: Да ни беа „Преспанците“, ќе победевме

Објавено пред

На еден од разговорите помеѓу експремиерот Никола Груевски и поранешниот министер за транспорт и врски Миле Јанакиески пуштен на денешното рочиште за случајот „Титаник“ се слуша како Јанакиески му ги соопштува прелиминарните резултати на Груевски од првиот изборен круг на локалните избори во 2013 година, каде констатира дека во општина Центар е лоша ситуацијата, односно дека водат на само две избирачки места во Капиштец.

„Треба да се прават неважечки ливчиња за да идеме во втор круг“, му вели Јанакиески на Груевски по што експремиерот констатира дека доколку биле гласовите од „Преспанците“ ќе поминеле многу подобро.

Експремиерот Груевски заедно со градоначалникот на Пустец, Едмонд Темелко, исто така се обвинети дека противправно ваделе лични карти од општина Центар на жители на Пустец за потоа да ги однесат на гласање во Центар во наредните кругови од локалните избори во 2013 година.

Во случајот за изборни измами „Титаник“ обвинети се 21 лице, меѓу кои поранешниот премиер Никола Груевски, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.

На денешното рочиште за случајот „Титаник“ беа пуштени 88 разговори. Преслушувањето на бомбите ќе продолжи на наредното рочиште закажано за 24 октомври.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

СЈО за „Империја“: Оштетен буџетот за шест милиони евра, испрани речиси 11 милиони евра

Објавено пред

Специјалното јавно обвинителство информираше дека во рамките на истрагата „Империја“, судот донел решенија за определување на привремена мерка одземање на дел од имотот заради обезбедување на правните лица ДПТУ Орка холдинг АД Скопје и ДПТУ Ексико ДООЕЛ Скопје и решенија за привремено да се запре одливот на парични средства од банкарските сметки на правните лица ДПТУ Ексико ДООЕЛ Скопје и ДПТУУ Тимох увоз извоз ДОО Скопје.

„Во овој момент, од доказите со кои располага ова Јавно обвинителство, произлегува дека е сторена штета на Буџетот на Република Македонија во износ од најмалку 6.275.280 евра, како и дека се испрани парични средства во износ од 10.939.938 евра. Воедно, информираме дека петте осомничени лица, за кои беше поднесен предлог за определување на мерка притвор, се приведени врз основа на издадени наредби за приведување од судија на претходна постапка, а нивното изведување пред судијата е извршено откако беа завршени претресите кај истите врз основа на издадените наредби за претрес. Потсетуваме дека во наредниот период истрагата во случајот „Империја“ ќе биде проширена за повеќе лица и за повеќе кривични дела“ се наведува во соопштението на СЈО.

Прикажи повеќе...

Македонија

МВР го бара Груевски со потерница за издржување на затворската казна

Објавено пред

Министерството за внатрешни работи по налог на кривичниот суд распиша потерница по поранешниот премиер Никола Груевски, кој требаше во петокот да се јави на издржување на затворската казна за случајот „Тенк“ на СЈО, односно набавката на луксузниот „мерцедес“.

„Ве известуваме дека Основниот суд Скопје 1 издаде наредба за приведување на лицето за кое прашувате и на 12.11.2018 во 16:30 часот ја достави до СВР Скопје и побара издавање потерница. Министерството за внатрешни работи  постапува по наредбата веднаш откако му беше доставена“, велат од МВР за „Макфакс“.

Судот соопшти дека денеска добиле известување од затворот во Шуто Оризари оти експремиерот Никола Груевски не се јавил за издржување на затворската казна. Од судот додаваат дека во текот на денешниот ден правеле нови обиди да му го достават на Груевски решението на кривичниот совет за издржувањето на казната.

Во петокот судските курири во неколку обиди не успеаја да го пронајдат Груевски на адресата на која е пријавено неговото живеалиште. Експремиерот и поранешен лидер на ВМРО-ДПМНЕ е осуден на две години затворска казна за случајот „Тенк“ на СЈО.

 

Прикажи повеќе...

Македонија

Град Скопје: Загаденоста е повеќедецениски проблем, дел од мерките нема да бидат популарни

Објавено пред

Градот Скопје реагира на прес-конференцијата на членот на ИК на ВМРО-ДПМНЕ, Влатко Ѓорчев, поврзана со предлогот за воведување систем на налепници при регистрацијата на возилата според нивното загадување.

Oттаму велат дека проблемот со загаденоста на воздухот не е од вчера, туку станува збор на повеќедецениски проблем за чие решавање е потребен сестран интегриран пристап, со реализација на голем број активности и мерки на краток, среден и долг рок.

„Сигурни сме дека дел од решенијата нема да бидат популарни, но здравјето на граѓаните е од највисок приоритет и само со заеднички напори и жртва може да се постигнат резултати и подобрување на состојбата во оваа област. Градот Скопје, во рамките на своите надлежности, работи на системско решавање на проблемот со загаденоста на воздухот, преку спроведување активности дефинирани со планот за подобрување на квалитетот на воздухот, кој опфаќа 53 краткорочни, среднорочни и долгорочни мерки.

Според стручните студии за загадувањето на воздухот во Скопје, сообраќајот и возилата се вториот по големина загадувач со учество од околу 20%. Со цел намалување на загадувањето во оваа област, потребно е да се реализираат проекти и мерки од сите институции кои имаат ингеренции и задолженија во оваа сфера.

Токму во насока на намалувањето на загадувањето од областа на сообраќајот, Градот Скопје е во постапка на набавка на 40 нови еколошки автобуси, инвестира во подобрување на електромобилноста преку поставување полначи за електрични возила и овозможува бесплатно полнење и паркирање за овие возила. Дополнително, се работи и на подобрување на инфраструктурата и на условите за користење на велосипедот како превозно средство.

Конкретните измени во Законот за возила, кои се на иницијатива на Град Скопје, се далеку поефективни и поправични во однос на алтернативата што се спроведува во некои метрополи, а тоа е забрана за користење на возилата по принципот „пар-непар“.

Со овие измени се предвидува воведување еколошки налепници за возилата, кои ќе бидат поделени во три еколошки категории во зависност од европските емисиони стандарди (ЕУРО 1, ЕУРО 2, ЕУРО 3, ЕУРО 4, ЕУРО 5 и ЕУРО 6) и од погонот на моторот на возилото, (на течен нафтен гас или на компримиран земјен гас, на електричен погон или хибридно возило).

Согласно со одлуките донесени од општините, односно од Град Скопје, во деновите кога ќе се утврди загаденост на воздухот над прагот на дозволеното во градските средини, се воведува ограничено движење во заштитени еколошки зони.

Паралелно со оваа постапка, Владата на Република Македонија ќе почне постапка за субвенционирање за набавка на нови хибридни и електрични возила, за кои ќе се предвидат субвенции од 5 000 евра во денарска противвредност за набавка на електрични возила, а 3 000 евра во денарска противвредност за набавка на хибридно возило. Дополнително, предвидени се и субвенции за надомест на трошоци за вградување уред на погон на ТНГ, метан или друг вид алтернативно гориво во постојните возила“, се наведува во реакцијата на Град Скопје.

Прикажи повеќе...

Најново

Македонија10 минути

СЈО за „Империја“: Оштетен буџетот за шест милиони евра, испрани речиси 11 милиони евра

Специјалното јавно обвинителство информираше дека во рамките на истрагата „Империја“, судот донел решенија за определување на привремена мерка одземање на...

Македонија1 час

МВР го бара Груевски со потерница за издржување на затворската казна

Министерството за внатрешни работи по налог на кривичниот суд распиша потерница по поранешниот премиер Никола Груевски, кој требаше во петокот...

Топ2 часа

ЕЛЕМ повторно склучил милионски договор во четири очи

АД ЕЛЕМ склучил договор во вредност од 92.040.000 денари со приватната фирма „Марковски компани“ од Битола, во постапка на преговарање...

Македонија3 часа

Судот го замрзна имотот на „Орка холдинг“ и „Ексико“

Кривичниот суд замрзна имот на осомничените во случајот „Империја“, меѓу кои се и бизнисменот Орце Камчев и ексдиректорот на УБК,...

Македонија4 часа

ЗНМ: Јавните пари ќе продолжат да се трошат за политичка пропаганда, власта не го исполни ветеното

Здружението на новинарите на Македонија изрази загриженост затоа што во последните измени и дополнувања на Изборниот законик, што по скратена...

Свет5 часа

Трамп со твит за состојбите во Калифорнија ги разгневи пожарникарите и славните личности

Американскиот претседател, Доналд Трамп, на „Твитер“ ја објасни својата теорија за вистинските виновници за катастрофалниот пожар во Калифорнија. Како што...

Економија5 часа

Бензините поевтинуваат 4 и 4,5 денари

Од ноќеска на полноќ цената на бензините ќе се намали 4 и 4,5 денари, а на дизелот 3 денари, соопшти...

Европа6 часа

Французинка криела дека има двегодишна ќерка и ја чувала во багажникот од автомобилот

На Французинката Рози Марија де Круз ѝ се заканува затворска казна од 20 години во судењето што почна денес поради...

Регион9 часа

Мицотакис: Нема да гласаме за ратификација на преспанскиот договор

Претседателот на најголемата опозициска партија во Грција, „Нова демократија“, Киријакос Мицотакис го повтори партискиот став, дека нема да дадат поддршка...

Македонија10 часа

,,Се молиме ветрот да не го промени правецот, бидејќи за минута може да изгори селото”, сведочат жителите на Селци

Една недела над селото Селци, на падините на планината Стогово, гори шумата, во која има борови и дабови дрва. Во...

Македонија23 часа

(Видео) Од 1 декември нема да дозволиме зависници да доаѓаат во Кисела Вода, жителите се судрија со претставник од Општината

Жителите на Кисела Вода им дадоа рок на властите до крајот на месецов да го дислоцираат Центарот за превенција и...

Македонија24 часа

И последниот амандман доби „зелено светло“ од Комисијата за уставни прашања

Со девет гласа „за“, пет „против“ и без воздржани, собраниската Комисија за уставни прашања попладнево го усвои последниот нацрт-амандман, со...

Економија1 ден

Усвоен ребалансот на Буџетот – 3 милијарди денари за општините, намалени проекциите за економски раст

Општините ќе добијат 3 милијарди денари за покривање на долговите, нивото на буџетски дефицит е задржано, а намалени се проекциите...

Македонија1 ден

Партијата на Бачев за Василевски: Охриѓани велат дека е превртлив и е дел од масонски организации

Еден ден по расправијата во Охрид помеѓу лидерот на „Единствена Македонија“, Јанко Бачев и пратеникот Сашо Василевски, од партијата на...

Македонија1 ден

Интервју на Димитров за „Велт“: Веруваме дека Грците ќе го исполнат ветеното

Топката е засега кај нас. Ние веруваме дека Грците ќе го направат она што го ветија. Ова е најдобриот компромис...

Македонија1 ден

Граѓански собир за дислокација на Центарот за зависници во Кисела Вода

По иницијатива на поголем број на граѓани кои жиевеат во општина Кислеа Вода денеска ќе се одржи граѓански собир на...

Европа1 ден

Австрија откри уште еден случај на шпионажа во корист на Русија

Канцеларијата на австриското државно обвинителство за борба против економскиот криминал и корупција започна истрага против австриски контраразузнавачки агент, кој е...

Топ1 ден

Кривична пријава за стружанец оти одгледувал канабис под пластеници

Стружанецот М.К. (52) од селото Корошишта доби кривична пријава отккао полиција во неговата фарма под пластеници нашла 10 стебла канабис....

Топ1 ден

Возило излетало од патот и се превртело, две лица се повредени

На магистралниот пат Струмица-Радовиш кај село Војславци патничко моторно возило „Фолксваген Голф“ со радовишки регистерски таблици управувано од 21-годишниот Р.С....

Европа1 ден

Трамп во разговор со Макрон ги помеша Балтик и Балкан

Американскиот претседател, Доналд Трамп кој е во посета на Париз остварил среба со францускиот претседател Емануел Макрон. За време на...

Досие