Контакт

Македонија

Димитров: Немам доверба во Османи, тој сака спорот со Бугарија да се реши по секоја цена

Објавено пред

Вицепремиерот за европски прашања, Никола Димитров, кажа дека бил пречка за лошо решение со Бугарија, а посочи дека нема доверба во министерот за надворешни работи, Бујар Османи.

Според Димитров, министерот Османи сакал успех по секоја цена за да се реши прашањето со Бугарија.

Димитров додаде: „Прашањето е поважно од Владата, од оваа, од следната, од сите“.

„Да, немам целосна доверба во министерот за надворешни работи во однос на прашањето со Бугарија, со оглед на моето искуство на интерните координации, средбите во Брисел. Имам чувство дека таму има ‘драјв’ за успех по секоја цена, што мислам дека е опасен и непродуктивен. Можеби грешам и се надевам дека грешам“, кажа Димитров.

Посочи дека македонскиот јазик е интимна работа и е наш, а државата е независна, па затоа, право и должност е достоинството да се зачува.

Тој кажа дека одбил понуда да биде амбасадор во Вашингтон и рече: „Тоа не само што ќе ме тргнеше од дома, туку и ќе ми го врзеше зборот“, додавајќи: „Има причини и потреба од посебна будност за ова прашање“.

„Прочитав од портали, па дознав од амбасадори, па имав средба со мандатарот Ковачевски, така дознав. Одговорноста значи да бидете гласен внатре. Од друга страна, мислам дека има јавен интерес за овие работи да се зборува отворено. Чекав бидејќи мислам дека беше важно да не се повлечам самиот. Можеби ќе беше полесно да кажам дека не се гледам во новата Влада, но беше важно мандатарот да каже. За сите работи ќе зборувам отворено, свесен за одговорноста и значењето на прашањето никогаш нема да наштетам, но ќе ја следам работата“, додаде Димитров.

Тој посочи дека позициите кои денес ги искажал ги има од самиот почеток.

„Обидот да има заострување на позицијата не успеа во смисла на споменување на бугарската заедница во нашиот Устав и тоа да биде направено пред да почнат пристапните преговори го нема во заклучоците. Но позициите се држат такви какви што беа од самиот почеток. Како држава треба да се прашаме дали е умно, мудро толку голема енергија да ставаме во ова прашање. Мислам дека ќе биде мудро да останеме отворени за дијалог, но не да бидеме преокупирани во јануари или јуни, туку енергијата да си ја вложиме дома. Мислам дека огромен дел од нашата енергија мора да оди дома, за ова прашање треба да сме спремни за достоинствен дијалог, а нашите позиции да ги темелиме на европските принципи и меѓународното право. Ние сакаме да сме пријатели со Бугарија, но мора да нè почитуваат“, посочи Димитров.

Најави дека ќе биде брутално остар, а прашањето е преважно за да има политички суети.

За одговорот на 5+1 точките до Бугарија кои беа услов за почеток на преговори со ЕУ, Димитров вели:

„Одговорите беа предмет на тешки консултации, интерни, од наша страна. На крајот успеавме да изградиме заеднички став. Ако решението се темели на тие одговори, ќе имаме достоинствено решение на проблемот. Јас инсистирав и нова точка, Бугарија да се обврзе дека ќе ја одобри преговарачката рамка, дека ќе даде зелено светло за првата меѓувладина конференција. Тоа влезе во одговорот“, додаде Димитров.

Во планот 5+1 за деблокада на македонските евроинтеграции, Бугарија на Македонија ѝ постави неколку услови, меѓу кои немешање во внатрешните прашања во државите, воведување конкретни механизми за спречување на говорот на омраза, продолжување на работата на комисиите, но и вметнување на Бугарите во македонскиот Устав.

Димитров вели дека и на седниците на Владата имало различни мислења во однос на важни прашања, посочувајќи дека лојалноста е проблем за коалицијата на СДСМ и додаде:

„По оставката на Заев, дел од нашите меѓународни пријатели се јавија со поддршка јас да ја преземам Владата, пораки кои не беа прифатени со следново објаснување кажано на дел од вас новинарите: сум бил нереален идеалист, премногу принципиелен и не сум се разбирал од меѓупартиски пазари. За мене овие критики се комплименти иако за овие политички особини нема во идната Влада, мора да им најдеме место во македонската политика и македонското општество“.

„Апсолутна почит за македонскиот јазик, како еднаков на сите јазици, како и европска интеграција потпрена врз столбови и критериуми. Поддршката што С Македонија ја има од 26 земји членки во однос на македонските позиции кон соседна Бугарија не падна од небо, на неа работев посветено и постојано, тоа го признаваат и во Софија. Кому и зошто пречат резултатите од таа работа, можеби и не е тешко да се претпостави. Не е тајна дека моите позиции беа различни на многу теми – од мерките против пандемијата, преку ставови за легализација на дивоградбите, медиумските политики, јавни конкурси за важни позиции наместо партиски пазари, па сè до главното казнивост и одговорност“, кажа Димитров.

Македонија

Каевски избран за потпретседател на Парламентарното собрание на Советот на Европа

Објавено пред

Пратеникот од редовите на СДСМ, Дарко Каевски е избран за потпретседател на Парламентарното собрание на Советот на Европа.

Потпретседателите го менуваат претседателот кога тој не е во можност да заседава со седницата, а по функција се и членови на Бирото на Собранието – тело кое ги координира активностите на Собранието и на комисиите.

Каевски исто така е и шеф на делегацијата на Собранието на Република Северна Македонија во Парламентарното собрание, објаснуваат од СДСМ.

Додаваат дека овие денови Парламентарното собрание на Советот на Европа ја одржува редовната зимска сесија каде на дневен ред се повеќе важни за државите во Европа.

Прикажи повеќе...

Македонија

Писмо со закани по живот од терористичка организација добил јавниот обвинител Јовески

Објавено пред

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година во 10:26 часот, добил закана по неговиот живот.

„Препорачаната пратка со заканата е напишана на македонски и на англиски јазик. Заканата се однесува на конкретен кривичен предмет по кој постапката е завршена во декември 2021 година, со тоа што во предметот е донесена резолуција со која постапката е запрена бидејќи е утврдено дека нема место за јавнообвинителско постапување“, стои во писменото известување.

Заканата, како што се наведува во писмата, е од терористичка организација која се бори и убива за неправда и нејзините членови се подготвени да гинат за целите на организацијата, информираа од Jавното oбвинителство.

„Јавниот обвинител на Северна Македонија истакнува дека се залудни ваквите закани и во оваа пригода нагласува дека заканите, па дури и да се по живот, нема да го поколебаат во примената на законите и во професионалното и одговорно постапување на Јавното обвинителство“, е наведено во писмениот допис.

Пратката, велат од оваа институција, ќе биде доставена до Министерството за внатрешни работи заради испитување на содржината на наводите и лицето кое ја експедирало пратката.

Јавниот обвинител ја става на увид на јавноста содржината на писмената пратка која ја доби на 26.1.2022, посочуваат од институцијата.

Прикажи повеќе...

Македонија

Претпладне облачно, попладне потопло со сончеви периоди

Објавено пред

Утрово најниската температура од -12 степени била измерена во Маврови Анови и Попова Шапка, -8 степени во Охрид, Крушево, Дебар и Тетово, -7 во Претор, -4 во Берово и Битола, -3 во Прилеп и Крива Паланка, -2 степени биле измерени во Штип и Виница, -1 степен во Куманово, Струмица и Скопје – Зајчев Рид, 0 степени во Демир Капија, 3 во Гевгелија.

Снежната покривка во 7 часот изнесувала 13 сантиметри во Пожаране, 11 во Крушево, 7 во Крива Паланка, 5 сантиметри во Охрид, 4 во Ѓуриште, 3 во Битола и Тетово, 2 во Берово.

Времето денеска претпладне ќе биде со умерена до значителна облачност, освен на запад каде што ќе преовладува сончево време. Попладне облачноста ќе се намалува. По должина на Повардарието и во источните делови ќе дува слаб до умерен северен ветер. Максималната температура ќе достигне од -2 до 8 степени.

Во Скопје ќе имаме умерено до значително облачно време, попладне со сончеви периоди. Ќе дува слаб до умерен северозападен ветер. Максималната температура ќе достигне 3 степени.

Прикажи повеќе...

Најново

Македонија1 час

Писмо со закани по живот од терористичка организација добил јавниот обвинител Јовески

Државниот јавен обвинител извести дека во текот на вчерашниот ден, преку препорачана пратка експедирана од Пошта Битола на 17.1.2022 година...

Европа2 часа

Данска ги укинува сите ограничувања, короната е исклучена од категоријата на критични болести

Данските власти донесоа одлука за исклучување на Ковид-19 од категоријата на критични болести, а од 1 февруари ќе бидат укинати...

Европа3 часа

Војник застрелал петмина стражари во фабрика за оружје во Украина

Војник на украинската национална гарда од засега непознати причини пукал во припадници на обезбедувањето во воена фабрика во Днепар, при...

Македонија16 часа

Наставата продолжува со физичко присуство на 1 февруари

Владата донесе одлука наставата во основното и средното образование на учениците да продолжи со физичко присуство на 1 февруари. Оваа...

Македонија16 часа

Се намалува периодот на карантин на седум дена

Владата на денешната седница донесе одлука за намалување на периодот на изолација за лицата кај кои лабораториски е утврдено присуство...

Македонија18 часа

Нови 2.019 случаи на коронавирус, починаа 19 лица

Во последните 24 часа направени се 6.119 теста, а регистрирани се 2.019 нови случаи на Ковид-19: Скопје – 968, Битола...

Македонија18 часа

ЦУК апелира до граѓаните да не се движат под опасната карпа на Матка, се преземаат активности за превенција

Центарот за управување со кризи апелира до граѓаните да не се движат на местото под опасната карпа на Матка, поточно...

Топ19 часа

(Видео) Разбиена криминална група, запленетa марихуана вредна 50.000 евра

Основното јавно обвинителство за гонење организиран криминал денеска донело наредба за истрага против три лица за кои постои сомнение дека...

Македонија21 час

Преку снимки од надзорните камери околу мостот Гоце Делчев ќе се расветлуваат причините за несреќата

Обвинител од скопското основно јавно обвинителство извршил увид и презема дејствија за утврдување на фактите за настаната тешка сообраќајна несреќа...

Топ22 часа

Пешак прегазен пред мостот Гоце Делчев

Тешка сообраќајна несреќа се случила денеска, нешто по 11 часот, во центарот на Скопје. Пешак бил прегазен во близина на...

Македонија22 часа

Мицевски: Бараме укинување на Пржинската влада

Дополнување на дневниот ред, со точка за предлог-закон за изменување на Законот за Владата на Република Македонија по скратена постапка,...

Топ22 часа

Фатална сообраќајка во Лисиче – загина возач, а тешко повредена е неговата 15-годишна ќерка

Дежурен обвинител од скопското Основно јавно обвинителство извршил увид на местото на тешка сообраќајна несреќа што се случила синоќа околу...

Македонија23 часа

Лекарската комора бара промени на казнената регулатива на Фондот

Лекарската комора остро реагира на наплатата на изречените казни за матичните лекари од страна на Фондот за здравствено осигурување. Оттаму...

Свет1 ден

Италијанските болници одбиваат да лекуваат невакцинирани пациенти, новинари снимиле со скриена камера

Италијанските болници одбиваат да ги лекуваат и оперираат невакцинираните и оние кои не биле заразени. Откако минатата недела во емисијата...

Македонија1 ден

Загадениот воздух предизвикува над 30.000 предвремени смртни случаи во Западен Балкан

Загадувањето на воздухот во Западен Балкан предизвикува голем број предвремени смртни случаи, а последиците вклучуваат пократок животен век и влошување...

Свет1 ден

Русија почна големи поморски вежби во Арктикот

Руски воени бродови денеска влегоа во Баренцовото Море за да вежбаат заштита на главната рута на бродскиот сообраќај на Арктикот,...

Свет1 ден

Холандија ги олабавува мерките и покрај силниот бран на инфекции – кафулињата и рестораните ќе работат до 22 часот

Холандија од денеска отвора ресторани, театри, музеи и кина и покрај силниот бран на инфекции со варијантата омикрон на коронавирусот,...

Свет1 ден

СЗО: Бројот на заразени со Ковид-19 во светот надмина 350 милиони

Вкупниот број на потврдени случаи со Ковид-19 ширум светот надмина 350 милиони, додека бројот на починати надмина 5,6 милиони, соопшти...

Регион2 дена

Возачот е виновен за автобуската несреќа на „Струма“, заклучи бугарското Обвинителство

Бугарското Обвинителство ја заврши истрагата за автобуската несреќа на автопатот „Струма“, во која загинаа 45 македонски државјани. Заменик-главниот обвинител Борислав...

Регион2 дена

Милановиќ: Хрватски војници нема да одат во Украина

Претседателот на Хрватска, Зоран Милановиќ, денеска изјави дека ако дојде до ескалација, Хрватска ќе ги повлече сите свои војници од...

Досие