Контакт

Македонија

Димитров: Докажавме дека со политичка волја и лидерство можат да се надминат тешките отворени прашања со соседите

Објавено пред

Во Северна Македонија во изминативе неколку години успеавме да направиме суштинска општествена промена. Тргнувајќи од состојба на заробена држава, како што ја дефинираше Европската комисија во 2016 година, станавме земја светол пример во регионот, но и пошироко, истакна министерот за надворешни работи, Никола Димитров, кој е кодомаќин на денешниот регионален промотивен настан на заедничката програма на Европската Унија и Советот на Европа Horizontal facility за Западен Балкан и Турција втора фаза.

Димитров нагласи дека очекуваното започнување на преговорите за пристапување во Европската Унија ќе покаже во пракса како една земја може суштински да се промени и напредува.

„Докажавме дека со политичка волја и лидерство можат да се надминат тешките отворени прашања со соседите, но и смело се впуштивме во домашната реформска агенда, со цел да обезбедиме европски живот дома, а не надвор од границите на регионот“, рече шефот на дипломатијата.

Во однос на програмата Horizontal facility, вели дека целта е обезбедување  подобар животен стандард и европски начин на живот за граѓаните.

„Заедничката програма дава можност да ги утврдиме областите во кои нашите земји имаат потреба од понатамошна поддршка во домашните реформски процеси преку активно вклучување на корисниците со цел постигнување на европските стандарди“, рече Димитров.

Тој информира дека во рамки на првата фаза од програмата, 80 отсто од затворскиот персонал ги зголемил своите знаења и вештини од темите за човекови права, а воспоставен е и полициски механизам за надворешен надзор во однос на полициската работа.

Со проектот за поддршка на засилен пристап до услуги за бесплатна правна помош со повисок квалитет, Димитров појасни дека беа спроведени правни анализи за Министерството за правда во процесот на финализирање на законот за бесплатна правна помош.

„Со акцијата Борба против економскиот криминал беше направен напредок од воспоставување  регистар за корисничка сопственост. Во рамките на акцијата за спречување и борба против трговија со луѓе се спроведуваат обуки на приближно 90 отсто од трудовите инпектори во земјата, додека предлог-законот за државен фонд за компензација за жртви на насилни злосторства е во завршна фаза за подготовка“, рече Димитров.

Колин Волф од Европската комисија вели дека хоризонталниот инструмент како да не го истакнува до крај фактот дека се работи на едно многу важно прашање, како што е владеењето на правото, и без кое луѓето не можат да имаат нормален живот.

Владеењето на правото, како што посочи, е суштинска важност за секој поединец, за сите групи, за демократијата, демократските институции, поддршката на демократските институции, еден од најважните концепти во кој треба да веруваме.

„Хоризонталниот инструмент работи на овие прашања, кои се важни за многу аспекти во однос на општествениот живот и очекувањето на граѓаните од нивните лидери. Ова е важно и за успешен економски раст затоа што на делумните субјекти потребна им е сигурност при владеење на правото. Луѓето мора да знаат дека се заштитени и ова е важно за справување со многу предизвици кои се присутни во нашите земји, како на пример да се задржат младите луѓе во регионот. Врз основа на ова начело можеме да создадеме Европа сконцентрирана на вредностите кои ги исполнува и спроведува“, рече Волф.

Волф потсети дека Европската комисија препорача да се отворат преговори за членство со нашата земја и со Албанија и се надева дека ќе биде донесена позитивна одлука следната недела на Советот на министри и на Европскиот совет.

Тој ѝ честита на Северна Македонија за сите напори што ги презема за сите теми на кои се зборува на регионалната конференција.

Во рамки на настанот, учесниците имаат можност да учествуваат во работата на паралелни тематски работилници, од кои секоја покрива теми од четирите главни тематски области: обезбедување правда (затвори и полиција; правда и човекови права), борба против корупција, економски криминал и перење пари; борба против дискриминацијата и заштита на правата на ранливите групи (образование, човекови права и спречување на дискриминација; трговија со луѓе) и слобода на изразување и медиуми.

Македонија

Макрон го пречека Пендаровски во Париз

Објавено пред

Претседателот на Франција, Емануел Макрон, го пречека македонскиот претседател Стево Пендаровски во Париз.

„Вечерва имав чест да присуствувам на вечерата во пресрет на Парискиот мировен форум, на покана на францускиот претседател Емануел Макрон, заедно со шефовите на држави и учесници на Форумот, на кој ќе дискутираме за потребата од заеднички решенија за справување со глобалните предизвици“, објави Пендаровски на „Фејсбук“.

Како што претходно беше најавено, Пендаровски утре, 12 ноември, треба да има средба со Макрон.

Македонскиот претседател во Франција ќе престојува до среда, 13 ноември,  а утре ќе се обрати на Парискиот мировен форум.

На настанот ќе присуствуваат над 30 шефови на држави и влади.

Прикажи повеќе...

Македонија

Владината седница утре ќе се одржи во Тетово

Објавено пред

Редовната  165. седница на Владата утре ќе се одржи во Тетово со почеток во 19 часот.

Во склоп на одржување на утрешната седница ќе има и министерски теренски активности, меѓу кои увид во реконструкцијата на регионалниот пат Тетово – Јажинце, увид во градежни работи на системот за наводнување Равен – Речица и посета на клиничкиот центар Тетово.

На седницата, пак, ќе се најде предлог-буџетот на Република Северна Македонија за 2020 година. Исто така, на предлог на министерот без ресор задолжен за комуникации, отчетност и транспарентност, Роберт Поповски, на дневен ред ќе биде усвојување на предлог-програмата за поддршка за печатење и дистрибуција на печатените медиуми за 2019 година.

На предлог на Министерството за труд и социјална политика, владата ќе одлучува и по предлог-програмата за изменување на Програмата за остварување и развој на дејноста во ученичкиот стандард за 2019 година.

Министерство за образование и наука за оваа седница ги стави на дневен ред предлог-програмата за изменување на Програмата за остварување и развој на дејноста во студентскиот стандард за 2019 година, како и информацијата со Предлог за воспоставување регионални центри за стручно образование и обука.

Прикажи повеќе...

Македонија

Нацрт-планот за управување со природното и културното наследство во Охрид испратен до УНЕСКО

Објавено пред

Првата од трите јавни расправи за нацрт-планот за управување со природното и културното наследство на Охридскиот Регион 2019-2028 г. и за нацрт-извештајот за стратегиска оцена на животната средина за планот за управување со природното и културното наследство на Охридскиот Регион 2019-2028 година се одржа денеска во Скопје.

Министерот за животна средина и просторно планирање, Насер Нуредини, истакна дека на нацрт-планот заеднички работеле Министерството за животна средина и просторно планирање, Министерството за култура и Управата за заштита на културното наследство, а во процесот беа вклучени општините и други надлежни институции.

„Очекуваме во финализирањето на планот да се вклучат и надлежните институции од Албанија, со кои ја споделуваме одговорноста за управување со ова прекугранично мешовито светско наследство. Воедно, нацрт-планот и стратегиската оцена на животната средина се доставени за коментари и до центарот на светското наследство УНЕСКО“, рече Нуредини.

Министерот за култура, Хусни Исмаили, истакна дека станува збор за исклучително важни правни документи со чие донесување по 40 години од впишување на листата на светско наследство на УНЕСКО се прави вистинска пресвртница во пристапот за зачувување и одржливо и економско користење на потенцијалите на Охридскиот Регион.

Министерот без ресор задолжен за дијаспора, Едмонд Адеми, истакна дека еден од највисоките приоритети на владата е зачувување на статусот на Охридскиот Регион на листата на светско наследство на УНЕСКО.

„Чувствуваме должност, пред нашите граѓани пред сè, да не дозволиме понатамошно загрозување на природното и културното наследство на регионот и да воспоставиме систем за негово одржливо, стручно и организирано управување кое ќе спречи какво било уништување и узурпација на природните и културните ресурси на Охридскиот Регион“, рече Адеми.

Според него, планот и извештајот се многу важен сегмент и ја формираат рамката на сите понатамошни активности во заштитеното подрачје.

Нацрт-планот и стратегиската оценка веќе се испратени во Центарот за светско наследство на УНЕСКО и неговите советодавни тела, од кои се очекува стручно мислење и придонес во насока на подготвување на документи за Охридскиот Регион кои ќе бидат во целосна согласност со стандардите и препораките на УНЕСКО.

Јавни расправи за двата значајни стратегиски документи ќе се одржат и утре во Охрид и Струга.

Прикажи повеќе...

Најново

Македонија7 часа

Макрон го пречека Пендаровски во Париз

Претседателот на Франција, Емануел Макрон, го пречека македонскиот претседател Стево Пендаровски во Париз. „Вечерва имав чест да присуствувам на вечерата...

Свет8 часа

(Видео) Грета Тунберг има двојничка во Русија која сака да ја исчисти планетата

Говорот на активистката Грета Тунберг (16) за климатските проблеми наиде на силен одѕив во светот. Два месеца по нејзиниот говор...

Македонија13 часа

(Видео) Постигнат е договор за зголемување на платите на здравствените работнии

Постигнат е договор за зголемување на платите на здравствените работници и соработници, почнувајќи од февруари в година. Платите на лекарите...

Економија14 часа

Горивата поскапуваат

Бензините и дизелот од ноќеска на полноќ ќе поскапат за половина и за еден денар, соопшти Регулаторната комисија за енергетика....

Македонија14 часа

Забрана за работење на компанијата што го загадуваше воздухот во Кочани

Државниот инспекторат за животна средина го забрани работењето на компанијата што учествуваше во загадувањето на воздухот во Кочани. Инспекторатот на...

Македонија15 часа

Заев: Жал ми е ако обвинетиот добие казна бидејќи има малолетни деца, но таа вечер други деца можеа да останат без родител

„Му се извинувам и на премиерот и на сите загрозени таа вечер во Собранието на 27 април 2017 година. Бев...

Македонија15 часа

Одговорните и натаму бараат решение за најопасниот отпад што се чува во ОХИС

Винилхлоридот, една од најопасните материи, се чува на специјална температура, под 20 степени, затоа што е лесно запалива. Има физичко...

Македонија15 часа

Тимоние: До крајот на годината Франција ќе го ратификува протоколот за НАТО

Франција до крајот на годината ќе го ратификува протоколот за членството во НАТО, изјави францускиот амбасадор, Кристијан Тимоние. Одговарајќи на...

Македонија17 часа

Анализите покажаa метил акрилат мономер, но не во воздухот, туку во цевките

Во воздухот нема отровни супстанции, покажаа анализите на штипскиот универзитет по истекувањето во фабриката ОХИС. Траги од метил акрилат мономер...

Свет17 часа

(Видео) Хаос во Хонгконг: запален човек, полицијата пука со вистински куршуми

Еден постар маж е запален во Хонгконг, каде што полицијата претходно пукаше на демонстрантите за време на ескалацијата на насилството...

Македонија18 часа

Заев: Во Охрид договоривме мерки за подобар Западен Балкан

Во Охрид договоривме мерки за олеснување на движењето и брз проток на трговијата, услугите и граѓаните во сите земји од...

Економија18 часа

Истражување: Министерството за здравство потрошило 39 милиони евра за јавни набавки

Министерствата, владините секретаријати и Собранието просечно исполнуваат 55,2 отсто (од максимално можни 100 отсто) од критериумите за транспарентност, отчетност и...

Македонија18 часа

Одложено судењето за „Монструм“ поради смртен случај на поротничка

Во Кривичниот суд утрово беше одложено судењето за случајот „Монструм“ поради отсуство на поротничка што имала смртен случај. Судијата Огнен...

Европа19 часа

Руски историчар свирепо ја убил 40 години помладата љубовница

Познат руски историчар признал дека ја убил својата 23-годишна љубовница кога полицијата го фатила како под дејство на алкохол се...

Свет20 часа

Неколку земји го осудија пучот против Моралес, Мексико му нуди и азил

Претседателот на Венцуела, Николас Мадуро и шефот на мексиканската дипломатија Марсело Ебрард го осудија пучот против боливискиот претседател Ево Моралес....

Свет20 часа

(Видео) Вонредна состојба во Австралија поради пожарите во кои загинаа три лица

Властите во австралиските држави Квинсленд и Нов Јужен Велс прогласија вонредна состојба поради пожарите кои избија за време на викендот,...

Македонија20 часа

Пендаровски во посета на Франција, утре ќе разговара со Макрон

Претседателот Стево Пендаровски од денеска до 13 ноември ќе престојува во Франција каде што ќе учествува на Парискиот мировен форум,...

Европа1 ден

Бугарите и Хрватите се најнезадоволни граѓани во ЕУ

Бугарите и Хрватите се најнезадоволни граѓани во Европската Унија, покажа најновото истражување на Евростат. Просечната општа оценка на квалитетот на...

Свет1 ден

Демонстранти во Боливија запалија куќи на политичари

Претседателот на Народното собрание на Боливија, Виктор Борда, поднесе оставка откако демонстранти ја запалија неговата куќа. „Поднесувам оставка на местото...

Економија1 ден

Дубровник воведува петгодишна забрана за отворање нови ресторани

Градот Дубровник воведува петгодишна забрана за отворање нови ресторани, потврди градоначалникот, Мато Франковиќ. По ограничувањето на бројот на крузери во...

Досие