Македонија
Дигитализацијата на јавните услуги поттикнува развој на економијата и привлекува странски инвестиции
Во последно време многу се зборува за дигитализација на јавниот сектор и потребата од поефикасна администрација која им е на услуга на граѓаните и фирмите. Е-услугите всушност бараат современа инфраструктура, односно креирање на една платформа на која секое министерство, секоја институција која им нуди јавни услуги на граѓаните и фирмите е претставена со посебна апликација. Сите тие апликации се меѓусебно поврзани. Таквата поврзаност во рамки на една база значи заштеда на ресурси, првенствено време.
Граѓаните и фирмите често имаат забелешка дека предолго се чека услугата од некоја институција или дека предолго трае комуникацијата меѓу институциите, за да се избегне тоа во современиот свет се дигитализираат јавните услуги. Нема документи во хартиена форма, нема шетање од шалтер на шалтер и губење време и пари.
„Владите, во Европа и пошироко, најчесто ги развиваат е-услугите на Microsoft Azure -intelligent cloud and intelligent edge платформата и веќе ги забележуваат огромните заштеди кои се резултат на имплементацијата на е-услуги за граѓаните“, вели Љупчо Георгиев, Директорот на Мајкрософт во Македонија. „На пример, Велика Британија проценува намалени трошоци од 42 милиони фунти како резултат на намалено време на чекање и пониски трошоци за обезбедување на услугата. Потоа, чешкиот град Оломук со 700 вработени во јавната администрација си поставил цел да го забрза добивањето услуга, да го намали времето на чекање и да го олесни пристапот и менаџментот на документи. Благодарение на дигиталното решение од која било точка на државата може лесно да се пристапи до сите податоци и документи, а со тоа се подобри и ефикасноста на вработените.“
Технологијата е корисна само ако ни помага да намалиме трошоци и да ја зголемиме ефикасноста, ако обезбедува поддршка во менувањето и унапредувањето со цел да се излезе во пресрет на потребите на граѓаните и компаниите. Промените директно се чувствуваат во начинот на кој се следат состојбите, се пријавуваат и решаваат проблемите. Бенефитите се највидливи во доменот на оптимизација на сообраќајот и одржување патна инфраструктура, координација на здравствените услуги, во образованието и подготовката на кадри за идни барани професии, лесен пристап до податоци за издавање дозволи, инспекциски надзор, енергетска ефикасност и јавна безбедност.
Мајкрософт веќе 20 години е партнер на владите во регионот помагајќи им на лидерите да ја зголемат ефикасноста, да ги намалат трошоците и да го подобрат квалитетот на услугите за граѓаните.
„Сите држави во регионот ја користат платформата и во соработка со Мајкрософт се на одличен пат кон дигитална трансформација на јавниот сектор, сите ги имаат сфатено предностите на е-услугите и што значи менаџмент на држава во 21 век. Клучен момент е нашата земја да фати приклучок додека сѐуште не е процесот отиден толку напред па да не можеме да се прилагодиме“ – истакнува Георгиев. „За илустрација ‘Загрепски холдинг’ овозможува, комунални, транспортни, енергетски и комерцијални услуги за Град Загреб. Се работи за збир од различни јавни претпријатија кои користат различни платформи, што претставувало безбедносен ризик и предизвикувало проблеми за централизираното управување. Решението кое го имплементираат е комбинација од Windows 10, Office 365, Azure, Enterprise Mobility + Security со што се подобрува ефикасноста, услугите централизирано се менаџираат, а безбедноста е на највисоко ниво со што граѓаните се позадоволни од јавните услуги што ги добиваат.“
Во пошироки рамки ефикасен дигитален систем на јавни услуги е неопходен за економскиот раст на една држава и конкурентноста на глобалниот пазар. Дигитализацијата на јавниот сектор подразбира развој на стопанството, односно приватниот сектор. Од аспект на инвестиции, со самото влегување во ЕУ и НАТО нашата земја треба да исполни одредени стандарди кои се во поодмината фаза на дигитализација. Секој што ќе сака да инвестира сака да знае дека има стабилен судски систем, инфраструктура, едукативен систем кој продуцира квалитетни кадри, добар здравствен систем, односно да знае дека сѐ она што како поддршка јавниот сектор ќе треба да му го пружи на оној кој влегува и инвестира тука е ефикасно и штеди време и пари. Не смееме да одложуваме и чекаме, мора да преземеме чекори кои зборуваат дека ние сме безбедна земја за инвестиции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев во ЕВР Карпош: МВР е подготвено да обезбеди мирен, фер и демократски изборен процес
Денеска дополнителниот заменик министер за внатрешни работи Митко Бојмацалиев оствари работна посета на Единицата за внатрешни работи Карпош , каде што оствари средби со раководството на оваа организациона единица во склоп на СВР Скопје, а во рамки на серијата посети низ Секторите за внатрешни работи низ државата, со цел увид во резултати и планирање на идните активности.
Фокусот на средбата беа претстојните двојни избори што ќе се одржат периодов за што дополнителниот заменик министер Митко Бојмацалиев пред раководството на ЕВР Карпош констатираше дека МВР во рамки на своите надлежности од досегашните средби и разговори со раководствата низ Секторите е подготвено да обезбеди мирен, фер и демократски изборен процес како што беа претходните.
Притоа, тој ги сподели резултати за првото тримесечје од 2024 година.
„Бев информиран за резултатите во областа на криминалитетот каде во првото тримесечје од 2024 година безбедносната состојба на подрачјето може да се оцени како поволна со намалување на кривичните дела по службена должност од 40% . Од областа на криминалитетот на подрачјето на ЕВР Карпош според статистиката за горенаведениот период бележиме намалување за 30% во делот на кривичните дела од имотни деликти како што се тешките кражби, кражби и џепни кражби”, истакна Бојмацалиев, додавајќи дека раководството го информираше дека ова се најдобрите резултати во последните 10 години постигнати во 2023 година.
Во однос на условите за работа во оваа единица, Бојмацалиев истакна дека станицата беше реконструирана во 2022 година во насока на создавање подобри услови за работа на полициските службеници, со вложени 21 милион денари обезбедени од Буџетот на МВР.
,,Динамично тргнавме во процесот на надминување на претходните, негативни состојби на овој план со јасно одредена цел – да воспоставиме модерни инфраструктурни стандарди на функционирање како на полициските службеници така и на нивните средства за работа, на објектите, и на нивната опременост„ рече Бојмацалиев при посетата на ЕВР Карпош.
Македонија
„Вреди“: ДУИ во руско сценарио бара лек за изборниот пораз
Навреме предупредивме дека очајниот ДУИ смислил сценарио за предизвикување политичка криза после првиот круг на претседателските избори со цел да избегне чесно признавање на извесниот пораз. Нивен сон е техничката Влада на Талат Џафери да опстои повеќе од предвидените 100 дена, велат од коалицијата „Вреди“.
„Бујар Османи избегнува одговор на многу логичното прашање што правел како претседавач со ОБСЕ во текот на 2023 за оваа меѓународна институција да оцени дека постои потенцијал за нарушувањето на безбедноста во изборниот процес и го зголеми бројот на набљудувачи. Исто така молчи дали Османи како домаќин на Лавров го прашал за рецептот за суспендирање на демократската волја на граѓаните.
Но, контурите на ова руско сценарио полека излегуваат на виделина. Владата на Талат Џафери незаконски спречува поставување на началник и дополнителен началник на СВР Тетово за да може да ги злоупотребува партиските војници на ДУИ инсталирани во полицијата во кампањата. Потврда за ова е последниот скандал со училиштето во Житоша кое не само што е претворено во штаб на ДУИ, туку во него полицајци отворено агитираат за Али Ахмети, се фотографираат и објавуваат на социјалните мрежи“, реагираат од коалицијата.
Очекуваат како што велат, дека раководството на МВР соодветно ќе ги евидентира и санкционира овие девијации од страна на полициски службеници.
„Јасно им порачуваме на полициските службеници и останати кадри на ДУИ во државните институции, добро да размислат какви партиски задачи прифаќаат и спроведуваат. Ништо не може да ја смени реалноста. ДУИ после осми мај преминува во опозиција и за секој нивен кадар кој се огрешил пред законите ќе следи соодветна правосудна постапка. Добро е секој партиски активист на ДУИ да размислува трезвено и да не се впушта во незаконски авантури лажно верувајќи дека ќе продолжат кариерите на Али Ахмети, Бујар Османи и Артан Груби.
Знаеме дека исплашеното раководство на ДУИ и нивните коалициони другарчиња се подготвени на различни предизборни далавери, но треба да земат предвид дека на секој обид за спречување на слободно, фер и демократско гласање на Албанскиот народ, жестоко ќе одговориме“, додаваат во партиското соопштение.
Нагласуваат дека ништо не може да ги спречи промените. Гласачите, како што оценуваат, уште повеќе се мотивираат да гласаат против ДУИ кога ги гледаат овие нивни очајнички потези.
„Бранот е тргнат и тој секојдневно ќе расте додека не се претвори во цунами за ДУИ на изборите“, се потенцира во напишаното од коалицијата „Вреди“.
Македонија
Први април, вториот ден на Велигден, неработен за граѓаните од католичка вероисповед
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 1 Април 2024 година (понеделник), Велигден, вториот ден на Велигден, според грегоријанскиот календар, е неработен за граѓаните од католичката вероисповед во Република Северна Македонија.
Истовремено, Министерството за труд и социјална политика на граѓаните од католичка вероисповед им го честита празникот.