Две деца примија „трикафта“, белодробната функција им е подобрена

Две малолетни пациентки со цистична фиброза, Стефанија (13) и Хатиџе (15), во четвртокот го примија лекот „трикафта“ на Клиниката за детски болести.

Министерот за здравство, Илир Демири, кој денес ги посети, рече дека пет дена по примањето на лекот, белодробната функција им е подобрена, а модуларната терапија дава брз ефект.

„Ме информираа дека сега животот им е поубав. Подобро дишат, имаат зголемен апетит и задоволни се што почнаа да го примаат лекот што живот значи. Среќен сум што ги враќаме насмевките кај пациентките, но и кај нивните родители. Чест ми е што денеска имав можност да ги запознаам и да поразговарам со Стефанија и Хатиџе. И државата и Министерството за здравство се грижат за пациентите со цистична фиброза“, вели Демири.

Досега 32 пациенти имаат примено „трикафта“, а кои етапно се вклучуваат на терапија.

Лекот е безбеден, одобрен од Европската медицинска агенција и ефектот од терапијата е брз, значителен и одржлив.