Контакт

Македонија

Две деца пренесени во болница, останале заклучени во возило на паркинг во Скопје

Објавено пред

Синоќа во полицијата било пријавено дека на паркинг-простор на булеварот Видое Смилевски Бато во автомобил со скопски регистарски ознаки се наоѓале две деца кои биле заклучени.

Од страна на полициските службеници веднаш било интервенирано и децата се извадени од возилото и со возило на Итна медицинска помош се пренесени во комплексот клиники „Мајка Тереза’’.

Како што јави МВР, по преземени мерки од полициските службеници, пронајдени се Т.Т.(44) и М.Н.(35), родители на децата.

Известен е јавен обвинител и се работи на расчистување на случајот.

Македонија

(Видео) Мицкоски: Очекувам да се договориме за избори, ако Заев не се премисли

Објавено пред

Лидерот на ВМРО-ДПМНЕ, Христијан Мицкоски, вели дека очекува утре на лидерската средба да биде постигнат договор за предвремени парламентарни избори, ако премиерот Зоран Заев не се предомисли.

„Очекувам и да се премисли до утре бидејќи станува збор и за Зоран Заев, знаете кај него и работите се менуваат на часови во основа. Но ајде да претпоставиме дека овој пат ќе биде конзистентен и очекувам да го слушнам предлогот, да видам што подразбира под тоа брзи предвремени парламентарни избори“, рече Мицкоски.

Тој додадека дека ВМРО-ДПМНЕ месеци наназад бара предвремени избори.

„Јас и вчера зборев, избори не како избори за пуста власт, туку избори за да направиме нешто што ќе ја определи иднината и развојот на оваа држава. Онака како што треба да се развива. И затоа е потребен политички консензус. Претпоставувам дека тоа ќе го разговараме утре. Еве самиот тоа го најави доколку не се премислил. Па ќе видиме, ќе разговараме“, рече Мицкоски и додаде дека е убеден дека ВМРО-ДПМНЕ ќе ја формира следната влада.

 

Прикажи повеќе...

Македонија

(Видео) Заев: Четири месеци се обидував да договорам средба со Макрон

Објавено пред

Четири месеци се обидувавме да договориме средба со претседателот на Франција, Емануел Макрон, на која би се изнеле ставови за европската иднина на земјата, но не успевме да ја договориме, рече премиерот Зоран Заев.

Тој додаде дека и покрај блокадата за добивање датум за преговори, на Франција не треба да се гледа како на држава непријател.

„Четири месеци баравме средба со претседателот Макрон, но не ја добивме. Лобиравме и преку амбасадата, преку дипломатски врски, но немавме одговор до денес. Да, точно ми се јавија претседстели на скоро сите европски држави да ми дадат поддршка по состанокот од Брисел, но со Макрон не сум се слушнал. И покрај тоа, тој си има свое гледање и објаснување зошто не го смени ставот и порачувам дека не треба да гледаме непријател во Франција“, рече Заев.

Тој кажа дека имало сигнали од Брисел дека Франција би можела да нè блокира, но до последен момент се надевал на позитивна одлука.

„Да точно е имавме најава, Европа е транспарентна и нема тука скриени игри. Но, сепак постоеше надеж дека Франција ќе го омекне ставот и ќе ги почнеме преговорите. Јас буквално ги молев во Брисел да ѝ дадат шанса на земјава, да останеме на мотивацискиот пат, да не се соочиме со оваа разочараност и горчина. Но и Франција поради свои гледања си има свое оправдување. Имаше предлог од Финска да добиеме датум, но подоцна да почнеме да преговараме, но и таа опција не се прифати. Јас искрено се надевам дека ЕУ ќе ги надмине овие свои внатрешни проблеми и ќе бидеме дел од таа приказна, затоа што заслужуваме“, рече Заев.

Премиерот кажа дека Франција цело време го охрабрувала Преспанскиот договор што според него влевало надеж дека ќе ја добие поддршката.

Тој не одговори конкретно дали има некаква позадина што Северна Македонија и Албанија биле заедно на агендата за датум за отпочнување преговори.

Инаку, Макрон најави дека наскоро планира да ги посети Северна Македонија и Албанија и да се сретне со премиерите Зоран Заев и Еди Рама.

Прикажи повеќе...

Македонија

(Видео) Заев предлага предвремени избори што е можно побрзо

Објавено пред

Премиерот Зоран Заев предлага одржување на предвремени парламентарни избори што е можно побрзо. Во своето прво обраќање откако Европската Унија не додели датум за преговори за Северна Македонија, Заев рече дека утре на лидерската средба кај претседателот Стево Пендаровски ќе предложи да се одржат предвремени избори.

„Одговорно се исправам пред вашата одлука, сега е потребен вашиот став, немаме време за губење. Предлагам организирање предвремени избори, најбрзо што може, избори на кои вие граѓаните ќе донесете одлука и потврда за патот по кој треба да продолжи нашата земја“, порача Заев во своето обраќање до граѓаните.

Сериозноста на актуелниот миг, додаде тој, бара од мене и од сите нас сериозна одлука.

„Поаѓајќи дека секој политичар мора да биде одговорен и чесен ја преземам врз себе разочараноста на својот народ, се исправам пред вас и порачувам: европскиот сон на македонскиот народ нема да биде срушен“, порача премиерот.

Во врска со шпекулациите кои се појавија во медиумите дека Заев ќе даде оставка, тој кажа дека ги разгледал сите опции.

„Сите опции беа во мојата глава, јас го почувствував гневот кај нашиот народ. Но реков јас немам право да се откажам да се борам, јас ја сакам својата земја и својот народ и тој ќе одлучи сега дали ќе продолжиме по тој пат. Не сме сјајни, имаме грешки, но нема друг пат. Сè друго е крив пат, сè друго е нешто во кое 27 години се вртевме“, рече Заев.

Тој оцени дека тоа што ЕУ не успеала да донесе одлука за отворање преговори со Северна Македонија е нивна историска грешка.

„ЕУ не го испорача тоа што ни го вети. Ние ги исполнивме сите наши обврски, испорачавме реформи и ги решивме споровите со соседите. Тоа што ЕУ не успеа да донесе одлука за отворање преговори со нас е нивна историска грешка и тоа го потврдија сите европски лидери. Ние направивме сè што можевме и сè што требаше“, рече Заев.

Тој им се заблагодари на мнозинството европски лидери кои се заложиле за Северна Македонија.

„Факт е дека ние сме жртви на историска грешка на ЕУ и тоа кај сите нас предизвикува огорченост. Јас сум разочаран и лут и знам дека и народот така се чувствува. За мене ова неисполнето ветување е лоша и неправедна постапка на Унијата. Но тоа е одлука на ЕУ заради нивни нерешени внатрешни работи и таа одлука не можевме да ја промениме“, рече Заев.

Македонскиот премиер кажа и дека на последните состаноци во Брисел буквално ги молел европските лидери да не ги гасат, како што рече, ѕвездичките од европското знаме за Северна Македонија.

 

Прикажи повеќе...

Најново

Македонија1 час

(Видео) Мицкоски: Очекувам да се договориме за избори, ако Заев не се премисли

Лидерот на ВМРО-ДПМНЕ, Христијан Мицкоски, вели дека очекува утре на лидерската средба да биде постигнат договор за предвремени парламентарни избори,...

Македонија4 часа

(Видео) Заев предлага предвремени избори што е можно побрзо

Премиерот Зоран Заев предлага одржување на предвремени парламентарни избори што е можно побрзо. Во своето прво обраќање откако Европската Унија...

Вести5 часа

(Видео) Вонредна состојба во Чиле по насилните протести поради поскапувањето на јавниот превоз

Чилеанскиот претседател, Себастијан Пинера, прогласи вонредна состојба во Сантијаго откако во градот со шест милиони луѓе синоќа избувнаа немири во...

Македонија5 часа

Инспекциски надзор во училиштето во Гостивар каде учениците ја поздравија воената операција во Сирија

Во основното училиште „Мустафа Кемал Ататурк“ во Гостивар, каде што учениците со војнички поздрав ја поздравија турската офанзива во Сирија,...

Македонија5 часа

Измама во ФК Куманово 1903, претседателот затаил данок од речиси милион денари

Полицијата поднесе кривична пријава против претседателот на правното лице „Фудбалски клуб Куманово 1903“, против сметководителка и против правното лице Здружение...

Свет6 часа

Почна најдолгиот лет во светот, научници го следат однесувањето на патниците

Авиокомпанијата „Квантас“ вчера вечер го почна најдолгиот комерцијален лет во светот што ќе ги поврзе Њујорк и Сиднеј и ќе...

Економија7 часа

Светска банка ќе даде поддршка од 120 милиони долари за финансирање на пет проекти

Светска банка ќе даде поддршка од околу 120 милиони долари за финансирање на пет проекти со кои ќе се подобри...

Европа7 часа

(Видео) Полицијата ја презеде контролата над улиците во Барселона, уапсени 27 лица

Каталонската и шпанската полиција ја презедоа контролата над улиците во Барселона и другите каталонски градови по синоќешните насилни протести. Полицијата...

Македонија7 часа

САД: Разочарани сме од одлуката на ЕУ за Северна Македонија

САД изразија разочараност затоа што Европскиот совет не додели датум за преговори за Северна Македонија и за Албанија.Стејт департментот наведува...

Спорт18 часа

Батистута повторно на операција: Ги молев лекарите да ми ги ампутираат нозете

Аргентинската фудбалска легенда, Габриел Батистута открива дека ги молел лекарите да му ги ампутираат нозете по големите проблеми со повредите...

Македонија19 часа

Хелсиншки бара казна за училиштето во Гостивар каде деца со војнички поздрав ја поддржаа офанзивата во Сирија

Хелсиншкиот комитет остро го осудува злоупотребувањето на учениците од гостиварското основно училиште Мустафа Кемал Ататурк за политички цели. На 17.10.2019...

Македонија21 час

Ципрас: Понекогаш европските вредности се посилни на Балканот, отколку во Европа

Поранешниот грчки премиер Алексис Ципрас го осуди фактот дека лидерите на земјите-членки на ЕУ не успеаја да се постигнат согласност...

Култура22 часа

Министерството за култура го осуди вандализмот, бара да се заштити Аквадуктот

Министерството за култура енергично го осудува вандалскиот чин на оштетување на Аквадуктот, коj е дел од културно наследство, при што...

Македонија22 часа

(Видео) Интервју со Села: 18 години не одговарал ниеден функционер од ДУИ

Претседателот на Алијансата за Албанците, Зијадин Села, во интервју за „Макфакс“ рече дека не може да се оочекува ЕУ да...

Македонија23 часа

Влада: Во тек се консултации, Заев носи одлуки во интерес на граѓаните и државата

Во тек се интензивни консултации после заклучоците на Европскиот совет, премиерот Зоран Заев носи одлуки водејќи се исклучиво од интересите...

Македонија24 часа

Лидерската средба ќе се одржи в недела во вилата на Водно

На иницијатива на претседателот Стево Пендаровски, в недела – 20 октомври во кабинетот на претседателот во „Вилата Водно“, со почеток...

Европа1 ден

Макрон: Земјите од соседството на ЕУ не е нужно да бидат нејзини членки

Францускиот претседател, Емануел Макрон, во првото обраќање во јавноста откако стави вето за пристапните преговори за Северна Македонија и Албанија...

Македонија1 ден

Туск: Верувам дека ова е кратка криза, а не крај на проширувањето на ЕУ

По завршувањето на самитот на ЕУ во Брисел, претседателот на Европската комисија, Жан-Клод Јункер, и претседателот на Европскиот совет, Доналд...

Македонија1 ден

Конте: Одлуката на ЕУ за Северна Македонија и Албанија е историска грешка

Италијанскиот премиер, Џузепе Конте, изјави дека одлуката на Европската Унија да не го отвори пристапниот процес за Северна Македонија и...

Македонија1 ден

(Видео) Пендаровски свика лидерска: Не е време за разочарување, туку за обединување

По одлуката на Советот на Европската Унија да не даде датум за почеток на преговорите за членство на нашата држава...

Досие