Контакт

Македонија

Димитров и Османи во Брисел на средба со Борел

Објавено пред

Заменик-претседателот на Владата задолжен за европски прашања, Никола Димитров, и министерот за надворешни работи, Бујар Османи, денеска во Брисел се сретнаа со потпретседателот на Европската комисија и висок претставник за надворешна и безбедносна политика на ЕУ, Жозеп Борел.

Во фокус на разговорот беше иднината на политиката на проширување на ЕУ, пред сè во контекст на случувањата по усвојувањето на новата методологија и можностите кои ги нуди за динамизирање на процесот, усогласувањето на Преговарачката рамка за Северна Македонија, важноста и придобивките од регионалната соработка и унапредувањето на добрососедските односи како клучни елементи за европската перспектива, како за земјата, така и за целиот регион.

Димитров и Османи го поздравија активниот ангажман на високиот претставник на ЕУ, Борел, за поддршка на европската перспектива на регионот, како и за покренатите иницијативи за обезбедување мир, стабилност и просперитет во земјите од Западниот Балкан. Во таа смисла, тие изразија особена благодарност за неговиот придонес кон усвојувањето на одлуката за отворање на преговорите со Северна Македонија од страна на Советот на ЕУ и потоа потврдена од Европскиот совет во март минатата година.

На средбата беше подвлечен фактот дека Северна Македонија има навистина голем број пријатели меѓу земјите членки, чии интереси за иднината на Европа се совпаѓаат со нашите – целосно интегрирање на Западниот Балкан за конечно комплетирање на Унијата.

Димитров и Османи нагласија дека Владата продолжува со реформите со цел да се задржи фокусот на реформските процеси како би се задржало позитивното досие за Северна Македонија.

Во однос на глобалните предизвици беше потенцирано дека земјите од Западниот Балкан покрај пандемијата, споделуваат заеднички предизвици со ЕУ и за миграцијата, борбата против организираниот криминал и тероризмот, борбата против дезинформации и хибридни закани, климатските промени, дигитализацијата и сл. Соговорниците се согласија дека успехот на европскиот проект зависи токму од солидарноста и сојузништвото, кои ќе значат потврда за споделените перспективи.

Од страна на ВП Борел беше поздравено високото ниво на усогласување на Северна Македонија кон заедничката надворешна и безбедносна политика на ЕУ.

Средбата на Димитров и Османи со Борел доаѓа во исклучително важен момент за процесот на проширување на Европската Унија и во таа насока соговорниците се согласија дека започнувањето на преговорите со Северна Македонија ќе придонесе за задржување на кредибилитетот на ЕУ во целиот регион.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Пристигна првата пратка од руските вакцини во Македонија

Објавено пред

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот амбасадор во земјава, Сергеј Баздникин ги пречека вакцините.

Вакцините кои се наменети за три илјади граѓани, се во соодветно пакување, ладен ланец, со запазување на температурите.

Министерот Филипче рече дека со овие 3.000 вакцини ќе продолжи процесот на имунизација во земјава.

„ Пристигна првата пратка на руските вакцини. ова е количина од 3.000 дози што ќе овозможи континуитет на имунизацијата. Голема благодарност до амбасадорот за неговиот личен ангажман да ги добиеме вакцините што побрзо во земјава. Продложува процесот на имузација во доменот на здравствените работници и според индикацијата и на граѓани и онака како што е предвидено во националниот план за вакцинација“ изјави Филипче.

Тој нагласи дека ќе продолжи комуникацијата со Русија за добивање на другите вакцини.

Амбасадорот Бездникин рече дека е убеден оти ова ќе биде од голема важност за спасување на човечките животи, но и враќање на македонската економија во траекторијата на раст.

„Ние секогаш сме подготвени да им помогнеме на македонските граѓани со кои уживаме во вековните традиции на пријателство и споделуваме заеднички вредности. Имаме многу конструктивна соработка со Владата на РСМ и сме спремни да ја прошируваме врз нови области на основа на еднаквост и взаемно почитување на интереси“, рече тој.

Прикажи повеќе...

Македонија

Таравари: Денес почитувајте ги наставниците за утре да бидете горди на вашите деца

Објавено пред

Коалицијата Алијансата за Албанците и Алтернатива ги повикува сите државни институции коишто имаат одговорност за раководење на условите на наставниците, Министерството за Образование и сѐ што е во состав на министерството, да ги тргнат рацете на партијата и преференциите на власта од училиштата и наставниците.

Според нив, наставниците треба да поседуваат апсолутна автономија во интелектуалниот и педагошкиот третман на учениците. Сметаат дека платите на наставниците треба да бидат повисоки, бидејќи, како што велат, тие имаат посебно место во општеството, место за кое благодарноста трае цел живот.

„ Ништо не е поитно од консолидирањето на еден добар образовен систем. Образованието е во опасност, ова е аларм којшто не може да се реши со никаква вакцина ако државата не интервенира.

Сигурни сме дека на овој наш повик се придружуваат стотици и илјади родители кои независно од јазикот, религијата или нацијата се сите посветени за промена на статусот на наставниците, на коишто треба да им се врати нарушеното достоинство….Денес почитувајте ги наставниците за утре да бидете горди на вашите деца!“ рече Таравари на прес-конференција.

Прикажи повеќе...

Македонија

(Видео) Кузеска: Мицкоски нема капацитет за заедништво, пратениците од ВМРО-ДПМНЕ да престанат со блокади

Објавено пред

Губитникот Христијан Мицкоски, главниот кочничар на сите процеси кои ја носат државата напред, реди порази во низа. Мицкоски многупати покажа дека нема никаков капацитет за заедништво, ниту сака да придонесе за доброто на државата, изјави портпаролката на СДСМ, Богданка Кузеска.

„ Слепо воден од наредбата да го брани криминалот на Мијалков и на Груевски, Мицкоски од петни жили ја кочеше правдата во државата. Им служеше на тие кои го поставија. Застана против Законот за Јавно обвинителство, против правна разврска на предметите од СЈО, но не му успеа. Мицкоски беше поразен, патот на правдата е чист, изречени се и судски пресуди.

Мицкоски работеше против референдумот и се обиде да го закочи напредокот кон НАТО, кон ЕУ. И повторно беше поразен. Станавме 30 земја членка на НАТО, Мицкоски не успеа.

Мицкоски ќе остане запаметен како единствен, осамен, во македонското Собрание кој не ракоплескаше на големиот успех кога Република Северна Македонија стана 30-та земја членка на НАТО“ истакна Кузеска.

Таа додаде дека преку своите министри и заменици министри во техничката Влада, Мицкоски работел на штета на институциите кои се бореа со вирусот. Според неа, ниту во време на светска здравстена криза, кога државата почнува да живее тешки денови, Мицкоски не покажал капацитет за сплотеност, за заедничка работа во интерес на граѓаните и придонес за државата.

„ Напротив. Мицкоски правеше се да ги поткопа напорите на здравствените работници, на надлежното министерство, на Владата, ширејќи лажни вести со цел да создаде паника кај населението. Дрско и кукавички седејќи во белата палата, го злоупотребува Собранието преку своите пратеници, да ги кочи сите важни процеси за иднината на државата. И повторно беше поразен. Мицкоски со месеци ги лажеше граѓаните за неговата фатаморгана дека има мнозинство и ќе стане премиер. Неговите нечесни лаги се распрнаа како меур од сапуница, Мицкоски доживеа уште еден дебакл во Собранието, кога се изгласа доверба на Владата предводена од Зоран Заев“ рече Кузеска.

Таа порача дека од пратениците од ВМРО-ДПМНЕ очекува да го прекинат синџирот на деструктивните желби на Мицкоски и да застанат на страната на граѓаните и на државата.

Прикажи повеќе...

Најново

Македонија15 минути

Пристигна првата пратка од руските вакцини во Македонија

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот...

Регион27 минути

Во Србија над 3.000 новозаболени и 20 починати

Според последните информации, во Србија биле регистрирани 3.042 новозаболени лица, а 20 лица починале. Во последните 24 часа биле тестирани...

Европа49 минути

Скандал во Бундестагот: Пратеници оствариле профит од трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на...

Свет1 час

Семејства на починати од коронавирус го тужат британскиот премиер

Британскиот премиер Борис Џонсон, го тужат околу 2.000 семејства кои изгубиле еден или повеќе членови на семејството поради коронавирусот. Досега...

Македонија2 часа

Досега попишани 32.752 лица од дијаспората

Државниот завод за статистика соопшти дека досега се попишани 32752 лица од дијаспората. Оттаму велат дека бројот на попишани расте...

Македонија2 часа

Лекарска комора: Ковид може да предизвика сериозни стомачни крварења, да не се занемарат симптомите

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се...

Македонија3 часа

(Видео) Пресечени меѓународни канали за транспорт на дрога

Министерството за внатрешни работи во текот на вчерашниот ден (06.03.2021) во две одделни акции пресече два канала за меѓународен транспорт...

Европа3 часа

Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата...

Македонија5 часа

Земјотрес почувствуван во Дебар, Гостивар и Маврово

Земјотрес со јачина од три степени според Европската макросеизмичка скала синоќа во 22 часот и 43 минути бил почувствуван од...

Свет6 часа

Папата пристигна во Мосул

Папата Франциско денеска пристигна во ирачкиот град Мосул, каде ќе се моли во разурнатите цркви, кои беа уништени од терористичката...

Македонија6 часа

Денеска пристигнува првата пратка од руските вакцини

Денеска на Скопскиот аеродром треба да пристигне правата пратка од вакцини против Ковид-19 „Спутник В“, што Владата ги купи од...

Свет7 часа

Откриен нов „застрашувачки“ сој: високозаразен и ја намалува ефикасноста на вакцините

Научниците во американската држава Орегон открија нов многу заразен вид на ковид, кој првпат се појави во Велика Британија. Сепак,...

Свет19 часа

Русија во разговори со СЗО за итна употреба на вакцината „спутник В“

Рускиот министер за здравство Михаил Мурашко денеска разговараше со генералниот директор на СЗО за барањето на Русија за итно одобрување...

Македонија21 час

Мицкоски од инфективна: Ќе се спасите од мене само ако не се разбудам утре

Лидерот на ВМРО-ДПМНЕ, Христијан Мицкоски се огласи од инфективната клиника, каде се лекува од коронавирус. Тој порача дека овој ден...

Топ23 часа

Загина градежен работник во Гевгелија паѓајќи од скеле

Градежен работник од Богданци паднал од скеле и починал на лице место, додека работел на објект во изградба во Гевгелија....

Македонија23 часа

Тодоров: Мицкоски не само што е пречка за обединување на ВМРО, туку е пречка и за обединување на македонскиот народ

Поранешниот министер за здравство Никола Тодоров се обрати до членството на ВМРО-ДПМНЕ и повика на обединување. „ Почитувани граѓани, почитувани...

Македонија1 ден

Вакцинацијата со руската вакцина во Македонија ќе почне в среда

Вакцинацијата со руската вакцина „спутник в“ во Македонија ќе почне в среда, најави министерот за здравство, Венко Филипче. Вакцините ќе...

Македонија1 ден

(Видео) Ѓорчев: Кенија, Руанда, Судан, Гамбија и Сенегал набавија вакцини, фијаско на Заев и Филипче

Владимир Ѓорчев од ВМРО-ДПМНЕ ги обвини премиерот Зоран Заев и министерот за здравство, Венко Филипче, за фијаско со набавката на...

Топ1 ден

Во Тетово приведен наркодилер баран од германската полиција

Полицијата во Тетово приведе 30-годишен наркодилер по кого Интерпол Германија има распишано потерница. Според информациите на МВР, вчера полициски службеници...

Македонија1 ден

Затворена чајџилница во Гостивар, приведен сопственикот

Полицијата затекна 11 гости во чајџилница во Гостивар, после 21 часот. Сопственикот е приведен и против него ќе биде поднесена...

Досие