Контакт

Македонија

Груевски: Ниту сум купувал, ниту сум продавал станови или земјишта, сѐ е валкана конструкција

Објавено пред

Уште еднаш повторувам дека ниту сум купувал, ниту продавал земјишта или станови. Ниту сум зел пари од партијата за тоа. Сè е лага и валкана конструкција, тврди експремиерот Никола Груевски, азилант во Будимпешта, откако пет лица денеска седнаа во обвинителна клупа поради сомневања дека му помагале да купи земјиште на Водно од над 11 илјади квадратни метри.

dobivaj vesti na viber

Освен Груевски, обвинети се бизнисмените Јордан Камчев и Ненад Јосифовиќ, мајката на Камчев, Ратка Камчева, кумот од првиот брак на Груевски, Ристо Новачевски и ексдиректорот на УБК Сашо Мијалков. На Груевски, бидејќи е недостапен за органите на прогонот, денеска кривичниот суд одлучи да му се суди во отсуство.

За случајот Груевски тврди дека е „театарска престава во режија на Зоран Заев а во изведба на обвинителството во кое самиот нарачува случаи и издава инструкции за оние кои ги одбрал да се пресметува со нив“. Според него, станува збор за „претстава темпирана да го сврти вниманието во предизборниот период“.

„Се прашувам како тоа сум перел пари и сум го зголемил имотот кога и самите сведоци и лица кои давале изјави, колку и да биле притиснати и под тешки закани, дале изјава во обвинителството дека пред 10-11 години наводно некое трето лице им рекло да купат стан или земјишта кои тие ги купиле со свои пари и никогаш никој не им дал пари за истото. Таков е случајот со земјиште купено на јавна лицитација од некоја фирма во големина ако добро разбрав околу 2.400 мкв на Водно, еден стан од 60-тина метри квадратни и многу слично е со земјиште во Крушево кое било купено на јавна лицитација во вредност од 40.000 денари. Па така, и денес тој стан и тие земјишта се нивни имот, на оние што ги купиле, за кои дале свои пари и не примиле пари ниту од мене ниту од кој било, како што кажале во обвинителството.
Чиј имот во овие случаи сака да запленува обвинителството? Имот кој ниту сум го купил, ниту платил како што тврдат самите оние кои давале изјави во обвинителството под големи притисоци да кажат дека претпоставуваат дека тие требало да бидат мои. Како тоа сум испрал пари ако никому не сум дал  пари и никој не зел пари во овие случаи ниту од мене, ниту од некој друг? Како сум го зголемил имотот ако не сум купил имот? Ако и по 10 или 11 години подоцна тој имот си е на име на тие луѓе кои го купиле со нивни пари како што самите се изјасниле во обвинителството“, тврди Груевски преку статус на „Фејсбук“.

Сепак, тој вели дека нема да дојде во судница за да го докаже ова.

„Но ќе кажам, жалам што на моја кожа ја осетив репресијата на власта, како многу пати во историјата кога се судело на личности, меѓу кои и јас се препознавам, заради политички потреби, во случајот на Зоран Заев. Јас знам дека на овој човек му е потребен и овој случај за да приредува забава во која се игра со човечки судбини“, тврди тој.

Според обвинението, Груевски е обвинет за делата „перење пари и за противправно стекнување и прикривање имот“. Неговиот кум Ристо Новачевски, бизнисмените Ненад Јосифовиќ, Јордан (Орце) Камчев и Ратка Куновска-Камчева се товарат за „перење пари“, а првиот братучед на Груевски и поранешен директор на УБК Сашо Мијалков е обвинет за „помагање при кривично дело перење пари и други приноси од казниво дело“.

Според обвинението, Груевски, во периодот од 2006 до 2012 година, како претседател на ВМРО-ДПМНЕ, дел од парите што биле давани како донации за финансирање на партијата не ги прикажал како примени донации, туку ги присвоил за себе. Станува збор за 1,3 милиони евра.

Во средината на 2012, според обвинението, тој дознава дека физички лица кои се иселени од државата преку посредници продаваат земјиште од околу 11.000 квадратни метри на Водно и бара од Мијалков да му помогне да го купи ова земјиште, ама да се прикрие изворот на парите. Мијалков стапува во контакт со обвинетиот Ненад Јосифовиќ, кој бил сопственик на веќе регистрирана офшор фирма во Белизе, и се договорил оваа фирма да биде основач на домашна фирма која ќе биде употребена за да се купи земјиштето. На домашната фирма управител станува Ристо Новачевски, кум од првиот брак на Груевски.

Откако била постигната согласност за купопродажната цена, според обвинението, во повеќе наврати на девизната сметка на скопската фирма, преку сметката на фирмата од Белизе парите се пуштаат во оптек, а Новачевски во својство на управител на фирмата со сопствениците на земјиштето потпишува договор за купопродажба за купување на шума со површина од 11.255 квадратни метри и за тоа плаќа 1,2 милиони евра.

Во 2015 година се менува ГУП на Град Скопје – овие парцели се пренаменуваат во градежни, а и уделот на фирмата од Белизе се пренесува на име на Јордан Камчев и неговата мајка Ратка Камчева, а плацовите се делат на три дела.

Освен ова, Груевски, според обвинението, како службено лице со намера да го прикрие имотот со кој се стекнал додека вршел државна функција, а кој ги надминува неговите приходи пријавени во анкетниот лист, дал непотполни податоци за недвижниот имот што го поседува, а фиктивно се водел на обвинетиот Новачевски. Па така, тој во анкетниот лист за имотната состојба не пријавил два стана во Скопје со површина од 38 и од 57 квадратни метри, градежно земјиште во Центар во Скопје со површина од 2.729 квадратни метри и две градежни парцели во Крушево.

Македонија

АВМУ: Неприфатлив недоличниот однос на министерот Бектеши кон новинарка на „Канал 5“

Објавено пред

Агенцијата за аудио и аудиовизуелните медиумски услуги го смета за апсолутно неприфатлив недоличниот однос на министерот за економија, Крешник Бектеши, кон новинарката на ТВ „Канал 5“, Катерина Капковска, за време на денешната прес-конференција.

dobivaj vesti na viber

„Носителите на јавни функции треба да се воздржат од изнесување лични ставови, коментари и етикетирања со кои се загрозува слободата на медиумите и може да води кон појава на самоцензура“, велат од АВМУ.

Агенцијата апелира дека е неопходно да се вложат максимални напори за обезбедување поволен амбиент за непречено работење на медиумските работници имајќи ја предвид нивната улога во отворањето прашања од јавен интерес и обезбедувањето транспарентност и одговорност на јавните органи.

Прикажи повеќе...

Македонија

МНР: Декларацијата усвоена во бугарското собрание не соодветствува на договорената политика

Објавено пред

Министерството за надворешни работи соопшти дека собраниската декларација за наводна „ескалација на агресивни антибугарски активности во Македонија“, усвоена денеска, на последниот ден од работата на Народното собрание на Бугарија, не соодветствува на договорената политика за унапредување на меѓусебните односи преку заемно уважување и почитување и укажува на отсуство на волја за нејзино спроведување.

dobivaj vesti na viber

„Со оглед на тајмингот на усвојување на декларацијата, таа може да оди само во прилог на провокаторите, чија цел е да предизвикаат политички активности што негативно влијаат на односите меѓу двете држави и со тоа ги минираат напорите за враќање на конструктивната патека и нега на партнерските односи. Секој чин на провокација од која било страна, случајно или намерно, во моментот станува дел од сценаријата во прилог на ескалацијата на состојбите и како таков сметаме дека е во спротивност со декларираните заложби за враќање на дипломатската агенда онаму каде што ѝ е местото, во дипломатиите на двете земји.

Во однос на содржината на декларацијата би сакале да издвоиме:

Северна Македонија во изминатиот период преку конкретни проекти и активности покажа дека посветено работи на спроведување на договорот за пријателство, добрососедство и соработка меѓу Република Бугарија и Република Северна Македонија.

Содржаните наводи за постоење системски проблеми со правата и безбедноста на етничките Бугари во Северна Македонија целосно се косат со институционално етаблираните факти од релевантни меѓународни институции, кои го следат спроведувањето на човековите права и правата на сите етнички заедници во Северна Македонија, вклучително и на бугарската.

Исто така, Министерството за надворешни работи во повеќе наврати посочи дека Законот за фондациите и здруженијата не е насочен против здружувањето на ниедна етничка заедница, туку против принципот здруженија на граѓани да носат имиња на контроверзни личности, кои претставуваат провокација не само за етничките македонци туку и за сите граѓани што живеат во Северна Македонија.

Во истиот контекст, не постои никаква оправдана основа, ниту сериозен аргумент да се поврзе работата на историската комисија со измените на Законот за здруженијата и фондациите. Таа ќе ја продолжи својата работа врз научно аргументирани и потврдени факти и нема допирна точка со условите под кои се формираат и функционираат здруженијата на граѓани и фондации.

Остануваме на ставот дека за случајот со физичкиот напад врз македонскиот државјанин Христијан Пендиков во Охрид институциите на системот реагираа соодветно, сторителите се приведени, истрагата е во тек, а преку јавни политички активности настанот го осудија највисоките претставници на државата, како што се претседателот, премиерот и Мминистерот за надворешни работи. Притоа министерот Османи оствари и итна вонредна посета на Софија за да го посети повредениот Пендиков, со што и во политичка смисла ја искажа интенцијата на државата за грижа кон сите нејзини граѓани еднакво. Оттука, многуте изјави за овој случај, сега веќе преточени и во содржината на декларацијата, ги сметаме за преувеличени и неосновани, кои на ниеден начин не соодветствуваат на реалноста“, се вели во реакцијата на МНР.

Од таму повикуваат на воздржаност од натамошни одлуки и дејства, кои сериозно им штетат на односите меѓу двете земји и нивните граѓани токму во духот на европските вредности и слободи.

Прикажи повеќе...

Македонија

Костадиновска-Стојчевска и Агелер: Во Битола има уникатно богатство на чија заштита посветено работиме

Објавено пред

Битола е богат град, и културно и историски. Секое делче од неа раскажува посебна приказна. Имаме уникатно богатство за чија заштита треба посветена работа“, рече министерката за култура, Бисера Костадиновска-Стојчевска, која првата работна средба со амбасадорката на САД во нашата држава, Анџела Агелер, ја искористи за заедно да посетат неколку значајни локалитети и институции во Битола.

dobivaj vesti na viber

Костадиновска-Стојчевска и Агелер ги посетија археолошкиот локалитет Хераклеја Линкестис и Историскиот архив – Битола, а имаа и средба со пратенички и советнички од овој регион.

При посетата на локалитетот Хераклеја се запознаа со текот на активностите во рамките на проектот за конзервација и презентација на мозаици и архитектура на локалитетот, кој треба да биде финализиран до јуни годинава, а за кој беше обезбеден грант од американската амбасада во земјата.

Костадиновска-Стојчевска упати голема благодарност до амбасадорката Агелер за стратегиското пријателство меѓу Соединетите Американски Држави и Северна Македонија, за грижата и солидарноста на американскиот народ, кој преку амбасадорскот фонд во континуитет учествува во заштитата на македонските културни богатства за идните генерации што доаѓаат.

При посетата беше истакнато дека конзерваторските интервенции, кои првпат се преземаат во толку голем обем токму благодарение на овој грант, не само што ќе овозможат зачувување на овие исклучително вредни културни добра по кои е препознатлива Хераклеја туку ќе дадат и ново светло и значење на самиот локалитет.

Прикажи повеќе...

Најново

Регион40 минути

Курти претстави шест услови за формирање ЗСО

Косовскиот премиер Албин Курти постави шест услови за прифаќање на формирањето на заедницата на општини со српско мнозинство, меѓу кои...

Македонија2 часа

Апасиев: Партиската полиција на Спасовски не престанува со тортурата врз левичарите

Непосредно пред одбележувањето на годишнината од раѓањето на таткото на македонската нација – Гоце Делчев, повеќе членови на Централниот комитет...

Регион2 часа

(Видео) Хаос во српскиот парламент, пратениците се упатија кон Вучиќ со извици „предавство“

Целосен хаос во српското собрание следуваше во попладневниот дел од расправата кога пратениците од опозицијата, пред сè, на Двери и...

Македонија4 часа

„Авионот е полн, нема да леташ за Париз“, патник вратен од аеродромот иако имал повратни билети на „Визер“

Патник од Скопје во саботата бил вратен од Меѓународниот аеродром „Скопје“ со објаснување дека авионот за Париз е полн иако...

Македонија4 часа

Петиција за одземање бугарско државјанство на Македонци; Основачот: Имаме проблем што не ја признавате историјата

Онлајн-петиција за одземање на бугарското државјанство на Македонци што шират омраза за Македонија е креирана на социјалната мрежа „Фејсбук“, а...

Македонија5 часа

Лидија Димова не призна вина, нејзиниот екссоработник смета дека е виновен за злоупотребите во Националната агенција за европски образовни програми

Ексдиректорката на Националната агенција за европски образовни програми и мобилност, Лидија Димова, не чувствува вина за делата злоупотреба на службената...

Македонија6 часа

Спасовски: Ниедна партија не може да го присвои Гоце Делчев, граѓаните нека бидат сигурни за одбележувањето

Министерот за внатрешни работи, Оливер Спасовски, порача дека ниедна политичка партија не може да го присвои ликот на Гоце Делчев....

Регион6 часа

Бугарија го осудува насилството врз македонските Бугари во Македонија

Бугарскиот парламент категорично го осуди насилството врз македонските Бугари во Македонија, како и омаловажувањето на проблемот со правата и безбедноста...

Свет7 часа

Медведев: Пред 80 години непријателот беше сопрен, исто ќе биде и сега

Заменик-претседателот на Советот за безбедност на Русија, Дмитриј Медведев, по повод одбележувањето на 80-годишнината од битката кај Сталинград, истакна дека...

Македонија7 часа

„Комитите“ повикаа на акција за чествувањето на Гоце Делчев

Навивачката група „Комити“ ќе присуствува на одбележувањето на денот на раѓањето на Гоце Делчев, кое ќе се одржи во црквата...

Свет7 часа

Поранешен командант на „Вагнер“: Сакам да им се извинам на Украинците

Еден од поранешните команданти на руската платеничка група „Вагнер“, кој побегна во Норвешка, изјави за „Ројтерс“ дека сака да се...

Свет7 часа

Белата куќа: Немаме непријателски намери кон Пјонгјанг

Белата куќа ги отфрли обвинувањата на Северна Кореја дека воените маневри на САД и нивните јужнокорејски сојузници во Жолтото Море...

Свет8 часа

Фрејзер: Русија побара седница на Советот за безбедност на ОН за Украина

Русија побара на 8 февруари да се одржи седница на Советот за безбедност на ОН посветена на Украина, изјави Ванеса...

Свет8 часа

Кириленко: Руска ракета погоди станбена зграда во Краматорск, најмалку двајца загинати

Најмалку две лица загинаа, а седум се повредени кога ракета лансирана од руските сили погоди станбена зграда во градот Краматорск...

Свет20 часа

Адвокатот на Бајден: ФБИ не најде доверливи документи во куќата на претседателот

Членови на американското Федерално истражно биро (ФБИ) денеска ја пребараа викендицата на претседателот Џозеф Бајден во Рихобот Бич, Делавер, но...

Македонија20 часа

Осудениот Михајловски за „27 април“ одбива да биде амнестиран: Бог е тој што може да ми суди

Вилијам Михајловски-Гајда, осуден на 13 годишна затворска казна за крвавите случувања во Собранието на 27 април, бара да не биде...

Македонија21 час

Условна казна доби докторот кој ја породуваше Веапоска, родилката: Дај Боже на пресудата за вадењето на моите органи, да се казни со затвор

Условна казна му е изречена на гинекологот Мухамед Асани, затоа што во нелегална ординација во неговата куќа, давал здравствени услуги,...

Економија22 часа

Маричиќ: Нови 53 милиони евра за Северна Македонија од ЕУ за инвестиции во енергетиката и животна средина

Заменик претседателот на Владата задолжен за европски прашања Бојан Маричиќ на својот Фејсбук профил објави дека од страна на Европската...

Регион22 часа

Милановиќ: Србија мора да разбере дека од романсата со Русија ќе излезе како измамен љубовник

Србија ќе мора на некој начин да го признае Косово, изјави денеска хрватскиот претседател Зоран Милановиќ, оценувајќи дека Белград мора...

Свет23 часа

Захарова: Обидот за посегнување на руски имот ќе се смета за грабеж, ќе одговориме

Русија ќе возврати на обидите на Западот да ги заплени руските средства за да и ги предаде на Украина, изјави...