Контакт

Македонија

(Видео) Заев: Време е новата Влада да продолжи со воведување на европските стандарди за трансформација на земјата

Објавено пред

Претседателот на Владата Зоран Заев денеска ги претстави министрите во новоизбраната Влада на приемот што по тој повод го организираше претседателот на државата Стево Пендаровски.

Веднаш по приемот во претседателската резиденција на Водно, премиерот Заев имаше изјава за медиумите која што ви ја пренесуваме во целост во продолжение на ова соопштение:

„ Како што доликува, и како што налага редот, после победата на изборите и изборот на новата Влада во Собранието на Република Северна Македонија, денеска ја имав честа да го претставам новиот состав на извршната власт и пред претседателот на државата, кој, врз основа на резултатите од изборите ми го довери мандатот да ја формирам владата и да ја одбранам програмата за нејзината работа во мандатот што следува – од 2020 до 2024 година.

Ги уверив коалиционите партнери за време на изборите дека имаме силни и заеднички аргументи да се обединиме прво како целосно мултиетничка коалиција „Можеме“ заедно со партијата БЕСА, и таа обединетост да ја зајакнеме уште повеќе и со другите партнери ДУИ и ДПА во владината коалиција.

Така обединети во различностите, заеднички и многу бргу, за мандатот што е пред нас, ја создадовме Програмата за работа на Владата за периодот 2020-2024 година која нуди решенија за сето она што е важно за сите граѓани, за државата и за нашата заедничка иднина.

Имаме силни аргументи да го убедиме претседателот на државата Пендаровски дека нè обединува искрена определба и политичка волја за засилено исполнување на стратешките приоритети на нашата земја: Успешно и ефикасно справување со светската пандемија со КОВИД-19, нова енергија и решителност во создавање подинамичен економски раст, одржлив развој, силни институции со ред, правда, ефикасна правна држава и владеење на правото, модерно образование, внатрешна кохезија, активно членство во НАТО, силна волја за успешен почеток и завршница на преговорите по поглавја за членство во Европската унија, и добри меѓуетнички и меѓусоседски односи.

Новата македонска економија и забрзаниот економски раст се на првите страници на Програма за работа на Владата за мандатот 2020-2024 година.

Во претходните три години, во време на решавање на најголемите отворени прашања на надворешен и внатрешен план, покажавме дека можеме да обезбедиме повисок економски раст кој создава нови работни места, паралелно со повисоки плати и пензии.

Имаме план за иновативна, стабилна конкурентна македонска економија, подготвена да одговори на новите предизвици и да понуди шанса за секој. Следува период на структурни реформи во јавната администрација, за да стане уште поефикасна. Граѓаните и стопанството во неа да препознаат силен и доверлив партнер.

Реформата во институциите започнува токму со составот на оваа Влада: Таа ќе има седум министри помалку, за уште поефикасна работа во интерес на граѓаните. Доаѓа време на ред, правда и дисциплина, време на прочистување на правосудството и неселективно владеење на правото.

Неповторливи се четирите години пред нас. Ние тоа добро го знаеме и нема да ја пропуштиме шансата и довербата што ни е дадена. Во претстојните години продолжуваме со воведување на европските стандарди дома за трансформација на нашата земја на подобро во сите сфери. Ќе ја довршиме со уште еден успех нашата евро-атлантска приказна со членство во ЕУ.

Во следните четири години ќе отвориме 80 отсто од преговарачките поглавја, а за шест години целосно да ги затвориме преговорите. Ќе ја добиеме битката со КОВИД-19. Се најавуваат сложени времиња во следните шест до осум месеци. Но, успешните здравствени политики на овој план обезбедија ефикасен здравствен систем и мотивиран и посветен здравствен кадар. На тоа, постојано ќе работиме, а фокусот на нашето внимание за поголеми шанси за успех ќе биде на експертизата и научниот пристап, во кој главен збор има струката со која ќе се стремиме за единство при носење на одлуки.

За да се реализираат овие програмски определби, имаме тим од посветени, одговорни и отчетни кадри кои ќе ги предводат министерствата. Станува збор за компактен тим од поединци со силно и значајно политичко искуство и личности со значајно стручно знаење и експертиза. Ова ќе биде мала ефикасна Влада. Влада која ќе воспостави ритам на трансформација заедно со граѓаните и со Европската Унија.

Уште еднаш им благодарам на сите граѓани кои со своите гласови ја потврдија исправноста на патот по кој се движиме напред. Сега е време да сработиме и да доработиме. Да продолжиме со силни чекори до подобра иднина за сите“.

Македонија

(Видео) Заев: СДСМ останува локомотива за напредокот на македонската држава

Објавено пред

Со задоволство сакам да соопштам дека денеска СДСМ одржа успешен 26. Конгрес, а веднаш потоа и прва седница на новоизбраниот Централен одбор на партијата, изјави на вечерашната прес-конференција, претседателот на СДСМ, Зоран Заев.

Тој нагласи дека Социјалдемократскиот сојуз е како локомотива за напредокот на македонската држава и гарант за исправниот колосек кој, како што рече, води до подобра иднина за граѓаните.

„Денес СДСМ покажа силно, одлучно, вредно, социјалдемократско единство – СДСМ повторно покажа одговорност и државничко однесување. Тимот што победува не се менува, туку самиот го надградува и унапредува победничкиот менталитет. Таквата особина ја имаат државотворните партии како СДСМ“, истакна Заев.

Тој потврди дека на 26. Конгрес на партијата е избрана новата заменик-претседателка на СДСМ.

„Тоа е нашата другарка, Сања Лукаревска. Со нејзиниот избор, испраќаме уште една силна и недвосмислена порака: СДСМ е партија која гради човечки капацитети, родово рамноправна партија, која ги препознава и вреднува и младоста и квалитетот. Сања е еден од најсилните поддржувачи и спроведувачи на концептот Парите кај граѓаните, но и на редот и дисциплината во фискалните политики“, нагласи партискиот лидер.

Тој посочи дека новиот состав на Централниот одбор е освежен, однсно 2/3 од него се нови лица кои досега не биле членови на највисокиот орган на партијата, а остантите 1/3 веќе биле членови.

„Од 120 членови во новиот Централен одбор 60 се жени, 60 мажи – целосна родова еднаквост. Млади се 45 членови, што е застапеност од над 37,5 проценти, досега највисоко и кај нас во СДСМ и во било која друга партија во Северна Македонија. Подмладен значи и подобар СДСМ, прв во промените, прв во вредностите, носител на новото време. Младите се движечка сила на секоја партија, на секое општество“, порача Заев.

Тој нагласи дека меѓу членовите на ЦО има Македонци, но и припадници на албанската, турската, ромската, бошњачката, српската и влашката етничка заедница.

Заев информира дека Централниот Одбор денеска ја одржал и својата конститутивна седница.

„На седницата беа избрани претседавач на ЦО, членови на ИО на СДСМ, генерален секретар, организационен секретар, секретар за меѓународна соработка, како и четири потпретседатели на партијата. За претседавач на ЦО е избран Перо Костадинов, актуелниот градоначалник на Валандово. За членови на ИО се избрани: Ана Данева Маркова, Стефан Богоев, Нина Фити, Димитар Ковачевски, Милена Стефановиќ, Костадин Костадинов, Адријана Будимир, Благоја Бочварски, Рената Јајоска, Петре Шилегов, Софија Пејкова, Мухамед Зеќири, Мелиса Ценовска Серафимовска, Никица Бачовски, Тања Томиќ, Дарко Каевски, Јована Тренческа и Васко Ковачевски. Од 18 члена 9 се жени, 6 доаѓаат од младите редови на СДСМ“, истакна претседателот на социјалдемократите.

Заев потврди дека за генерален секретар на партијата е реизбран Љупчо Николовски.

„Партијата е во полн погон, а Љупчо ќе обезбеди уште позасилено дејствување на СДСМ како модерна, динамична, организирана, европска партија. И уште еднаш ја потврдуваме заложбата за уштепозасилена борба против корупцијата и криминалот, за ред, правда и дисциплина на сите полиња“, нагласи тој.

За потпретседатели на СДСМ, Централниот одбор ги избрал: Фатмир Битиќи, Мила Царовска, Оливер Спасовски и Венко Филипче, а организационен секретар назначен е Мартин Попов.

За секретар за меѓународна соработка избран е Бојан Маричиќ.

„Добивме нова свежина, нов полет кои заедно со искуството ќе придонесе за уште подобро функционирање на партијата во интерес на државата и граѓаните. Од 18 члена во ИО само 5 се од стариот состав, од четворица потпретседатели, двајца се нови“, нагласи Заев.

Претседателот на СДСМ подвлече дека заедно со новиот Централен одбор, Надзорен одбор, Извршниот одбор, но и со целото раководство, партијата и натаму ќе остане прва во промените.

„Сега заедно почнуваме ново четиригодишно поглавје, со јасно зацртани цели, пат на кој повторно ќе одиме заедно, храбро и одлучно. Тоа e патот напред за кој добро знаеме дека можеме да го пробиваме“, истакна Заев.

Прикажи повеќе...

Македонија

Потпретседатели на СДСМ ќе бидат Филипче, Битиќи, Спасовски и Царовска

Објавено пред

Венко Филипче, Фатмир Битиќи, Оливер Спасовски и Мила Царовска се избрани за нови потпретседатели на СДСМ на вечерашниот Конгрес.

Во новиот состав на Централниот одбор на владејачката СДСМ има 120 членови, а за предложената листа, гласале 668 делегати, а шест биле против.

Меѓу нив има познати имиња како Андријана Будимир, Ана Данева Маркова, Софија Пејкова, Нина Фити – Неделковска… Тие имаат мандат од четири години.

Љупчо Николовски останува генерален секретар на партијата.

Избран е и новиот состав на Надзорниот одбор, составен од 9 члена.

Досегашните потпретседателски функции ги имаа Мила Царовска, Коста Петров, Оливер Спасовски и Мухамед Зекири.

По речиси три децении на клучни партиски позиции, заменик-претседателката на СДСМ, Радмила Шекеринска, се повлече од функцијата, а на нејзино место, на предлог на Заев и со 682 гласа „за“ и два „против“, беше избрана актуелната директорка на Управата за јавни приходи, Сања Лукаревска.

Прикажи повеќе...

Македонија

Тетовската полиција најави кривични за „балистите“ кои на трибини ја славеа титулата на „Шкендија“

Објавено пред

Тетовската полиција најави кривични пријави против навивачите на тетовскиот фудбалски клуб „Шкендија“, познати како „балисти“ кои денеска влегоа на трибините на стадионот во Тетово додека беше во тек натпреварот меѓу „Шкендија“ и „Шкупи“, и покрај забраната за присуство на навивачи поради пандемијата.

„Навивачите ги прекршија мерките кои се пропишани за спречување на ширење на Ковид-19“, соопштија од тетовската полиција.

Инцидентот фрли дамка на последното коло во првата македонска фудбалска лига, откако „балистите“ и покрај забраната за присуство на навивачи, тргнаа да ја прослават новата титула.

Мечот беше прекинат на 15 минути пред крајот затоа што гостинските фудбалери се повлекоа во соблекувалните.

Како што информираат од полицијата, по преземените мерки, се обезбедиле услови за регуларна завршница на мечот. Трибините биле испразнети, а натпреварот заврши со резултат 1-1.

Против прекршителите ќе бидат изготвени поднесоци, информира портпаролот на СВР Тетово, Марјан Јосифоски.

Прикажи повеќе...

Најново

Македонија5 часа

(Видео) Заев: СДСМ останува локомотива за напредокот на македонската држава

Со задоволство сакам да соопштам дека денеска СДСМ одржа успешен 26. Конгрес, а веднаш потоа и прва седница на новоизбраниот...

Македонија10 часа

Лукаревска избрана за заменик-претседателка на СДСМ

Сања Лукаревска е новата заменик-претседателка на СДСМ, беше одлучено на денешниот 26. Конгрес на партијата. Таа беше изгласана со 682...

Свет11 час

Нетанјаху со благодарност до земјите кои го поддржале Израел, меѓу нив и Македонија

Израелскиот премиер, Бенјамин Нетанјаху на социјалните мрежи им се заблагодари на владите на голем број земји во светот за, како...

Македонија12 часа

Регистрирани се 62 нови случаи на Ковид-19, починати се 14 лица

Министерството за здравство информира дека во последните 24 часа се направени 2.557 тестирања, а регистрирани се 62 нови случаи на...

Свет15 часа

(Видео)10 годишно девојче во урнатините на Газа, низ солзи вели: Не можам да го трпам ова, јас сум само дете

Жестоките напади меѓу Израел и Хамас се најтешки за луѓето во Газа, каде што луѓето умираат секој ден – претежно...

Свет16 часа

Курц: Целта на истрагата е да ме отстранат од функцијата

Австрискиот канцелар Себастијан Курц оцени дека целта на поднесената пријава против него, поради наводни лажни изјави пред истражниот одбор во...

Свет17 часа

Гутереш запрепастен од страдањата на цивилите во Газа

Генералниот секретар на ООН, Антонио Гутереш е „шокиран“ од страдањето на цивилите во Газа, рече неговиот портпарол. „Генералниот секретар е...

Свет18 часа

(Видео) Немирна ноќ во Газа, истрелани околу 120 ракети, бројот на загинати и повредени расте

Израелската армија објави дека 120 проектили биле истрелани од Појасот Газа во текот на ноќта. Продолжена е вонредната состојба во...

Свет1 ден

Нетанјаху до Бајден: Израел не сака да повредува лица кои не се вклучени во борбата со Хамас

Израелскиот премиер Бенјамин Нетанјаху денеска му соопшти на американскиот претседател Џо Бајден дека Израел „прави се за да избегне повреда...

Македонија1 ден

13 починати и 112 нови случаи на Ковид-19 од 4.196 тестови

Министерството за здравство информира дека во последните 24 часа се направени 4.196 тестирања, а регистрирани се 112 нови случаи на...

Свет2 дена

(Видео) Израел во Газа уништи зграда во која се канцелариите на „Ал-Џезира“ и светски агенции

Израел во воздушен напад уништи зграда во која се сместени канцелариите на катарската телевизија „Ал-Џезира“, како и на светските новински...

Македонија2 дена

Заев: Законот за дивоградбите ќе се врати во Собрание, мора да ги спасиме домовите на сиромашните

Премиерот Заев вели дека не се откажува од носењето на Законот за легализација на дивоградбите. Откако претседателот Стево Пендаровски не...

Македонија2 дена

Родителите против дигитализација: Преку референдум ќе ги спасиме нашите деца

Oдборот на граѓанската иницијатива „Учебници и настава мора да има“ денеска одржа протест пред Министерството за образование, противејќи се на...

Македонија2 дена

Пристигнаа 100.000 кинески вакцини, на кутиите порака: „Пријателот во неволја е поблизок од брат“

Солидарноста и помошта тогаш кога е најпотребна, ја враќаат вербата во човештвото, напиша на социјалните мрежи министерот за здравство, Венко...

Македонија2 дена

МНР ги советува македонските граѓани да не патуваат во Израел

Министерството за надворешни работи, имајќи ја во предвид ескалацијата на безбедносната состојба во Израел, сугерира на македонските државјани да избегнуваат...

Македонија2 дена

Во болниците низ земјава има 536 ковид-пациенти, во Скопје за 24 часа хоспитализирани 22 лица

Вкупната бројка на пациенти позитивни и суспектни на коронавирусот кои се лекуваат на инфективните оддели во главниот град и во...

Свет2 дена

Најмалку 12 загинати во воздушнитe напади на Газа, срушена е и џамија

Палестинските власти потврдија дека најмалку 12 лица загинaле денеска во еден од неколкуте воздушни напади на северот на Појасот Газа,...

Македонија2 дена

Се исфрла мајонезот од исхраната во градинките, по труењето на децата во кумановската градинка

Министерството за труд и социјална политика соопшти дека ќе направи целосна ревизија на нормативите и стандардите за исхрана и оброци...

Македонија2 дена

Починатата 33 – годишна пациентка имала четири операции, а не една како што било заведено во отпусното писмо

Семејството на 33-годишната пациентка, на која ѝ беше изваден миом од матката, го објави отпусното писмо и јавно бара одговорност...

Свет2 дена

Русија официјално ги прогласи Чешка и САД за непријателски земји

Руската влада денеска официјално ги означи Чешка и САД како „непријателски земји“. Како што беше објавено на официјалниот портал за...

Досие