Контакт

Македонија

Димитров – Сејлс: Македонија ја поддржува Глобалната коалиција за борба против тероризмот

Објавено пред

Меѓународните активности и поддршката што Македонија ја дава на Глобалната коалиција за борба против тероризмот беа во фокусот на билатералната средба што ја остварија министерот  за надворешни работи, Никола Димитров, и координаторот во Стејт департментот на САД за борба против тероризмот, Натан Сејлс, во рамки на првиот ден од Самитот на  НАТО.

„Димитров информираше за преземените национални активности во подготовката на општеството за справување со овие предизвици, акцентирајќи ја пред сè важноста за превенција од ваквите закани, водејќи притоа посебна грижа за младите луѓе како најранлива категорија во општеството, преку активно вклучување на граѓанскиот сектор, невладините организации, како и едукативно-образовните институции во државата“, соопшти прес-службата на Министерството за надворешни работи.

На покана на организаторите, Димитров ќе учествува и на настанот што ќе се одржи во седиштето на алијансата: NATO Engages – Дијалог од Бриселскиот самит, во организација на Атлантскиот совет и Германскиот маршал фонд на САД, Минхенската безбедносна конференција, како и Бриселската фондација – Жените во меѓународната безбедност, каде излагање ќе има и претседателот на Владата, Зоран Заев. Фокусот на излагањата и дискусиите на настанот ќе бидат посветени на повеќе актуелни теми од глобалните политички и безбедносни соработки, новите безбедносни предизвици и улогата и активностите на алијансата во тие процеси.

Димитров, заедно со висока владина делегација од земјава, предводена од премиерот Зоран Заев, учествува на самитот на НАТО, што денеска и утре се одржува во седиштето на алијансата во Брисел.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Конкурсот за наградата „Жан Моне“ е сѐ уште во тек

Објавено пред

Конкурсот за наградата „Жан Моне“, што го објавија Делегацијата на ЕУ и Советот за етика во медиумите (СЕММ) сѐ уште е во тек и е отворен до 25 ноември. Наградата се доделува за најдобри достигнувања во известувањето за прашања поврзани со темата „Градење доверба во несигурни времиња“.

Конкурсот опфаќа 3 натпреварувачки категории: Најдобра новинарска сторија (за стории објавени во печатени медиуми и/или на интернет), понатаму најдобра репортерска фотографија (за фотографии објавени во печатени медиуми и/или на интернет) и најдобра аматерска фотографија.

Творбите кои ќе учествуваат на конкурсот во првата категорија најдобра новинарска сторија се стории чии автори се новинари од државата и се на темата, а се објавени во домашни весници, списанија и на веб-страници, во периодот меѓу 20 ноември 2017 и 24 ноември 2018 година. Сториите треба да се потпишани со вистинското име на авторот.

Копии од новинарските стории во дигитален ПДФ формат, заедно со изјава во писмена форма, потпишана од авторот, со која гарантира дека таа/тој е автор на сторијата, треба да се испратат на следнава електронска адреса: [email protected], најдоцна до 25 ноември 2018 година, до 18.00 часот. Секој од пријавените ќе добие потврда за прием по електронска пошта од страна на ЕУ инфо центарот. Наградата за оваа категорија е статуетка, диплома и ваучер за техничка опрема во вредност од 1.000 евра.

Втората категорија, односно конкурсот за најдобра репортерска фотографија (за фотографии објавени во печатени медиуми и/или на интернет) е отворен за сите професионални фоторепортери и фотографи од државата, кои може да поднесат до 3 фотографии на тема „Градење доверба во несигурни времиња”, објавени во периодот меѓу 20 ноември 2017 и 24 ноември 2018 година. Еден од критериумите е и фотографиите да не се користени за комерцијални цели.

Копии од фотографијата/фотографиите во дигитален формат (големината на секоја фотографија треба да биде 3-5 MB), заедно со изјава во писмена форма и потпишана од авторот со која гарантира дека таа/тој е автор на фотографијата, треба да се испратат на следнава електронска адреса: [email protected], најдоцна до 25 ноември 2018 година, до 18.00 часот. Секој од пријавените ќе добие потврда за прием по електронска пошта од страна на ЕУ инфо центарот. И тука, наградениот ќе добие статуетка, диплома и ваучер за техничка опрема во вредност од 1.000 евра.

Кај конкурсот за најдобра аматерска фотографија може да биде доставена една фотографија на тема „Нашата различност, наша сила“. Фотографиите кои се натпреваруваат во оваа категорија може, но не мора, да бидат претходно објавени.

Кандидатите за оваа категорија треба да ги испратат своите пријави на следнава електронска адреса: [email protected], најдоцна до 25 ноември 2018 година, до 18.00 часот. Секој кандидат може да испрати по 1 (една) фотографија (големина на фотографијата 3-5 MB), како и да гарантира дека тој/таа е автор на фотографијата со испраќање изјава во писмена форма на истата електронска адреса. Секој од пријавените ќе добие потврда за прием по електронска пошта од страна на ЕУ инфо центарот. Наградата е диплома и ваучер за техничка опрема во вредност од 500 евра.

Оваа активност е организирана во соработка со Советот за етика во медиумите. Делегацијата на Европската Унија нема да се смета за одговорна за каква било законска обврска што произлегува од какви било спорови околу авторските права, за кои исклучиво е одговорен пријавениот натпреварувач. Делегацијата на Европската Унија го задржува правото да ја поништи квалификацијата на пријавената творба околу која се спори и да ја повлече доделената награда и паричната награда. Оваа активност не ги одразува ставовите на Европската унија.

Жирито ќе се состои од седум члена – претставник од Делегацијата на Европската Унија, Секретаријатот за европски прашања, минатогодишниот победник во рамки на категоријата за најдобра репортерска фотографија, минатогодишниот победник во рамки на категоријата за најдобра новинарска сторија, претставник од новинарско здружение, претставник од ЕУ инфо центарот, како и почесен претседател на жирито.

Свеченото доделување на наградите ќе се одржи на 12 декември 2018 година.

Прикажи повеќе...

Македонија

Сијарто потврди дека Груевски преку унгарската граница бил пренесен од унгарски дипломати

Објавено пред

Унгарскиот министер за надворешни работи, Петер Сијарто, денеска одржа прес-конференција на која рече дека Груевски морал да премине преку три граници за да стигне до Унгарија, при што сите три преминувања биле целосно легални.

„Тој ги предал своите патни документи и тие биле испитани од властите“, истакна Сијарто.

Унгарскиот министер негираше дека унгарските дипломати кои биле во придружба на Груевски учествувале во каква било трговија со луѓе.

Според изјавата на Сијарто, дипломатите првично го сретнале Груевски во унгарската амбасадата во Тирана, каде што биле запознаени со неговото барање за азил.

Министерот наведе дека не е запознаен со шпекулациите дека во целата ситуација има некаков позaдински договор и додаде дека Унгарија е во постојан дијалог со Македонија за случајот.

Прикажи повеќе...

Македонија

ВМРО-ДПМНЕ: ЈП „Градски пазар“ во Охрид наместо доизградба на затворениот пазар донесе повисоки цени за тезгите

Објавено пред

ЈП „Градски пазар“ претрпе финансиски потешкоти и отежнати услови за работа во пазарот со една година катастрофално менаџирање.
Директорката Кристина Крлеска-Деспотоска набројаните активности во отчетот да ги поткрепи со фотографии за да можат граѓаните да видат навистина што и колку сработиле. Градбата на затворениот пазар досега требаше да биде завршена и дополнително да биде поставен нов покрив, нова фасада и поделба на Хала за текстил на две нивоа, реагираат од ВМРО-ДПМНЕ ОК Охрид.

„Дали намерно се одолговлекува заради тоа што не се дислоцирани тезгите во пазарот за да може инвеститорот да ги започне и заврши другите обврски од договорот со фасадата, покривот и халата? Дали заради тоа може да се доведе во прашање нормалното работење на пазарот?

Директорката Крлеска-Деспотоска и градоначалникот Стојаноски зошто го толерираат изведувачот и дали навистина не му наплаќаат пенали? Со тоа свесно нели го прекршувате Законот?

Дали Претријатието поседува основен проект и одобрение за градба за малото пазарче и кванташкиот пазар или овие градби се дивоградби со што е прекршен Законот за градење и направено е кривично дело?
Дали оградите на мостови, детски и спортски игралишта ги изработувате по Проект основен, одобрен од институција и дали имате квалификувани луѓе со соодветно образование и сертификати, за поставување, градба и заварување на огради и за изградба на огради на мостови?

Наместо доизградба на затвгорениот пазар, охриѓани добија повисоки цени за тезгите, стагнација и беда. СДСМ и градоначалникот Стојаноски од животот што го ветуваа донесоа само уназадување на Охрид, обвинуваат од опозициската партија.

Прикажи повеќе...

Најново

Македонија9 минути

Сијарто потврди дека Груевски преку унгарската граница бил пренесен од унгарски дипломати

Унгарскиот министер за надворешни работи, Петер Сијарто, денеска одржа прес-конференција на која рече дека Груевски морал да премине преку три...

Македонија54 минути

(Видео) Апостолски: Недозволиво е да се одреди мерка притвор без да биде сослушан обвинетиот

Денеска го добивме решението за мерката притвор на Сашо Мијалков. Без да се повика на сослушување обвинетиот е недозволиво да...

Македонија1 час

Директорот на затворот „Скопје“: Мијалков е во ќелија со други затвореници, има право на посети и два часа прошетка

Нема наредба од судот за ексдиректорот на УБК, Сашо Мијалков, да биде спроведен на рочиштето за предметот „Таргет-Тврдина“ поврзан со...

Македонија1 час

Хан очекува објаснување од Орбан за азилот на Груевски

Еврекомесарот за проширување, Јоханес Хан на Твитер објави дека доколку е потврдена информацијата дека Унгарија одобрила азил за Никола Груевски,...

Свет2 часа

(Видео) Напад во Денвер, едно лице загина, двајца напаѓачи се уапсени

Доцна синоќа во центарот на Денвер две лица отвориле оган при што неколкумина беа ранети, а едно лице загина. Шефот...

Свет2 часа

(Видео) Американскиот Сенат преку писмо побара од Трамп втора истрага за Кашоги

ЦИА не успеа со сигурност 100 %, да утврди дали саудискиот престолонаследник го наредил убиство на новинарот Џамал Кашоги, изјави...

Македонија2 часа

МЗД: Да се разреши составот на Комисијата која утврди дискриминација кон Груевски

Со утврдувањето дискриминација кон Никола Груевски, Комисијата за заштита од дискриминација покажа селективно и непрофесионално работење, смета Мрежата за заштита...

Македонија12 часа

СЈО барало притвор за Мијалков поради оперативни информации дека ќе бега

Во решението на кривичниот суд за притворот на ексдиректорот на тајната полиција, Сашо Мијалков, пишува дека мерката му е определена...

Македонија14 часа

Адвокатот на Мијалков: Недозволиво е што тој не беше известен за притворот

Недозволиво е судија на претходна постапка или кривичен совет да не ја извести странката, во случајов Сашо Мијалков, дека за...

Македонија16 часа

(Видео) Мијалков спроведен во затворот во Шуто Оризари

Поранешниот шеф на УБК, Сашо Мијалков, вечерва е спроведен во истражниот затвор во Шуто Оризари поради опасност од бегство, велат...

Македонија16 часа

Владата го одби предлог-законот за амнестија предложен од ВМРО-ДПМНЕ

Владата на денешната владина седница донесе негативно мислење за предлог-законот за амнестија за настаните од 27 април. „Владата донесе негативно...

Uncategorized19 часа

Амнестија во текот на судскиот процес, прекин на постапката за тие што не тепале на 27 април?

Кој ќе се спаси од кривична одговорност за инцидентите од 27 април, најверојатно ќе се утврдува според обвинителниот акт, односно...

Македонија19 часа

Влада: Очекуваме Будимпешта да го предаде Груевски во Македонија

Владата соопшти дека официјално покрај протестната нота доставена вчера за улогата на амбасадите на Унгарија во бегството на Груевски од земјата,...

Бегството на Груевски20 часа

Груевски: Добив азил во Унгарија, продолжувам да ја барам правдата

Поранешниот премиер Никола Груевски, на неговиот „Фејсбук“ профил, ги потврди информациите дека добил политички азил во Унгарија. Тој себе си...

Македонија21 час

Кривична за директор на јавно претпријатие кој незаконски си зел аванси од над 2 милиона денари

Гевгелиската полиција поднесе кривична пријава против 29-годишен директор од Дојран поради сомнение за сторено кривично дело „проневера во службата“. Како...

Бегството на Груевски21 час

Министерството за правда го испрати барањето за екстрадиција на Никола Груевски

Министерството за правда го испрати барањето за екстрадиција на Никола Груевски до Министерството за правда на Република Унгарија. „Барањето за...

Македонија24 часа

Сведокот ги препозна двајцата напаѓачи што го претепаа Никола Саздовски

На денешното рочиште за убиството на 20-годишниот навивач на групата „Комити“ повеќе од два часа сведочи сведокот Миле Алексовски, кој...

Свет24 часа

(Видео) Девојка со српско потекло меѓу убиените во Чикаго

Една од трите жртви на пукањето во болницата „Мерси“ во Чикаго е 25-годишна девојка со српско потекло, пишуваат српските медиуми....

Македонија1 ден

При апсењето на Бошкоски пронајдени се пиштол и хрватски пасош

Денешното рочиште за случајот „Тортура“, кој се однесува на апсењето на претседателот на партијата ОМ, Љубе Бошкоски, продолжи со репродуцирање...

Афера „Банки“1 ден

(Видео) Афера „Банки“ – како банката му ја одзеде болницата на доктор Адил Мустафа!?

Приватната болница „Шендети“ во Мала Речица, Тетово, неколку години по отфрлената кривична пријава од Обвинителството, остана со катанец на вратата....

Досие