Контакт

Македонија

На базен со маска, задолжително е туширање пред влегување во водата

Објавено пред

На денешната владина седница веше усвоен протоколот за работата на базените, кој вклучува носење маска на лицето и држење растојание, како и задолжително туширање пред влегувањето во базенот.

Протоколот за работа на базените во тек на пандемијата со Ковид-19, покрај почитувањето на основните превентивни мерки за лична заштита, определува задолжително пред билетарниците да се обележи растојание (место за чекање) од 1,5 до 2 метра. Меѓу вработениот и посетителот да се обезбеди растојание од 1,5 до 2 метра или заштитна бариера. Да се препорача и практикува бесконтактно плаќање со кредитни картички. Да се обезбеди и препорачува онлајн-купување билети.

При влез во базенскиот дел задолжително секој посетител да се истушира и да помине преку хиперхлорирана дезбариера за миење на нозете.

Пред влезот на базените задолжително е да се постави дезбариера (подлога) за дезинфекција на сите посетители и да се обезбеди средство за дезинфекција на рацете со известување за посетителите за задолжителна дезинфекција на рацете при влегување и да се постави пред влезот на сите простории во објектот.

Задолжително е редовно информирање на посетителите, а користењето на соблекувалните е дозволено по принципот еден посетител во една соблекувална, со воспоставување ред и незадржување од страна на назначени лица од редарската служба. Зачестено да се чистат и дезинфицираат соблекувалните на секои 2 часа (по потреба и почесто).

Сите вработени лица и посетителите до влегување во базенот задолжително да носат лична заштитна опрема на лицето, што подразбира каква било форма на заштита што ги покрива пределот на носот и устата, како и да одржуваат физичка дистанца од 1,5 до 2 метра, вклучително и во базенските води.

Се ограничува бројот на посетители во објектот во согласност со квадратурата на објектот, максимум 15 посетители на 100 м² нето-површина (вклучително и површината на базенот) или еден пливач на 7 м² во базенот и задолжително да се одредат лица што ќе го контролираат бројот на пливачи во базенот (во согласност со погоре наведениот норматив) и кои ќе го контролираат спроведувањетоп на мерките.

Протоколот ги утврдува и  другите санитарно-хигиенски мерки и препораки за вработените, кои се задолжуваат да водат евиденција за секој тренинг, организирана спортско- рекреативна активност или слободно користење на базенот од страна на граѓаните, со цел полесно епидемиолошко следење во случај на појава на заразен со Ковид-19. За секој посетител да се обезбеди податок за време и дата на посета/тренинг, име и презиме, телефонски број за контакт, име на тренерот/група/инструктор итн.

На базените не се препорачува користење угостителски услуги, а за оние во состав на хотелските капацитети, се препорачува почитување на горенаведените препораки, со напомена користењето на базенот да биде дозволено само за гостите на хотелот.

Македонија

Првпат по речиси два месеца бројот на активни случаи во земјава е под 3.000

Објавено пред

Институтот за јавно здравје денес регистрира намален број на активни случаи, односно вкупно 2.950 лица во моментов се заразени со Ковид-19.

„После подолг период, бројот на активни случаи е под 3.000. Последен пат под 3.000 активни случаи се регистрирани на 23 јуни. Поголемиот број на оздравени лица во споредба со новозаболените придонесува за намалување на бројот на активни случаи во континуитет во последниот период“, објаснуваат од Министерството за здравство.

Денеска се регистрирани и рекорден број на направени тестови на дневно ниво – 2.172, со што вкупната бројка на тестови во земјава достигна 123.122.

Потсетуваме, денес регистрирани беа 160 нови случаи на коронавирус, оздравени се 368 пациенти, а починаа 3 лица.

Од Министерството за здравство информираат дека мерките за заштита од Ковид-19 даваат резултати секаде каде што се почитуваат.

„Граѓаните сè повеќе се придржуваат до препораките на здравствените власти за спречување на ширење на коронавирусот, а пристапот на широко тестирање дава резултати во откривањето на асимптоматските случаи“, се наведува во соопштението.

Прикажи повеќе...

Македонија

Регистрирани 160 нови случаи на коронавирус, оздравени се 368 пациенти, а починаа 3 лица

Објавено пред

Во последните 24 часа се направени 2.172 тестирања, а регистрирани се 160 нови случаи на Ковид-19, и тоа во: Скопје – 38, Куманово – 19, Дебар – 1, Штип – 10, Прилеп – 4, Тетово – 20, Струга – 9, Велес – 3, Битола – 1, Охрид – 4, Кавадарци – 4, Гостивар – 13, Струмица – 2, Кочани – 4, Пробиштип – 1, Демир Хисар – 3, Македонски Брод – 2, Пехчево – 2, Берово – 2, Валандово – 1, Виница – 2, Делчево – 1, Свети Николе – 5, Кичево – 8, Неготино – 1.

Денеска, Институтот за јавно здравје регистрира 368 оздравени пациенти, и тоа од: Скопје – 117, Куманово – 34, Дебар – 60, Штип – 18, Прилеп – 5, Тетово – 32, Кавадарци – 5, Гостивар – 42, Гевгелија – 2, Струмица – 13, Крива Паланка – 9, Радовиш – 1, Крушево – 1, Кочани – 2, Пробиштип – 3, Македонски Брод – 1, Берово – 1, Виница – 1, Свети Николе – 16, Кичево – 1, Ресен – 1, Неготино – 3.

Починати се тројца пациенти, двајца од Скопје (60 и 72) и пациентка од Гостивар (53). Сите пациенти се починати во болнички услови.

Вкупната бројка на ковид-дијагностицирани во нашата земја од почетокот на епидемијата изнесува 12.515, бројката на оздравени пациенти е 9.030, на починати е 535, а во моментот бројот на активни случаи во земјата изнесува 2.950. Денес се евидентираат два контролни теста. Според завршените епидемиолошки анализи, во моментот дистрибуцијата по градови е следна:

• Скопје 5.325, активни 986
• Куманово 1.233, активни 243
• Дебар 224, активни 65
• Штип 1.027, активни 293
• Прилеп 352, активни 32
• Тетово 1.123, активни 156
• Струга 503, активни 169
• Велес 241, активни 28
• Битола 179, активни 78
• Охрид 305, активни 78
• Кавадарци 147, активни 106
• Гостивар 623, активни 264
• Гевгелија 27, активни 9 (*7 лица од ПЕ Гевгелија се жители на Дојран, 4 на Богданци)
• Струмица 49, активни 20
• Крива Паланка 28, активни 5
• Радовиш 36, активни 8
• Крушево 16, активни 2
• Кочани 128, активни 34
• Пробиштип 67, активни 18
• Демир Хисар 53, активни 34
• Македонски Брод 63, активни 48
• Пехчево 8, активни 2
• Берово 12, активни 7
• Валандово 8, активни 2
• Виница 44, активни 39
• Делчево 7, активни 2 (*4 лица од ПЕ Делчево се од Македонска Каменица)
• Кратово 15, активни 3
• Свети Николе 258, активни 67
• Кичево 234, активни 133
• Ресен 146, активни 9
• Неготино 34, активни 10 (*10 лица од ПЕ Неготино се жители на Демир Капија)

Направените 2.172 теста се преку: ИЈЗ – 851, ЦЈЗ Скопје – 35, „Авицена“ – 174, „Биотек“ – 356, МАНУ – 94, „Жан Митрев“ („Филип Втори“) – 267, „Систина“ со PCR-метода – 264, Судска медицина – 14, ЦЈЗ Битола – 102, Инфективна клиника – 8, ГАК – 7. Досега во земјата се направени вкупно 123.122 тестирања на Ковид-19. Денеска нема тестирања во рамките на скринингот.

На Инфективната клиника во изминатите 24 часа примени се 13 пациенти. Вкупно се хоспитализирани 83 пациенти. На кислородна поддршка се 43 пациенти, нема на механичка вентилација.

Во болницата во Козле хоспитализирани се 13 возрасни пациенти позитивни на ковид-19, 6 деца позитивни на вирусот и 3 пациенти суспектни.

Во ГОБ „8 Септември“ примени се 15 нови, вкупно хоспитализирани се 72 пациенти. На респираторна машина се 5 пациенти.

Во болницата во Битола хоспитализирани се 26, а во болницата во Штип – 45 пациенти. На инфективните одделенија во Тетово, Охрид, Велес, Куманово, Прилеп, Гостивар, Струмица и во Струга хоспитализирани се 106 пациенти позитивни и сомнителни на Ковид-19.

Активни случаи по општини во Скопје денеска (по завршување на епидемиолошките анкети, може да има измена во дистрибуцијата по општини во Скопје)

• Чаир – 138
• Аеродром – 125
• Бутел – 66
• Гази Баба – 112
• Центар – 86
• Карпош – 103
• Сарај – 35
• Кисела Вода – 81
• Ѓорче Петров – 69
• Студеничани – 32
• Шуто Оризари – 67
• Арачиново – 18
• Илинден – 17
• Петровец – 5
• Чучер Сандево – 9
• Сопиште – 12
• Зелениково – 6
• Странец – 3
• Нераспределен – 2

Прикажи повеќе...

Македонија

Според ДУИ, албанската опозиција ги поткопува позициите оти не се појавиле на средбата со Ахмети

Објавено пред

ДУИ ја обвини опозицијата дека го напуштила Сојузот на албанските парламентарни партии, кој бил основан по парламентарните избори од 11 декември 2016 година преку заедничката декларација на партиите претставени во претходниот собраниски состав.

Со недоаѓањето на состанокот што го свика вчера Ахмети на годишнината од Рамковниот договор опозицијата заборавила на своите ветувања, велат од ДУИ. Од партијата нагласуваат дека Ахмети лично им се јавил телефонски на сите претседатели на партиите од албанскиот блок.

ДУИ тврди дека Гаши изразил подготвеност за средбата и по консултациите со Зијадин Села, се откажал. Села, пак, како што велат од ДУИ, барал состанокот да биде одржан по верификацијата на мандатите, но и тој се премислил. Касами од Беса ја прифатил поканата, а Тачи, по првиот разговор, не се јавил повеќе.

„Сите наеднаш заборавија на своите ветувања и средбата со Ахмети ја заменија со средба со Заев чекајќи на ред и не почитувајќи ја волјата на Албанците и намерно обезвреднувајќи ги преговарачките позициите на Албанците. Уште од предизборието, па и потоа, овие партии ги променија своите ставови неколкупати по ред. Затоа, вчерашниот состанок беше свикан за да се дискутира во однос на нашите заеднички приоритети, а не да се обезбеди поддршка, туку да ги поканиме да споделиме одговорности и заеднички да станеме дел од градењето на историјата и да ги споделиме успесите“, велат од ДУИ.

Партијата обвинува дека албанските партии, без никаква причина, одлучиле да го напуштат Сојузот, а со и искрената понуда од ДУИ да ги споделат одговорностите.

Прикажи повеќе...

Најново

Економија2 часа

Костовски за „Еуростандард банка“: Погрешивме со изборот на Управниот одбор, тие нè наместија

Бизнисменот Трифун Костовски, сопственик на „Еуростандард банка“ денеска ја обвини Народната банка и потесното раководство на Управниот одбор на банката...

Македонија3 часа

Регистрирани 160 нови случаи на коронавирус, оздравени се 368 пациенти, а починаа 3 лица

Во последните 24 часа се направени 2.172 тестирања, а регистрирани се 160 нови случаи на Ковид-19, и тоа во: Скопје...

Македонија4 часа

Според ДУИ, албанската опозиција ги поткопува позициите оти не се појавиле на средбата со Ахмети

ДУИ ја обвини опозицијата дека го напуштила Сојузот на албанските парламентарни партии, кој бил основан по парламентарните избори од 11...

Македонија6 часа

Aлијансата и Алтернативата: Сѐ уште не сме во преговори со Заев

Коалицијата „Алијанса за Албанците – Алтернатива“ на прес-конференција рече дека засега немале средби со СДСМ и лидерот Заев за евентуалното коалирање....

Македонија7 часа

Србија воведе задолжителен ПЦР-тест за македонските граѓани

Странците што доаѓаат во Србија од одредени земји ќе мора да имаат негативен ПЦР-тест не постар од 48 часа, одлучи...

Топ7 часа

Воз удри во „ситроен“ во Тетово, две лица се повредени

Две лица се тешко повредени кога воз удрил во „ситроен“ пред влезот на железничката станица во Тетово. Како што информира...

Топ9 часа

Убиство во Инџиково – му барале пари, па го застрелале пред сопругата

Четириесет и деветгодишен жител на скопското село Инџиково синоќа бил убиен во својот дом. Според информациите на полицијата, зад убиството...

Македонија9 часа

Апасиев најавува предлог-мерки за реформа на банкарскиот сектор, ќе бара и канцеларија во Собранието

Пратеникот од Левицата, Димитар Апасиев, најави дека партијата набгру ќе предложи мерки за реформа на банкарскиот сектор по случувањата со...

Македонија10 часа

Црна Гора ги отвора границите за македонските граѓани

Директорот на Институтот за јавно здравје, Бобан Мугоша, изјави дека Црна Гора од утре ќе ги отвори своите граници за...

Топ10 часа

Уапсен тетовец, кој запалил две возила на ЕВН

Пожарникарите во Тетово во текот на ноќта интервенирале на две запалени возила, сопственост на компанијата „ЕВН Македонија“, на две одвоени...

Свет11 час

Германка заразена со Ковид-19 ќе плати глоба од 10 илјади евра бидејќи го напуштила карантинот

Судот во Австрија казни жена со 10.800 евра бидејќи го напуштила карантинот додека била заразена со коронавирус. Регионалниот суд во...

Свет11 час

СЗО: Руската вакцина не е меѓу деветте кои се во напредна фаза на тестирање

Светската здравствена организација соопшти дека вакцината одобрена од Русија оваа недела не е меѓу деветте, за кои се смета дека...

Свет13 часа

Поради поплаките на Трамп, се менува стандардот за тушевите

Кога американскиот претседател, Доналд Трамп, повеќепати се пожали дека не му се допаѓа начинот на кој работат тушевите, американските власти...

Свет22 часа

(Видео) Маж спасен во последната секунда, му се заглавила инвалидската количка во пругата додека доаѓал воз

Камера од опремата на полицајка во Калифорнија сними неверојатно спасување во последен миг на лице со попреченост, чијашто инвалидска количка...

Свет22 часа

Израел и Обединетите Арапски Емирати постигнаа историски договор со посредство на Трамп

Претседателот на САД, Доналд Трамп соопшти дека телефонски разговарал со лидерите на Израел и Обединетите Арапски Емирати и дека е постигнат...

Европа23 часа

Белгија воведува пилот програма за брзо тестирање на Ковид-19 во домашни услови

Илјадници студенти од белгискиот Универзитет во Лијеж од септември секоја недела дома ќе собираат примерок од плунката за брз тест...

Македонија1 ден

Пендаровски: Заев ќе го врати мандатот ако не обезбеди мнозинство

Зоран Заев го добил мандатот поради тоа што истекуваат уставните рокови, сепак, ако не успее да формира Влада, мандатот ќе...

Македонија1 ден

Заев и Ахмети по средбата: Постојат добри основи за напредок

Попладнево заврши работната средба меѓу СДСМ и коалицијата “Можеме” и ДУИ на која учествуваа претседателите Зоран Заев и Али Ахмети...

Македонија1 ден

ВМРО-ДПМНЕ ги замрзнува односите со Пендаровски

ВМРО-ДПМНЕ донесе заклучок дека од овој момент ги замрзнува односите и комуникацијата со претседателот Стево Пендаровски и ќе ги преиспита...

Топ1 ден

Женско тело извадено од водите на Пчиња

Безживотно женско тело било забележано во водите на реката Пчиња. Како што информираат од полицијата, телото било пронајдено вчера под...

Досие