Станарите во зградата во близина на трговскиот центар Скопјанка во Аеродром биле евакуирани со гас – маски.

Петмина пожарникари учествувале во евакуацијата на станарите, кои што вечерва се пожалиле на интензивна миризба и печење на очите во влезот на зградата, кое што траело подолго време.

Жителите од зграда на улицата ,,Кузман Јосифовски Питу” број 15 во скопската населба Аеродром, кај Мезе барот се евакуирани по пријава дека во влезот почувствувале силна миризба и печење на очите. Полицијата, Противпожарна екипа и Брза помош се повикани на терен. Се проверува влезот на зградата, каде неофицијално била фрлена некоја материја или пиротехничко средство.

Полицијата реагирала по пријава на станарите, откако се пожалиле на непријатната миризба која се ширела во влезот на зградата, која се наоѓа во близина на трговскиот центар Скопјанка.

Станарите велат дека не знаат што се случува, им било кажано само да ја напуштат зградата.

,,Сите помошни простории се искршени”, велат жителите.

Противпожарна единица со 5 пожарникари и едно возило ги евакуирала сите станари од влезот. Сега е влезена полиција да утврди за што се работи, вели командантот Противпожарната единица на Град Скопје, Ѕвонко Томевски за ,,Макфакс”.

Станарите биле евакуирани со гас маски.

Министерoт задолжен за дијаспората, Едмонд Адеми, заедно со пратеникот во Европскиот парламент, Кнут Флекенштајн, ги посети општините Арачиново и Шуто Оризари. При посетата Адеми и Флекентшајн се сретнаа со претставници на локалните самоуправи, разговараа со граѓани и извршија обиколка на објекти што се градат со поддршка од фондовите од ЕУ.

Министерот Адеми посочи дека поддршката од ЕУ е особено значајна за руралните и мали општини, но и дека средствата што ЕУ ги двои за Македонија, ќе се зголемуваат со нашето приближување до полноправното членство.

„Поддршката од ЕУ за Македонија изнесува 90 милиони евра годишно, односно секој ден се издвојуваат по 260 илјади евра за поддршка во инфраструктурата, образованието и локалната самоуправа. Со почнување на преговорите, а потоа и со влезот во ЕУ, поддршката дополнително ќе се зголемува и тоа ќе значи повеќе пари за инфраструктура, нови патишта, водоводи, канализации, училишта и градинки. Тоа се повеќе европски пари за локален развој на сите општини, а со тоа и подобар и поквалитетен живот на сите граѓани“, порача Адеми.

При посетата на Арачиново и Шуто Оризари, пратеникот во Европскиот парламент, Флекентшајн, порача дека Македонија има силна поддршка за влез во ЕУ и дека граѓаните треба да излезат на референдумот за да ја искористат историската шанса што е пред нив.