Контакт

Македонија

Дуџак: Со децении Охрид е оптоварен со несоодветно и често нелегално градење

Објавено пред

Веста дека Охрид не е ставен на Листата на загрозени светски наследства е добредојдена, вели постојаниот координатор на Обединетите нации во Северна Македонија, Росана Дуџак.

Според неа, ваквата вест носи три важни пораки: прво, одлуката на Комитетот за светско наследство да не го стави Охрид на листата не ја намалува итноста да се делува и покрај дополнителните две години што се дадени за да се избегне таа судбина.

„Со децении, Охрид е оптоварен со несоодветно и често нелегално градење, со слаб менаџмент на рибниот фонд и недостиг на заштитни механизми за животот под вода. Долго време гледавме апатија кон природните и културните богатства. Проблемите со кои се соочува Охрид сега бараат сеопфатен пристап не само во надминувањето на акумулираната штета, туку и за сето понатамошно планирање и менаџирање на областа. Времето да се делува е сега“, вели таа.

Втората порака е дека двегодишното одложување е неверојатна можност за значително зголемени напори кон корективни мерки и подобро менаџирање со местото.

Сега, вели Дуџак, сите напори мора да се удвојат за да се вратат вредностите за кои Охрид е поставен на листата на меѓународни природни и културни богатства.

„За тоа е потребно координирано делување и блиска соработка меѓу сите засегнати страни, вклучително и локалната и централната власт, граѓанскиот сектор, граѓаните на Охрид и Струга, туристите и меѓународната заедница. Во таа смисла, ги поздравуваме неодамнешните напори на Владата и на општините Охрид и Струга. Ги поздравуваме и посветените напори на граѓанските организации на оваа тема. Подготвени сме да ја обезбедиме поддршката потребна за Охрид да не заврши на Листата на загрозени светски наследства“, вели таа.

Конечно, додава Дуџак, одлуката покажува дека мора заедно да го заштитиме природното и културното богатство на Охрид.

„Мора да делуваме заедно зашто Охрид ни припаѓа на сите нас, на луѓето што живеат на неговото крајбрежје, преку институциите и оштините што го менаџираат неверојатното културно и природно богатство, до сите нас, до граѓаните на Северна Македонија и до граѓаните на светот. Охрид е богатство за целиот свет и наша заедничка обврска е да го заштитиме и зачуваме, за нас и за сите идни генерации“, вели постојаниот координатор на Обединетите нации во Северна Македонија, Росана Дуџак.

Македонија

Пендаровски се сретна со неформалната група македонски професионалци што живеат во САД

Објавено пред

Претседателот Стево Пендаровски, за време на посетата на Њујорк, по повод учеството на Генералното собрание на Обединетите нации, се сретна со неформалната група македонски професионалци коишто живеат во САД.

На средбата се разговараше за нивните тековни активности, за нивните професионални аспирации и за предизвиците во сферите на нивното дејствување. Во таа насока, беше реафирмирана подготвеноста за зајакнување на соработката и размена на искуства во областите од заемен интерес.

Пендаровски изрази задоволство што голем број од Mакедонците што живеат во САД се реализирани личности кои во изминатите години создаваат успешни бизнис и животни приказни, притоа негувајќи ја врската со нивната матична држава. Во тој контекст ја нагласи потребата од засилен ангажман на македонските институции во насока на создавање услови за градење нови бизнис релации, што ќе придонесе за продлабочување на севкупната соработка на нашата држава со САД.

Прикажи повеќе...

Македонија

Чиста и зелена иднина за граѓаните на Западен Балкан, во фокус на првиот социо-еколошки форум во Скопје

Објавено пред

Првиот Социо-еколошкиот форум денеска во Скопје ги седна на иста маса регионалните и европски прогресивни политички лидери, тинк-тенк и невладини организации, младински лидери и новинари. Дискусиите се фокусираат на чистата и зелена иднина, достапна за сите граѓани на земјите од Западниот Балкан. Целта е да се трасира патот до иднината кога сите земји од Западен Балкан ќе имаат енергетски ефикасни економии и работни места кои се отпорни на влијанија предизвикани од климатските промени и неодржливите извори на енергија.

Првиот панел насловен „Европски зелен договор и зелената агенда на Западен Балкан“ започна со воведни обраќања на Зоран Заев, претседател на СДСМ и премиер на Северна Македонија и Албин Курти, претседател на ЛВВ и премиер на Косово.

Премиерот Зоран Заев истакна дека во двата мандати на македонската влада предводена од СДСМ, почнувајќи од 2017 година, целта е да се постават енергетските политики во Северна Македонија на стабилни и долгорочни основи базирани на чиста и зелена енергија за да се овозможат услови на раст на економијата во земјата, здрава животна средина и нови работни места.

„Еден од основните принципи на Владата е тоа што е зацртано во стратегиите и плановите, бргу да биде претворено во конкретни акции. Токму поради ова донесовме нова легислатива услогласена со европските директиви, како нов начин на поддршка на фотонапонските централи и во ветерниците. Тоа веднаш беше препознаено од страна на домашните и странските инвеститори, кои веќе ја завршуваат изградбата на истите“ нагласи премиерот Заев. Во продолжение тој исто така кажа дека една од најважните работи со ваквите инвестиции , освен подобрување на квалитетот на живот на граѓаните е и отворањето на нови работни места.

Премиерот на Косово и претседател на ЛВВ , Албин Курти кажа дека борбата со со климатските промени е важна, не само за нас и идните генерации, туку и за опстанокот на планетата Земја.

„Немаме избор. Мораме да дејствуваме денес, иако може да ни се чини дека е тешко. Големи природни катастрофи ни покажуваат дека еколошкиот систем не може да се третира независно од нашиот економонски систем. Потребен ни е нов одржлив економски модел што ги носи нашите земји кон еколошки и економски прогрес“ истакна премиерот Курти.

Во вториот дел од панелот „Европски зелен договор и зелената агенда на Западен Балкан“ на дискусијата се приклучија и Аднан Дибрани, пратеник во Парламентот на Шведска од Социјалдемократксата партија на Шведска и Кнут Флекенштајн, специјален советник за Западен Балкан на Партијата на европски социјалисти. Отворена беше дискусија за тоа каква улога има ЕУ во декарбонизацијата на Западно Балканските економии и дали и како владите и граѓаните на Западен Балкан можат да извлечат корист од зелениот договор на ЕУ.

„Навистина ни е потребна трансформација во чиста економија слободна од фосилни горива. Социјалдемократите ја имаа првата климатска конференција пред 50 години во Стохлом, овој проблем не е ништо ново, но навистина бавно се одвива. Технологијата е на наша страна, има доволно финансиски средства, но најчесто погрешно се распределуваат кон емисија на штетни стакленички гасови. Затоа мора да направиме нешто во таа насока, сега, пред да стане предоцна“ – потенцираше Дибрани, пратеник во шведскиот парламент.

Потоа се обрати Кнут Флекенштајн, специјален советник за Западен Балкан на ПЕС, кој подвлече дека: „Имаме добри идеи и добри луѓе кои се залагаат за оваа зелена транзиција на Западен Балкан. Сепак, да се биде дел од оваа трансформација е добро, но да се биде зелен и невработен не е.“

„Некогаш слушаме обвинувања дека не сме доволно брзи, но ако не се грижиме и за социјаните последици, не може да кажеме дека наша политика е социјалдемократска. Не можеме да ги затвориме сите рудници за јаглен, сега и веднаш. Да, ќе добиеме почист воздух, но илијадници семејства ќе останат без работа и нема да можат да ги нахранат своите деца, тоа не е во духот на социјалдемократијата. Затоа мора да ги споиме овие да света и да продолжиме по тој пат.“

За состојбата во Финска говореше, Јоана Јуселиус, посебен советник за климатски промени во Владата на Финска, која рече дека според проценките на финската влада, Финска ќе биде јагленски неутрална до 2035 година, но сепак ќе го задржи статусот на социјална земја.

„Она што можеме ние како Влада да го направиме е да ја следиме ситуацијата за јавниот транспорт, да овозможиме инфраструктура за граѓаните да можат да возат електрични автомобили. Ова не може да го направи само еден човек, ова е мешавина на повеќе акции коишто ќе нè доведат до нашата цел, истото го гледаме со енергетскиот сектор“ рече Јоана Јуселиус.

Во текот на денот на СЕФ Скопје следат уште два панели „Зелената економија како двигател за социјална иновација“ и „Поглед кон иднината: климатска акција – социјална – праведна!“

Прикажи повеќе...

Македонија

Арсовски: Соработува ли ЈО со Весковски и Шилегов и наместо да ги повика на распит им дојавува информации

Објавено пред

ВМРО-ДПМНЕ прашува дали Јавното обвинителство соработува со градоначалникот на Град Скопје, Петре Шилегов и директорот на „Водовод“, Душко Весковски, па наместо да ги повика на распит им дојавува информации од случајот со тендерот за улицата Варшавска, за кој опозициската партија тврди дека бил наместен.

Потрпаролот на ВМРО-ДПМНЕ, Димче Арсовски, со денови на прес-конференции тврди дека поседуваат докази за местење на тендерот од 300.000 евра, кој е распишан и даден на фирмата КБК Инженеринг и Кодинг 2, а  која од претходно ги извршила работите. Арсовски тврди дека и градежните работи и зафати се плаќани 2 до 3 пати поскапо од тоа што биле плаќани до 2017-тата година.

„ЈО и Вилма Русковска каде што е поднесена кривичната пријава и доставени доказите да не чекаат и да постапат веднаш, имаат доволно докази и повеќе од што треба за веќе директорот на ЈП Водовод, и градоначалникот на Град Скопје, да бидат дел од истрага. Наместо тоа, наместо да водат истрага за сериозен криминал тие вршат притисок кон политички неистомисленици и кандидати од опозицијата за што бевме сведоци вчера на еден смешен случај. Наместо да го гонат криминалот за кој што им доставуваме докази тие отвораат случај каде што се увидело уште пред 10 години дека не постои никаков случај. Класични конструкции се со цел да се наштети на кандидатите на ВМРО, а наспроти тоа да се заштити криминалот на СДСМ“, додаде Арсовски.

ВМРО-ДПМНЕ претходно неделава ја достави документацијата до Обвинителството.

Прикажи повеќе...

Најново

Македонија1 час

Чиста и зелена иднина за граѓаните на Западен Балкан, во фокус на првиот социо-еколошки форум во Скопје

Првиот Социо-еколошкиот форум денеска во Скопје ги седна на иста маса регионалните и европски прогресивни политички лидери, тинк-тенк и невладини...

Култура3 часа

Вечерва е „Бела ноќ“

Вечерва се организира „Бела ноќ“ по 17. пат, а граѓаните ќе имаат можност да уживаат во културно-забавната програма на 13...

Регион4 часа

Татко си ги задавил трите деца во Загреб, oставил писмо на „Фејсбук“

Три малолетни деца биле задавени од страна на нивниот татко во стан во Загреб, во населбата Млинови. Полицијата на местото...

Европа4 часа

Кој ќе ја наследи Меркел: Изборите се неизвесни, постизборните сојузи се уште понеизвесни

Околу 60,4 милиони Германци в недела, 26 септември на федералните избори, имаат можност да одлучат за идниот состав на парламентот,...

Македонија5 часа

Заклучен избирачкиот список, кампањата почнува в понеделник

Државната изборна комисија го заклучи избирачкиот список, со што од понеделник почнува кампањата за локалните избори закажани на 17 октомври....

Македонија5 часа

Досега се попишани околу 1,4 милион граѓани, пописот ќе заврши во четврток

Заклучно до вчера до 12 часот попишани се вкупно 1.395.000 граѓани, над 435.000 домаќинства и над 600.000 станови, а се...

Македонија22 часа

Нови 525 случаи на коронавирус, починаа 12 лица

Во последните 24 часа во Македонија се потврдени 525 нови случаи на коронавирус, 449 оздравеа, а 12 лица починаа, информира...

Македонија23 часа

Осумдесет oтсто од хоспитализираните со Ковид-19 се невакцинирани

Министерството за здравство ја објави анализата на вакцинирани од позитивни случаи на Ковид-19 во периодот од 6 август заклучно со...

Македонија24 часа

Еврејската заедница во Македонија смета дека со бришењето на терминот „бугарски“ се искривува историската вистина

Eврејската верска заедница и Фондот на холокаустот на Евреите од Македонија велат дека не се согласуваат со намерата за бришење...

Европа1 ден

Норвешка од утре ги укинува сите ковид-мерки

Норвешка ќе ги укине сите рестриктивни мерки воведени поради пандемијата на коронавирус, објави владата. „Поминаа 561 ден откако ги воведовме...

Европа1 ден

„Епл“ реагира на одлуката дека во ЕУ ќе мора да има универзален полнач за сите мобилни телефони

Европската Унија денеска објави дека ќе нареди воведување на универзални полначи за мобилните телефони. Овој потег го налути „Епл“, кој...

Топ1 ден

Работник од Скопје почина при пад од зграда во изградба

Градежен работник паднал и починал додека работел на зграда во изградба во Гази Баба. Според информациите, се работи за М.Ц....

Македонија1 ден

Јавни обвинители ќе следат дали има нерегуларности на локалните избори, формирана е привремена комисија

Јавниот обвинител донесе одлука за формирање привремена Комисија за следење на евентуални нерегуларности поврзани со локалните избори закажани за 17...

Македонија1 ден

Притвор за кумановската докторка која барала поткуп од 200 евра од пациенти за да ги оперира

Кумановското обвинителство поведе постапка против кумановска докторка на возраст од 51 година, вработена во „Општа болница Куманово“- очно одделение, поради злоупотреба...

Свет1 ден

Поранешниот каталонски лидер уапсен на Сардинија

Водачот на каталонските сепаратисти Карлес Пучдемон беше уапсен од италијанската полиција на Сардинија, пренесува „Ројтерс“. Шпанија го обвини Пучдемон за...

Македонија1 ден

Гутереш и Пендаровски разговараа за преспанскиот договор и бугарското вето

Средба на претседателот Пендаровски со генералниот секретар на Обединетите нации, Антонио Гутереш Претседателот Стево Пендаровски, во рамки на учеството на...

Свет1 ден

Напад во САД, еден загинат и 14 повредени во маркет

Едно лице загина, а 14 се повредени во напад што се случи во градот Колиервил, недалеку од Мемфис во американската...

Македонија2 дена

Регистрирани 526 нови случаи на коронавирус, починаа 28 лица

Во согласност со податоците од Институтот за јавно здравје, во последните 24 часа направени се 3.632 тестирања, а регистрирани се...

Свет2 дена

Гутереш предупреди на потенцијална нова студена војна помеѓу Кина и САД: „Мора да ја избегнеме“

Генералниот секретар на Обединетите нации, Антонио Гутереш, предупреди на потенцијална нова студена војна помеѓу Кина и Соединетите Американски Држави и...

Топ2 дена

Ограбена аптека во Чаир, на сопственикот му се слошило и починал

Сопственик на аптека на улицата Џон Кенеди починал набргу откако објектот бил ограбен, јави МВР. Тој не бил во аптеката...

Досие