Контакт

Македонија

Димитров: Имаме голема поддршка од Романија за евроинтегративниот процес

Објавено пред

На покана на министерот за надворешни работи на Романија, Теодор Мелешкану, министерот за надворешни работи, Никола Димитров, вчера и денеска престојува во официјална посета на Романија.

За време на пленарните состаноци на двете делегации, предводени од министрите Димитров и Мелешкану, се разговараше за севкупните билатерални односи меѓу двете држави, кои беа карактеризирани како одлични и пријателски, а беа предложени и нови иницијативи за натамошно развивање на економската соработка, но и во областа на други значајни сектори. Беа разменети мислења за иднината на регионот и регионалната соработка.

Постои задоволство за динамиката со која се развиваат билатералните односи, при што би се издвоила соработката во областа на европските интеграции, кое може да се огледа и од денешното потпишување на меморандумот за соработка меѓу министерствата за надворешни работи на двете држави во областа на европските интеграции.

Министерот Димитров се заблагодари за цврстата поддршка на Романија за членството во ЕУ и НАТО, нагласувајќи дека согласно својот демократски и реформски исчекор, Северна Македонија очекува добивање  одлука за почеток на пристапните преговори со Европската Унија.

„Традиционално блиските билатерални односи со пријателска Романија се потврдуваат и со големата поддршка што ја добиваме за нашиот евроинтегративен процес. Заложбите на Романија за почнување преговори со ЕУ за време на нивното претседавање се повеќе од мотивирачки”, рече Димитров.

Слични пораки беа упатени и за време на средбата со министерот за европски прашања, Џорџ Чамба, на која детално се разгледуваа очекувањата од јунскиот Совет на ЕУ и уште еднаш од романската страна беше истакната цврстата волја и посветениот ангажман за добивање одлука за преговори за време на нивното претседавање со Советот на ЕУ.

Димитров имаше средба и со потпретседателот на Долниот дом на романскиот парламент, Кармен-Илеана Михалческу. МНР Димитров упати благодарност до сите свои соговорници и за брзата ратификација на Пристапниот протокол за членство во НАТО од страна на романскиот парламент. Со заменик-претседателот на Домот на пратениците, Михалческу, се разговараше и за унапредување на парламентарната соработка меѓу двете земји, при што од романска страна беше изразена подготвеност за размена на искуства и поинтензивен билатерален дијалог. Беа разменети информации за очекувањата од претстојните ЕУ-избори.

„Северна Македонија е особено задоволна за одличната синергија меѓу приоритетите на романското претседавање со Советот на ЕУ и стратешките цели и приоритети на нашата држава, како борбата против расизмот и ксенофобијата и охрабрување на толеранцијата и солидарноста, што е на линија на нашите залагања за европеизација на нашето општество“, рече Димитров.

Во продолжение на официјалната посета, министерот ќе има обраќање на Националната школа за политички студии и јавна администрација, на темa „Политичката транзиција во Северна Македонија и нејзиното членство во НАТО и ЕУ“, како и гостување на телевизискиот канал DIGI 24, во емисијата Дипломатски пасош.

Македонија

Благајничката на Камчеви: Со обезбедување дојдов во менувачницата а парите ги направив во евра

Објавено пред

По паузата во Кривичниот суд во Скопје продожи судењето за предметот „Рекет”, сведочеше благајничката на семејството Камчеви, Мирјана Бошковска. Таа била девизен референт и благајничка во фирмите на Камчеви.

На прашање на обвинителката Вилма Русковска, Бошковска одговори дека во декември 2018 и февруари 2019 година вадела поголема сума пари од сметките на Ана Камчева, Ратка Камчева и Христина Камчева. Во три наврати извадила 12 милиони, и уште двапати по пет милиони денари.

“Вадев поголема сума од приватната сметка на Ана Камчева и Ратка Камчева. Јас тие пари требаше да ги направам во евра” рече сведокот.

Таа кажа дека во февруари 2019 година извадила од сметките на сестрата и мајката на Камчеви, 18 и 21 милион денари.

“Со обезбедување дојдов во менувачницата и ги направив во евра. Влегов од задната врата. Парите ги средивме со спецификација по апоени. И си отидов пак од задната врата”, рече Бошковска.

Таа кажа дека не го видела ниту еднаш Бојан Јовановски и дека ги видела снимките од броењето на парите. Додаде дека се сеќава оти 80% од парите биле со банкноти од по 50 евра и дека спецификацијата не била по сериски броеви, туку по банкноти.

Следното рочиште за „Рекет” е закажано за 25 декември кога треба да сведочат Зоранчо Митровски, Томе Главчев и Влатко Бошков.

Прикажи повеќе...

Македонија

Заев и Борисов си закажале средба по Нова година, конкретни чекори за договорот со Бугарија по изборите

Објавено пред

Премиерот Зоран Заев и бугарскиот премиер Бојко Борисов вчерашната куса средба на носачот на авиони „Хари С. Труман“ ја искористите да си закажат нова средба, по Нова година на која ќе се обидат да најдат решение за напредок за блокираните преговори за историските прашања, брифираат извори од Влада.

На последниот состанок Комисијата за историски и образовни прашања меѓу Македонија и Бугарија не најде решение за средниот век во учебниците и за чествувањето на Гоце Делчев.

„Ќерката на премиерот студира во Софија. Тој планира да ја посети, а посетата ќе ја искористи и за средба со премиерот Бојко Борисов. Тој повеќе нема да е премиер, но на средбата ќе оди како политичар. На средбата е можно да дојде и министерот Никола Димитров, а планот е да поразговараат како во иднина да го одблокираат процесот на преговори. Конкретни чекори ќе има по изборите оти не е пожелно за време на избори да се решаваат вакви прашања“, велат од Владата.

Преговорите се во ќор-сокак, како што велат од Владата, поради тоа што сите сакаат од овие преговори да излезат како победници, посебно по прашањето за Гоце Делчев.

Прикажи повеќе...

Македонија

Град Скопје: Преку заеднички часови до подобра меѓуетничка интеграција на младите

Објавено пред

Во организација на Град Скопје и Министерството за образование и наука, денеска се одржа промоција на настанот за заеднички ученички часови со ученици што не учат на исти наставни јазици.

На настанот присуствуваа градоначалникот на град Скопје, Петре Шилегов, министерот за образование и наука, Арбер Адеми, претставникот на Канцеларијата на УСАИД во Северна Македонија, Ерик Јановски, шефот на Мисијата на ОБСЕ во Скопје, Клеменс Која, како и ученици, наставници и претставници од образовните институции.

„Чест ми е што Град Скопје е домаќин на овој свечен настан на кој ги прославуваме заедничките достигнувања во промовирањето соживот кај нашите деца и зајакнувањето на меѓуетничката кохезија во училиштата. Денеска сме сведоци на напредокот на овие ученици и наставници, кои се доказ за тоа дека кога се работи со голем ентузијазам, нема недостижна цел! Jа почнавме оваа иницијатива за заеднички часови со ученици, кои инаку не учат на исти наставни јазици, затоа што, за жал, се чини дека вообичаено фокусот е на тоа колку сме различни и поделени. Меѓутоа, убедени сме дека само недостигот на позитивна интеракција меѓу младите од различни етнички заедници е тоа што води до недоразбирања, поделби и сегрегација. Кога учат заедно децата, кога се вклучуваат во разновидни активности заедно, самите може да видат дека сите не сме исти, секој си со свои посебни карактеристики, но дека имаме исти интереси и исти цели“, рече Шилегов.

Тој додаде дека верува во направениот прогрес во напорите да се намалат бариерите и да се изградат мостови меѓу младите од разните етнички заедници во средните училишта.

„Идејата на заедничките часови има цел да ги охрабри младите да ги почитуваат различностите, и тоа не само во рамките на образовниот систем, туку во сите области од животот бидејќи тоа е вистинскиот пат. Град Скопје неодамна едногласно донесе и стратегија за меѓуетничка интеграција во образованието со цел во иднина уште поактивно да продолжиме да работиме во оваа област бидејќи младите се нашата иднина“, истакна Шилегов.

Шилегов посочи и дека во овој процес многу важна и благородна улога имаат и наставниците бидејќи тие се во секојдневен контакт со учениците и се нивен модел за меѓусебно почитување, разбирање и соработка.

„Наша улога како општина е да ги поддржуваме наставниците во заложбите, но и да обезбедиме услови за нивно успешно работење. Токму затоа како градоначалник и домаќин упатувам срдечна благодарност до наставниците и до директорите на училиштата, како и до УСАИД, ОБСЕ и МЦГО за несебичната поддршка што ја даваат за создавање поволни услови за меѓуетничка кохезија и квалитетно одвивање на образовниот процес во нашите училишта. Оваа иницијатива е наша неизмерна гордост, но исто така и уште поголем стимул да продолжиме активно да го промовираме соживотот и да ги негуваме демократските вредности кај младите генерации“, рече Шилегов во своето обраќање.

Во учебната 2018/2019 година заедничките часови се реализираат во четири средни стручни училишта во град Скопје: СЕПУГС „Арсени Јовков“, АСУЦ „Боро Петрушевски“, СУГС „Браќа Миладиновци“ и СГГУГС „Здравко Цветковски“. Оваа учебна година се вклучија и две дополнителни училишта: СУГС „Јосип Броз Тито“ и СУГС „Димитар Влахов“.

Целта на заедничките часови во редовната настава, во кои учествуваат млади од разни етнички заедници, е да се подобрат меѓуетничката соработка и интеграцијата меѓу нив, како и да се зајакнат нивните граѓански и демократски вредности. Во второто полугодие на учебната 2018/2019 година се реализираа над 700 заеднички часови, во кои учествуваа над 450 ученици.

На промоцијата на заедничките ученички часови со ученици што учат на различни наставни јазици се обратија министерот за образование и наука, Арбер Адеми, претставникот на Канцеларијата на УСАИД во Северна Македонија, Ерик Јановски, шефот на Мисијата на ОБСЕ во Скопје, Клеменс Која, раководителката на Секторот за образование на Град Скопје, Даниела Адамова, како и претставници од образовните институции.

Настанот беше организиран во соработка со Проектот на УСАИД, преку Проектот за меѓуетничка интеграција на младите во образованието, спроведуван од Македонскиот центар за граѓанско образование (МЦГО) и Мисијата на ОБСЕ во Скопје.

Прикажи повеќе...

Најново

Македонија7 минути

Благајничката на Камчеви: Со обезбедување дојдов во менувачницата а парите ги направив во евра

По паузата во Кривичниот суд во Скопје продожи судењето за предметот „Рекет”, сведочеше благајничката на семејството Камчеви, Мирјана Бошковска. Таа...

Македонија1 час

„Екосвест“: ТЕЦ „Битола“ ги надминува дозволените вредности за емисии на токсични супстанции

Државите од Западен Балкан ги надминуваат граничните вредности за емисии во воздухот од термоелектраните на јаглен договорени со Енергетската заедница...

Македонија3 часа

Руте: Албанија не е подготвена, а Северна Македонија е поблиску до почнување преговори со ЕУ

Холандија не се спротивставува на проширувањето на ЕУ, рече премиерот на Холандија, Марк Руте, кој верува дека Албанија во моментот...

Македонија3 часа

Камчева: Боки 13 беше како специјален јавен обвинител, тој знаеше сè

Во продолжението на судењето за случајот „Рекет“, сопругата на Орце Камчев, Ана Камчева, рече дека 350 илјади евра за рекет...

Македонија3 часа

(Видео) Сведок во „Еразмус“: Шуклев бараше секс или пари од студентки за преодна оценка

Ексвработениот во бифето на Економскиот факултет, Дејан Трајковиќ, кој е сведок во случајот „Еразмус“, во судницата рече дека професорот Бобек...

Македонија3 часа

(Видео) Заев и Шекеринска: Овој носач на авиони веќе е дел од нашата одбрана

Претседателот на Владата, Зоран Заев, и министерката за одбрана, Радмила Шекеринска, оценија дека сме дел од најмоќната воена и политичка...

Македонија3 часа

(Видео) Камчева: Во стан во Капиштец ми бараа милиони евра за сопругот

Сопругата на бизнисменот Орце Камчев, Ана Камчева, го почна сведочењето за случајот „Рекет“. Камчева рече дека на 9 ноември 2018...

Свет4 часа

Ардерн: Има прашања што мора да бидат одговорени, размерите на трагедијата се катастрофални

Премиерката на Нов Зеланд, Џакинда Ардерн, истакна дека има прашања што мора да бидат поставени и одговорени по ерупцијата на...

Свет5 часа

Военото воздухопловство на Чиле потврди дека авионот се урнал, во тек е потрага

Военото воздухопловство на Чиле соопшти денеска дека воениот авион, кој претходно синоќа исчезна од радарот, се урнал. Воздухопловството се огласи...

Свет5 часа

Пукање во болница во Чешка, најмалку шестмина убиени

Шест луѓе се убиени во пукање во болница во Чешка, објави Би-би-си. Нападот се случил утрово околу 7 часот. Полицијата...

Свет6 часа

Заврши самитот на Нормандската четворка, сите се задоволни од состанокот

Во Елисејската палата во Париз синоќа заврши самитот на лидерите на Нормандската четворка, а францускиот претседател Емануeл Макрон оцени дека...

Македонија17 часа

(Видео) Заев, Шекеринска и Џафери на носачот на авиони ,,Хари Труман“ се сретнаа со адмирал Џејмс Фого

Премиерот Зоран Заев, вицепремиерката и министерка за одбрана Радмила Шекеринска и претседателот на Собранието Талат Џафери слетаа на носачот на...

Регион21 час

Рама ги повика граѓаните да не ги оштетуваат намерно објектите

Премиерот на Албанија, Еди Рама, денеска го достави првиот прелиминарен извештај за земјотресот што погоди делови од земјата на 26...

Топ22 часа

Пешак загина во сообраќајна несреќа во Штип

Пешак почина во сообраќајна несреќа што се случи синоќа на магистралниот пат Делчево – Штип, на влезот во селото Облешево. Од...

Македонија22 часа

Кривични за вработени во Бирото за метрологија поради злоупотреба на службената положба

Надворешната канцеларија за криминалистички работи Кичево поднесе кривична пријава против Н.П(39), М.Т.(54) и И.Т.(51), сите од Скопје, вработени во Бирото...

Македонија22 часа

Мицкоски: Ако не се одржат предвремените избори ќе ги преиспитаме односите со Пендаровски

Одложувањето на предвремените парламентари избори кои беа договорени да се одржат на 12 април, според ВМРО-ДПМНЕ ќе ја втурнат државата...

Македонија1 ден

Приведен 49-годишен скопјанец кој на Фејсбук му се заканувал на Заев

Секторот за компјутерски криминал ќе поднесе кривична пријава против 49-годишен скопјанец, поради објавени сериозни закани по животот на Фејсбук, насочени...

Регион1 ден

Градоначалникот на Нови Сад поднесе кривична пријава против претседателот Вучиќ

Градоначалникот на Нови Сад и потпретседател на владејачката Српска напредна партија, Милош Вучевиќ поднесе кривична пријава, со цел, како што...

Спорт1 ден

Русија исфрлена од Олимписките игри и светското фудбалско првенство

Извршниот одбор на Светската анти-допинг агенција (ВАДА) го прифатил предлогот на независниот комитет на Агенцијата, руските спортисти поради кршење на...

Свет1 ден

(Видео) Веб-камера снимила туристи во кратер на вулканот, секунди пред ерупцијата

Веб-камера открила најмалку десет туристи во кратерот на вулканот на Вајт ајленд на Нов Зеланд, во момент пред ерупцијата, пренесуваат...

Досие