Контакт

Македонија

Договорот со Грција е диво месо вметнато во здрав организам, порача Мицкоски од Охрид

Објавено пред

Овие месеци се пишува историја, а јас Христијан Мицкоски, заедно со огромното мнозинство од народот, со разум, мудрост, но и со срце, не сум на страната на оние кои работат на обезличување на сопствената држава, рече лидерот на ВМРО-ДПМНЕ во обраќањето на денешниот протестен марш кој се одржа во Охрид.

Тој, алудирајќи на договорот со Грција, истакна дека не би можел да се погледне во огледало доколку прифати нешто во што не верува, нешто што не го чуствува и спознава за исправно.

„Ја сакам Македонија онаква каква што е, каква што ја наследивме од нашите предци и сакам да им ја оставиме на нашите потомци онаква каква што ја заслужуваат, исправена, горда и подобра од таа што ние ја наследивме. Тоа е нашето мото и тоа е нашиот мотив“, рече Мицкоски, додавајќи дека договорот е против македонските национални интереси и против македонската држава, бидејќи е диво месо вметнато во здрав организам, кое, како што кажа, допрва ќе не влече надоле ако не се спротивставиме.

„Македонија со овие луѓе на власт, многу лесно и понатаму ќе остане во чекалницата и никогаш нема да биде дел од за Европската Унија, затоа што вредностите европски за овие луѓе се име именка и атрибут кој што не го познаваат. Ќе останеме приказна без крај, затоа што немаат визија и не знаат како. Тоа е суштинскиот проблем“, посочи лидерот на најголемата опозициска партија.

Во обраќањето, Мицкоски цитираше изјави дадени од грчки политичари, кои, како што кажа се директен, непремослив доказ дека со договорот се губи нашиот идентитет и воедно се дава кочница во рацете на Грција да го блокира европскиот пат на Македонија кога сака и како сака.

„Ципрас јуни 2018 година изјави: Не признаваме со договорот македонска националност, нема да ги нарекуваме Македонци, тие се славјани. Марија Спираки, пратеничката од соседна Грција во Европскиот парламент овој месец кажа: Не го прифаќаме постоењето на македонскиот народ, не ги исполнувате критериумите за членство во Европската унија, a Коѕијас во една прилика рече: Вашата армија нема никогаш повеќе да биде македонска“, посочи претседателот на ВМРО-ДПМНЕ.

Потоа тој зборуваше за критериумите кои треба да се исполнат за да може да се нарече референдумот успешен.

„Нека не гаат излуции од власта што значел успешен или помалку успешен референдум и да отвораат дебата без аргументи. Законот е јасен – над 900 илјади гласачи кои треба да излезат и најмалку половината да гласаат потврдно за овој договор. Тоа по закон претставува успешен референдум. Ништо друго, ниту повеќе, ниту помалку. И доколку излезат помалку, тоа ќе значи дека овој договор не поминал, затоа што не го вели тоа Мицкоски, тоа го вели законот, а државата мора да почива на ред, поредок и закони“, кажа тој пред присутните.

Мицкоски воедно ги охрабри сите граѓани да не потклекнат и да не се плашат да го демонстрираат својот став на денот на референдумот, иако како што кажа, во последно време слушал сведоштва за притисоци, закани и уцени кои доаѓаат од структури на власта, по секоја цена да се излезе и поддржи договорот.

„Тоа ја покажува сета немоќ на власта и сета штетност на договорот кој сакаат на сила да го истуркаат. Така само создаваат уште поголем револт кај народот и пркост“, додаде тој и повика следната недела, на денот на референдумот, сите граѓани да станат и да размислат дали живеат подобро со СДСМ на власт и дали договорот ќе ја донесе иднината која ја посакуваат.

„Ние Македонците друга татковина немаме, ја имаме само оваа – Република Македонија. Слушајте го вашето срце, и расудете со разум и мудрост и јас знам, сигурен сум дека ќе донесете правилна одлука. Нашата визија за Македонија е земја на интегрирано општество, со силна пазарна економија. Потребен е рапиден развој сега, не утре, не задутре или по една година. Потребни се веднаш големи чекори напред за да се надокнади, надополни пропуштеното. Ни треба економија која ќе создава додадени вредности и која ќе вработува и овозможува иднина, за невработените, за стечајците, за младите“, рече во своето обраќање лидерот на ВМРО-ДПМНЕ.

Македонија

СДСМ за обраќањето на Мицкоски: Тој е антизападен пион во рацете на Груевски

Објавено пред

Претседателот на ВМРО-ДПМНЕ, Христијан Мицкоски вечерва потврди дека е антимакедонски и антизападен пион во рацете на Никола Груевски, реагира Социјалдемократскиот сојуз на Македонија по обраќањето на Мицкоски за време на партиската прослава по повод денешниот празник.

„Антизападниот пион Христијан Мицкоски не пропушта прилика да им докаже на сите граѓани дека е против ЕУ и НАТО и дека по секоја цена работи против интересите на граѓаните, против интересите на државата. Добро за Македонија е фактот што анти-македонскиот носител на криминалот и режимот, Никола Груевски заедно со неговиот анти-западен пион Христијан Мицкоски се поразени граѓаните, од мнозинството пратеници во Собранието па дури и од сопствената партија“, наведува СДСМ во реакцијата.

Владејачката партија додава дека посетите на високи претставници од демократскиот свет на земјава кои го заобиколиле Мицкоски, меѓу кои и претставникот од САД, се уште една потврда дека раководството на ВМРО-ДПМНЕ останува во длабока изолација.

 

Прикажи повеќе...

Македонија

(Видео) Мицкоски: Ајде да донесеме закон за амнестија за да нема селективна правда

Објавено пред

Лидерот на ВМРО-ДПМНЕ, Христијан Мицкоски на прославата на 23 Октомври од говорницата побара да биде донесен закон за амнестија за сите учесници од настаните во Собранието на 27-ми април. Во 40 минутниот говор, тој порача дека на тој начин ќе нема селективна правда.

„Донесете закон за амнестија кој го предлагаме за сите учесници од 27 април, за да нема селективна правда и да има слобода за сите, а не само за оние кои вас ви слугуваат. Дел од структурите кои се опфатени со прогонот на власта, решија да одиграат валкана работа за оваа власт. Мене ме обвинуваа дека се борам и барам амнестија, а сега кога тие тоа го предлагаат било простување, рече  Мицкоски.

Првиот човек на ВМРО-ДПМНЕ оцени дека дел од пратениците кои гласале за уставните измени потклекнале, бидејќи барајќи ја личната слобода, го разочарале народот. Тој им се обрати на членовите кои во петокот ја изневерија партијата и гласаа за менување на Уставот, велејќи дека пеколно го заболело тоа што своите сопартијци ги видел со свиткана кичма.

„Не заболе пеколно што ве видовме со свиткана кичма, не подвитлана како на Заев оти тој нема кичма, туку свиткана. Не издражавте иако знаевте дека со удбашки стил СЈО монтира случаи за вас, иако знаевте дека обвинетите од 27 април се апсолутно невини. Ме изневеривте, ја изневеривте ВМРО -ДПМНЕ и ја изневеривте татковината“, рече лидерот Мицкоски

Прикажи повеќе...

Македонија

(Видео) Обраќање на Мицкоски на прославата за 23 Октомври

Објавено пред

Обраќање на лидерот на ВМРО-ДПМНЕ, Христијан Мицкоски на прославата за 23 Октомври, Денот на македонската револуционерна борба.

Прикажи повеќе...

Најново

Македонија5 часа

(Видео) Мицкоски: Ајде да донесеме закон за амнестија за да нема селективна правда

Лидерот на ВМРО-ДПМНЕ, Христијан Мицкоски на прославата на 23 Октомври од говорницата побара да биде донесен закон за амнестија за...

Македонија6 часа

Сашо Мијалков е исклучен од партијата

По предлогот на Централниот комитет на ВМРО-ДПМНЕ, дисциплинската комисија на општинскиот комитет Центар го исклучи Сашо Мијалков од партијата. „Се...

Македонија6 часа

ВМРО-ДПМНЕ слави без Груевски, исклучените членови и разрешените функционери

Ниту еден од исклучените партиски членови и разрешените функционери не пристигна во Македонскиот народен театар, каде вечерва ВМРО-ДПМНЕ одржува свеченост,...

Македонија10 часа

Јанчев: Барам јавно извинување и од Христијан Мицковски и од Александар Николовски или ќе ги тужам за клевета

На вчерашната прес-конференција на ВМРО-ДПМНЕ до мене беа упатени неосновани обвинувања. Обвинувањата беа насочени кон мене како потпретседател на ВМРО-ДПМНЕ...

Македонија11 час

СЈО не добило барање од Мијалков за судот да му го врати пасошот

Кривичниот суд во Скопје ги демантира информациите кои се појавија во одредени портали, дека му бил вратен пасошот на ексдиректорот...

Македонија12 часа

МНР ги демантира тврдењата на Русија дека мнозинството во македонскиот парламент е обезбедено со уцени и закани

Министерството за надворешни работи на Република Македонија категорично ги отфрла вчерашните наводи и квалификации изнесени во коментарот на Департманот за...

Свет12 часа

Ердоган: Имаме силни докази дека убиството на саудискиот новинар било со денови планирано

Турскиот претседател Реџеп Таип Ердоган денеска во турскиот парламент рече дека постојат силни докази дека убиството на новинарот Џамал Кашоги...

Свет13 часа

Пронајдено телото на убиениот саудиски новинар

Телото на саудискиот новинар Џамал Кашоги е пронајдено во бунар на територијата на резиденцијата и конзулатот на Саудиска Арабија во...

Македонија13 часа

Софија Куновска: И мене ме разреши СДСМ зашто реагирав дека слават во барокниот театар

Немаше да го напишам овој текст ако не почуствував дека сега е моментот да бидеме искрени до крај ако навистина...

Свет14 часа

Караван мигранти од Хондурас се движи кон САД и покрај заканите на Трамп

Илјада мигранти од Хондурас ја преминаа границата со Мексико и се упатија кон американската граница наспроти предупредувањата на мексиканските власти...

Свет14 часа

Мексико се подготвува за удар на ураганот Виља, се евакуираат илјадници луѓе

Мексиканските власти започнаа евакуација на илјадници граѓани во подрачјето на ниска надморска височина, поради исклучително опасниот ураган Виља, кој се...

Македонија1 ден

(Видео) ЦК предложи Мијалков и Тодоров да бидат исклучени од ВМРО-ДПМНЕ

За ексдиректорот на УБК и поранешен висок функционер во ВМРО-ДПМНЕ, Сашо Мијалков, како и поранешниот министер за здравство, Никола Тодоров,...

Македонија1 ден

Јанчев и Богданов исклучени од функциите во ВМРО-ДПМНЕ

Потпретседателот на ВМРО-ДПМНЕ, Митко Јанчев, и членот на Извршниот комитет Костадин Богданов, кој дојде од редот на реформаторите, се разрешени...

Македонија1 ден

(Видео) Палмер: Не се сретнавме со Мицкоски зашто ми ги кажа ставовите во писмото

Заменикот на помошник-државниот секретар на САД, Метју Палмер, на заедничка прес-конференција со премиерот Зоран Заев изјави дека не остварил средба...

Македонија1 ден

(Видео) Да дозволиме помирувањето од Собранието да продолжи во институциите, порача Заев

Помирувањето започна во Собранието, да дозволиме да продолжи во институциите, порача првиот човек на Владата, Зоран Заев, на заедничката прес-конференција...

Економија1 ден

Општините со три милијарди денари ќе ги покриваат долговите

Владата го усвои законското предлог-решение со кое на општините им се ставаат на располагање 3 милијарди денари за покривање на...

Македонија1 ден

Ѕанакопулос очекува договорот од Преспа да помине во грчкиот парламент

Со гласањето за почеток на уставните промени беше направен историски чекор што ќе ги однесе двете страни поблиску до стапување...

Македонија1 ден

Поддршка за Мицкоски или барање за негова смена на состанокот на ЦК?

Од обвинувања за изолација на партијата и избрзани одлуки на раководството со исклучувањето на пратениците до поддршка за лидерот на...

Македонија1 ден

Кирацовски: Ќе видиме дали националното помирување ќе биде само за 27 април или пошироко

Пратеникот на СДСМ, Александар Кирацоски, ги повика пратениците на ВМРО-ДПМНЕ да се приклучат кон иницијативата за национално обединување бидејќи, како...

Македонија1 ден

Беса може да го условува спроведувањето на уставните измени во Собранието

Пратеникот Фадил Зендели, дел од крилото на Беса со кое предводи Биљал Касами, вели дека во процесот на уставните измени...

Досие