Контакт

Македонија

Дискусија за интерпелацијата на Димитров: опозицијата бара оставка, за пратениците од власта – предлогот е лицемерен и неоснован

Објавено пред

Пратениците од опозицијата бараат вицепремиерот за евроинтеграции, Никола Димитров, да си поднесе оставка од функцијата, како што кажаа од собраниската говорница, за манипулацијата на јавноста за добивањето датум за преговори со ЕУ, за неуспесите за почеток на преговорите, за потпишувањето на договорот со Бугарија, кој, според нив, го оспорува македонскиот јазик и идентитет. Велат политичка одговорност мора да има и да им се стави крај на штетните политики што ги води Димитров.

„Кажавте – ако во октомври нема датум за преговори, нема да имам лице да ве погледнам, но вие, наместо да си дадете оставка, станавте вицепремиер за евоинтеграции. Ако имавте лице, немаше да ја прифатите функцијата. Но, вие сте научени да бидете на функција и само тоа ве интересира – фотелјата. Без срам и перде ги трошите народните пари, само на шетање и на сликање. Не одите на работа, за 6 месеци сте одржале само еден колегиум. Која е таа институција со која раководите? За што служите таму? За парада и трошење пари? Овие луѓе што седат овде пијат нафта? Се лажете“, рече пратеникот од ВМРО-ДПМНЕ, Игор Јанушев.

За пратениците од власта, барањето за интерпелација е неосновано и лицемерно затоа што, според нив, државата има значајни успеси на надоврешен план, особено со влезот во НАТО и откочувањето на процесот на евроинтеграциите, кои, според нив, ВМРО-ДПМНЕ ги заглавило една деценија во ќор-сокак.

„Каде ѝ е лицето и на ВМРО-ДПМНЕ, која со години ја држаше државата изолирана? Каде е човекот што и денес ја контролира партијата – Никола Груевски? Наспроти резултатите што ги имаме денеска. Ќе наведам само неколку заслуги на надворешен план. Димитров на средба со Помпео, Димитров на средба со генералниот секретар на НАТО, Палмер на средба со Димитров и ред други. Мицкоски ги донира лустерите од белата палата во црква, не лажете се дека гревовите на партијата ќе ги исперете преку црквата. Ни Господ не може да ви помогне за сторениот криминал“, рече пратеникот Горан Мисовски од НСДП.

Пратеникот од албанската опозиција, Сурија Рушиди, рече дека одговорност за неуспехот за евроинтеграциите, треба да сноси и министерот за надворешни работи, кој, според нив, ништо не направил за тргање на ветото од страна на Бугарија.

„Ако се земе предвид дека клучен проблем за застојот на евроинтеграциите е бугарското вето, на ваше место тука требаше да биде Бујар Османи, но заедничкото за двајцата е што вашиот шеф е ист. Сакам да бидам максимално коректен за тоа што е направено или не. Знаете дека консензус треба да најдеме за прашања од надворешната политика. За НАТО се вети и се направи, поддржавме. Но, за ЕУ немаме ништо, освен што видовме празнување во авионот од фотографиите што ги споделивте во јавноста“, рече Рушиди.

За интерпелацијата на Димитров за збор се јавија над 60 пратеници. Според Деловникот, за интерпелација на министер се дискутира еден ден, што значи дека може да трае најдоцна до полноќ по што пратениците треба да изјаснат дали се „за“ или „против“ вицепремиерот да ја напушти функцијата.

Македонија

Комисијата предлoжи воведување полициски час во Македонија од 22 навечер до 5 часот наутро

Објавено пред

Министерстeрот за здравство, Венко Филипче, по предлог на Комисијата за заразни болести денеска до Главниот координативен кризен штаб предложи воведување полициски час од 22 часот навечер до 5 часот наутро на територија на цела држава.

Комисијата дополнително ќе се произнесе од кој ден да почне полицискиот час и до кога да трае истиот.

Министерот образложи дека овој предлогот на Комисијата е поради тоа што изминативе недели најмногу инфицирани има поради трансмисија на вирусот преку собири, но и непочитување на воведените мерките за носење заштитна опрема, држење дистанца и негрупирање.

Анализите на Комисијата утврдиле дека поради непочитување на мерките, ќе има нови случаи на заразени, но и зголемен број на хоспитализирани, од таа причина Комисијата смета дека една ваква ригорозна мерка ќе има ефект.

Владата на утрешната седница ќе треба да се произнесе по предлогот на Министерството за здравство и Комисијата за заразни болести.

Прикажи повеќе...

Македонија

Заев: Честит 8 Март, за родово еднакво општество

Објавено пред

Премиерот Зоран Заев упати честитка по повод Меѓународниот ден на жената, 8 Март.

„Избирам да предизвикам да ја менуваме културата на третманот кој жените го имаат во нашето општество. Се придружувам во повикот Јавното обвинителство неодложно и темелно да го расчисти случајот ‘Јавна соба’, кој претставува кривично дело во кое огромен број жени се жртви на родово засновано насилство. Немаме повеќе ни минута за губење. Жртвите мора да бидат заштитени“, потенцира Заев во честитката.

Истакна дека како премиер, ќе ги повика владините надлежни институции да ги забрзаат измените во законската регулатива, сексуалното вознемирување преку интернет посебно да се регулира и во Кривичниот законик со мерки за итно постапување на овие случаи.

„Да оневозможиме идни Јавни соби“, истакна Заев.

Во борбата за родово еднакво општетство тој го посочи примерот со неговиот кабинет, каде, како што објасни, повеќе од 70% од местата се жени или девојки, а на раководните места  повеќето се жени.

„Политичкото и економското зајакнување е одговорот на напредните демократии,  општество какво што тежнееме да сме ние. Избирам да предизвикам да создаваме услови жените да се таму каде што се носат одлуките. Честит 8 Март, за родово еднакво општество“, вели премиерот Заев, во честитката по повод Меѓународниот ден на жената.

Прикажи повеќе...

Македонија

Демократски сојуз: Нема услови СДСМ и ВМРО-ДПМНЕ да формираат заедничка влада

Објавено пред

Демократскиот сојуз цени дека нема услови да се формира Влада поддржана од СДСМ И ВМРО-ДПМНЕ, бидејќи, како што велат од оваа политичка партија, ниту понудата е сериозна, ниту, пак, одговорот е искраен.

„Поради ова, нaместо јалови расправии, сметаме дека Владата мора посветено да работи на ефикасна борба против пандемијата (посебно набавка на вакцини), деблокада на евроинтеграциите, реформи на судскиот систем и декриминализација, стабилност на државата и економскиот развој“, се наведува во партиското соопштение.

Во него се додава и дека опозициските партии мора поодговорно да дејствуваат и да ги поддржат законските проекти сврзани со справување со последиците од здравствената криза и градење на единство околу националните и државни прашања.

Прикажи повеќе...

Најново

Свет44 минути

Американците тврдат дека пронашле лек за коронавирусот, во употреба за шест месеци

Новиот антивирусен лек „молнупиравир“ може да го смени текот на епидемијата на коронавирусот, бидејќи за време на експерименталното истражување е...

Македонија48 минути

Комисијата предлoжи воведување полициски час во Македонија од 22 навечер до 5 часот наутро

Министерстeрот за здравство, Венко Филипче, по предлог на Комисијата за заразни болести денеска до Главниот координативен кризен штаб предложи воведување...

Регион1 час

Словенија ги отвора кафулињата, рестораните и средните училишта во пробен период од седум дена

Од денес, кафулињата и рестораните во два региона, во Посавје и на југоисток од Словенија, ќе можат да работат нормално...

Европа2 часа

ЕУ очекува двојно повеќе вакцини од април

Претседателката на Европската комисија, Урсула фон дер Лајен, истакна дека Унијата очекува двојно да се зголеми снабдувањето со вакцини од...

Забава3 часа

Меган тврди монархијата одбила да го направи Арчи принц поради бојата на кожата

Меган, сопругата на принцот Хари, изјави дека пред раѓањето на нејзиниот син Арчи постоела загриженост дека неговата кожа ќе биде...

Македонија3 часа

„Држава што не постапува е држава што силува“ – марш за женските права по повод 8 Март

Денеска по повод Меѓународниот ден на жената, со почеток во 15 часот, од пред Министерство за внатрешни работи ќе започне...

Свет15 часа

Зошто е речиси невозможно да се заразите со коронавирус на отворено?

Аеросолите, ситни честички што лебдат во воздухот, се главниот виновник за пренесување на коронавирусот. Според наодите на научниците, ова особено...

Свет18 часа

Градоначалник во Италија даде оставка откако јавноста дозна дека се вакцинирал преку ред

Градоначалникот на сицилијанскиот град Корлеоне денес објави дека дава оставка откако преку ред се вакцинира против Ковид-19, а полицијата отвори...

Македонија19 часа

Во Македонија 333 нови случаи на коронавирус, починаа 10 лица

Во последните 24 часа во Македонија се потврдени 333 нови случаи на коронавирус, 268 оздравени и 10 починати лица, соопшти...

Македонија19 часа

Филипче: Состојбата на Мицкоски е стабилна

Состојбата на лидерот на ВМРО-ДПМНЕ, Христијан Мицкоски, кој се лекува од коронавирус е стабилна, кажа министерот за здравство, Венко Филипче....

Македонија19 часа

Пристигна првата пратка од руските вакцини во Македонија

На скопскиот аеродром попладнево пристигна првата пратка од руската вакцина „спутник В“. Министерот за здравство Венко Филипче заедно со рускиот...

Европа20 часа

Скандал во Бундестагот: Пратеници профитирале со трговија со маски за време на ковид-кризата

Скандал ја тресе Германија. Пратеници од Бундестагот оствариле профит од трговија со заштитини маски на самиот почеток на пандемијата на...

Свет20 часа

Семејства на починати од коронавирус го тужат британскиот премиер

Британскиот премиер Борис Џонсон, го тужат околу 2.000 семејства кои изгубиле еден или повеќе членови на семејството поради коронавирусот. Досега...

Македонија21 час

Досега попишани 32.752 лица од дијаспората

Државниот завод за статистика соопшти дека досега се попишани 32752 лица од дијаспората. Оттаму велат дека бројот на попишани расте...

Македонија21 час

Лекарска комора: Ковид може да предизвика сериозни стомачни крварења, да не се занемарат симптомите

Пациенти кои имаат инфекција со SARS-CoV-2 вирусот може да развијат сериозни компликации на гастроинтестиналниот систем кои во некои случаи се...

Македонија22 часа

(Видео) Пресечени меѓународни канали за транспорт на дрога

Министерството за внатрешни работи во текот на вчерашниот ден (06.03.2021) во две одделни акции пресече два канала за меѓународен транспорт...

Европа22 часа

Нови ограничувања во цела Италија

Во Италија, во последните 24 часа, имало 307 смртни случаи од коронавирус и повеќе од 23.000 нови инфекции, пренесува агенцијата...

Македонија1 ден

Земјотрес почувствуван во Дебар, Гостивар и Маврово

Земјотрес со јачина од три степени според Европската макросеизмичка скала синоќа во 22 часот и 43 минути бил почувствуван од...

Свет1 ден

Папата пристигна во Мосул

Папата Франциско денеска пристигна во ирачкиот град Мосул, каде ќе се моли во разурнатите цркви, кои беа уништени од терористичката...

Македонија1 ден

Денеска пристигнува првата пратка од руските вакцини

Денеска на Скопскиот аеродром треба да пристигне правата пратка од вакцини против Ковид-19 „Спутник В“, што Владата ги купи од...

Досие