Контакт

Македонија

Грујевски и Бошкоски нема да бидат екстрадирани, одлучи Врховниот суд во Атина

Објавено пред

Горан Грујевски и Никола Бошкоски нема да бидат екстрадирани во Македонија за да им се суди за децениското нелегално прислушување. Врховниот суд во Атина одлучил дека двјацата не треба да бидат испорачани во земјата бидејќи нема услови тука да им се овозможи фер судење.

Главниот аргумент на грчкиот Врховен суд да не ги екстрадира во Македонија била амнестијата што ја направи претседателот Ѓорге Иванов пред две години. Во листата со амнестирани беа 57 лица, а меѓу нив и Грујевски и Бошковски. Тамошниот суд одлучил дека еднаш донесена одлука за амнестија не може да биде повлечена.

Тие, најверојатно, од понеделник ќе излезат од екстрадицискиот притвор во близина на Солун, каде што се сместени веќе осум месеци по апсењето на солунскиот аеродром со лажни пасоши. Двајцата во Грција чекаат и политички азил за кој е закажано и судско рочиште. Ги чека и судски процес за пасоши со лажни идентитети на име Христо Атанасов и Неџми Хасан при обидот да избегаат во Будимпешта од солунскиот аеродром.

Претходно судот во Солун одлучи дека поранешните оперативци на УБК треба да бидат екстрадирани во Македонија. Според грчките закони, последниот збор за екстрадиција на Грујевски и Бошковски ја има грчкиот министер за правда, кој може да пресече дали ќе има екстрадиција или не.

Во земјата Грујевски и Бошкоски се обвинети во случајот „Таргет – Тврдина“ дека преку три системи за следење на комуникациите во Управата за безбедност и контраразузнавање (УБК) во периодот од 2008 до 2015 година незаконски биле следени 4.286 телефонски броја за кои воопшто не биле издадени судски наредби. Прислушувани биле над 20 илјади граѓани. Покрај нив, обвинети се и поранешната министерка за внатрешни работи, Гордана Јанкулоска, поранешниот директор на УБК, Сашо Мијалков, како и поранешниот шеф на неговиот кабинет, Тони Јакимовски. Рочиштето за овој предмет е повеќепати одложувано бидејќи се чекаше на одлуката за нивна екстрадиција.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Одрони на патот Делчево-Каменица, сообраќајот се одвива по една сообраќајна лента

Објавено пред

Од АМСМ предупредуваат дека поради одрони, сообраќајот на регионалниот пат Делчево – Каменица се одвива по една сообраќајна лента. Како што се наведува, се преземаат мерки за рсчистување на коловозот.

Исто така се наведува дека денеска ќе се започне со изведување на градежни активности при поставување на индуктивни јамки на автопат А2, патен правец Маврово-Кичево, за што ќе се изврши промена на режимот на сообраќај.

Денес ќе се започне и со изведување на градежни активности за поставување на електрично осветлување на крстосницата Другово, на магистрален пат А2, делница: Кичево – Охрид, за што ќе се изврши промена на режимот на сообраќај, во времетраење од 6 месеци.

Прикажи повеќе...

Македонија

Донација за Домот за доенчиња во Битола

Објавено пред

Во Домот за доенчиња и мали деца во Битола, како дел од Коалицијата за борба против гладот и фрлањето на храна“, МКЦ Битола го менаџираше денешното донирање на храна во установата.

„Во оваа прилика, несебично, искрено, како логистичка поддршка, Општина Битола, учествува во оваа активност, затоа што во денешницава кога на луѓето, насушно им треба храната, жалосно би било и штета таа да се фрла, наместо да заврши на вистинско место. Навистина се радувам и ќе ги поддржувам во иднина сите субјекти, да иницираат вакви активности, да сите заедно, здружено го подобриме живеењето, условите и можностите на сите граѓани, особено на најмладите“, изјави градоначалничката на Општина Битола, Наташа Петровска.

Денес, беа донирани млеко за бебиња без лактоза и кашички за бебиња, а ваквите активности ќе продолжат во континуитет се со цел подобрување на состојбата кај семејствата во социјален ризик.

„МКЦ Битола како регионален координатор за Битола и околината се погрижи да ја обезбеди дистрибуцијата на дел од таа храна, на таа донација во Битола. Им се заблагодарувам на градоначалничката и на Општина Битола за нивната великодушност, заради тоа што излегоа во пресрет да го обезбедат транспортот на донацијата. Вредноста на донацијата е околу 250.000,00 денари“, изјави Маја Ангеловска од МКЦ Битола.

Прикажи повеќе...

Македонија

Заев-Лајчак: Северна Македонија е пример дека процесот на проширување на ЕУ е жив и напредува

Објавено пред

Претседателот на Владата Зоран Заев се сретна со претседавач на ОБСЕ и вицепремиер и министер за надворешни работи и европски прашања на Словачка, Мирослав Лајчак, кој со делегација престојува во дводневна официјална посета на земјава.

Заев и Лајчак изразија заедничко задоволство од пријателските односи меѓу двете земји, со тенденција за понатамошно унапредување, а особено беше истакната поддршката која Северна Македонија ја има од Република Словачка за нејзините интеграциски процеси во НАТО и Европската Унија. Позитивно беше оценета соработката со институциите на ОБСЕ, во насока на постигнување на европските стандарди во заштита и промовирањето на националните малцинства, изборните стандарди, во прашања поврзани со јакнењето на слободата на медиумите.

„Работиме напорно на реформите и на одржување пријателски односи со соседите, обезбедивме безбедност и стабилност во земјата, водејќи се од европските вредности како владеењето на правото, инклузивен процес за носење на законите, независно судство. Сметаме дека одлуката за почеток на пристапни преговори е важна не само заради нас, туку и заради пораката којашто ќе се испрати до целиот регион, но и пошироко, дека вистинското инвестирање во реформите и во добрососедските односи значат и сигурен влог во подобра иднина за граѓаните. Ние бараме шанса, којашто искрено веруваме дека ја заслуживме, а тоа е, оваа година да ги започнеме преговорите за членство во Европската Унија”, рече премиерот Заев.

Лајчак истакна дека словачката поддршка за отворањето на преговорите е јасна и продолжува. Според него, Северна Македонија го направи невозможното, го реши повеќедеценискиот спор со Грција и сега треба да биде овозможено добивањето датум за почеток на преговорите со ЕУ. Истовремено, упати честитки до Владата за посветеноста и храброста при преземањето на сите чекори.

Лајчак оцени дека Северна Македонија е пример, преку кој се покажува дека процесот на проширувањето на ЕУ е жив и напредува.

Лајчак и Заев заклучија дека Договорот од Преспа е фокусиран на иднината, а не на минатото и дека тоа е добар пример како треба да се решаваат проблемите меѓу соседите во регионот и пошироко.

Прикажи повеќе...

Најново

Топ3 часа

Три години затвор за жената што прегази 13-годишно дете на Илинденска

Основниот кривичен суд денеска ја објави пресудата за предметот со сообраќајната несреќа, која на 18 септември 2015 година се случи...

Топ4 часа

Татко и љубовник сексуално експлоатирале 15-годишно девојче

Основното јавно обвинителство за гонење организиран криминал и корупција поднесе обвинение против пет лица за трговија со дете. Меѓу нив...

Свет5 часа

Тројца Руси и еден Украинeц обвинети за уривањето на малезискиот авион во Украина

Четири мажи се обвинети за убиство при уривањето на авионот на „Малезија ерлајнс“ во источна Украина во 2014 година, при...

Свет6 часа

Кашоги е жртва на намерна, претходно испланирана егзекуција – покажа независната истрага на ОН

Саудискиот новинар Џамал ​​Кашоги е жртва на намерна, претходно испланирана егзекуција, заклучи специјалниот известувач на Обединетите нации, Агнес Каламард, по...

Екологија6 часа

Арктичкиот вечен лед се топи 70 години порано од очекувањата на научниците

Пермафрост или трајно замрзнатата почва во канадскиот дел на Арктикот почнала да се топи 70 години порано од прогнозите на...

Македонија6 часа

Заев: Ниту една земја членка на ЕУ не е против отворањето преговори со Северна Македонија

Ниту една земја членка на Европската Унија не е против отворањето преговори со Северна Македонија, изјави премиерот Зоран Заев на...

Топ7 часа

Откриени злоупотреби со службени возила во општина Велес

Поранешен градоначалник и поранешен претседател на Советот на Општина Велес се обвинети за злоупотреба на службената положба. Според велешкото Обвинителство,...

Свет7 часа

Русија претстави доказ дека терористите се обидуваат да добијат биолошко оружје

Меѓународните терористи се обидуваат да добијат пристап до нуклеарно и биолошко оружје, а и до токсични хемикалии за да ги...

Свет10 часа

Во земјотресот во Јапонија повредени 26 лица

Најмалку 26 лица се повредени, од кои едно критично, кога земјотрес со јачина од 6,7 степени го погоди во вторникот...

Свет10 часа

(Видео) Запленети 16,5 тони кокаин во Филаделфија вреден една милијарда долари

Американските власти открија 16,5 тони кокаин во товарен брод „МСЦ Гајан“ во пристаништето во Филаделфија. Станува збор за една од...

Македонија23 часа

Заев очекува формален почеток на преговорите со ЕУ до крајот на годинава

Задоволни сме од денешниот заклучок на Советот на министри, но тој ќе значи целосен успех во октомври, кога ќе се...

Свет23 часа

Трамп на „Твитер“ најави масовни апсења на мигранти

Претседателот на САД, Доналд Трамп, на „Твитер“ најави масовни апсења на мигранти. Иронично за објавата на Трамп е дека големите миграциски...

Топ1 ден

Маж и жена од Тетово сексуално експлоатирале 15-годишно девојче

Жена од Тетово и нејзиниот сосед сексуално експлоатирале 15-годишно девојче. Тие договарале сексуални услуги на интернет и го носеле девојчето...

Македонија1 ден

ЕУ не определи датум за почеток на преговори со Северна Македонија

Министрите за надворешни работи на Европската Унија на Советот за општи работи на Унијата во Луксембург не се согласија околу доделувањето...

Европа1 ден

(Видео) Меркел, поради дехидрација, неконтролирано се тресеше на пречекот на Зеленски

Германската канцеларка, Ангела Меркел, изгледаше како да не ѝ е добро и нејзиното тело неконтролирано се тресеше додека денеска во...

Македонија1 ден

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија1 ден

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Свет1 ден

ОН: Светското население ќе порасне на 9,7 милијарди до 2050 година

Населението во светот старее и иако бројот на жители расте со побавно темпо, сепак се очекува негово зголемување од сегашните...

Регион1 ден

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија1 ден

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Досие