Контакт

Македонија

Заев на Тиранскиот економски форум: Никогаш нема да разговараме за она за што не може да се разговара

Објавено пред

Европската Унија да ги исполни ветувањата за Западен Балкан, порача претседателот на Владата, Зоран Заев, кој денеска учествуваше на утринскиот панел на Тиранскиот економски форум 3 на темата „ЕУ и Западен Балкан: исполнување на долго очекуваните ветувања“, кој заради пандемијата со Ковид-19 се одржа онлајн.

Заев рече дека Македонија била првата земја од регионот која го потпишала Договорот за стабилизација и асоцијација во 2001 година. Само 4 години подоцна стана и земја кандидат на членство во ЕУ, а веќе во 2009 ја доби и првата позитивна препорака за отпочнување на преговори со ЕУ. Сепак, 16 години подоцна, сè уште сме во чекалната на ЕУ, вели Заев.

Премиерот истакна дека неговата задача е да носи тешки и храбри одлуки, во интерес на граѓаните. Затоа, пред 4 години беа отворени најгорливите дипломатски прашања со нашите соседи и затворени во духот на добрососедството, современата мултилатерална политика и желбата за обединет регион кој просперира храбро напред.

Заев вели дека Северна Македонија е крстосница на многу цивилизации, на многу етиникуми и на многу културолошки вмрежувања, но политичкиот екосистем е ранлив бидејќи граѓаните не може да продолжат да живеат само со идеја, туку неопходна е храбра политичка акција.

„Северна Македонија никогаш немала друг интерес освен мирно и достоинствено да кохабитира со своите соседи и со сите нации и етникум во Европа. Но, да бидам кристално јасен и да го повторам уште еднаш ставот на Владата. Ние никогаш нема да си дозволиме да разговараме за она за што не може да се разговара. А тоа е кои сме, кои се нашите идентитетски атрибути и која е генезата на нашата државност и јазик“, порача Заев.

Тој им се заблагодари на комесарот Оливер Вархеjи и сите политички и административни чинители кои се активен дел од процесот, посебно околу помошта која ни била дадена и која допрва треба да стигне во справувањето со економските последици кои ги доживеавме поради кризата со Ковид-19.

Заев  истакна дека Владата ред три дена го усвои планот: „Европа дома“. Со овој план, рече Заев, ние јасно и гласно декларираме што оваа Влада ќе прави во однос на евроинтеграциите и процесите кои истата ги носи.

„Независно од расположението во соседството или во Брисел, ние сме посветени на доброто на нашите граѓани. Ги земаме најдобрите европски практики и ги вткајуваме во националното ткиво“, рече Заев.

Премиерот повтори дека Северна Македонија го заслужува местото во Европската Унија и дека природно припаѓа во европското семејство народи.

На панелот учествуваа и премиерката на Србија, Ана Брнабиќ, претседавачот на Советот на министри на Босна и Херцеговина, Зоран Тегелтија, и еврокомесарот за проширување, Оливер Вархеји.

Македонија

(Видео) Петрушевски: Седат Пекер имал двоен матичен број и бил во зградата на владата

Објавено пред

Лице кое ги обединува аферите Мафија 1 и 2 е Седат Пекер, тој имал лична карта со украден идентитет – Џедан Ахмедовски, а тој Џедан Ахмедовски имал и втор матичен број на име на Џеладин Ахмедовски, тврди Бране Петрушевски, пратеник од ВМРО-ДПМНЕ.

Тој вели дека премиерот Зоран Заев мора да одговори што барало ова лице на средби со негови коалициони партнери и дали Седат Пекер имал средби во владата и доколку да, со кого?

„Дали на такви средби е разговарано за некакви бизниси и дали во тоа е вклучен неговиот брат Вице? Спасовски и Заев биле мрежа и логистика на ваквите незаконски дејанија и затоа треба да си поднесат оставка, а министерот Спасовски испаѓа дека не се борел против мафијата туку станал нејзин најдобар другар. Повикуваме ЈО веднаш да утврди и да изврши увид во целокупниот изборен материјал во ДИК и да се утврди колку од овие лица го оствариле два пати своето право на глас, и како со тоа е влијаено на изборниот резултат“, рече Петрушевки.

Според него, се отвора сериозен сомнеж дека на власт имаме коалиција која ги украла изборите.

Прикажи повеќе...

Македонија

Докторите ѝ се поклонија на девојката чие семејство одлучи да ги донира нејзините органи

Објавено пред

На Клиниката за кардиохирургија ноќеска беше извршена втората трансплантација на срце во Македонија. Станува збор за 27-годишно момче кое доби срце од почината млада девојка.

Министерот за здравство, Венко Филипче, објави фотографија, која ја нарече историска, а на која докторите ѝ се поклонуваат на девојката чие семејство одлучи да ги донира нејзините органи.

Историска фотографија, докторите и се поклонуваат на младата девојка чие семејство одлучи да ги донира нејзините органи….

Posted by Венко Филипче on Saturday, April 17, 2021

 

„Историска фотографија, докторите ѝ се поклонуваат на младата девојка чие семејство одлучи да ги донира нејзините органи. Нејзиниот млад живот трагично згасна, но нејзиното срце спаси друг млад живот. Нема зборови со кои може да се искаже благодарноста кон семејството. Нема зборови со кои може да се опише алтруизмот и големината на чинот на органодарителство. Во моменти на длабока тага да се донесе одлука за донирање на органите на блиските е дефиниција за хуманост“, напиша Филипче.

Претходно, тој ја објави веста дека трансплантацијата завршила успешно.

Прикажи повеќе...

Македонија

Продолжен рокот за пријавување за вакцинација за новинари и медиумски работници

Објавено пред

Здружението на новинарите на Македонија (ЗНМ) и Самостојниот синдикат на новинари и медиумски работници (ССНМ) ги информираат новинарите и медиумските работници дека рокот за пријавување за втората фаза од вакцинацијата против Ковид-19 е продолжен и трае до 23 април (петок).

На овој повик нема ограничувања и може да се пријават сите новинари и медиумски работници кои имаат активен ангажман поврзан со некој медиум, како и слободни новинари и медиумски работници.

Имунизацијата, во соработка со Министерството за здравство се очекува да биде организирана наскоро, за што пријавените навремено ќе бидат известени, како за термините, така и за локацијата.

Лицата кои се пријавија на првиот повик, а кои не ги исполнија условите за првата фаза од вакцинацијата, се ставени на списокот за вториот круг на вакцинирање.

Повеќе информации се објавени ТУКА.

Во врска со терминот и локацијата за вакцинирање, пријавените ќе бидат контактирани од претставник на Министерството за здравство или од претставник од новинарските организации.

Прикажи повеќе...

Најново

Македонија53 минути

Одбраната на Камчев поднесе кривични пријави за судиите кои му одредија притвор

Одбраната на Орце Камчев поднесе кривични пријави против судиите кои му го продолжија притворот за уште 30 дена за предметот...

Регион1 час

Рама тврди дека го видел документот со промена на границите на Западен Балкан

Албанскиот премиер, Еди Рама, го потврди постоењето на мапа во врска со промената на границите на Западен Балкан, пренесува Газета Експрес....

Свет2 часа

Русија им забрани влез на високи претставници на администрацијата на Бајден

Русија воведе забрана за влез на високи претставници на САД. Меѓу нив се и јавниот обвинител Мерик Гарланд и министерот...

Македонија2 часа

Извршена втора трансплантација на срце во Македонија кај 27-годишно момче

Ноќеска во Македонија беше извршена втората трансплантација на срце на Клиниката за кардиохирургија. Станува збор за 27-годишно момче кое доби...

Регион16 часа

Јанша го негира нон-пејперот: Тој документ не постои

Нема документ, па дури и нон-пејпер, со кој Словенија би се залагала за промена на границите на Балканот, е пораката...

Македонија18 часа

Судот одреди домашен притвор за Драги Рашковски

Ексгенералниот секретар на Владата, Драги Рашковски, доби домашен притвор, кој му е изречен од Кривичниот суд. Судијата кој одлучуваше, го...

Македонија20 часа

Заев за Рашковски: Нема недопирливи, но никој не е виновен додека за него не се докаже вина

Во однос на истрагата за поранешниот генерален секретар на Владата, Драги Рашковски, премиерот Заев вели дека нема недопирливи, но пресумцијата...

Македонија23 часа

Богдановиќ укажува дека ако се суспендира планот за зградите кај „Холидеј ин“, штетата ќе ја платат граѓаните

Во стариот Закон за урбанистичкото планирање општините немаа никакво ограничување за тоа колку да трае суспензијата или неспроведувањето на плановите...

Македонија23 часа

Филипче: Ќе преговараме Институтот „Торлак“ да ни стане стратешки партнер за набавка на вакцини

Министерството за здравство следната недела ќе преговара со српскиот Институт за вирусологија, вакцини и серуми „Торлак“ да стане наш стртепки...

Свет1 ден

СЗО: Стапката на новозаразени се ближи до нов рекорд

Бројот на нови случаи на коронавирус во светот на неделно ниво е речиси двојно зголемен во последните два месеца и...

Европа1 ден

Првите „ковид-фри“ возови од денес превезуваат патници од Рим до Милано

Денес, тргнуваат специјални „ковид-фри“ возови, во кои патниците ќе може да се качуваат само со негативен тест на коронавирус, што...

Регион1 ден

„Фајзер“, „спутник В“ или „Синофарм“ – истражување во Србија покажа која вакцина штити најбргу

Граѓаните на Србија развија имунитет најбргу со вакцината на „Фајзер“ и тоа две недели по првата доза, што е за...

Македонија1 ден

Во болниците во земјата се лекуваат 1.708 ковид-пациенти

Во изминатите 24 часа во ковид-центрите во болниците во земјата е пријавено дека се лекуваат вкупно 1.708 пациенти со коронавирус...

Регион1 ден

Србија ги отвора училиштата

Кризниот штаб на Србија донесе одлука децата да се вратат на училиште. Според членот на Кризниот штаб, Предраг Кон, состојбата...

Македонија1 ден

Приведен Драги Рашковски, Обвинителството бара притвор

Полицијата го приведе поранешниот секретар во кабинетот на премиерот и поранешен генерален секретар на Владата, Драги Рашковски, во рамките на истрагата...

Европа2 дена

Четири лица починаа по примањето на вакцината на „Астразенека“ во Италија

Четири лица во Италија починаа од ретки тромби, откако беа вакцинирани со вакцината на „Астразенека“, се вели во извештајот на...

Македонија2 дена

Во Македонија 890 нови случаи на коронавирус, 35 лица починаа

Во последните 24 часа во Македонија се потврдени 890 нови случаи на коронавирус, 35 лица починаа, а оздравени се 1.024...

Македонија2 дена

Мицкоски: Илјадници луѓе се заведени во Избирачкиот список со два матични броја

Лидерот на опозицијата, Христијан Мицкоски, на денешниот брифинг со новинарите обелодени нов скандал со назив „Мафија 2“, кој се однесува...

Европа2 дена

Фон дер Лаен обвинета за кршење на дипломатскиот протокол

Претседателката на Европската комисија, Урсула фон дер Лаен, е обвинета за кршење на дипломатскиот протокол како одговор на поканата на...

Македонија2 дена

Кинеските вакцини ќе пристигнат на 28 април

Министерот за здравство најави дека на 28 април во земјата ќе стигнат 200 илјади кинески вакцини додавајќи дека потврдата ја...

Досие